استفسار حول استدعاء المعفين 2008/2009

[khiro08]

المشاركة الأصلية كتبت بواسطة walid283

لقد ذهبت الى الناحية العسكرية الاولى يوم 27/11/2011 واضافوا لي شهرا اي يوم 31/21/2011 علما انني من خريجي 2008 ولدي استدعاءين اخرهم يوم سبتمبر2009

هل لديك امر بالإلتحاق يا أخي أي ورقة بيضاء مرفقة به

انت مثل وضعيتي تماما

[khiro08]

المشاركة الأصلية كتبت بواسطة h4ni

السلام
كي حكموك فوتوك للمحكمة العسكرية ولا لالا؟
أحكيلنا شويا كيفاش صرات, أو موان نوجدو رواحنا

كي يحكموك يديوك للمحكمة وتتحاكم ويقولك علاه مارحتش تفوت كي جاك لوردر دابال

اذا عندك حجة أو ملف راح يشوفوا واذا مكانش راح يديقراديوك يسما تولي سارجان ويبعثوك لمركز العبور تاع تلاغمة ثم من ثم يديوك لثكنة نتاع العصات تاع أفلوا لكن في العموم راح تفوتهم كيما السراجن عادي

لعندوا معرفة في مركز العبور ولا الثكنة لي را ح يفوت فيها يقدروا يخرجوه معفي بسبب طبي هكذا الجماعة راهي دير ليمعندوش معريفة في المحكمة العسكرية

نعرف ربعة سحابي خرجوا بالطريقة هذي

لكن ديما فيها معريفة

[khiro08]

انا بعد الكلام الي قيل هذه الأيام وليت منرفز بزاف و اليوم تحل مكتب التجنيد نتاع باتنة

مقدرتش نصبر حتان 29 ديسمبير وراح نروح ندشن المكتب الجديد ولي صارت خلي تصير و يقولولي روح للتريبنال راح نروح ونفوتهم ونتهنا كرهت الربيط بلا

فايدة نهار الأحد يا جات يا راحت لوكان نبقى نتبع فيهم معات تفرى الجماعة تخدم ونا نتفرج فالأيام كيفاه تروح

[h4ni]

المشاركة الأصلية كتبت بواسطة khiro08

انا بعد الكلام الي قيل هذه الأيام وليت منرفز بزاف و اليوم تحل مكتب التجنيد نتاع باتنة

مقدرتش نصبر حتان 29 ديسمبير وراح نروح ندشن المكتب الجديد ولي صارت خلي تصير و يقولولي روح للتريبنال راح نروح ونفوتهم ونتهنا كرهت الربيط بلا

فايدة نهار الأحد يا جات يا راحت لوكان نبقى نتبع فيهم معات تفرى الجماعة تخدم ونا نتفرج فالأيام كيفاه تروح

خويا ما تتقلقش
انت عندط حضوض أكثر منا لأنو الاستدعاء الاخير تاعك ماكانش في مارس لي فات
ان شاء الله زهرك يكون خير من زهري :d

[khiro08]

اعتقد أنو في الستة أشهر التي تلي امر الإلتحاق في تلك الأشهر يكون مقترح للعصيان بعد يفصل في امره

هل يكون عاصي او يكون مستفيد

لكن هذا استنتاجي فقط هههههههههههههههههههههههه

ارجو ان يكون صحيحا

[khiro08]

بعما جائني امر الإلتحاق بي شهر كانوا يعاملونني بعنف واستهتار وكلام خشن عندما كنت اذهب اليهم راجا منهم اعطائي استدعاء اخر يقولون لي اذهب فأنت ستصبح عاصي عما قريب

لكن بعد مرور 6 اشهر تبدلت لهجتهم معي و كلامهم معي كان عاديا كانوا يقولون لي اذهب وارجع لنا في جوان

ولذلك اعتقد ان الأمور تفصل في الستة الأشهر التي تلي الأمر بالإلتحاق

لكن هذا كله يبقى كلام فقط سيثبت عندما اذهب اليهم نهار الأحد

[khiro08]

سؤال الى الإخوة في باتنة هل استطيع الذهاب الى مكتب باتنة او هو مخصص فقط للأولاد الجدد

أي جماعة الفحص والسوري برك أو يخصنا جميعا

[semaopro]

السلام عليكم اخ هاني انا وضعيتي كيما انت ... عندي 4 استدعاءات و الكل ومعاهم ورقة بيضاء ... اخرهم في مارس 2011 .... هدا يعني رانا كيف كيف بصح انا كان عندي سورسي من مارس 2011 حتى سبتمبر 2011 و دفعت ملف الاعفاء في جوان انا واحد صاحبي .... كي رحعتا في نوفمبر هو عطاوه الكارطة و انا قالولي شهر وولي .... ماني فاهم والو ....اللي عندو استدعاء في مارس ماعندوش الحق ولا كيفاش؟؟؟؟

علما اني كان عندي سورسي بعد استدعاء مارس ليس في اطار الدراسة ...

