الحلقة ( 6) من المسلسل : يوم العرس بين عمار وزينب ...شاركنا بتقاليد منطقتكم ..

[هيا الجزائر]

السلام عليكم

وبعد طول مدة قدم اليوم المشهود اليوم نعم هم عرس عمار وزينب الكل مبسوط والدنيا زاهيا
ارتايت اولا ان اتشارك معكم تقاليد ولاية معسكر يوم الحنة
وكالعادة تروح العروسة وحباباتها للحمام وبعدها عند لاكوافاز (الحلاقة) وكي رجعت للدار بداو يوجدوا فيها ولبسولها الشدة باه يربطوا الحنة
**********************************************
وبعدا اتى اهل العريس وسمع كلاكسو وزغاريد النسوة
والكل وصل اهل العريس يدخلوهم لبيت وحدهم حطولهم التمر والحليب



ومن بعد يجيبو القهوة والقاتو





ودروك يجيبوا الاكل كل واحد على حساب طاقته كاين الي يحط :












وكاين الي يحط:


ص

وجا وقت الحنة باه يربطوا الحنة للعروسة اما الموسيقى راهم دايرين نوري الكوفي





وتعالت الزغاريد وتبدى واحدا تبرح بوها شا حطلها راكم عارفين سلسلة خاتم و... وتاع العريس تاني
وكملت الحنة
ومن وجهة نظري كل هدا لا لزوم له
وساوافيكم ايضا بما يخص يوم الخميس مين يجيبوا لعروسة
فالف الف مبروك للعروسة زينب وللعريس عمار ولعقوبا للباقيين ان شاء الله

[أمآآآآني البنفسج]

المشاركة الأصلية كتبت بواسطة هيا الجزائر

السلام عليكم

و عليكم السلام و رحمة الله تعالى و بركاته

الله عليك أختي جبتي واش يحب الخاطر

ما ناكلش بزاف بصح شهيتيني

يا ريت تعرضيني في عرسك

[أم عائشة أنفال]

ويأتي اليوم الثاني (الخميس)....في هذا اليوم يبعث أهل العريس سيارة كبيرة لنقل فراش العروس......وتبدأ العروس في تجهيز نفسها وفي المساء يأتي الكورتاج وتخرج العروس من بيت والدها الى بيت زوجها وتكون لابسة لاغوب بلانش..............تصل العروس الى بيت أهل زوجها وتستقبلها أم العريس أو احدى قريباته وتقدم لها الحليب وأحيانا التمر.

وفي السهرة تبدأ العروس بتبراز( التصديرة) أمام ضيوف اهل العريس وبعد الانتهاء يأتي العريس ويتم أحضار(بياس مونتي)


ويقوم العريس والعروس بقطعها والأكل منها أولا ثم يتم توزيعها على الضيوف بالاضافة الى المشروبات...... وبعدها ياتي احد أقارب العريس وغالبا أخوه ويقوم بتحزيم العروسة..........وتنتهى السهرة.
وبعد الزفاف بثلاثة أيام تذهب العروس مع أهل زوجها وأهلها الى الحمام وياخذون معهم الحلويات والمشروبات وتعلو الزغاريد داخل الحمام ويتم توزيع الحلويات على كل من في الحمام.

[(الانسان الوفي)]

المشاركة الأصلية كتبت بواسطة ملاك الطهر

و عليكم السلام و رحمة الله تعالى و بركاته

الله عليك أختي جبتي واش يحب الخاطر

ما ناكلش بزاف بصح شهيتيني

يا ريت تعرضيني في عرسك

السلام عليكم..واش خليتي اذن تحبي كلش ؟؟؟؟

متراطي والووووووووووو

بصحتك هاك نحبك كولي ....وخليها كيما جات جات ....

[¨°o.O (أمـ ♥ لؤي) O.o°]

المشاركة الأصلية كتبت بواسطة عزتـي بـحجابي

ويأتي اليوم الثاني (الخميس)....في هذا اليوم يبعث أهل العريس سيارة كبيرة لنقل فراش العروس......وتبدأ العروس في تجهيز نفسها وفي المساء يأتي الكورتاج وتخرج العروس من بيت والدها الى بيت زوجها وتكون لابسة لاغوب بلانش..............تصل العروس الى بيت أهل زوجها وتستقبلها أم العريس أو احدى قريباته وتقدم لها الحليب وأحيانا التمر.

