~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[ام سراج وملاك]

صباح الخير عليكم كامل
لبنات البارح كنتو سهرانين بلا بية خسارة البارح كنت تعبانة وبنتي كانت مريضة عليها مدخلتش راجعت شوي برك
شي بيبا مبروك على اختك ربي يدوم فرحتها متنسايش الطمينة
وهيبة زينب شكرا على المناظلر الرائعة مااحلاها سطيف حتى التصوار يلعب دورة رايحة نسرقلكم الصور وندخل للمسابقة ههههههههههه خي مانيش شريرة علاه متزيدوش تحطوهم في قسم الصور الفتوغرافية راني نتمسخر برك
بشرى الشباتي حابة نجربو بصح معنديش الياؤورت الطبيعي ضك نسي طريقتك
زينب 66 ربي يخلف عليك حنونة بخلف صالح
ليزابيل بلا مزية حنونة توحشناك وتوحشنا كلامك العسل
اسمهان ربي يحفظلك زوجك ويشفيلك بنتك ابعثيلي من لكروكي يعطيك الصحة انا من بكري وانا نشكر في ناس العلمة وفحالتهم خطراه عندي صحبتي مزوجة ثم وتقريبا كانت تجيبلي الوصفات نتاع الحلويات والطبخ ثاني وكي طبقتهم لقيتهم رووووعة وكي زدت شاركت في الكوزينة وعرفتكم نظرتي مزالت هيا هيا يعطيكم الصحة كامل واش راكم تحطولنا من الوصفات الرائعة
ارزاق ماشاء الله باتسري من يديك رووووووووووعة
ام هبوبة يعطيك الصحة واش راكي تحطي من الخيرات ليبني خرجولك روووووووعة
جيادا شكرااااااااااااا على الوصفة الرائعة
وردة شمس يعطيك الصحة اختي
ام ماجد ام نوردين صباح الخير عليكم
حقا زينب 83 هههههههههه ندري روحي غير انا لي قرعاجة بصح كيما قالت دائمة الحمد التقرعيج راهو في الكوزينة ابسيون ان شاء الله يكون زوجك وصل متنسايش طمنينا عليه
حقا كوكا ولات متبانش هيا وقمر ان شاء الله يكونو بخير
ان شاء الله منكونش نسيت كشما وحدة ولي نسيتها تسمحلي

[أم ياسين الزهراء]

صباح النور هدا وين نضت زعمى معولة على ميناج كبير ربي يقدرني وزيد صايمة

مازال ماقررتشللغداء نزنق شوي

[أم هبوبة]

صباح النور على الجميع

[lyzzabel]

أرزاااق و زينوووبة شكرااا على التدبيرة .. كان راح عليا الحال درت الجاج بالزيتون فالفرن مممممم الريحة تهبل و نزيد سﻻطة و اكييييد سيتخونااااد و الحمد لله على نعمه
زينوبة الخبز ملي جيت لسكنتي ما درتهش خليت البيتران تما في كوزينتي لهيه و باش نعجن بيدي ما نكدبش عليك كتافي نهدو مالشقا مانيش قادرة و الحمد لله عل كل حال و تدبيرتك باﻻك نديرها غدوة بحول الله

ام ماااااجد شكرااااا على الرابط عرفت بلي احن منك ما فيش هههه بصحتها روزا تتهنى بحوايجها و ربي يسعدك و يهنيك ببنياتك و وليداتك يا رب
و زدت لقيت خبر رااااائع على ساندريﻻاااا اللللف الللللف مبروووووووك غاليتي ربي يكملك بالخييييير و تفرحي بقرة عينك بالصحة و السﻻمة و العقوبا لكاوكا و ام نسرييييين و جيادا و نظن تاني سندوسة ياسمين و الله ﻻ يحرم حتى حدة من نعمة اﻻمومة امييييين يا رب العالمين

ام هبوبة و ام ياسو صباح الفل و الورد .. ربي يتقبل و يعينك يا قلبي ام ياسووووو

[wahibaazel]

ربي يعينك اختي ليزا ،سايسي روحك صحتك اهم ،ام سراج سطيف معمرة مناظر رائعة ،غدا لخرجنا نزيد نصورلك اماكن ملاح باذن الله .وخاصة هذو ليامات مع شمس الصبيحة روعة .اللهم احفظ بلدي امنا وابعد عنه ايادي الفتنة امين .الجلبانة قريب توجد كنت رايحة نخبز كسرة وليت بطلت ،قلت الدقيق نعمل به مبرجة باذن الله .
ام ياسين ربي ىيعاونك ،

[أم ضياء عبد الرحيم]

