همزة الوصل بين المعلم و الولي " الطبعة الرابعة "

[/زهرة عصفور الجنة/]

سبقتني ام اريج النت عندك اسرع من عندي

[mimai]

شكرا ام اريج موضوع سهل ان شاء الله يركزوا يارب....................
ننتظر منك موضوع الرياضيات

[*أم سارة*]

السلام عليكم راني جيت هذا وين راحو ضيافي الموضوع راهو بين يديا جابهولي زوجي منذ نصف ساعة وليت نترعد قبل مانفتحو ومن الارتباك قلتلهم ايييه ساهل الاعراب اسم أن ومفعول به غلطت كنت نقصد مضاف اليه ولاو يضحكو زوجي استاذ لغة وسلفتي استاذة لغة تفضحت فاقولي متوترة واش رايكم فيه انا خفت الاسم المقصور ما يعرفوش يخرجوه الباقي سهل والوضعية بسيطة والتوظيف كذلك ومخاف تماما للتوقعات

[serine alger]

السلام عليكم ورحمة الله وبركاته
كيف حال الأمهات الحلوات الخوافات القلقات ان شاء الله بخير.

**أم سارة** رحم الله فقيدتكم. ولا تقلقي كثيرا على سارة. وبصرااااحة الأول في الشهادة في الأغلب لايكون الاول في العام الدراسي ولن يكون الأول في المتوسطة هدا ما لاحظته مع ابني. المهم هو سلامة ابنتك. والدراسة مازالت طويلة .هنا البداية فقط.

[*أم سارة*]

ام ياسين توحشنااااااااااااااااااااك

[yacidani]

المشاركة الأصلية كتبت بواسطة *أم سارة*

ام ياسين توحشنااااااااااااااااااااك

اتوحشاك الخير حبيبتي ..أنا ثاني توحشتكم كامل ....و كنت نستنى دخولك .....راكي شافية السنة الماضية كنتي نشيطة هههه جاز العام في رمشة عين ....و خلينا من سوجي روحي وجدي واش تاكل نحولتنا ريم سارة ...ربي يوفقها بأعلى معدل و كل أبناء الهمزة ....و باااااااااااااالاكي تكلميها عن الاختبارات ....كل الخير درتي كيما دات أم عادل السنة الماضية ....ما شافتش كامل مواضيع الاختبارات ....المهم ان شاء الله كل شيء يجيهوم ساهل

[دلال 30]

السلام عليكم ورحمة الله
كيف حال الجميــــــــــع
والله تنفست الصعداء بعد رؤية الموضوع
ربي يبشرك بالجنة يا اختي ام اريج
ربي يبشرك ب حجة لبيت الله ان شاء الله
....... لي عودة.... سلام

[نخله.]

اخيرا استطعت الدخول من الهاتف

النص حول النزوح......نظن رح يجيهم صعب اختيار العنوان

بقيه الاسئلة سهلة

الوضعيه ولاد الجنوب منعرفوش الريف عندنا اما حضر اما بدو تو صحراء

[نخله.]

كيف احيين الصفحة في الهاتف بعني ناكتياليزبها؟؟؟

[عبد الناصر أمازيغ]

المشاركة الأصلية كتبت بواسطة نخله.

كيف احيين الصفحة في الهاتف بعني ناكتياليزبها؟؟؟

قومي بسحب الصفحة إلى الأسفل ، يعني تسحبين أصبعك على الشاشة للأسفل ، تنظرين للأعلى ترين ثلاث نقط فوق بعضها ، المسي النقط تنفتح نافذة ترين أيضا في الأعلى على اليمين سهم منحني بشكل دائري ، بالضغط عليه يحينين الصفحة .

[serine alger]

**أم ياسين ودانيا** هههههههه كنت نستنى فيك .البارحة قلتلهم خصيتي. خلي شوية من الخوف للعام الجاي ان شاء الله. سبحان الله كنت دايما نحسب ياسين مازال صغير .والان الله يبارك قريب يجوز السانكيام.

[yacidani]

المشاركة الأصلية كتبت بواسطة serine alger

**أم ياسين ودانيا** هههههههه كنت نستنى فيك .البارحة قلتلهم خصيتي. خلي شوية من الخوف للعام الجاي ان شاء الله. سبحان الله كنت دايما نحسب ياسين مازال صغير .والان الله يبارك قريب يجوز السانكيام.

هههه واش راكي أم عادل و ننوس ...اسقسي عليك الخير

صح يكبروا ولادنا بلا ما نفيقوا ...أما عن الخوف . ما شكيتش كاين خوافة أكثر مني ( نلعبها برك ندير كوراج..هههه.)..راني نخمم من دورك ....و الله المستعان ... ربي يوفق أولادنا كامل ..حنا نديروا لي علينا و الباقي على ربي سبحانو

[serine alger]

موضوع اللغة سهل وان شاء الله سيكون الرياضيات والفرنسية أيضا. يعني ككل الدورات .ولكن الشاطر هو اللي يركز فادعوا لابنائكم بالتركيز.

[/زهرة عصفور الجنة/]

ام ياسين مكانش خوافة قدي

[yacidani]

المشاركة الأصلية كتبت بواسطة /زهرة عصفور الجنة/

ام ياسين مكانش خوافة قدي

هههههه زهرة الجنة ...ضحكتني

لا بأس اذن ...ما رانيش وحدي ..طلعتلي المورال