اسمع حكاية بلهجتي ....

[abderrahmane.b]

المشاركة الأصلية كتبت بواسطة novateen

ههههه علاش اللي من سلك التعليم مشحاحين أيا بركا ما تعاير

لاه معلابالكش بهم،مانيش انا لي قلت عليهم هكذا الناس كل يعرفوهم بهذه الصفة
ايا نحكيلك قصة على المعلمين
قالك كاين زوج معلمين تلقاو سقسا واحد لاخر قالو واش بيك راك مقلق قالو الثاني تهاوشت مع مرتي قالو لاه قالو يا عجابة بيدون زيت مايحكمش 03 اشهر قالو الثاني او راهم يسيقو بيه

[الجازية الهلالية]

السلام عليكم

عجبتني القصة تاع الاساتذة بزاف

ورانانستناو في القصة تاعك نوفاتين

وليوم جيتكم بهادي القصة

قالك الفيل دار حفلة ايا عرض كاع الحيوانات

نهار الحفلة كاع جاو غير النملة لي ماجاتش

الغدوة من داك تلقاها الفيل وسقساها على ماجاتش

قالتله جيت وماحليتوش عليا الباب ,ايا قالها الفيل انتي صغيرة كنتي تطيgي تدخلي من تحت الباب

ايا قالتله :شاوالا بغيت لاكوب تاع شعري تتخسر

[halimaa777]

المشاركة الأصلية كتبت بواسطة novateen

يحكى أنه في زمان بعيد كانت بنت صغيرة يتيمة عايشة مع بوها، امها ماتت وخلاتها صغيرة
كبرت البنت وصارت شابة بزاف و في عمر الزواج تقدملها فارس من فرسان قبيلة أخرى غير قبيلتهم
ويوم عرسها عيطلها بوها باش يوصيها لا خاطرش ما عندهاش امها اللي توصيها على حوايج ديرهم وحوايج ما ديرهمش.
كي جمعت حداه قاللها:" يا بنتي نوصيك حاجة ديريها في وذنك وما تنسيهاش، اذا سمعتي حاجة ما تقوليش سمعت واذا شفتي حاجة ما تقوليش شفت وما تهدريش بزاف الا للضرورة."
سمعت البنت كلام بوها وراحت لدار راجلها .
مرت ليلة وزوج و سيمانة وشهر والبنت ما تهدرش شعال حاول معاها راجلها باش تهدر وهي والو ساكتة حتى ظن الفارس بلي مرته طرشة وبكوشة ( بكماء وصماء) مرت السنين وجابت البنت زوج اولاد سماهم بوهم الحسن والحسين
مل الفارس من زوجته اللي ما تحكي ما تشاركه فالكلام فقرر يتزوج مرة ثانية
خطب الفارس ويوم ما راحت القافلة باش تجيب العروسة،
الزوجة الأولى كانت غاسلة القمح وناشراته قدام الشمس باش ينشف
من حياءها وخوفها لا كاش واحد يشوفها ما نجمتش تعس القمح اللي تداور بيه الجاج ( الدجاج) وقعد ياكل فيه.
في هاد الوقت كانت القافلة اللي راحت تجيب العروسة قد قربت من خيمت الزوجة الأولى
أما العروس فكانت فوق الهودج وشافت الجاج ياكل فالقمح قالت" أش يا خيمة الطرش والبكش ( يعني دار الصم والبكم) "
سمعتها الزوجة الاولى خرجت ليها وقالتلها أنا عشت مع راجلي سنين وجبتله الحسن والحسين ومازال حتى واحد ماسمعش صوتي وانت مازال ما حطيتيش روحك وقاع الناس سمعت صوتك "
تفاجأ الفارس لما سمعت مرته تهدر
قاللهم المرة اللي مازال ما وصلتش لخيمتها وقاع الناس سمعت صوتها تحرم عليا وردوها مين جبتوها
وعاش الفارس بعدها في سعادة وهناء وراكم تعرفوا النهاية السعيدة
يعني العبرة باينة
ان شاء الله تكون عجبتكم
لي عودة ان شاء الله في حكاية أخرى
ما تنسوش تعطوني رايكم

وانا اقرء فى قصتك تشوقت كثيرا
ومغزاها واضح
شكرا على السرد الجيد
عقبال ما تحكيها لاولادك واحفادك

[halimaa777]

