الخطوة الاولى...........لفتح ورشة خياطة - الصفحة 3

فريولة ابتسام · 2013-10-08, 20:37

اقتباس:

المشاركة الأصلية كتبت بواسطة loudjeine2000

يا اختي لونساج صح مليح مي تعرف واش صرالي كي حبيت اندير لي فاكتير برفرما قالي مول لي بيع الماتريال تاع الخياطة مثلا المشينة لي تشريها بدراهمك دير 3 ملاين مي في الفتورة يحسبهالك يا اختي 4 الى 5 ملاين وين رايحين هدا والله ما عرف الواحد منين يبدا و الحل اني نبدا وحدا وحدا و ربي جيب الخير شفتي طريق لونساج .
من جيها كاين لي ما يخليهاش حلال في راي بعدو على لونساج لانك رايحة تتعبي باش ترجعي الدين تلقي مول لي باعلك المتريال هو لي ربح على ضهرك ونتي لي تباتي تجبدي باش توصلي لي مبتغاك و الله اعلم

ماتامنيش هذا البائع راه سراق كيفاه الدولة نحات الربا والبائع يلعبهالك ويدي الربا هو بالاكي من امثالو وحتى اذا انت رضيتي بهذيك السومة باه تسلكي راسك بصح شرعا لا يجوز انت قبل ماتقولي للبائع بلي تديري لاكوموند تاع لونساج ساومي قبل وتاكدي في الفاتورة اللي يعطيهالك بلي نفس السومة الي حسبهالك تاخذي رايي بدلي البائع

fatma1977 · 2013-10-09, 09:21

أنا دارسة تقنى سامى صناعة ألبسة فى معهد التكوين والاساتذة أعطاونا كيفية فتح ورشة خياطة خاصة راهى على حساب المنتوج الى حاب تنتجه مثلا إذا كنت حاب تعمل ورشة أفرشة وستائر لازم البداية 2 ماشينة دروات مثلا gmci هائلة خلاص ولازم 1 سرجى نتاع 3 خيوط (معناه تخدم ب3 كباب 2 للكروشيات وواحدة للابرة ) وحديد مليح أنا عندى فليبس مكفيتنى والكباب الالوان كامل ولازم تخدم البونج فى ورشتك باه تربح شوية لراس المال لانواللى يخدمو برا يغلو عليك وبالتالى لازمك تحشى المخايد وحدك كذلك لازم روالا نتاع القماش على الاقل 2 ولا 3 باه تبدا وكى تشرى من المستورد مباشرة يكون مليح راهو سوق القماشات نتاع الستائر فى بابا حسن وقماشات الحجاب فى الحميس على ما أضن ربى يجيب الخير وربى يوفقك أنا هذى أمنية من يوم ما تخرجت من المعهد لذرك ما بديتش لظروف أسرية والعمل خارج البيت يعطيك الصحة على هذا الموضوع بالتوفيييييييييييييييييييييييييييييييييييييييييييي ييييييييييييييييييييييق

loudjeine2000 · 2013-10-09, 12:03

اقتباس:

المشاركة الأصلية كتبت بواسطة فريولة ابتسام

ماتامنيش هذا البائع راه سراق كيفاه الدولة نحات الربا والبائع يلعبهالك ويدي الربا هو بالاكي من امثالو وحتى اذا انت رضيتي بهذيك السومة باه تسلكي راسك بصح شرعا لا يجوز انت قبل ماتقولي للبائع بلي تديري لاكوموند تاع لونساج ساومي قبل وتاكدي في الفاتورة اللي يعطيهالك بلي نفس السومة الي حسبهالك تاخذي رايي بدلي البائع

صح ياختي انا تاني شكيت وحبيت نتاكد من صحت شكي سقصيت سلفي يخدم في الشؤون الدينية قالي ابتعدي او ابحتي على بائع واحد اوخر و الان اخدت قرار اني كما قلت من قبل نبدا وحدة وحدة و الله ولي التوفيق

chahrazed-m · 2013-10-09, 12:19

بارك الله فيكم على المعلومات والنصائح
نظن نديرو كيما قالت الاخت لجين لا حابين نبداو نبداو وحدة وحدة وخلاص وكل مرة نزيدو بالحاجة
فطمة شكرا على المعلومات
فريولة شكرا بزاااف على الصور وماشاء الله تبارك الرحمن هايلة

