الى ام اسيد1 وكل وحدة حاصلة واش الطيب

[روح مراد]

شكرا أم حمزة ربي يعاونك و يحفظ أولادك
أنا ثاني مازال ما كملتش النيتواياج بقالي بيتي و صال دوبان
الجمعة للي فاتت جربت قاطو باش نديرو لبنت سلفي في عرسها و كان فيه وردة بعجينة اللوز كي خرجولي شابين خدمت شوية حطيتهم في علبة كبيرة و خليتهم ينشفو فررحت قلت على الأقل نبقى نخدم حتى للعرس نكون وجدتت حطيتهم في جيهة في الكوزينة
عجوزتي طيبت مثقبة نتاع الطاجين و حطت الوردات جيه و حطت المثقبة سخونة جيه و غلقت العلبة هاهاهاههاهاها أنا لا خبر اليوم صباح جات تشرب قهوة جبدت العلبة و جبدت و أنا قلت تكون رماتلي الوردات و هي حطتهم جيه و ذابو كامل تعبي راح باطل و الله كيما يقولو بدون تعليق ما لقيت ما نقول رفدتهم و رميتهم و خرجت

[غزالة الصّحراء]

المشاركة الأصلية كتبت بواسطة منال ومنير

صباح الخير اخواتي وشراكم الله غالب مراهش عندي الوقت بزاف مع الحدمة راهي بزاف كي نلقا روحي نشارك معاكن ماتنساونيش
رب يحفضكم

أهلا ومحربا بك أختي أم منال ومنير. نورتي الصّفحة وزدتيها إشراقة وبهاء بهذه المشاركة القيّمة. غير ماتخافيش حنونتي مانسينا أيّة واحدة. وأنا شخصيا راني أعطيت لك رابط باش تستفاد منو الأمورة آية. عودي إلى الصّفحات السابقة تجدينه وأتمنّى أن تجدي فيه أجوبة عن الأسئلة التّي قد تراودك. ربيّ يحفظنا جميعا.

[ام حمزة22]

المشاركة الأصلية كتبت بواسطة روح مراد

شكرا أم حمزة ربي يعاونك و يحفظ أولادك
أنا ثاني مازال ما كملتش النيتواياج بقالي بيتي و صال دوبان
الجمعة للي فاتت جربت قاطو باش نديرو لبنت سلفي في عرسها و كان فيه وردة بعجينة اللوز كي خرجولي شابين خدمت شوية حطيتهم في علبة كبيرة و خليتهم ينشفو فررحت قلت على الأقل نبقى نخدم حتى للعرس نكون وجدتت حطيتهم في جيهة في الكوزينة
عجوزتي طيبت مثقبة نتاع الطاجين و حطت الوردات جيه و حطت المثقبة سخونة جيه و غلقت العلبة هاهاهاههاهاها أنا لا خبر اليوم صباح جات تشرب قهوة جبدت العلبة و جبدت و أنا قلت تكون رماتلي الوردات و هي حطتهم جيه و ذابو كامل تعبي راح باطل و الله كيما يقولو بدون تعليق ما لقيت ما نقول رفدتهم و رميتهم و خرجت

يا فرحة ما تمت
ما عليش حبيبتي زيدي اخدمي وحد اخرين وربي يقدرك ويكون في عونك

اما عن النيتواياج انا درت غير 2بيوت مازالي الصالون وغرفتي وغرفت وليدي لكبير ومازالت الكوزينة والحمام درتو هو الاول بصح انا دايما نجوز على الدنيا ما نخليهاش تبطة دايما رافدة نشاف ونجوز
ربي يقدر الجميع ويبارك في صحة الجميع

[روح مراد]

أم حمزة أنا و الله نسيق كل عشية بالصح داري قهوة موح شرب و روح كل يوم زائر جديد و كل يوم خرجة جديدة و أنا صراحة التعب رجع ظاهر عليا و على وجهي حتى راجلي فاقلي غير يدخل العشية يقولو ريحي بالصح الله غالب ما نقدرش نرقد و نخليهم بلا عشاء و ما نقدرش ناكل و النوض لازم نستنا و نرفد الطابلة نخاف النوض قبل العجوزة و ترفد هي و تحسب درتها بالعاني باش ترفد هي

[غزالة الصّحراء]

المشاركة الأصلية كتبت بواسطة روح مراد

شكرا أم حمزة ربي يعاونك و يحفظ أولادك
أنا ثاني مازال ما كملتش النيتواياج بقالي بيتي و صال دوبان
الجمعة للي فاتت جربت قاطو باش نديرو لبنت سلفي في عرسها و كان فيه وردة بعجينة اللوز كي خرجولي شابين خدمت شوية حطيتهم في علبة كبيرة و خليتهم ينشفو فررحت قلت على الأقل نبقى نخدم حتى للعرس نكون وجدتت حطيتهم في جيهة في الكوزينة
عجوزتي طيبت مثقبة نتاع الطاجين و حطت الوردات جيه و حطت المثقبة سخونة جيه و غلقت العلبة هاهاهاههاهاها أنا لا خبر اليوم صباح جات تشرب قهوة جبدت العلبة و جبدت و أنا قلت تكون رماتلي الوردات و هي حطتهم جيه و ذابو كامل تعبي راح باطل و الله كيما يقولو بدون تعليق ما لقيت ما نقول رفدتهم و رميتهم و خرجت