وفي السهرة تبدأ العروس بتبراز( التصديرة) أمام ضيوف اهل العريس وبعد الانتهاء يأتي العريس ويتم أحضار(بياس مونتي)


ويقوم العريس والعروس بقطعها والأكل منها أولا ثم يتم توزيعها على الضيوف بالاضافة الى المشروبات...... وبعدها ياتي احد أقارب العريس وغالبا أخوه ويقوم بتحزيم العروسة..........وتنتهى السهرة.
وبعد الزفاف بثلاثة أيام تذهب العروس مع أهل زوجها وأهلها الى الحمام وياخذون معهم الحلويات والمشروبات وتعلو الزغاريد داخل الحمام ويتم توزيع الحلويات على كل من في الحمام.

اها شيئ جميل حنا عندنا يديو العروس عل 10 نتع الصباح وانتم عندكم في المساء

[نظام الفوضى]

بارك الله في مرور الجميع

وفي رد الجميع وحواراتهم

التي عبرت بدقة عن الواقع

الذي نعيشه في الأعراس





لكن اريد التذكير بشيء :

فقد ذهب كلكم الى وصف العرس

وطريقة تحضير العروس

وماالى غير ذلك من أمور

تحدث ايام العرس


لكن لم نقف بعد الى بعض الأمور

والتصرفات غير الحميدة

ولم نعط لها الحلول

هو حقيقة بما أنكم ذكرتكم ذلك

ولامست كلماتكم الصراحة

فقط لم تعطوا ارءكم

فيما يخص تلك الأمور

هذا رأيي



واعذروني عليه



------------------------------------

لا اعرف ايضا كيف اشكركم على جهودكم

وتواصلكم مع الحلقة والمسلسل ككل


فمن اراد منكم ان يتناقش في حلقة

ما او يريد ان يعالج امر ما ويدرجه

في حلقة يخبرنا به

او يمكنكم التناقش في ما بينكم

هنا :
مسلسل : حياتنا واقعنا...تربية ودين.......احجز موقعك

[هيا الجزائر]

المشاركة الأصلية كتبت بواسطة ملاك الطهر

و عليكم السلام و رحمة الله تعالى و بركاته

الله عليك أختي جبتي واش يحب الخاطر

ما ناكلش بزاف بصح شهيتيني

يا ريت تعرضيني في عرسك

وعليكم السلام روحمة الله وبركاته الف مرحبا بك واتشرف بحضورك ان شاء الله غير يسمحلنا الاخ فارس خرجنا عن الموضوع

[الحكومة و الشعب]

جا نهار الخميس و هو اليوم المنتظر استيقظت عروستنا زينب فطرت و راحت رفقة بنت عمها الطاوس و بركاهم الى الحمام و من ثمة للحلاقة
بينما اهل زينب مشغولين بتحضير و ترتيب الاغراض التي ستأخذها زينب معها لبيت الزوجية في حين عمار و اهله مشغولين بترتيبات الزفاف و سيارات الكورتاج و الصراحة عمار حصل ما لقى منين يدبر سيارات شابة و عليها الكلام على خاطر اصحابو و احبابو كامل مرتبطين باعراس اخرى مسكين عمار راهو يعاني بالسيف قدر يدبر سيارة للعروس و سيارة اخرى واحد من جيرانو قالو انا نحلك المشكل على خاطر يخدم نقل حضري جابلو 6 سيارات نقل حضري و دبرلو في كواستر ينقلو فيها الذر الصغار و العجايز ام عمار مزعوجة تحب تبان قدام الناس بالي هوما عائلة نتاع فخامة و برستيج زعمة
الان الساعة راهي حوالي 02.30 جات لعروسة من عند الحفافة فطرت و الكل قاعد ينتظر في اهل العريس يجو
فجأة رن موبيل زينب
زينب : الو هذا انت عمار
عمار : ايه هذا انا راني كلمتك باش نقلك رانا جايين وجدو رواحكم
زينب : استنى قبل ما تقطع ما تنساش مع الكورتاج جيبو معاكم كاروسا مازدا و كاميو هاربين
عمار : علاش ياو كرارس الكورتاج و بسيف دبرتهم هذا ما خص و اذا بيك الذر و العجايز راني دبرتلهم كواستر غير هني راسك
زينب : لالالا راني نقلك باش ننقل قشي فيهم
عمار : خلاص دوك نشوف كيفاش ندير بسلامة
لحقت الساعة 04.00 نتاع لعشية جاو العراسة ريحو شوية و قدمولهم اهل زينب قهوة و حلويات بينما هناك من يقوم بنقل جهاز لعروسة للكاميو
في المقابل كاين وحدة من الجيران تقرعج تطل من الطاقة و تتفرج على قش لعروسة عيطت لراجلها قاتلو اجي تشوف قش لعروسة

