حدث هذا اليوم ......جزاء ســـارق في الجلفة (خاص جدا )

[fares rog]

- بصح كاينة سرقة من سرقة ،، كاين أنواع . أنت الشاب الي راك تحكي عليه مع أخته .
هما ضربوه بالموس كيما راك تقول يتسمى عندهم 20 سنة حبس تاع القتيلة مع السبق الاصرار والترصد عندهم برابات .
متخافش يدخلوهم للحبس .. لي قتل هذا الشاب يدخولوه والبقية كول واحد يخلصها .
بصح لي يسرق الكباش .... بلا مادار اتهديد ولا اي حاجة .
واش دارلكم ... ملحقش روحو الله غالب ...... اديوه للحبس خير

[fares rog]

ياو قاع كيفيكف انا نقوللهم باه نسلك شوية أجيال ،، بلاك ندخل للجنة علا جالهم .

[z.abdo]

المشاركة الأصلية كتبت بواسطة الواثق

اظنك تقصد سوقنا الاسبوعي هذاك الحرب صايرة فيه وهناك من هو مسلح بالكلاشنكوف والمسدسات واقصد الموالين التابعين للكورنال بن شريف...............وكما قلت اخي السارق اذا حكموه مايخلوش عظم فيه .....................انا لي غايضني في السوق ان البلدية لم تعطي حقة ولم تهيئه وتركته مفتوحا لكل شيء والاف رؤوس الماشية من النوعية الممتازة تهرب من هناك الى الدول الاخرى ...................كما ان اكبر مذبح في الجزائر هو يبنى بقربه ارجو ان يفتح مجالا لعمل الشباب ويخلوهم من السرقة

والله المستعان

هلا أخي الواثق

انا لااقصد عن سوقكم بل اقصد سوق كما يسكن قريبك الذي حدثتني عنه هو الذي جرى به هذا الحادث البارحة


أما عن تيهئة سوقكم حدث ولا حرج مرة كنت سأتوقف بالسيارة بجانب سوقكم من الجهة الشمالية ولم أنتبه لوجود

الرمال حتى غاصت العجلة داخل الرمال (سابليت ) هههههههههههههه ماجيت نخرج إلا بعد جهد جهيد


أما عن الشباب يكفي الإدارة ان توزع مناصب العمل بالعدل وليس بالمعريفة حتى اننا نرى ان الإدارة ستورث

للأبناء وافراد من الأقارب

ربي يصلح الأحوال خوايا و الواثق ....وراني عارضك اليوم على ....مش ماكلة ما تطمعش ....ههههههههههههههههههههه

على أن تصوت على إستطلاع راي ....هههههههههههههههههههه ارجع للصفحة الأولى

وجزاك الله كل خير

[alger1]

المشاركة الأصلية كتبت بواسطة مباركة 1961

سلام....
هذا السراق كرشو كبيرة ماكفاهش النصف ...يستاهل

ولو انى لااحب مثل هذه التصرفات.....اى اجتماع مجموعة على واحد ..
كان الموال ضرب وحده السارق يكفى ..لماذا اتلموا الكل عليه ...هل هو رمبو

السلام عليكم والله اضحكتيني اختي مباركة صحيح انه ليس روبو في الصحة ولكنه رومبو في السرقةههههههههه وفي الاخير داها سخونة

[soso sirin]

المشاركة الأصلية كتبت بواسطة z.abdo

السلام عليكم أختي سيرين

علينا أن نناقش الموضوع بعقلانية وبدون أن نتلفظ لالفاظ لا تليق بأسلوب الحوار


يعني أنت غاضك السارق .......حسنا نحكيلك قصة حدثت في منطقة أفلو التابعة لولاية الاغواط


مرة شاب كان سيوصل أخته لمحطة الحافلات في الصابح الباكر يعني عند الفجر في الطريق تعرض له عدد من اللصوص