المشاركة الأصلية كتبت بواسطة novateen

يحكى أنه في زمان بعيد كانت بنت صغيرة يتيمة عايشة مع بوها، امها ماتت وخلاتها صغيرة
كبرت البنت وصارت شابة بزاف و في عمر الزواج تقدملها فارس من فرسان قبيلة أخرى غير قبيلتهم
ويوم عرسها عيطلها بوها باش يوصيها لا خاطرش ما عندهاش امها اللي توصيها على حوايج ديرهم وحوايج ما ديرهمش.
كي جمعت حداه قاللها:" يا بنتي نوصيك حاجة ديريها في وذنك وما تنسيهاش، اذا سمعتي حاجة ما تقوليش سمعت واذا شفتي حاجة ما تقوليش شفت وما تهدريش بزاف الا للضرورة."
سمعت البنت كلام بوها وراحت لدار راجلها .
مرت ليلة وزوج و سيمانة وشهر والبنت ما تهدرش شعال حاول معاها راجلها باش تهدر وهي والو ساكتة حتى ظن الفارس بلي مرته طرشة وبكوشة ( بكماء وصماء) مرت السنين وجابت البنت زوج اولاد سماهم بوهم الحسن والحسين
مل الفارس من زوجته اللي ما تحكي ما تشاركه فالكلام فقرر يتزوج مرة ثانية
خطب الفارس ويوم ما راحت القافلة باش تجيب العروسة،
الزوجة الأولى كانت غاسلة القمح وناشراته قدام الشمس باش ينشف
من حياءها وخوفها لا كاش واحد يشوفها ما نجمتش تعس القمح اللي تداور بيه الجاج ( الدجاج) وقعد ياكل فيه.
في هاد الوقت كانت القافلة اللي راحت تجيب العروسة قد قربت من خيمت الزوجة الأولى
أما العروس فكانت فوق الهودج وشافت الجاج ياكل فالقمح قالت" أش يا خيمة الطرش والبكش ( يعني دار الصم والبكم) "
سمعتها الزوجة الاولى خرجت ليها وقالتلها أنا عشت مع راجلي سنين وجبتله الحسن والحسين ومازال حتى واحد ماسمعش صوتي وانت مازال ما حطيتيش روحك وقاع الناس سمعت صوتك "
تفاجأ الفارس لما سمعت مرته تهدر
قاللهم المرة اللي مازال ما وصلتش لخيمتها وقاع الناس سمعت صوتها تحرم عليا وردوها مين جبتوها
وعاش الفارس بعدها في سعادة وهناء وراكم تعرفوا النهاية السعيدة
يعني العبرة باينة
ان شاء الله تكون عجبتكم
لي عودة ان شاء الله في حكاية أخرى
ما تنسوش تعطوني رايكم

وانا اقرء فى قصتك تشوقت كثيرا
ومغزاها واضح
شكرا على السرد الجيد
عقبال ما تحكيها لاولادك واحفادك

[m3mar47]

شكرا لك على الموضوع الجميل
قصص ممتازة و فيها عبرة
نفع في الحياة اليومية

[novateen]

المشاركة الأصلية كتبت بواسطة abderrahmane.b

لاه معلابالكش بهم،مانيش انا لي قلت عليهم هكذا الناس كل يعرفوهم بهذه الصفة
ايا نحكيلك قصة على المعلمين
قالك كاين زوج معلمين تلقاو سقسا واحد لاخر قالو واش بيك راك مقلق قالو الثاني تهاوشت مع مرتي قالو لاه قالو يا عجابة بيدون زيت مايحكمش 03 اشهر قالو الثاني او راهم يسيقو بيه

ههههه ههههه عنده الحق كل يوطرو بشهر
شكرا على الحكاية الطريفة
بصح ماشي قاع المعلمين مشحاحين
ننتظر المزيد دائما لأن حكاياتك لا تمل

[novateen]

المشاركة الأصلية كتبت بواسطة الجازية الهلالية

السلام عليكم

عجبتني القصة تاع الاساتذة بزاف

ورانانستناو في القصة تاعك نوفاتين

وليوم جيتكم بهادي القصة

قالك الفيل دار حفلة ايا عرض كاع الحيوانات

نهار الحفلة كاع جاو غير النملة لي ماجاتش

الغدوة من داك تلقاها الفيل وسقساها على ماجاتش

قالتله جيت وماحليتوش عليا الباب ,ايا قالها الفيل انتي صغيرة كنتي تطيgي تدخلي من تحت الباب