حبيت تعطوني اسم وادا ممكن صورة لمشينة تخيط حوايج خشان كيما البونج يعني كون يكون ماتلاسي وفراشات وهد الحوايج الخشان
واسم مشينة تاني تخيط كل انواع القماشات لان لي عندي ياماتا تشبه لهدي

بغيت نخيط ربة بيزو بيزو ليا والله بالجرنال باه خيطتها وتاني ماتخيطش قطيفة شونجونت

fatma1977 · 2013-10-11, 12:12

أنا عندى مشينة gmsy نخيط بها كامل القماشات بيزو بيزو والقطيفة والفولار ................ الخ حاجة وحدة غيرى فى رقم الابرة إذا كان القماش رقيق ديرى 18 أو16 وإذا خشين ديرى 12 وخيطت بها كواتات لاولادى جاو هايلين كاش مرة نحطلك الصور وطرحت بها بساطات وكوات بنتى الصغيرة

chahrazed-m · 2013-10-11, 19:44

شكرا اخت فطمة لكن نظنها عندها اباري محددين هدا مكان يعني النوع تاع الابر لي نشريهملها فيهم ارقام؟
لانو مرة شريت نوعين من الابر ماحبتش تخيط بيهم حتى دبرت النوع لي شريتهم معاها وشريت عليهم

ندى قدور · 2013-10-12, 09:08

كيما انا اخواتي حابة نشري مشينة اندستويال باش نبدا مشغل صغير واش من نوع تنصحوني وبالنسبة للقفالي هل هاذو المشينات يخدموهم راني محتارة دلوني على السبيل الله يخليكم.....

rim-25 · 2013-10-12, 10:48

طليتولي على قلبي
انا عندي مستودع كبير يصلح نحل فيه ورشة بصح ما عندوشالاوراق تاعو كفاه ندير على جال الروجيستر
و بابا يبيع الالات الصناعية كامل بما فيهم الات الخياطة
يعني علابالي رايح يجيبهملي بسعر مليح و يشوفلي حاجة مليحة
بصح المشكل انا مانيش عارفة واش يلزم كامل
انا قريت لخياطة في جمعية و عندي اتيستاسيو تاع خياطة و اختي كذلك
و كنت حابة نخرج تاع لونساج بصح راكم قلتو بلي لازم 30 سنة و انا ما زال ما وصلتش
و بيناتنا مانيش متمكنة بدرجة مليحة من الخياطة حابة نجيب وحدة تخدم معانا و نتعلمو منها
و راني حابة ندير ماكنات تاع طرز و خياطة باه ندير قنادر تقليدية
يا ريت تقولولي واش يلزمني تحديدا و السلاك تاع الخدامة قداه
و افضل طريقة للتسويق

botate · 2013-10-12, 21:39

اختي ام رحيل فيك نحكم من فضلك قوليلي...1 انا عندي ماشينة امتاع طرز المكرو وماعرفت استفيدمنها .2 ونفس الشي امتاع السرفلةاشتريتها من العلمة و ما عرفتش نخدم بيها .3راهي مرمية في كاشمكان حبيت نبيعا و نبدل بواحدة احسن منها واش رايك .و زوليخات هل هما ليمانتكان .و من اين اشتريتيهم .و ما معنى عرض في التلفاز هل راك تخدمي وحدك ام عندك مساعد .وقتاش اجد الجواب علبالي راهي ايام العيد و خايقة ماتشوفيش مشكلتي ارجوك ما تنسانيس.والاخ عمر بارك الله فيه ارجو ان يكو واسطة خير بيننا كما هو دائما اني مازلت شوية في النتدى وان انتظر الرد .سبلام.

فريولة ابتسام · 2013-10-13, 22:18

اقتباس:

المشاركة الأصلية كتبت بواسطة ندى قدور

كيما انا اخواتي حابة نشري مشينة اندستويال باش نبدا مشغل صغير واش من نوع تنصحوني وبالنسبة للقفالي هل هاذو المشينات يخدموهم راني محتارة دلوني على السبيل الله يخليكم.....

