يوميات عضوة - الصفحة 29

ام ياسمين10 · 2014-03-21, 19:07

سلام حبوباتى توحشتكم .انا ليوم نضت روطار البرح ولادى تعبونى ياسر ومحبوش يرقدو .نضت على 9.30 الوضوء الصلاة وطيبت قهوة وخملت شويا ورحت للكوزينة طيبت طعام ومرقة حمرا ونقيت ولادى وبدلتهم حوايجهم وكان معايا خويا جانى البارح من الجامعة بايت عندى ايا وجدتلو الدوش باش يدوش هو وراجلى وراحو للصلاة وانا وجدت روحى باش كى يجو من الجامع نتغداو ونخرجو .كملنا وخرجنا خويا ديناه لاجونص باش يروح لدارنا راهم بعيد عليا شويا ورحنا للحديقة صبناها معمرة بالغاشى بيه اول يوم فى العطلة لاعبنا الدرارى حتى داخو من التعب وقلت لراجلى لوكان تكمل خيرك وتدينى لحانوت لبيع مواد التنظيف ايا قالى يالا بصح ولادك راهم يحشمونى يمسو كلش ويكصرو دخلت ليه تقولى نديه كامل شريت حويجات ورجعنا رانى تعبانة ومطيبتش العشاء فضلى طعام ياسر قلت نسخنو وخلاص .....

ام ياسمين10 · 2014-03-21, 19:14

شكرا نخولة على الخلطة اكيد نجربها واش ورايا.وتانى الدعاء

ام عبودة · 2014-03-21, 21:03

السلااام عليكم كيف هي احوالكم
نخلة راكي منشطة القسم اليوم كنت رديت عليكم الظاهر ما راحوش واااااع
يعطيك الصحة نخلة اشغالك اليوم تفتح النفس
من ناحية مشاهدة التلفاز اذا كان في كل الوقت ومضيعين اشغالهم هنا لازم اتخاذ الواجب معاهم راهم يضيعو هكا
بصح اذا كانو غير يحبو يتفرجوا ومن جهة اخرى محافظين على اوقات الاكل والنوم والمراجعة ما عليش راهم اطفال واذا كنت تخافي من البرامج اللي يشوفونا حاولي تعمريهم الفراغ باعمال يدوية او العاب في الانترنيت بصح مع المراقبة دوماااااا
وعلى تنظيف الشبابيك الحل الوحيد نكونو واقفين وخلاص

ام عبودة · 2014-03-21, 21:07

ياسمينة كي يكونو الاولاد صغار يمرضو الواحد انا من هما صغار ما يتبعونيش كااامل في للخرجة ااع الحوانت والله غير يكصرو. ويبهدلوا الواحد
مي اليوم كي كبروا ندي واحد يزعف الاخر نديهم الكبار في زوج يدابزولي في الحانوت على الحوايج
وبصحتكم التحويسة ههههه رانا كامل نوظو روطار ههههههه وقيلا حنا اللي دينا العطلة ماشي هما

ام عبودة · 2014-03-21, 21:43

اليوم حكمت الحيوط اللي مخربشين فيهم الاولاد اغتنمت الفرصة كي راح الزوج اليوم عندو اعمال عاجلة
مالفة الجمعة غير للتدوااش والراحة مع الاولاد والزوج لا غسيل ولا تسياق ههههه بصحتتبدل القاعدة بغياب الزوج

والمصيبة كاين اللي يتنح منهم بالخف وكاين اللي مسحتهم وااالو لازمهم خلطات

ومسحت الشبابيك

وهذا برودوي رخيص وفعاليتو كبيرة بصح القطعة اللي تمسحو بيها من الافضل تكون نادية بالماء انا دايما نستعمل هذه الطريقة تشدلك قرعة البرودوي ومو جهة لمعان هااايل

غسلت شوي حوايج نخفف على روحي دام الشمس والغبار ما كانش
الفطور عزوجتي دارت شخشوخة وانا فطرت بالملوخية وزدت تعشيت بيها نموت عليها امممممممم