ايا قالتله :شاوالا بغيت لاكوب تاع شعري تتخسر

هههههههه نورمالمو الباب تاع الفيل كبير ما غاديش يتخسر شعرها
سعيدة لأن حكاياتي راقتكم
شكرا لمرورك ومتابعتك للموضوع
ننتظر منك المزيد من الحكايات الطريفة فلا تبخلي علينا

[novateen]

المشاركة الأصلية كتبت بواسطة halimaa777

وانا اقرء فى قصتك تشوقت كثيرا
ومغزاها واضح
شكرا على السرد الجيد
عقبال ما تحكيها لاولادك واحفادك

ان شاء الله
يسعدني أن حكاياتي راقتك حبيبتي
ابقي بالجوار لسماع المزيد من حكاياتي وحكايات الأخوة الأعضاء
ويسعدنا اكثر اذا شاركتينا بحكاية أو نكتة مهما كانت
تحياتي لك أختي حليمة

[novateen]

المشاركة الأصلية كتبت بواسطة m3mar47

شكرا لك على الموضوع الجميل

قصص ممتازة و فيها عبرة
نفع في الحياة اليومية

لك كل الشكر والتقدير اخي معمر على مرورك بالموضوع
جد سعيدة لأن الحكايات ألقت اعجابك
اذا كانت بجعبتك أية حكاية من أي نوع يا ليت تشاركنا وتمتعنا بها وسنكون جد ممتنين
تحياتي لك

[novateen]

بعد ما عرف الاخوة أن البنت كانت على حق سقسوا البنت الأخرى على الحيلة وكيفاش رجعت أختهم سوداء البشرة فحكاتلهم القصة
راحوا الاخوة السبعة للعين البيضاء وطلبوا من اختهم تحمم باش تعاود تولي بيضاء البشرة والخادمة تولي لطبيعتها
عاش بعدها الاخوة حياة سعيدة مدللين فيها اختهم اللي ما كان يخصها حتى شيء حتى انها كانت أعز عليهم من زوجاتهم
طبعا هذا الشيء خلا زوجات الاخوة السبعة يغيروا منها وفكروا في حيلة تخلصهم منها ويبقى العز ليهم وحدهم
وحد النهار قرروا باش يروحو للواد يغسلو الصوف وداو معاهم البنت وتفاهمو باش يوكلوها بيضة الحنش اللي كانت في باديء الأمر مثل حبة الكسكس
طبخو قدرة بركوكس ولا كيما يقول البعض عيش وحطوا بيضة الحنش في المرة الأخيرة اللي بقاة وعيطت وحدة فيهم " شكون اللي عزيزة بزاف على خوتها فينا تجي تاكل المرة التالية من هاد العيش بلا ما تمصغها " قالت البنت بكل فخر "ماكانش وحدة فيكم عزيزة على خوتها كيفي أنا " وكلات هاديك المرة تاع الطعام بلا ما تمضغها
فاتت ليام وهاديك البيضة تكبر في كرش البنت حتى اتهموها زوجات اخوتها بالعار وانها بالحمل
وصل الخبر لخوتها وما صدقوش الخبر لاخاطرش يعرفوا مليح أختهم بلي ما ديرش العار
ومين كثرت الهدرة جاء عنها واحد من خوتها وقاللها راني باغيك اشوفيلي حاجة طاحتلي في عيني تنحيهالي وقاللها حطيلي راسي في حجرك باش تشوفيها مليح . ترددت البنت شعال ومن بعد قبلت وكي حط خوها راسه على حجرها حس حاجة تتحرك في كرشها وتأكد من الخبر المزعوم وطاحت دمعة من خده لا خاطرش كان لازم عليهم يتخدوا قرار صارم في حقها ........
يتبع ........

[novateen]