افضل ماكنة براذر او سانجير والقفالي عندهم ماكنة سبيسيال تدير 14مليون بصح في البداية انت اشري ماكنة منزلية لونها ابيض راهي تدير القفالي ملاح بصح ماشي كي تاع14 مليون اللي هي تديرهم اوتوماتيك

omrahil · 2013-10-14, 11:08

سلام للجميع اختي botateادا كنت مبتدئة ماكانش لازم تخاطري بماشينة الميكرو واذا كنت تتعاملي مع احد ابدئى بطرز دراوات للعرائس او مازر التلاميذ بطرز الاسماء والحروف اوملابس الرضع اما اذا كان عندك زبائن جميع انواع الالبسة من قنادر صيف وشتاء وكاراكوات وقفاطن وعبايات ....بصح لازم تطوني متمكنة من لوجيسيال تاع الماشينة اللي بيه تدخلي كل الرشمات لماشينتك وهاذا للاسف اللي انا ماعنديش راني نستخدم غير في الرسومات الموجودة في الماشينة ونخيط بيها القنادر والعبايات ...اما عن مكنة السرفلة ماكانش خير من جامسي وانا شخصيا نتعامل مع محل في باتنة عندو كل انواع الماشينات ويصلحها اذا خسرت والمانكانات نشريهم من العلمة طريق ثابت بوزيد وشارع دبي راهم في كل مكان اما الخدمة راني نخدم وحدي وهذا بالمناسبة اللي خلى الناس توثق في عملي لان كثرة الايادي تفسد العمل بصح عندي زوجة اخي تساعدني في الحرج واخرى في الطرز احيانا وكل وحدة في بيتها و المهم هو انك تتقني خدمتك حتى ولو على حساب وقتك وتحبي واش تخدمي باش ترضي ربي ويرضى بالك وباتوفيق للجميع واي سوال على قدي طبعا راح نجاوب بكل سرور

بلقيس الميلية · 2013-10-18, 19:43

السلام عليكم و ؤحمة الله و بركاته
مبادرة طيبة وموضوع هادف نتمنى الفائدة للجميع
لفتح ورشة للخياطة لازم دبلوم خاص بالخياطة سواء خياطة جاهزة أو خياطة تقليدية أو افرشة وستائر و الدبلوم سواء تكوني درست بمركز التكوين المهني او عن طريف غرفة الصناعات التقليدية و الحرف و هي موجودة في كل ولاية او عن طريق شهادة عمل مثلا ان تكوني اشتغلت عند خياطة لمدة معينة .
بعد ما تحصلي على الدبلوم ادا كنت ناوية على قرض من لونساج و السن مس بين 30 و 50 فهدا السن خاص بلكناك اما لونساج فابتداء من عشرين سنة تقدري تديري قرض
و ادا كنت حابة تفتحي من مالك الخاص بدون قرض فتوجهي الى غرفة الصناعات التقليدية و الحرف و اعملي بطاقة حرفي احسن من الرجيستر خصوصا ادا كان الدبلوم خاص بالالبسة التقليدية لان الضرائب قليلة فيه بالنظر الى النشاطات الاخري.
بالنسبة للماكنات انا عن نفسي عندي 2 سنجير للطرز و الخياطة و عندي 2 سنجير للخباطة فقط و عندي 2 طيوطا حجم صغير و ماكنة السرفلة جامسي ب 5 خيوط و المكوات طاولة كبيرة للفصالة و مؤخرا اشتريت ماكنة رقمية broder v3 و ما زالني مخدمتش بيها معنديش الرشامي و نحوس نتعلم.
بالنسبة لدبلوم عن طريق غرفة الصناعات التقليدية و الحرف اللي حابة اي استفسار.............
و بالنسبة لوكالات القروض كاين ثلاثة / angem ansej cnac.
توكلوا على الله و ربي يوفقكم.

مريم الورد · 2013-10-19, 16:46

اريد معلومات حول الحصول على ماكنة خياطة من اونساج

هذا وين راح نبدا في المشروع

*ام عبد الكريم* · 2013-10-20, 11:39

شكرا لك اخي عمر على الموضوع انا عندي سؤال بغيت نشري مكينة (ادستريال)خياطة تطرز واش من مودال مليح؟
و كذلك تكلمتم عن عدة مكينات هل بامكانكم وضع صور لها هكذا يسهل علينا التعرف عليها ...
و فيما يخص لانساج كيف تتعامل مع الضرائب ...و هل هناك شروط معينة ..فمثلا انا حابة نخدم وحدي هل هذا ممكن؟
تحياتي و جزاكم الله كل خير

*ام عبد الكريم* · 2013-10-23, 16:40

من فضلكم ممكن الرد؟ شكرا على مجهودكم