محتويات التروسو نتاع زينب


04 مطارح نتاع صوف
4 0 زرابي نتاع عقدة خادمتهم زينب بأيدها ما شاء الله من صغرها حاذقة و مقرمطة كانت كل صيف تخدم زربية مع 02 مخاد عقدة
04 زرابي شراتهم جاهزين من السوق
04 زرابى كبار نتاع سميرة
02 زرابى صغار نتاع غرفة النوم
04 دراوات
04 كوفيرطات دوبل فاص
صالون ماروكان
كوفرلي غرفة النوم
اطقم لشرب الشاي و القهوة
نابات مخدومين بالكروشي لتزيين غرفة النوم خادمتهم زينب بيديها
فراش خملة فراش نائلي حر هذا الصراحة هدية من عم زينب


حوار دار بين الجارة و زوجها
الزوج : شوفي شوفي الخير و الخمير الي داتو لدار راجلها داتلو دار كاملة ماشي كيما انتي يا وجه الشر جيتيني غير بيديك
الزوجة : ياو واش راك تهدر او تحمد ربي اني اصلا قبلت بيك و تزوجتك على زين المهر الي جبتولي حتى نجيبلك القش معايا تدير مزية تسكت خير سي نو دوك نخمل قشي و نروح لأهلي
الزوج : ياو تديري مزية طريق السد تدي ما ترد .
نرجعو لدار زينب الآن قش زينب اصبح بالسيارة و اهل عمار كملو شرب قهوة و الكل جاهز للذهاب الى بيت العريس
خرجت زينب و هي متغطية ببرنوس ابوها برنوس ابيض وسط طلقات البارود من طرف اعمامها و اخوالها ركبت السيارة و ركب الجميع و بدأ موكب العروس يجول الشوارع الرئيسية لمدينة الجلفة
بدأ الكورتاج من حي قناني و طلعو مع طريق الجلفة الجديدة مرورا بحي الحدائق و كملو مع طريق حي الوئام و من الوئام دارو مع حي بوتريفيس و خرجو بحي 100 دار و كملو مع حي الظل الجميل و كملو الطريق مع السونتر فيل طلعو مع البولفار 8 مرورا بباب الشارف و حي عين الشيح و دارو مع حي بربيح و شيغيفارا و رجعو على طريق دار البارود متجهين نحو فندق الامير حيث يقام العرس هناك





الصراحة عجبني الكورتاج تجول بينا مع مختلف احياء الجلفة الجميلة و طبيعي يكون الكورتاج مليح خاطر اغلب السيارات نتاع نقل حضري يعرفو خدمتهم مليح

دخلو اهل العرس و جلسو بالطاولات المخصصة للمعازيم قدمو اهل عمار الحليب و التمر ثم قدمولهم القهوة و الحلويات