فكروا الاخوة السبعة في حل للمصيبة الي راهم فيها بصح باش يقتلو أختهم اللي عزيزة بزاف عليهم ما ينجموش يديروها فقرروا باش يرموها في بير
وراحو لبير بعيد ورماوها فيه واعطاوها الماكلة وراحوا
كانت ودعة تشرب من البير وتاكل من أي حاجة تصيبها تم والحنش اللي في كرشها يكبر ويزيد
في نفس الوقت كان شعرها يطوال حتى طلع من البير والتف مع النباتات اللي كانت دايرة عليه
وفي وحد النهار كان فايت فارس فشاف البير ربط عوده وقرر باش يريح شوية
راح هذاك العود ياكل فالحشيش اللي داير بالبير وعاه شعر ودعة اللي تألمت وعيطت عليه باش يحبس
سمع الفارس هدرة جاية من تحت البير فراح سلكها وسقساها على حكايتها الي حكاتهالوا بالكامل بصح ما عرفتش علاش اخوتها اتهموها بالعار وهي ما دارت والو
حار الفارس في أمرها وداها عند الحكيم
أمر الحكيم الخدم تاةعه باش يطيبولها ماكلة ويكثرولها فيها الملح وما يعطوهاش تشرب
ومن بعد علقوها من رجليها ودارو تحت راسها قصعة ماء
بعد شوية راح الحنش يخرج من كرشها لا خاطرش عطش وبغا يشرب فتفاجأ كل من كان فالمكان وهي بانت حقيقة براءتها وطهارتها
تزوج الفارس من ودعة وجابت له ولد كبر الولد وكان يلعب قدام الخيمة في حين جاء فجأة سبعة شبان وربطوا خيلهم باش يريحوا من العيا تاع الترحال تفاجأت ودعة وعرفتهم فالحين من عيادهم السبعة وراحت تغني لولدها " خوالك سبعة وعيادهم سبعة وسيوفهم سبعة..." سمع السبان المرأة تغني فسقساو الفارس وعندها حكالهم قصة أختهم من الاول حتى الأخير
ندمو الشبان بزاف على ثقتهم اللي خانتهم في اختهم
وقرروا باش يعاقبوا زوجاتهم على فعلتهم الخبيثة فحفروا حفرة كبير ودارو فيها النار وطلبوا من كل وحدة تقفز على الحفرة واللي شاركت فالحيلة طاحت وانحرقت الا وحدة ما شاركتهمش ....
وعاشت البنت ودعة مع اخوتها في سعادة وهناء
وهاذي هي حكاية ودعة مشتت سبعة
شكرا في انتظار حكاية أخرى تقبلوا مني أجمل تحية

[abderrahmane.b]

المشاركة الأصلية كتبت بواسطة novateen

ههههه ههههه عنده الحق كل يوطرو بشهر
شكرا على الحكاية الطريفة
بصح ماشي قاع المعلمين مشحاحين
ننتظر المزيد دائما لأن حكاياتك لا تمل

لاه راكي تدافعي على المعلمين يا نوفاتين، ما تقوليليش نتي منهم؟

[novateen]

المشاركة الأصلية كتبت بواسطة abderrahmane.b

لاه راكي تدافعي على المعلمين يا نوفاتين، ما تقوليليش نتي منهم؟

هههههه بلاك. ما تنجمش تعرف

[abderrahmane.b]

هاذي حكاية واحدة اخرى نشاله تعجبكم
قالك مرة كان جزائري وامريكي وجابوني ( ياباني) عطاو لكل واحد منهم مليار وقالولهم لازم تخترعو حوايج مالا الماريكاني خدم صاروخ يروح لأي بلاصة والياباني خدم خاتم بورتابل تكلم بيه اي واحد اما الجزائري صرف دراهمو اكل قعدتلو غير مليون مالا شرى معزة وكلبجوعهم ربع ايام قبل ما يوصل وقت كي يورو اختراعاتهم مالا بدا الماريكاني ورى اختراعو ثم الياباني وصت دالةالجزائري حط الكلب وعطاه حشيش كلاه وحط المعزة وعطاها اللحم كلاتو قالولو واشي هو الاختراع قالهم على الكلب: الكاركاس كلب والموتور معزة .على المعزة: الكاركاس معزة والموتور كلب
مع تحياتي nova

[novateen]

المشاركة الأصلية كتبت بواسطة abderrahmane.b

هاذي حكاية واحدة اخرى نشاله تعجبكم
قالك مرة كان جزائري وامريكي وجابوني ( ياباني) عطاو لكل واحد منهم مليار وقالولهم لازم تخترعو حوايج مالا الماريكاني خدم صاروخ يروح لأي بلاصة والياباني خدم خاتم بورتابل تكلم بيه اي واحد اما الجزائري صرف دراهمو اكل قعدتلو غير مليون مالا شرى معزة وكلبجوعهم ربع ايام قبل ما يوصل وقت كي يورو اختراعاتهم مالا بدا الماريكاني ورى اختراعو ثم الياباني وصت دالةالجزائري حط الكلب وعطاه حشيش كلاه وحط المعزة وعطاها اللحم كلاتو قالولو واشي هو الاختراع قالهم على الكلب: الكاركاس كلب والموتور معزة .على المعزة: الكاركاس معزة والموتور كلب
مع تحياتي nova

ههههه ههههه شكرا على النكت الرائعة ما رانيش عارفة مين راك تجيبهم