[كياري]

انا عطاوني ظرف mison rout v; قالولي روح للمرسى في وهران تشرع مع العلم انني لم استلم لوردبال الثانية ولم يمضي عليها احد تاع مارس بحيث تحججو بالبيفي قالولي ليجوندارم رسلونا بيفي بلي استلمتها. سؤال اخر :هل يمكنني الاستفادة من وضع الكفيل العائلي مع العلم انني اعمل بريفي وانا الكبير في المنزل وابي متقاعد والاخ الاصغر عايش في اوربا......عاونو نا ياجماعة الخير الله يحفظكم.سلام.

[mouh 05]

المشاركة الأصلية كتبت بواسطة khiro08

سؤال الى الإخوة في باتنة هل استطيع الذهاب الى مكتب باتنة او هو مخصص فقط للأولاد الجدد

أي جماعة الفحص والسوري برك أو يخصنا جميعا

يا خويا حسب ما سمعت و حسب الاعلان لي علقوه في قسنطينة ما حطوش انو غير الجدد لي معنيين بفتح مكتب التجنيد يعني انو الجدد و القدم راح ينقلو الدواصاص تاعهم لمكتب باتنة

[maisar]

أنا زوج خطرات لي نروح يقولولي شهر وأرجع خاطر الرد تاع الدوصي تاعك ماجاناش من العاصمة
بصح لحاجة لي مافهمتهاش يخي كي يعود واحد عاصي يهردولو لتم بعد ولا حتى العصاة لازم يسناو يجيهم الرد من العاصمة ؟؟؟

[mouh 05]

المشاركة الأصلية كتبت بواسطة maisar

أنا زوج خطرات لي نروح يقولولي شهر وأرجع خاطر الرد تاع الدوصي تاعك ماجاناش من العاصمة
بصح لحاجة لي مافهمتهاش يخي كي يعود واحد عاصي يهردولو لتم بعد ولا حتى العصاة لازم يسناو يجيهم الرد من العاصمة ؟؟؟

الحاجة الولى يا خويا كل ناحية تخدم على هواها عيينا نلقو مقياس يتعاملو بيه كامل الحاجة لي باينة و معروفة انو كل الدواصا يدرسوم في العاصمة هادي لي باينة

[newlife]

انا سمعت الرد يكون من العاصمة في جانفي والله أعلم

[maisar]

فقط للتدكير أنا لخطرة الأولى كي رجعولي الإستدعاء وقالولي ولي على شهر ماكتبولي فيه والو بصح الخطرة الثانية
كتبولي فيه هدا الرمز p:B02 الرجاء لي عندوا خبرة في هده الرموز يشرح لي ما معنى هدا الرمز

[djamelbio]

أنا رجعت اليوم الى الناحية الخامسة بقسنطينة بعد الاولى لي كانت بعد إنتهاء صلاحية الاستدعاء في نوفمبر و انا من خريجي 2009 و خرجتلي اوردابول واحدة والثانية ولات يعني خرجت لكن لم تصلني فرجعت
المهم رحتلهم المرة الاولى و كيما جميع الخاوة كتبولي رقم في الاستدعاء و هو 1302 ( ومانيش فاهم معناه) وقالى أرجع بعد شهر

اليوم رجعت و لقيت الغاشي بزاف

المهم حوالي30 دقيقة و ناداولي قالولي بعد شهر إرجع

حسيت كلي راهم شايخين بينا و انا محتاج السورسي في الخدمة نودت نعيط و دخلت عند القائد تاعهم
و الحقيقة المعاملة كانت على قد المستوى و حاول يشرحلي شئ حسيت بلي هو أصلا مارهوش فاهم

لكن الخلاصة قالي بعد شهر إرجع و سيكون اما تحصل على البطاقة او لا ( يعني الجواب النهائي)

و في الحالة السلبية قالي لا يعرف كيف ستكون الاجراءات معنا


واللـــــــــــــــــــــه غير هبلــــــــونا