اتدري أختي سيرين ماذا فعلو هؤلاء الصوص ؟؟؟؟؟؟


ياريت سرقو نقودهم ولم يأذوهم بل ظربو الأخ بخنجر حتى الموت .وبعدها اتدري ماذا سرقو من الأخت

......وياليتهم ما سرقو ........سرقو شرف المسكينة .......ايـــه عندك حق اختي سيرين وانت تدافعي عن مثل هؤلاء


وإن شاء الله ربي ما لقيش بهذوا الذين تدافعو عنهم


أما عن الموالين الذين تتهمينهم بالسرقة الغير المباشرة فأقول لك قبل أن تتهمي الناس عليك ان تتحقي


ولا تنقلي الاخبار التي تسمعينها من هنا وهناك .....هل مرة تعاملتو مع موال ؟؟؟؟؟ أو أحد عائلاتكم ؟؟؟


هل رأيت موال يلبس (كوستيم ) في السوق ويبيع الأكباش .......أختي سيرين هذا ليس موال هذا سمسار

يعني يشتري من عند الموال مثلا 3 ملايين والسمسار كيما يقولو يعاود السوق ويبيعها 5 ملايين


ومن خلال مظهره تعرف انه لم يتعب ولا يشقى والموال المسكين يتعب ويشقى ويربي الخرفان من الصغر حتى أن

تكبر ويحرم نفسه من السكن داخل المناطق الحضرية وكل وقته مسخر للتربية الأغنام ومصاريفه هي : أدوية

لتلقيح الأغنام و النخالة وهي الأكل المخصص لهذه المواشي كذلك سعر غداء الأغنام يرتفع ويتخفض حسب

موسم الأمطار


واعطيكم معلومة إذا كان موسم الأمطار راح يقل سعر غذاء المواشي والعكس بالعكس وهذا قد يساعد على

إنخافض بعض الشيء في الأسعار

كذالك أعطيكم معلموة أخرى لإرتفاع الاسعار هي وقت رجوع الحجاج الذي يلهب الأسعار اكثر وهذا يأثر على

قطر الوطن

ولهذا أطلب منك أن تغيري فكرتك لأن معطيالتك غالطة

وشكرا اختي سيرين على مشاركتك واذكرك انت كذالك بأن تصوتي على الموضوع لاني اضفت إستطلاع راي

للاعضاء


واسميحلي لربما اني أخطاء في كلمة ما في إتجاهك والسلام عليكم

السلام عليكم خويا عبدو.مع انو ماعنديش الوقت باه ندخل مي لما لقيت ردك والله قلت الحمد الله الي مانيش مقابلاتك لانو من كلامك حسيت راك ترد بالزعاف.الاولى يا خويا الكلمة الي استعملتها و هي باغيين يكلبو والله نستعملها انا عادي و مانيش قاصدة بيها انو نسب او اني نشتم فيهم معنتها باغيين يطيرو و اذا كانت الكلمة حسيت انو كلمة ماشي مليحة سمحلي و يسمحلي كل واحد قرا ردي .و العشية ان شاء الله لما ندحل للمنتدى راح نكتبلك رد ان شاء الله

[z.abdo]

المشاركة الأصلية كتبت بواسطة مباركة 1961

سلام....
هذا السراق كرشو كبيرة ماكفاهش النصف ...يستاهل

ولو انى لااحب مثل هذه التصرفات.....اى اجتماع مجموعة على واحد ..
كان الموال ضرب وحده السارق يكفى ..لماذا اتلموا الكل عليه ...هل هو رمبو

السلام عليكم أستاذة ........نعم هذا السارق فات الطمع بل أصبح جشع


لكن أستاذة أن تقولي لا تحبي إجتماع مجموعة على واحد لو يسمعك واحد يقول لربما هذا نزاع نتاع شباب مراهقين


خرجو من الثانوية


أستاذة هذو رجال عندهم اهلهم وأولادهم ويتعبو على أولادهم باش يعيشو عيش حلال من عرق جبينهم


