اقتباس:
المشاركة الأصلية كتبت بواسطة ام مرية
ايه صح كي عدنا نحبو بعض ونخافو على بعض ونتوحشو بعض عليها الي حسيتي روحك تعرفينا من زمان اهلا بيك معانا نحلة جديدة اقبلي على الشقاء ههههه حبيبة راهي دايرة فينا حالة لا للنوم في الصباح وانا نموت عليه لا للسهر باش نوضو بكري ونا ما نعرفش روحي لوكان ما نسهرش لا للصراخ على الاولاد ونا مرية دايرة فيا حالة نهار كامل ونا نعيط موراها نعم للجلوس مع الزوج وتبادل اطراف الحديث وانا مين نقعد مع شهريار وهو يحكي على الرياضيات وانا نكره الرياضيات هههههههههه
ربي يخليلنا حبيبة الي نورت حياتنا الله ينور حياتها ويعطيها الي في بالها
|
شفتي شفتي خسارة نحب نمشي على خطاك في كلشي ماعدا اني مانحبش الرياضيات
هاهاها علابالك بلي عندي شهادة الدراسات العليا في الرياضيات هاهاها والله يلا نموت عليها حتى ولدي شبهني يبغي يراجع غير الرياضيات هاهاها
اقتباس:
المشاركة الأصلية كتبت بواسطة houdehoud
sbaaaaaaaaaaaaaa7 el khir
lyoum maniche kadra noud men lefreche ala bali li fih elkhir rbi yguedmou mais le moral raho=0 ngoulkom 3lah ala khater fewte concours bech nekhdem w les sujet gudem w 3awdohom w ana kano 3ndi w jawbte jit ana 2eme b 16 moyenne w wa7d kabli jab 16.03 w lmochkil f concour da les resumé nta3i w nakl bihom mala lyoum rani demoralisé totalement w zidou dirou f balkom beli lekhdma hia l7el nta3i bech nekhrej men dar w nehreb men lmachakel nta3 3jouzti w kol les probleme li 3ndi essm7ouli had lyamet manekderche nconnecti rbi m3akom
|
يا اختي هدهد نقولك كلمة دخليها مليح في راسك
يلا ربي يكون كاتبلك حاجة تلحقيلها تلحقيلها ويلا ما تكونش مكتوبة تجريلها وما تلحقيلهاش
انتي ما تيياسيش عاودي فوتي وادعي ربي يوفقك وكلشي بالمكتوب حبيبتي
اقتباس:
المشاركة الأصلية كتبت بواسطة souhir69
صباحكم عسل يا نحلات
بالنسبة للتطبيق يوم امس كانوا عندي ضياف وراحوا حتى اليوما الصباح
اما الاشغال راهي تمام التمام
كل يوم مسح كنس تنظيف ترتيب الله يعطينا دوام الصحة
بالنسبة لليوم ---الجانب الديني -- الحمد لله الجانب التنظيفي -- غسل ارضية البيت بالمنظفات
الجانب الجمالي --- كالعادة نشكر الله
حكممممممممممممة اليووووووووووم
دائما في التحديات
ان شاء الله لا يرجع الزوج او الاولاد او الوالدين او الاخوة
الا و البيت كله نظيف و معطر
|
ما شاء الله تعجبيني كي تاخدي كل الامور ببساطة
حتى المشاركة نتاعك كي نقراها نحسها خفيفة هاهاها
الله يبارك فيك ولعقوبة ليك الف نجمة حبيبتي
اقتباس:
المشاركة الأصلية كتبت بواسطة اشورة
ربي يخليك حنوة ليلي لاباس الحمدلله راهي تبوس فيك و وليداتك كي راهم عاملين
|
راهم بخير وعلى خير نحمدو ربي ونشكروه
ربي يخليك حنونتي
اقتباس:
المشاركة الأصلية كتبت بواسطة lili rose
وعليكم السلام ورحمة الله وبركاته مرحباً مينا
مبروك عليك النجمة يا مينوشة المجتهدة 
|
ربي يبارك فيك لوليتا الحلوة
الله يفرحنا بيك ويفرحك بسعد الهنا ان شاء الله
( تقرير عن مشاركة سيئة )، و الموجودة أسفل كل مشاركة .
2012-04-12, 11:03
العرض العادي