بينما زينب دخلت لغرفة خاصة كي ترتاح قليلا و تتوجد لبدء التصديرة هي صح تصدرت نهار الحنة مي قالولها لازم تعاودي تصدري خاطر كاين ناس من اهل عمار ما حضروش الحنة و حابين يشوف تصديرتك ز ينب ما كانش عاجبها الحال و بالاساس هي كانت رافضة موضوع التصديرة غير قنعوها بيها بسيف
بدات تتصدر زينب لبست النائلي و القبائلي و الشاوي و الفرقاني و الكاراكو و الوهراني و السطايفي
و هي تصدر حصل شجار بسيط بينها و بين بنت عمها النخلة
النخلة : استناي نلبسك و الله غير يخرج عليك فور سيرتو مع الي انتي سمراء و تشبهي الهنودة
زينب : واش هذا اسمحيلي حنونة غير هذي الي ما تصراش جامي نلبس حاجة كيما هاك
النخلة : ياو بركاي حابة الناس يضحكو علينا و يقولو هذو متخلفين البسي البسي راهو اخر موضة عند لعرايس
زينب : لا اخر موضة لا عمار بوزوار لوحي عليا هذ الشيفونة ما راناش في الهند يا حنونة رانا في الجلفة و بين اللبس الهندي و الروبا القبائلي نلبس حطتنا نتاع لقبايل خير على الاقل من تقاليد بلادنا و اش يدين للهند و نخلو خيرات البلاد
كملت زينب مع التصديرة





في المقابل و على طاولات المعازيم هناك تمنشير و قيل و قال
ارواحو تسمعو بعض الحوارات التي تحدث بالاعراس
احد المعازيم : شوفي شوفي تصديرة لعروسة و الله غير العام الي فات شريت روبا فوطوكوبي على الروبا الي لابستها
ترد عليها الأخرى : و الله عندك الحق تصديرتها كامل ديمودي باين عليها عروبية ما نعرف كيفاش جابوها عروسة لوليدهم
و على احد الطاولات توجد ام و بناتها الاربع
الام : ايا نوضو تشطحو و انتم قاعدين متسمرين على الكراسى
احد البنات : ماما و الله ما عندي قوسطو باش نشطح ديجا الاغاني الي حاطينها ماشي شابة تطيح المورال
الام : ايا نوضي حركي روحك شويا فطي و نطي بلاك كاشما تعجبي وحدة من الحاضرين تخطبك لوليدها و لا حبيتي تبقاي بايرة !!!!!!!
احد المعازيم : اوووووو شوفي شوفي لعروس ماشي شابة كامل و حتى التصديرة مش طايحة عليها و الله ما يستاهل عمار لو كان عطى ربي كان خطبولو بنت عمو سعدة شابة و عينيها زروقا تقول المانيا
ترد عليها الأخرى : ايه و اش تحبي حنونة يعطي اللحم للي ما عندوش الاسنان الدنيا زهر
في هذه الاثناء تمر بركاهم بنت عم زينب و تسمع جزء من الكلام تحدث مشادات كلامية بينهن و قريب يحضرو لا بوليس في عرس عمار غير ربي ستر
جاو قت العشاء دار عمار قدمو للمعازيم طبق كسكس نائلي و معاه قرع نتاع قازوز نوع ايفري و الديسار كان عنب و دلاع (العنب جايبينو من حوش دار عمار في دارهم غارسين عنبة)


الديسار




انطباعات المعزيم على الاكل :
احد المعازيم : و الله ما كان ما كان الطعام محصبن مش مبخوخ مليح و المرقة حامضة و اللحم مش طايب مليح و يظهرلي مش لحم غنمي
ترد الاخرى : ايه حسب بنتو نظن لحم نتاع ماعز
و تدخل الاخرى : ارواحو تدو خبر رسمي من عندي حتى الديسار جايبينو من العنبة نتاع دار عمار يا خي حالة يا خي الزلط و التفرعين الي يشوف العرس في اوتيل الامير مي المقامة والو الزوخ و الفوخ و العشا قرنينة
مر العشا و جات السهرة قدمو الشاي و حلويات العسل و المكسرات




و في هذه الاثناء كان زينب تلبس و هنا كانت المفاجأة زينب كان رافضة تماما لفكرة لبس لا روب بلونش
و دار الحوار التالي بينها و بين بنت عمها بركاهم :
بركاهم : وين راها لاروب بلونش
زينب : و الله راني باغية نلبس روبا نايلي مع الزمالة و المدور و الناصية
بركاهم : و اش راكي تقولي حبيتينا نتبهدلو قدام الناس و فوق ذاك لا روب بلونش راهي حلم كل بنت و قتاش يلحق الوقت و تلبسها
زينب : لا تبهديل لا والو هذ عرسي و انا حرة واش نلبس و فوق هذا و ذاك انا عندي الروبا النايلي خير من لاروب بلونش بالف مرة و ديجا لا روب بلونش ولات ديمودي
طلت لا لة زينب على الحضور باللباس النائلي في حين الكل كان متوقع انها تطل بلاروب بلونش


