الجزء 157 من واش طيبتي اليوم .....كوزينة التميز و الامتياز - الصفحة 29

روح مراد · 2016-01-03, 10:56

يعطيك الصحة البحر الصافي

انا هي رزيقة · 2016-01-03, 11:01

السلام عليكم صباح الخيرات يا وجوه الخير دخلت ديركت الصفحة الاخيرة لقيت البحر الصافي في باب كوزينتي و في ايديها الخير و لخمير يا يما على بنت الاجواد واش جابتلي الف مراحب بيك حبيبتي و شرفتيني و شرفتي ضيوفي باطايبك صحيتي يا كريمة يا بنت الكرام و نردوهالك في الافراح ان شاء االله
اهلا زهرة اللوتس حللت اهلا يا لحبيبة ذوك نروح نراجع اصبرو عليا شوي لبنات

أم هبوبة · 2016-01-03, 11:09

ماا شاء الله شفت الخيرات من الصفحة 12 كل شيئ يشهي من اطباق مالحة و حلوة و عجائن و تحليات الله يبارك فيكم
ام الهضاب- ام يسرا- ام الاء - أم سهام - حياة نور الدين- روح مراد- أسيا 27- تهاليل - البحر الصافي- بسملة فرح - دائمة الحمد- الامنيات - ام جوجو -
ام عبدو و ملاك - ام صابرين-- بيان- مرير مورا- ام سارة - ام كاميليا - ام رحاب - ليزا - ام ياسين الزهراء - نور الاسلام بلى ما ننسى مولات الكوزينة رزيقة و دخلت لينا الي نقلها توحشناك بزاف و حلوياتك رائعة
الكل يعطيكم الف عافية راكم في القمة و شكرا ليكم رانا تعلمنا منكم بزاف الي نسيتها تسمحلي

انا هي رزيقة · 2016-01-03, 11:28

اهلين ام هبوبة جابك ربي صحيتي على الخيرات لي حطيتيها حبيبتي و االله زهيتي الكوزينة مع كل لبنات كامل. صدقوني يعجز اللسان عن التعبير امام هذه الروائع لي راهي تخرج من تحت ايديكم كي الخدامات كي العاملات في البيوت ربي يدومها عليكم و علينا يا رب سمحولي لبنات ما نقدرش نذكر كل الاسماء دوك راني نتعب شوي مع الخدمة بصح شايفة بلي زهرة الوتس راهي تادي الواجب على اكمل وجه صحيتي حبيبتي . بصح تاكدو ان الشكر موصول لكل وحدة منكم من اعماق قلبي و االله فرحتوني و كانكم دخلتو بيتي فعلا و ذقت من كل خيراتكم ربي يحفظكم يا رب

انا هي رزيقة · 2016-01-03, 11:34

تفضلو حباباتي هذا عشانا البارح درت طاجين الزيتون بكفتة الدجاج بصح انا و راجلي ما نكلوهش هكذاك نحبو نرافقوه بالروز و هذا الطبسي تاعي نحب نسقي الروز كيما الطعام .. امممم

انا هي رزيقة · 2016-01-03, 11:51

حبيت تان نعبر عن ترحيبي و شكري الخاص بكل الوافدات الجدد لي دخلو الكوزينة و لي راهم فحلات ما شاء االله و دخلو بالثقيل كيما يقولو .. خخخ
بيان ام سدرة ام خالد ميري مورا نها اسطوالي روعة الصحرا ء و حتى روح مراد لي شرفت كوزنتي باول باروك لها الف مراحب حباباتي و زيدولنا من خيراتكم

انا هي رزيقة · 2016-01-03, 11:58

لينا ام سوهيل ام كاميليا ام هديل و كرونو الطيبة مازال ما رحبتش بيكم شرفتوني في كوزنتي خيتاتي و صحيتو على الخيرات مرحبا بيكم
لبنات كامل راهي الدار داركم و الخير كثير مدو يديكم برك
ام رحاب مبروك ما زاد عندكم ح اختي لعقوبة لام امينة ان شاء االله

روضة 88 · 2016-01-03, 11:59

راني جيت

الله الله دخلت على خيرات البحر الصافي كلش بالطبع والشان يعطيك الصحة.

ام جوجو ياك قتلك راك ربة بيت ممتازة تسلم ايدك.

مولات الكوزينة وراه تطبيقك للسلق خخخخخ بصحتك الروز مام انا نحب ناكلو كما انت مسقي كما الطعام.

أم ياسين الزهراء · 2016-01-03, 12:16

الكل ماشاء الله عليكم ربي يديم النعمة
روضة حنونتي واش راكي سقسيتني على الميرانغ كيفاش نحرقها نشعللها الفور من فوق ونحرقها بكل بساطة بوسة لوائل

صحى غداكم والحمد لله الدي اطعمنا وسقانا وجعلنا مسلمين

انا هي رزيقة · 2016-01-03, 12:20

اهلين روضة متخافيش حبيبتي راح نجيبلك احلى تطبيق ان شاء االله اصبرو برك عليا شوية نحطلكم عشا اختي البارح راهي متتبعة للمنتدى من وراء الكواليس هي ثان من فريق الخدامات قالتلكم راكم تديرو القلب للي ماعندهاش القلب بصح ماكانش الوقت باه تسجل ..و جابتلي باروك .غيرتوها ... خخخخخخ دارت غراتان شفلور مع بطاطا و فرماج

omjoujou · 2016-01-03, 12:22

تفضلوا حبيباتي تتغداو معايا

وهذي باه تحليو بيها

انا هي رزيقة · 2016-01-03, 12:23

الف مراحب ام ياسو صحا غداكم حبيبتي

ام عبدو و ملاك · 2016-01-03, 12:24

لنات غدايا وجد دوبارة بطريقة البحر الصافي جات تهبل يعطيها الصحة

انا هي رزيقة · 2016-01-03, 12:24

يا عمري دخلت ام جوجو الفحلة و جابتلي احلى فطور كيما يحب قلبي امممم يسلمو يا احلى فحلة منتديات الجلفة
اهلين بالحامل و المحمول ام عبدو الدوبارة باينة من عنوانها اممم ثم امممم

روضة 88 · 2016-01-03, 12:27

ايه ام ياسين هذي علابالي بيها بصح من نهار قالت الهام لما تلوحيها في الفور الكريمة تسيح ولا
دير الماء نسيت وش قالت خخخخخ خفت منها.