يوميات عضوة - الصفحة 3

ام عبودة · 2014-02-18, 10:56

اقتباس:

المشاركة الأصلية كتبت بواسطة afnane28

ام عبودة ربي يحفظك ويبارك فيك يكثر من امثالك

الله يسلمك خيتي
تمنيت لو حطيتي ولو جزء من اعمالك اليومية هههههه نحب الحكايااات هههههه

صابرة2013 · 2014-02-18, 08:30

ما شاء الله عليك أم عبودة قمة النشاط ربي يعاونك

ام عبودة · 2014-02-18, 10:58

اقتباس:

المشاركة الأصلية كتبت بواسطة صابرة2013

ما شاء الله عليك أم عبودة قمة النشاط ربي يعاونك

يا مرحبا صابرة نورتي موضوعي
الله يسلمك. خيتي ويييييينها يوميااااتك. ههههه والله غير نستفاد من المواضيع اللي تحطيك. دمتيييييييي

كابريسة · 2014-02-18, 08:45

ربي يعاونك و يعاوننا اجمعين صح المرأة تتكفل باصعب الادارات على وجه الارض
انا عندي مشكل واحد راني حاصلة معااه الملل و الخمول هذي فترة وانا مرات نكون كيما زمان كلش في بلاصتو و نكون كي النحلة و مرات تكون الدنيا مقوبة فوقاني تحتاني و انا تلقايني كي الصرصور هههههههههه

ام عبودة · 2014-02-18, 11:05

اقتباس:

المشاركة الأصلية كتبت بواسطة كابريسة

ربي يعاونك و يعاوننا اجمعين صح المرأة تتكفل باصعب الادارات على وجه الارض
انا عندي مشكل واحد راني حاصلة معااه الملل و الخمول هذي فترة وانا مرات نكون كيما زمان كلش في بلاصتو و نكون كي النحلة و مرات تكون الدنيا مقوبة فوقاني تحتاني و انا تلقايني كي الصرصور هههههههههه

كابرسية اسمك هاااايل
مرحبا بيك في الموضوعي
المشكل تاعك راهو تاعنا كاااامل سبحان الله الواحد يوم مريض ويوم بصحتو يوم عندو ويوم ما عندوش مثل الجو مرات مشمس ومرااات مغيم وهذه سنة الحياة لكن اللي مش نورمال انو الواحد يكون على طووول كسلان ونعسان ومفتووور. ودنيتو غير مقلوووبة هههههه
اولا استعيني بالاسنغفار فوالله منذ ان لزمته تغيرت حياتي وصرت كالنحلة. في بيتي اعمالي كلها منظمة وعندي الوقت نجرب اطباق للعضوات هنا وندرس اولادي ونقعد مع زوجي وكلللللل شئ نفسي فيه
وانجزي عملك ولو تكوني.كسلانة المهم ما تخليهاش تتراكم عليك
ويا رب يعينك ويعيننا اجمعين

badr75 · 2014-02-18, 09:45

اولا اشكرك اختي ام عبودة على هذا الطرح زعلى الاهتمام نتمنى انك تفيديني في تنظيم يومي و اشغالي الخاصة لاني لم اتمكن من ذلك مهما فعلت اولا انا ام لاربعة اطفال اعمارهم 8 سنوات 7سنوات 5سنوات و9اشهر عاملة استاذة تعليم ابتدائي لكن لم اجد اين اترك ابنتي الصغيرة لذلك اني في عطلة مرضية لاجل غير مسمى وعلى الرغم اني استيقظ باكرا الا انني لااتمكن منالتوفيق بين امختلف المسؤوليات الزوج الى العمل الاولاد (8 و7سنوات) الى المدرسة وابقى انا والصغيرين رغم هذا لااجد اي وقت لاهتم بنفسي فدائما يعود زوجي ليجدني كما تركني كذلك ترتيب الخزائن اكبر مشكل يؤرق حياتي لست ادري اين الخلل فعدم تنظيم وقتي جعلني منهكة ولكن الكثير منالاعمال لم تنجز ارجو الافادة

ام عبودة · 2019-09-28, 13:13

السلام عليكم

ام عبودة · 2014-02-18, 10:55

نهى الحمد لله
وربي يحفظلك وليداتك وهاااه راني نستنى في يومياتك عندك تنساااااي

djihed · 2014-05-28, 00:08

السلام عليكم

انا ام لطفلين اعمارهم 5و3 مهبليني معا انا نخدم وكيما ندير المناوبة الليلية ولدي الصغير يهبلني يقولي نروح معاك للمستشفى
بالسيف باه نفكو مني والله حبيت نشارك في يومياتكم ونستفيد ونفيد
اختي ام عبودة وان تسكني

ام ياسمين10 · 2014-06-01, 11:48

اقتباس:

المشاركة الأصلية كتبت بواسطة djihed

السلام عليكم

انا ام لطفلين اعمارهم 5و3 مهبليني معا انا نخدم وكيما ندير المناوبة الليلية ولدي الصغير يهبلني يقولي نروح معاك للمستشفى
بالسيف باه نفكو مني والله حبيت نشارك في يومياتكم ونستفيد ونفيد
اختي ام عبودة وان تسكني

ربى يعينك ويعينى ياختى راهم قع مهبلينا انا عندى طفل 4سنوات وطفلة عامين ومانيش نخدم ومانيش لاقيا روحى معاهم رانا هنا قاع نستفادو

ام عبودة · 2014-06-09, 09:04

اقتباس:

المشاركة الأصلية كتبت بواسطة djihed

السلام عليكم

انا ام لطفلين اعمارهم 5و3 مهبليني معا انا نخدم وكيما ندير المناوبة الليلية ولدي الصغير يهبلني يقولي نروح معاك للمستشفى
بالسيف باه نفكو مني والله حبيت نشارك في يومياتكم ونستفيد ونفيد
اختي ام عبودة وان تسكني

مرحبا بيك خيتي وهيا ادخلي شاركينا يومياتك

نهى اسطاوالي · 2014-02-18, 11:25

قوليلي ام عبودة بالنسبة للخزانة راني حابة طريقة لترتيبها واش نقدر نحط فيها لانها كبيرة جدا انا في الحقيقة كنت كارية ماكانت عندي نفس لاي شيء والان والحمد لله رزقني الله بسكن ورايحة نرحل في عطلة الربيع ان شاء الله لهذا راني حابتكم تعاونوني
شوفي انا كامراة عاملة نوض على 6 ونصف نحضر الحليب ونوض وليدي مسكين على السابعة الاربع نلبسلو ونبدلو الكوش ونوجدلو حقيبتو والطفلة كيفكيف نبدللها ونلبسلها ونرضعها نشربو الحليب ونروحو للعمل يدينا زوجي في السيارة البنت نحطها عند الجارة والابن نحطو في الروضة ندرس من 8 الى 11 وربع ومن الواحدة الى 3ونصف ومرات 4 وربع لكن عندي الثلاثاء مساء والخميس مساء ماندرسش بسبب الفرنسية
تخيلي نرجع في المساء ندير الشغل اولا ندير العشاء يطيب ونسيق مرات نحط الطفلة على ظهري نخاف ابني كاشما يديرلها نستعمل الكونغورو ونديرها على ظهري هههههههه كيما ناس بكري اما الملابس صراحة نلمهم في سلة كبيرة ونغسل بالجمعة والسبت والتسياق نسيق نهار بنهار حبيت نعاود نظم وقتي راني نلقى صعوبة معاهم باه نحضر لاني نحضر على 11 تاع الليل كي يرقدو ونرقد على 12 تاع الليل

كابريسة · 2014-02-18, 11:30

شكرا اخيتي
انا ثان نحب الاستغفار دائما نرددو و ما نملش منو
مشكلتي تكمن في الاتكال انا عايشين مع بعضانا في بيت العائلة 3 سلفات و خواتات زوجي 2 وحدة مزوجة و وحدة مطلقة (هاذو قليل وين يخدمو حاجة) و تعرفي العناد و الاتكال و الخ الخ
انا قبل الزواج و لحد الساعة كي نكون عند ماما نعمل كي النحلة و يكفيني الوقت لكلشي و حتى لما كنت بداري لوحدي نقدر ندير الميناج العميق كل يوم و ما نملش و ما نتعبش بصح ضرك وليت دايما تعبانة خاصة بعد ما ولات عندي الانيميا بعد الحمل وليت نتكاسل اكثر من السابق و نهار نخدم ما يبانش على خاطر كل يد واش تدير
مثلا انا نخمل البلاكار و نحط السميد فيه غدوة و الا اللي بعدو نلقاه برى و الا في جهة اخرى و عييت ما ندير في برامج بصح نتبعوهم نهار و الا 2 و من بعد ترجع الفوضى يخي بدا الملل يتسلل لنفسي
ربي يفرج علينا