في هذه الاثناء جات ام عمار تقول انو صار وقت يدخل لعريس عمار كان حشمان و وجهو احمر و مش عاجبو لحال يدخل في لمعماعة نتاع النسا مي كان مجبر و تحت ضغط
و زينب غير قالولها لعريس رايح يدخل ويقعد وسط النسا قريب تغاشات و قالتلهم هذي جامي تصرى ما هي من عاداتنا ما هي من تقاليدنا ما هي من دينا و مرانش قوررررررر وهاذي حاجة غريبة على ولاد نائل ياك احنا معروفين بالحجبة و الحشمة كيفاش حبيتو يدخل راجل و يجمع وسط النسا
و كيما عملت زينب المسكينة ضغطو عليها نتاع بسيف
دخل عمار و هو حشمان و مهبط راسو و زينب كانت تغلي داخليا لكن ما عرفت ما تدير حطوها قدام الامر الواقع جابو قالب الحلوة قطعوه و عمار لبس عروستو الخاتم و هو مسكين يعرق كانو مار على الصراط و زينب كان تعد في الدقائق باش تخرج من الموقف
و في الاخير و رغم كل الصعوبات و الضغوطات مر العرس بسلام


عمار : و الله الحمد لله ما توقعت نلحق لهذ النهار رغم كل الصعوبات و المشاكل
زينب : ايه الحمد لله كل شي يفوت تبقى غير الذكريات مي راني على بالي راك تخمم في ديونات لعرس
عمار : و الله عندي ما درت ديونات يسلكها ربي
زينب : عمار حابة نقلك سر مي رد بالك تفضحني قدام اهلك
عمار : واشنو غير الخير
زينب : انا الصراحة هذيك التصديرة الي درتها بالعرس كنت غير متسلفتها من عند بنات عمي و هو ما الي قنعوني بيها خاطر كنت رافضتها تماما واش ندير بروبا فرقاني تسوى 5 مليون نلبسها ربع ساعة و من بعد نرميها في الخزانة ؟؟
نقلك الصح جزء من الدراهم شريت منهم قش للدار و جزء خبيتو عندي قلت نعطيهولك خاطر على بالي يكون فيك ديونات
عمار : و الله غير تفجأة فيك و ما توقعتها منك الليلة يلزمني نصلي ركعات شكر لربي خاطر عطاني بنت اصل و تفهم معنى الزواج و المسؤلية مي واش رايك حنونة لو كان نديرو بيهم شهر لعسل و الدين نخلصوه من بعد
زينب : لالالا مدامني معاك ايامي كامل راهي عسل و ورد ما نرضاش راجلي كل يوم تطبطب عليه الناس على جال الديونات ابدى قبل خلص ديوناتك و اذا ربي عطانا الصحة و العافية نعياو ما نحوسو
عمار: و الله ما لقيت ما نقول هاذي هي النايلية بنت الاصل دايما واقفة حد زوجها على الحلوة و المرة


بقلم اختكم عطر الملكة

[نظام الفوضى]

المشاركة الأصلية كتبت بواسطة الحكومة و الشعب

للرفع ..........................

يا اختي عطر الملكة

والله اني جد اسف على عدم التعقيب على ردودكم

واعلم كم تعتبم وهي جد جيد ومبدعة

لكن اعذروني


فليس لي طاقة في الكتابة

[الحكومة و الشعب]

المشاركة الأصلية كتبت بواسطة **فارس**

يا اختي عطر الملكة

والله اني جد اسف على عدم التعقيب على ردودكم

واعلم كم تعتبم وهي جد جيد ومبدعة

لكن اعذروني


فليس لي طاقة في الكتابة

ايه على بالي خويا لعزيز مي غير حبيت نشوف مواضيعك منورة الصفحة الاولى

[¨°o.O (أمـ ♥ لؤي) O.o°]

اختي ملكة عطر والله استمتعت بقراءة ماكتبته وبالفعل عالج الكثير من الامور
عكس ماقمت به انا خاصة ماوقع في التصديرة و الحوار الاخير الذي دار بين عمار و زينب
بارك الله فيك واكثر من امثالك