ولما إجتمعو على السارق بالضرب حتى يخبرهم عن مكان المبلغ الذي أخفاه وليس التنكيل به حيا


ولو كانت العادلة تاخذ مجراها لما كان هؤلاء يرجعو حقهم (بذرعتهم)


مــــــــــــاضع حق إلا وراءه طالب

شكرا أستاذة لإبداء رأيك ولاتنسي ان تصوتي انت كذالك على الموضوع وجزاك الله كل خير

[z.abdo]

بعد صلاة الظهر ارجع السلام عليكم

[أم احمد3]

المشاركة الأصلية كتبت بواسطة fares rog

---------------------------------------------------------------
ردة فعلك عادية من طرف أستاذة ... نتوما الأستاذة ذراري الصغار في الابتدائية نهار كامل تضربوا فيهم حتى درتونا عقدة .
كيفاه سراق رايحة ترحميه .. وأطفال صغار أمانة من عند ربي نهار كامل تضربوا فيهم أكثر من الراعي الذي يضرب الغنم !!!

صح خويا انا لوكان يشرقني واحد وختى الا مدلي الموس منقتلوش
حنا عندنا السراقين ديار كل يوم نسمعوا تسرقت دار لحد الان منخرجش ونغلق الباب وخلاص راحت على الخرجات مع راجلي كنا دايما برا

[مريم الصابرة]

السلام عليكم خويا عبدو واقيلة انا كنت مع السراقين علاه رديت على اللي بعدنا وما رديتش علينا اواه المعرفة وصلت لعندك خويا عبدو بطلت نبقى في ولايتي ما نسكنش فالجلفة راهي فيها سراقين ومعرفة ثاني بزاف شكرا

[z.abdo]

المشاركة الأصلية كتبت بواسطة فلال باك

واقع مؤسف فعلا............ايه لو وفرت الدولة مناصب الشغل للشباب ربما لما اضطروا للسرقة........و للأسف الشرطة لا تقوم بعملها على اكمل وجه.........نعم في الشرع حكم السارق قطع اليد............لكن في حياتي كلها لم أسمع أنه طبق هذا الحكم............اللهم اهدي اخواننا الى ما هو خير.............
على فكرة..........أبي ايضا ذهب الى سوق........لكن ليس في ولايتنا.......ولاية اخرى .....و هم عرب.........تعجب كثيرا من اسواقكم.......قال أنها كبيرة جدا..........

نفس الإجابة على الأخ الواثق ليس المشكل في توفير مناصب الشغل بل من سيشغل هذه المناصب

لتفرض أن الدولة وفرت مثلا 5 مناصب في بلدية وترى ان الذين شغلو هذه المناصب نصفهم بالعريفة والآخر بالرشوة

والأخر والده يعمل في البلدية

هل في رايك بهذه الطريقة يحل مشكل البطالة رانا غالطين أختي وهذا ما حدث في بلديتنا تم إنشاء مناصب شغل


والذين شغلو هذا المنصب كامل بالرشوة علاش انا ما نعرفش نرشي ؟؟؟؟؟؟؟


بهذه الطريقة لن يحل المشكل أختي هناك فساد في الإدارة

أما عن السارق انت قلتي لم تسمعي مرة بقطع اليد لكنه حدث في المملكة العربية السعودية عدة مرات


أما عن أسواقنا فيوجد سوقين كبيرين لبيع المواشي الأول في دائرة حاسي بحبح والثاني في دائرة البيرين

وهما من أكبر أسواق الجزائر لبيع المواشي

لكن لم اعرف ماذا تقصدي بالمصطلح الذي لونته لك بالأصفر


بارك الله فيك أختي لمرورك الطيب وارجو ان تصوتي انت كذالك لإستطلاع الرأي وجزاك الله كل خير

[z.abdo]

المشاركة الأصلية كتبت بواسطة مريم الصابرة

السلام عليكم خويا عبدو واقيلة انا كنت مع السراقين علاه رديت على اللي بعدنا وما رديتش علينا اواه المعرفة وصلت لعندك خويا عبدو بطلت نبقى في ولايتي ما نسكنش فالجلفة راهي فيها سراقين ومعرفة ثاني بزاف شكرا

هلا أختي مريم

لا راكي غالطة راني جايبها بالترتيب ولم ارد على اي واحد بعدك وتحققي من ذالك بنفسك جيدا

اواه اختي مريم راكي تشرشي ههههههههههههه

[z.abdo]

المشاركة الأصلية كتبت بواسطة حمدي...