ام عبودة · 2014-02-18, 11:53

اختي بدر
اولا مرحباااا بيك في موضوعي
والله العظيم عجبتيني كي قعدت في البيت على خاطر بنتك فهي محتاجتك اكثر لو كانت عند امك او حماتك و احد تثقين فيه كثير ممكن لكن للاسف بعض دور الحظانة خسارة تحط ولدك او بنتك عندهم الله يسامح الكل
المهم نرجعو لترتيب الوقت. قبلا حبيت لو تخلي الى هنا
https://www.djelfa.info/vb/showthread.php?t=1473143
والل رايحة تستفادي بزاااف صوالح انا مرات كي نفسل وتعب نولي ليهم شغل سيروووووم هههههه
نعطيك انا واش ندير خصوصا الجانب التجميلي
الصبااح وانت ماشاء الله تنوضي بكري. بعد الصلاة والاستغفار والاذكار توجدي قهوتك قبل ما تنوضي الاولاد والزوج بروفيتي عشر دقائق اغسلي الاسنان وامشطي شعرك واعملي كحل للعيني وترطيب للبشرة. وشووووفي الرووووعة بابسط الاشياء
ومن بعد اعملي بخور او ريحة للغرف او اي شئ لان الريحة الحلوة قبل شروق الشمس تجلب الملائكة وزيد الزوج لما ينوض عليها والله يزهي ويفرح بزوجتو
والابناء كذالك
على سيرة الاولاد الله يبارك راهم كبار بسلامتهم ممكن يساعدوك ما قلتيليش بنات ام ذكور لكن مش مشكل
راهم كيفكيف في هذا السن حاولي تعلميهم من الان على مساعدتك ولكن بلطف باش ما يكرهوش من بعد اعمليهم تحفيزات بصنع اكلات او حلويات ملونة تفرحهم
وخليهم يشاركوك في تحظيرها ولازم تكوني صبارة راهم يخلطو ويفسدو بصح والله ممتعة الحمد لله على نعمة الامومة
ووزعي عليهم الاعمال راكي تشوفيها بسيطة بصح مهمة مثلا كل واحد يرتب الجزء الخاص بيه من الخزانة و الغرفة ورمي سلة المهملات بالدالة علميه لما يوفو حاجة مش في مكانها يرجعوها ويمسحو اي شئ. في الارض او الحيط او الباب والى اخره والله متعة العمل بهذه الطريق تنمي الحب بيناتكم وما تحسوش بالتعب
ولازم تحطي قاعدة في راسك ان لازم زوجي كي يرجع الى البيت يلقاني نظيفة زنشعل وبيتي يشعل وريحتي حلوة. لان الزوج غايتو الراحة في بيتو من بعد يوم ملئ بالمشاغل والاولاد نقصي حسهم في البيت دريلهم وقت للمراجعة والله يبارك عليهم. وراء بعضهم كل واحد يساعد اللي بعدو
الاكل حاولي تحضري فطورك مع عشاك باش يبقالك الوقت بزاف المساء تقضي فيه بزاااف حوايج والعمل دائما بنظام احسن بكثير بالعمل مرة واحد ومن دون نظااام والله يعينك يا خيتي والله يفرحك باولادك
ااااه قبل ما ننسى ما دام بنتك صغيرة اكيد تتعبي لكن حاولي بقدر المستطاع تكملي صوالحك وهي راقدة لانو راهي من هذا الجيل وحدو ووووووووو و

ام عبودة · 2014-02-18, 12:16

كابريسة حتى انا عندي نفس المشكل اللي عندك. بصح الله غالب لازم نصبرو
انا نحب غسيل المواعن بطريقة والتخمال بطريقة.
وتعجبي غير خدمتي لاني والله العظيم نحكم الحاجة نرجعا تبرق وحك المواعن والله غير نرجها تبرق جديدة الله غالب عندي الحساسية تاع الجلد وتاع الانف راني تاعبة ودائما ندعي ربي غير الصحة باش نقدر نتحمل
وليت الحاجة اللى نقدر عليها نخدمها والله ما نخلي الابليس يوسوسلي وعلاش انت اللي تخدمي برك وعلاش هي لا اا
انا ما عنديش سلفات انا مع اخت زوجي وامه فقط الباقي ذكور
انا شفت اغلب العوائل اللي عندهمالنساء يديرو الدالة كل يوم واحدة تخدم او قسمو العمل بناتهم. هكذا يزيد النشاط كل واحدة في اليوم تاعها تبين روحها فحلة ونص في هذه الحالة والله الدار الكبيرة خير من تاعك وحدك انا قالتهالي وحدة لينا قاتلي من كنت في العايلة وهما ثلاث سلفات عندي يوم عمل ويومين راحة وااااااااو ندلحق على كل شئ خياطة اللي دارت منها الدار الجديدة واليوم والله ما نلحق حتى حبيت نبطل الخياطة من ظيق الوقت الله غالب عايشة منها
الاتكال من تجريبتي الخاصة راهو يفشل ويرجعك شبة امراة هههههه
لازم نحاول نعمل من قلبي ونربح الاجروعلى شكارة السميد ما عليش هي خرجتها وما رجعتهاش نجيها بكل ادب اختي فلانة من فظلك كي تكملي رجعيها وبضحكة وابتسامة ربما الاولاد يكفحوها هههههه والله العجوز تبعثنا مخملين لديار والدينا هههههه
ونبهي على كل شئ باش المرة الجاية ما تعاودهاش لكن دائما بلطف وحب ياخي يقولك اللسان الحلو يرضع اللبؤة هههه وناس بكري كلامهم صحيح
والصبر مفتاح الفرج