[الحكومة و الشعب]

المشاركة الأصلية كتبت بواسطة عربية حتى النخاع

اختي ملكة عطر والله استمتعت بقراءة ماكتبته وبالفعل عالج الكثير من الامور
عكس ماقمت به انا خاصة ماوقع في التصديرة و الحوار الاخير الذي دار بين عمار و زينب
بارك الله فيك واكثر من امثالك

يبارك فيك اختي لعزيزة
انا ايضا استمتعت بما كتبته عزيزتي و بما كتبه الاخوة و الاخوات و تعرفت على بعض التقاليد الغير موجودة عندنا جميل جدا ان نتعرف على تقليد بعضنا في مثل هذه المناسبات السعيدة

كما اسعدتني قراءتك لتفاصيل العرس الجلفاوي هذا نموذج او تصور لما يحدث في اعراس الطبقة المتوسطة من اهل الجلفة و اعراس اغنياء الجلفة الصراحة كارثية في كثير من الاحيان خاصة اذا تعلق الامر بموضوع التبذير و الاسراف و المظاهر الزائفة
اضافة لأمر مهم موضوع المعاملة في كثير من الاعراس لاحظت فكرة المعاملة و التمييز بين زوجة سي فلان الفلاني و زوجة واحد بسيط زوجة سي فلان الفلاني تعامل معاملة خاصة و تجلس في البلاصة المخيرة علاش لانها زوجها غني و جاية معمرة باللبس الذهب اضافة انها جاية و محملة بلي كادو و جايبة معها باروك و قدره .....................
بينما زوجة الأنسان البسيط او الفقير تعامل معاملة لا مبالاة
و الصراحة الزوالي مولاه ربي في الاعراس او اي مكان يعامل معاملة الحقرة

[الحكومة و الشعب]

الجزائر فيها 48 ولاية اين باقي الاعضاء و اين هي تقاليد مناطقهم في الاعراس نرجو التفاعل مع الموضوع
نريد معرفة المزيد عن تقاليدكم

[البلسم الشافي]

المشاركة الأصلية كتبت بواسطة الشــــــيخ

معذرة اختي الفاضلة ....

ولكن انتي تكلمتي عن بعض المميزات في اعراس محددة على انها من تقاليدنا والعادات التي تركوها لنا الاجداد ... بينما لم يكن في سابق الاعراس وان اقيمت حلقات وعظ واناشيد ( بمفهومها الحالي) .... الا في الوقت القريب جدا اين ظهرت الفئة السلفية والاخوان واصحاب المال والبضخ وتم التفريق في خصائص زفاف كل فئة منهم .

يعني ما اردت توضيحه هو ان كل ما قلته صحيح وفيه جانب من الواقع خصوصا ما يخص عدم الاختلاط في حفلات الزفاف .... ولكن هي وجهة نظر فئة معينة من المجتمع الجزائري .

شكرا .... مع التقدير والاحترام للجميع

أهلا بالشيخ الكريم
في الحقيقة قد ذكرت أن هذه التقاليد موجودة في منطقتي
وهي مطبقة فعليا وليست عن تقاليد الأجداد ورواياتهم فحسب.
أجل هي وجهة نظر فئة معينة من المجتمع،لكن تبقى فئة وبامكانها مشاركتكم بتقاليدها على ما أعتقد

أدري بأن الموضوع قد طلب مايحصل والأخطاء الشائعة،كما قد طلب بعض التقاليد
فسردت نبذة عن تقاليدي وقد شرعت في سرد ما أرى في الأعراس من أخطاء، وسأكمل بإذن الله تعالى، علني أجد لدى البعض تفسيرا لما يضرنا جراء تقاليدهم الدخيلة الغريبة

سلامي مع احترامي

[البلسم الشافي]

السلام عليكم ورحمة الله تعالى وبركاته

أود أن أسأل

مابال هذه السلسلة القيّمة تجمدت؟؟؟ وماذا عن جديدها أخ فارس؟؟ أم أنها قد قررت التجمد الفعليّ الدائم؟؟؟ وإن كان نعم فلما؟؟



سلامي للكل

ورمضان مبارك