هذه علامة مسجلة لسوق الغنم (الاثنين)

إذا قُبض على السارق في هذا السوق فسينال جزاؤه ولا تتدخل الشرطة

يتشجع اللصوص بالمغامرة لأن الغنيمة حتما ستكون كبيرة ومصروف سنة بأكماها

لكن إن حدث وأُنتبه له فستدوي في كل مكان عبارة "سارق, سارق" ويستعد كل من في السوق للقبض عليه

واذا وقع في أيديهم ...........فلا أُكمل احتراما لمشاعركم

فكرة مليحة نتاع سارق سارق ذركتني بقصة حدثت في سوق من الاسواق

مرة كان سوق متعارف عليه كما في السوق الذي أخبرتنا عليه لما ينادى ســــــــــارق ســـــــــــــارق


يهم جميع الباعة ليصبو غظبهم في السارق بالضرب المبرح


مرة إتفق اللصوص لما يسرق صاحبهم الضحية هم يكيون وراء الضحية وينادو سارق سارق

ولما يرو الناس شخص يجري لا يدرو انه الضحية أو المجني


لكن لما رأو أصدقاء السارق يجرو وراء الضحية ونادو سارق سارق طرحوه ارضا والمسكين

خسر ماله ودار طريحه


شكرا اخي على مشاركتك واظن أن سوق الإثنين في ولاية البويرة أو تيزي وزو


جزاك الله أخي لمرورك الطيب ولا تنسى ان تصوت

[fares rog]

خويا صاحب الموضوع خليني نصححلك حاجة :
نتا في الموضوع راك داير استفتاء بصح في سؤالك راك منحاز لجهة ،
هل توافق أخي على ضرب السارق في السوق او نتركه لحكم العدالة التي ستطلق سراحه بعفو شامل ؟؟
علاه ماديريش :
هل توافق أخي على ضرب السارق في السوق او نتركه لحكم العدالة ؟؟
هكذا يكون الموضوع تاعك عندو شفافية واالاستفتاء عندو مصداقية

[z.abdo]

المشاركة الأصلية كتبت بواسطة مريم الصابرة

الصراحة خويا هذو رجال ونستعرف بيهم انا مرانيش غالطة كي راني جابة نروح نسكن فالجلفة هههههه من المفروض هذي هي خويا لو نتبعو الشرع السارق تتقطع يدو لكن واش تقول في بلاد كلها سراقين حاشا اللي ما يستهلهاش انا نحي الجلفاويين صح رجال الله يبارك شكرا

ودركا حان دورك أختي مريم من الصباح تريكلامي وتقولي انني رديت على من بعدك هل تحققتي جيدا ؟؟؟

مرحبا أختي مريم لو تجي تسكني في الجلفة مـتأكد أنه سيعجبك العيش هنا ولن اخبرك عن الأشياء الجميلة

التي تنفرد بها الجلفة على باقي الولايات خلي كي تجي تكتشفيها لوحدك


أما عن اللصوص والله يزداجو طغياينا لأنهم لم يجدو من يوقفهم عن حدهم

وانا بدوري أحييك اختي مريم وشكرا لمرورك الطيب نظن ما صوتيش قبل ما تتحققي من ترتيب الردود


إذا روحي صوتي لإستطلاع وما تنسايش بطاقة الناخب .......وشكرا مرة أخرى

[ماجدة ميمي1]

يستاهل كي ضربوه خير باه يتربى