صباح الانوار حبيباتي
راني مع النفيض كملة البارح غرفة ابني و ضرك خلصت الحمام اعزكم الله
درت الغداء عدس و الحمد لله على النعمة
زينب66 بصحتك العرس سخفتيني في جو الاعراس و اللمة
زينب و وهيبة شكرا على التحويسة مناظر رائعة
بيبا مبروك لاختك المولود الجديد رانا نستناو في الزرير
اسمهان ربي يشفي بنت حنونة شفاء لا يغادر سقما يا رب و الشاباتي جاك هايل شهيتيني
وووووواع و زاد العيش امممممم يهبل
أم هبوبة ربي يعينك اختي و وكلي امرك لله
زينب66 ربي يعوضك خير حبيبتي و يرزقك بمولود يونسك
زينب 83 و اسمهان ربي يرجع ازواجكم بخير ان شاء الله
نروح نغديهم و نكمل مراجة

[ام نور الهدى 2014]

المشاركة الأصلية كتبت بواسطة wahibaazel

ربي يعينك اختي ليزا ،سايسي روحك صحتك اهم ،ام سراج سطيف معمرة مناظر رائعة ،غدا لخرجنا نزيد نصورلك اماكن ملاح باذن الله .وخاصة هذو ليامات مع شمس الصبيحة روعة .اللهم احفظ بلدي امنا وابعد عنه ايادي الفتنة امين .الجلبانة قريب توجد كنت رايحة نخبز كسرة وليت بطلت ،قلت الدقيق نعمل به مبرجة باذن الله .
ام ياسين ربي ىيعاونك ،

السﻻم عليكم
وهيبة عﻻه المثقبة ديروها بدقيق الخبز يعني الرطب؟؟؟

[أم ضياء عبد الرحيم]

سلام حبيباتي صح غداكم
ارزاق التارت و الباتيسري و الميلفاي روعة تسلم الايادي سخفتيني
ليزا مساءك فل و بصحتكم الزيتون بالدجاج و حنا الغرايف نديروهم غداء مع اللبن لكن كاين الي ما يكلهمش للغداء يعني ديما لازم معاهم حاجة اخرى
اسمهان79 حبيبتي ربي يشافيك و يعافيك يا رب
اام نوردين واشك حنونة
ام سراج وملاك عفوا حبيبتي و فكرتني ليزا شكرا على تدبيرة الفطور يعطيك الصحة
أم ياسو تقبل الله الصيام و ربي يعينك على الميناج
أم هبوبة و وهيبة اهلين مساء الفل
انا نروح نرتح شوية و نكمل خدمة سلام

[أم ضياء عبد الرحيم]

ام نور الهدى 2014 مساء الخير

[*سندوسة*]

السلام عليكم

فطورنا حريرة
ودجاجة بالروز
وسلاطة
وصوص طوماط بالزيتون والفريت

الله يدومها نعمة

[yasmalak]

صبااااااااااااااح الخييييييييير حبيبااااااااااااتي
اييييي و تشوفو شعال توحششششششششتكم

زينب مبرووووووووك الكوزينة ختيتي
هدو شوية طيابات و حلوى درتهم اليامات اللي فاتو

فلان كراميل









تحلية بالبرتقال







مسمن





كاب كايك







صابلي الكابريس









تشارااك







حبيباااتي اليوم راح نكون طمااااعة و نطلبكم في دعوة من القلب باش يسرلي ربي امريييي و يحققلي واش في بااالي

[أم ماجد]

المشاركة الأصلية كتبت بواسطة سندوسة يسمين";3993107219][B][FONT="Arial

السلام عليكم[/FONT][/B]

فطورنا حريرة
ودجاجة بالروز
وسلاطة
وصوص طوماط بالزيتون والفريت

الله يدومها نعمة

اممممممممممم سندوسة هات هنا حابة نتعرف بيك اكثر ومالقيتش غير الجاجة ههههههههههههههه

[wahibaazel]

سندوسة بصحتكم امممم الجاجة راهي تشهي .
حنان اهلا ،اللهم يسر امور حنان امين .
اطباقك ماشاء الله حنووونة ،المسمن واشمن وصفة ،والتشارااااك رووووعة تسلمي

[أم ماجد]

حنان عروستنا الفحلة ربي يهنيك ويمنيك واكلك كي العادة 44444444444444
عجبني صابلي الكبريس الوصفة تاع باتي ؟

[yasmalak]

مرسييي وهيييبة و المسمن طريقتي اللي معتامدتهااا ومانبدلهااش والحمد لله ماما تقولي الحاجة الوحيدة اللي صححح تعرفي تديريها المسمن هههه
ادا تحبي نعطيهالك

اهلاااااا ام ماااجد وشراااااكي و شرااااهم الفحلااات تاعك سلميلي عليييهم
والصابلي وييي هداك هو برك انا وليت نبدلو الشكل هه
سيرتو تاع السكر السامبل يجي يدووووب فالفم سيرتو كي يقعد