طورطة هايلة اتحداك جربيها ومتعوديهاش مرة و2 و3 و ............ - الصفحة 3

ikram96 · 2014-02-23, 19:42

كيكة الدانيت
المقادير : 4 بيضات + 2 باطات ونص سكر( نكيلو بباطة الدانيت ) + باطة ونص زيت + باطة دانيت ياوورت +باطة حليب + 3 باطات ونص فرينة + 1 خميرة تاع قاطو + 2 مغارف صغار كاكاو
التحضير
نضرب البيض والسكر ونزيدلهم الزيت ضربي مليح زيدي باطة دانيت + باطة حليب اوبعدا الفرينة والخميرة والكاكاو ( منديروش فاني باسكو درنا دانيت ) خلطي مليح فرغي الخليط في المول تاع لتارت يكون دائري الشكل بعد ما تدهنيه بالزبدة وترشيه بالفرينة وحطيه في الفرن على درجة 180 لمدة 10 دقائق ثم 160 درج لمدة 20-25 دقيقة ونحيها خليها تبرد مليح

بعد ما طابت لازم تقسميها على 3 والمشكل انها تتفتت لذلك لازم تكوني ذكية شويا جيبي خيط وحطيه وين حابة تقسمي واجبدية للجهة الاخرى حت تتقسم التارت نفس العملية حتى تتحصلي عى 3 اقسام لكن باه تهزي الطبقةة الاولى استعملي حاجة مسطحة وارفدي بيها الطبقة الاولى نفس الشيء بالنسبة للطبقة /2/

حضري السيرو 2 كيسان ماء + كاس سكر يغليو حتى يذوب السكر وسقي بيه طبقات التارت
للطلي طلعي كرام فراش بالباتور وزيديلها 2 مغارف دانيت باه تكتسب لون بني فاتح + نحتاجو بنان مقطع

نحكمو الطبقة الاولى نطليوها بالكرام فراش لي طلعناها ونحطو فوقها البنان + الطبقة 2 وفوقها كرام فراش + طبقة 3 ة نغطوها كامل بالكرام فراش

الطبقة الاخيرة ندوبو شيكولا انا استعملت منى + 2 بايط دانيت ونطليو بيها لاتارت كامل ونحكمو فرشيطة و نديرو كما في الصور التزيين اختياري تخليها تبات في الفريجيدار حتى الصباح ممممممممم بنة واوو
ان شاء الله تكون عجبتكم وجربوها والله ما تندمو تاع الدار تهاوشو عليها تالمون هايللللللة ههههههههه

ديرو فبالكم اني تعبت باه حطيتلكم الصور