أهل بك روحي. وياربّ اتكوني بألف خير. أنت ومرادك. واش أنقولك. كيما ايقولوا ناس بكري. مَايِنِتكَلْ غِيرْ المَكْتُوب. وربّي ايعوضك من عندو بالشّيء ألي تتمناي. ربّي يزقك من حيث لاتحتسبين. رّبي ايفرحك بذريّة صالحة أتنسيك كلّ هموم الدّنيا. اللّه اجعل أيامك كلّها ورود وتفوح عليك بأروع العطور.
روحي حبيت أتقولك شيء أنا وليت أنوقلو كلّما يحدث أيّ أمر. مثلا في السّابق لما كنت أعروسة جديدة . كلّ مانكسّر حاجة طبعا عن غير قصد نترعد من الخوف من أعجوزتي. على خاطر أتقولي دائما: أشريت الأواني واتحفظت بهم كلّ هذه السنين . وضروك يتكسروا . انا كنت نسكت. بصّح اليوم. أولادي بسلامتهم لمّا يكسروا كاش حاجة مانزعفش اخلاص. أنقول: أتكسّر الهّم إن شاء اللّه. وإذا راحت حاجة . أنقول: راح الهمّ .
أنت ثاني مادام الوردات ذابو ياربّ الهمّ ايكون ذاب وراح ابعيد من غير رجعة ويجي في بلاصتو الهناء والسّعد.

[ام حمزة22]

المشاركة الأصلية كتبت بواسطة روح مراد

أم حمزة أنا و الله نسيق كل عشية بالصح داري قهوة موح شرب و روح كل يوم زائر جديد و كل يوم خرجة جديدة و أنا صراحة التعب رجع ظاهر عليا و على وجهي حتى راجلي فاقلي غير يدخل العشية يقولو ريحي بالصح الله غالب ما نقدرش نرقد و نخليهم بلا عشاء و ما نقدرش ناكل و النوض لازم نستنا و نرفد الطابلة نخاف النوض قبل العجوزة و ترفد هي و تحسب درتها بالعاني باش ترفد هي

ماعليش حبيبتي ربي يقدرك ويخليلك صحتك
اتهلاي في روحرك وربي يجازيك كل خير

[روح مراد]

شكرا غزالتي على النصيحة
أنا ما نخفش عجوزتي على خاطر ما شرات ما حطت ما جابت كل شيء عاودت شريتو

[غزالة الصّحراء]

المشاركة الأصلية كتبت بواسطة روح مراد

شكرا غزالتي على النصيحة
أنا ما نخفش عجوزتي على خاطر ما شرات ما حطت ما جابت كل شيء عاودت شريتو

روحي. المهم أتهلاي في روحك . وربّي ايفرحك من عندو كيما راكي اتفرحي الكلّ . ربّي يرزقك بذريّة صالحة وتخليك دائما تاج فوق رؤوس أهل زوجك وأهلك.

[روح مراد]

آمين غزالتي ربي يحفظك

[غزالة الصّحراء]

المشاركة الأصلية كتبت بواسطة ام حمزة22

يا فرحة ما تمت
ما عليش حبيبتي زيدي اخدمي وحد اخرين وربي يقدرك ويكون في عونك

اما عن النيتواياج انا درت غير 2بيوت مازالي الصالون وغرفتي وغرفت وليدي لكبير ومازالت الكوزينة والحمام درتو هو الاول بصح انا دايما نجوز على الدنيا ما نخليهاش تبطة دايما رافدة نشاف ونجوز
ربي يقدر الجميع ويبارك في صحة الجميع

أهلين بحبوبتنا الغاليّة. نوزّرتي دارك. أنا كملت النيتواياج. وراني أغرست اشويا أنتاع الفلفل والطماطم . والحبق والنّعناع وثاني القسبر ولو انّو تأخرت عليه اشويا.مالقيتش أمنين نشري الزريعة. بصّح ابدا يخرج وفرحت بيه بزاف هههههه أتقولي مولود أجديد. واللّه غير نلقى روحي بزاف في هذيك الحديقة السّاحرة الصغيرة . كلّ اصباح ولعشية نسقي المنتوج ونتهلا فيه. على الأقل رايح يعطيني ثمن تعبي. مزال التخمال برك. لازم أنطبق لحوايج . ونزيد الفراش ألي اغسلتو أنرجعو لبلاصتو. ياله حبوباتي الدجاج راه يستناني. إلى ملتقى آخر بإذن الرحمن تحياتي الحّارة للجميع. .

[روح مراد]

ربي معاك غزالتي نقي الجاج باش تتهناي منو

[ام حمزة22]

سامحوني لبنات انا نروح ندير قيلولتي لولاها ما نقدر نكمل نهاري راني من4 نتاع صبح وانا ندور

ربي يجيبلكم الخير كاااااامل ويبعد عليكم الهم

تحياتي للجميع
في امان الله

[روح مراد]

في أمان الله غزالة و أم حمزة ربي يعاونكم و أمسية سعيدة

[غزالة الصّحراء]

في أمان اللّه لكنّ جميعا. وإلى الملقى الآخر بإذن الرحمن. ألف تحيّة للجميع.

[أم الحبايب 26]

على سلامتكم يلبنات بصاحتك اشورا ام حمزة تخا يطها بصحا روح مراد ر اهو مشالله عليك انا جبلي رابي ماكيش تر قدي كامل رابي يعينك والله يقادر ك غزالة يعطيك اصحا عل ى معلومات ر اني دا رت معجون خوخ جاني هايل مبصح مقاطعتوش صغير انا نحب لطراف نتاوعو يقعدو صحاح صدفات يعطيك ا صحا على ادعية الله يجعالها فمزان حسناتك روحت لدارنا بارح دارنا حنا نتع وليد خويا و نهار خميس طهار ة نتاعو ا
سلا مي ليكم كلامل