دفتر مطبخي ركن خاص لمستمعي اسرار مطبخ دليلة** ملتقى حراير الجلفة ** - الصفحة 29

kokotg · 2011-06-08, 18:49

نسيت الخميرة 3 مشي بزاف

ياسمين177 · 2011-06-08, 20:36

اختي ام لؤي اسمحيلي راني مشغولة نشا الله نبحثلك على الوصفة

ياسمين177 · 2011-06-08, 20:52

القميرات

اترككم مع المقادير
250غ مارغرين
كاس جوز مرحي
كاس سكر ناعم
فرينة باش تتلمد العجينة

طريقة التحضير تجمعي كل المقادير حتى تتحصلي على عجينة ملساء نتركها ترتاح ساعة في التلاجة

الكريمة : كاس حليب +كاس لوز مرحي ومطحون+2مغارف اكل كاكاو+2 مغارف مايزينة ( نشاء) نحركو الخليك ونضعه في كاسرونة ونضعه فوق النار ونحرك بملعقة خشبية حتى تعقاد الكريمة تم نتركها تبرد
نشكل كويرات من العجينة تم نجعل منهم هليلات ندخلهم الفرن على درجة حرارة 180دم مدة 15 الى 20 دقيقة يصفاروا برك
نخرجهم من الفرن ونخليهم يبردو نلصق الحبتين بالكريمة حتى تفيض على الجوانب تم نرش الحلوي بالسكر قلاصي تم الكاكاو
وبالصحة والعافية

ياسمين177 · 2011-06-08, 20:55

سبائك بالكرمال

2علب بسكوي مرحي+رطل كوكاو محمص ومرحي+3مغارف كاكاوخلطي
ثم ذوبي رطل عسل + 250غ زبدة حتى يذوبوا واجمعي خليط البسكو بخليط العسل ديريها في مول وسطحيها مليح ودخليها للثلاجة تتماسك
كاس ونصص ماء + كاس سكر لما يبدا يعقد + باطة حليب غبرة وخلطي حتى يولي كالكريمة حطيها مباشرة فوق خليط لفلمول ودخليها تجمد مبعد زوقيها بخطوط الشكولاوقطعي سبائك.

ياسمين177 · 2011-06-08, 20:59

قطع بالعسل

في كسرونة نضع 200غ عسل + 100غ سكر+ 60غ زبدة + مغرف ماء حطيها على نار وخلطي حتى يذوب السكر نحيها من النار وخليها تبرد ثم ضفيلها حبة بيض + روح اللوز ولفاني+ الفرينة حتى تتلم غلفيها وحطيها فثلاجة ترتاح 30د.
اجبديها وقسميها الى اثنان قسم خبزيه في ول مربع وثقبيه ثم اطليه بمعجون التوت وغطيه بالجزء الثاني من العجينة وثقبيها ودخليها تطيب
مبعد تحبي تدهنيها بنفس المعجون وترشي بلوز ايفيلي او تحضري قلاساج
عصير البرتقال + سكر قلاسي حتى يولي قلاساج اطلي القاطو ورشي بلوز ايفيلي.

aziza05 · 2011-06-09, 06:45

شكرا جزيلا

*شهد العسل* · 2011-06-09, 09:15

اقتباس:

المشاركة الأصلية كتبت بواسطة kokotg

نسيت الخميرة 3 مشي بزاف

لا لا ماشي بزاف درتها شحال من مرة حظ موفق

kokotg · 2011-06-09, 10:43

اقتباس:

المشاركة الأصلية كتبت بواسطة *شهد العسل*

لا لا ماشي بزاف درتها شحال من مرة حظ موفق

جزاك الله الف خير

:19 :

:

أم لؤي · 2011-06-09, 13:45

راكي مسامحة أختي ياسمين

أم لؤي · 2011-06-09, 17:34

كيك بالدجاجقدماتو السيدة دليلة سليماني اليوم

المقادير
250 غ صدر دجاج طايب مقطع مربعات
180 غ فرينة
3 بيض
2 بصل
2 فصوص ثوم
100 غ جبن مبشور
2 ملعقة كبيرة زيت زيتون
2ملعقة كبيرة خل
1ملعقة كبيرة توابل هندية الكاري
فلفل اسود
ملح
1 ملعقة كبيرة جوز الهند
كيس خميرة كميائية
دبشة
معدنوس

الطريقة

ديري الجاج مع معدنوس مقطع مع دبشة مقطعة مع بصل مسكرفج مع ثوم مع فلفل أسود مع ملح مع الكاري معالزيت مع الخل خليهم يباتو مرقدين في الثلاجة
بعدها خلطي الفرينة مع الخميرة مع جوز الهند مع الجبن المبشور ثم ضفيلهم البيض و خلطي ثم المقادير المرقدة مسبقا مع الاصوص التي تكون فيهم وخلطي كلش ثم فرغيهفي مول تاع كيك يكون مدهون وديريها في فرن مسخن مسبقا الحرارة متوسطة خليه حتى يطيب

وبالهنا والشفا

سليم66 · 2011-06-10, 13:09

يا اخت ميميشة ماذا قدمت دليلة ايضا يوم الخميس لانني كنت اعمل في ذلك الوقت جزاك الله كل خير وشكرا لك

أم هنيدة · 2011-06-11, 14:05

اقتباس:

المشاركة الأصلية كتبت بواسطة سليم66

يا اخت ميميشة ماذا قدمت دليلة ايضا يوم الخميس لانني كنت اعمل في ذلك الوقت جزاك الله كل خير وشكرا لك

دارت وصفتين الأولى كيك بالدجاج الذي وضعته الأخت في الأعلى

والشيء الثاني حلوة السيقار على الطريقة المغربية

سليم66 · 2011-06-11, 20:11

يا اخت ميميشةارجو ان تقدمي لي الوصفة الثانية لي هي وصفة السيقار ولك الف شكرا

أمل العرب · 2011-06-13, 00:43

شكرا على الموضوع الرااااائع

ياسمين177 · 2011-06-13, 22:24

تورتة مالحة بالشوفلور
التحضير:
عجينة مكسرة: 250غ فرينة+ ملح+ 125غ زبدة قطع وحكي شوية بين الاصابع+ملعقة صغيرة موتارد+صفار بيضة واجمعيها بماء بارد غلفيها وديريها في الثلاجة لمدة 1سا.
الحشوة: راس شوفلور تغليه في الماء والملح وتقطريه

خليط البيض او لباراي: ضربي 2 بيض+ صفار بيضة+ملح وفلفل اكحل+100غ قرويار مرحي+20سل كريم فريش او علبة كاملة+ 150غ حليب ضربيهم مع بعض

حلي العجينة وديريها في مول تارت وثقبيها وادهنيها ب2 مغارف موتارد

وستفي فوقها الشوفلور

ثم خليط البيض

ودخليها للكوشة حتى تتحمر