الطبعة العاشرة لدورة الرقي بمدبرة منزل مثالية

[it's me]

المشاركة الأصلية كتبت بواسطة وفاء سعاد

والله ماخسارة فيك كون ديرها نبعتهالك ميساج هاهاها وبصحتك القندورة الفرقاني تلبسيها بالصحة

ربي يعيشك اما الحنانة ربي يخليك
الله يسلمك حنونتي

[نبض الفؤاد]

صباح الخير يا وجوه الخير راكم محميينها ياو ....بنت خليل كصبحت والاولاد نشالله لاباس ؟
ام مريم والله غير ثلاث بنات كل واحدة معاملة خاصة نشالله مرة على مرة نحكيل لكم . وفاء الله يسعدك اغبطتيني ربي ينجحك ويحفظ لك وليداتك انا لحد الان راني حابة نواصل دراستي ما كتبتش عندي باك 85 وقريت في الجامعة سنتين ممبعد تزوجت والاولاد خدمت في البداية في التعليم ثم توقفت والان كحبيت نقرا وانا الان قريبة جدا من الجامعة قالو لي الباك مات
منى ربي يحفظك على الموديلات شابين

[it's me]

المشاركة الأصلية كتبت بواسطة نبض الفؤاد

صباح الخير يا وجوه الخير راكم محميينها ياو ....بنت خليل كصبحت والاولاد نشالله لاباس ؟
ام مريم والله غير ثلاث بنات كل واحدة معاملة خاصة نشالله مرة على مرة نحكيل لكم . وفاء الله يسعدك اغبطتيني ربي ينجحك ويحفظ لك وليداتك انا لحد الان راني حابة نواصل دراستي ما كتبتش عندي باك 85 وقريت في الجامعة سنتين ممبعد تزوجت والاولاد خدمت في البداية في التعليم ثم توقفت والان كحبيت نقرا وانا الان قريبة جدا من الجامعة قالو لي الباك مات
منى ربي يحفظك على الموديلات شابين

صباح الانوار الحبيبة
ربي يحفظلك ولادك و شكرا على النصائح اللي تمديهالنا
ربي يوفقك في حياتك
دمتي و دامت المحبة بيننا

[ام امجد14]

صباح الخير و الله غير شهتونى فى قسنطينة ان شاء الله نزورها
كيف احوالكم يا بنات حبيتكم تعاونونى كيفاش نزيد وزنىشوي
حابة نزيد خمسة كيلو هل نقدر ننجح

[it's me]

المشاركة الأصلية كتبت بواسطة ام امجد14

صباح الخير و الله غير شهتونى فى قسنطينة ان شاء الله نزورها
كيف احوالكم يا بنات حبيتكم تعاونونى كيفاش نزيد وزنىشوي
حابة نزيد خمسة كيلو هل نقدر ننجح

صباح الخير و الهناء
نعطيلك طريقة مجربتها انا شخصيا-2 لتر ماء +2 ملاعق كبار ماء ورد خلطي مليح و اشربيهم في بلاصة الماء يعني شرط تكملي 2 لتر كل يوم
بعد اسبوع تلاحظي الفرق
بالتوفيق

[it's me]

البنات تعيشو روحو ضرك حطو اذاعة قسنطينة حصة المرشد النفسي للاستاذ رابح لوصيف
متابعة مفيدة ان شاء الله

[نافلة]

السلام عليكم ورحمة الله تعالى و بركاته
كيراكم يا الفحلات
اولا ما نهدر حتى مع وحدة لا تزغف عليا لالا ليلى نخاف منها هههههههههههههههههههههههههههههه
اختي ليلى باش تحاولي تنقصي من ضغط القراية عامة و الفروض و الامتحانات خاصة اَلْهي نفسك باشياء اخرى و ما تخميش في قراية البنات بزاف انتي دي لي عليك و خلاص اذا كنتي تساليهم على نقاطهم كييجو من المدرسة حاولي حتى يكملو فترة الاختبار وساليهم وما تقوليلهمش شحال نقطة صديقتك خاصك تجيبي احسن منا .........
و بالنسبة لبنتك لي جابت 9.5 تقول لباباها نورمال و عادي .
شوفي اختي ما دام عطيتي لبناتك لباز والاساس الصحيح سواءا في تربيتهم او قرايتهم ما تخافيش عليهم اذا ما بانش عليهم الان سوف تجني احسن الثمار في المتقبل ان شاء الله
اختي ليلى نشاء الله نكون افدتك ويا ريت كون تردي عليا الان .راني نستنى...........

[نافلة]

وفاء كي راكي كي صبحتي مادامكم جبدتو على تقاليد قسنطينة حبيت نسقسيك على حزامة اللويز وين راها واصلة في الثمن نتاها

[نافلة]

منى وين راهم التصارو

[وفاء سعاد]

المشاركة الأصلية كتبت بواسطة فاطمة بشار

وفاء كي راكي كي صبحتي مادامكم جبدتو على تقاليد قسنطينة حبيت نسقسيك على حزامة اللويز وين راها واصلة في الثمن نتاها

اختي فاطمة راهي كل واحدة والتمن انتاعها وكاينة العادية لويز وفم يركبوها على كوردو سبيسيال وكاينة المشبكة كامل بالدهب وهادي تاني انواع حسب القرام راهو عاد 600الف للقرام اللويزة العادية تدير بمليون وشوفي قداه يهز وسطك وزيدى الفم يعني حوالي 40مليون والله اللي دار بكري الدهب انا شراهالي راجلي مشبكة عندها 6سنوات والله الصايغي صاحبو قالو والات تدير الضعف

[وفاء سعاد]

اختي ام امجد والله غير دبرتيها راني حاسدتك وهدا الضعف ملي كنت طفلة ولا كي تزوجتي مع الاولاد والشقى شوفي اشربى الحلبة وكتري من المعجون والخبز والزبدة والروز والشيكولاتة ولااشرى المسمنة السحرية او اشري دواء كتبو عليه في هدا المنتدى اسمه لابيتي تولي خلال شهر بختة عندك لا تجي وتقوليلنا اعطيونى ريجيم

[نافلة]

اختي وفاء واش هو الكوردو سبيسيال
و شحال دير اللويزة الي فيها غرام واحد عندكم.
و الفم نتاعها الي يكون رخيص ما يكونش رهيف و كم ثمن نتاعو.
سمحيلي صدعتك راهي اختي حابة دير وحدة .

[نافلة]

اختي ام امجد علاه راكي حابة تزيدي في وزنك ؟؟؟؟؟؟؟؟؟؟

[نبض الفؤاد]

:ام امجد باه تسماني التمر والحليب ما تاخذيش العجاين تحصلي في الشحوم

[فراشات العمر]

السلام عليكم لحبيبات
فكرتوني في لحزام انا كان عندي حزام وعليه لكلام كي سكنت البرج دخلو السرارقة وسرقوهلي في رمضان وخواتمي خلاولي غير لبسايس كانو في المطبخ ما شافوهمش حرموني من البنوار ههههههههههههههههههههه
شكون تمدلي غوسات تاع الروز موالفة تديرها ويحبها راجلها