كملت التسياق ورتبت الغرفة وراهي واجدة

كملت توضيت وصليت الظهر ومن بعد حطيت ردود والمنتدى ثقيل ايا رقدت في بالي راحو
نوظتني راوية مع العصر قاتلي ماما يزيك من الرقاد راهي العشية هههههه ظحكتني
توضيت وصليت العصر بديت نقرا في سورة الكهف رجع الزوج وجدتلو سينية الشاي لعب مع اولادو شوي هما خرجو مع عمهم وجداهم وعمتهم والزوج ؤقد وانا قعدت نحفظ من سورة البقرة كملت وجدت عصير البرتقال ومكسرات ونوضتو دوش وصلى وخرج
ورجعو الشلة خرجو لي كارتابل تاعهم قلتلهم رجعوهم لبلايصهم مازال وقت المراجعة هههههه قعدو يتفرجوا وانا رحت للكوزينة لقيت الشخشوخة فاضلة بزاف
زدت فورت شوي خضار ودرتلهم لافنيغريت وتعشيت انا والاولاد والزوج مازال ما رجعش ولازمني نرقد بكري الصباح لازم نوض بكري الزوج عندو اشغال
واااع رانا نظحكو في الدار حاكمتنا الحكة ههههههههههههههههه. عبودة وميمي وعمهم راحو الصباح للطبيب وخرجلهم دواء
وحنا ناكلو معاهم وهذا الشي الدود ما دخلش للطار راهو برا بعيد علينا غير المنظر تاعو يدير الحساسية

ام نسمة · 2014-03-21, 21:59

الله يبارك يالفحلة ربي يخليلك صحتك وولادك وزوجك وتفرحي معاهم يارب

ام عبودة · 2014-03-21, 22:31

حبيبتي زهور الفل ود توحشناك واش راكي واش اخبارك
ومرحبا بيك نورتيني وشكراااا على الدعاء ولك بالمثل ان شاااء الله

ام عبودة · 2014-03-22, 06:38

صبااااااح الربح والسعادة على احبابي

ام عبودة · 2014-03-22, 08:31

صباح الخير مرة اخرى ههههههه
الصباح نظت على 5:20 الزوج عندو شغل. عاااجل وجدتلو القهيوة ناظت عزوجتي نوظت سلوفيتي للعمل. وجدت العصير للزوج هو دوش وصلى وتقهوى وخرج
وانا حكمت المصحف وحفظت من سورة البقرة ومن بعد ولين وغمضت سويعة. غير كيما نظت غسلت وجهي وحطيت مرطب فتحت الشبابيك للشميسة غسلت حويجات بيدي في الدوش تاعي وكلمتني اختني قوليلي جاية ولا والو قلتلها اصبري نشاور المعلم هههههههه قالي روحي. كلمتها راني جاية وجدي الفطور هههههه
وتوصي فيا هاتي معاك لي مول وحوايج تاع القاطو يا وخذي بروصي ولا واش ههههههههههه
ظرك نكمل صوالحي ونروح توحشتهم
هيا تهلاو في ارواحكم وكي العادة راهو يوم شباب استغلوه في العبادات والتحواس وحاولي تبعدو على المشاكل مهما كانت
اه قبل ما نروح. نخولة شكراااااااا على الدعاء والله ثلاث مرات عندي ايام وانا حاجة مضيقة خاطري من قريت الدعاء وانا على يقين بالاجابة صدقوني غير تفتحت
في وجهي الابواب
هيا باااااااااااااي

نخله. · 2014-03-22, 10:34

صباح النوووووووووور

انا نضت الصباح عادي الاذكار الصلاة وجدت القهوة وستقهواو ودرت غدا شربه ودخلت للدوووووش وعجبني الحال وكيست حتى دخحت وخرجت راهو راسي منفووووووووووخ جيت نريح شوي قبل ما نصشور شعري

ممكن اذا بقالي وقت كاش ما نرتب القجوووووووووووور طمطم بنتي الصغيره قلبتلي الحاله ل يوم تجبد ونا نرجع برك تع الزوج راهم مفروزين بصح تاوعي انا والولاد وااااااااااااااااااع نفرز بالبيستون ههههههههه

سلام

almazalina22 · 2014-03-22, 11:09

صباح الخير عليكم حتى نسجل الدخول باه نلقى توقيعك ندخل ههههههههههههه
حبيبتي قلتي تساليني يومياتي والله انا كيما قاع الامهات لكن الدار نتاعي فارغة ما عنديش القش بزاف لانها دار العمل يعني غير فاش نرقدو وفاش نطيب والحوايح الاساسين لانو انا من الوسط وراني مع زوجي في الصحراء صافي الشغل ماكاش بزاف غير مع الاولاد بناتي وحدة 13 وحدة11 وابني الصغير الصباح نوضهم وكل وحدة تخمل بلاصتها ويروحو يغسلو انا نوضهم ونرجع قدام ابني لانو اذا فطن يلصق في باباه لازم يخرجو وهو مريض وما يحبش باباه يخليه يبكي من وراه نكون وجدت الصنية في الليل بصح قاطو ات وعصير وشكولا وحلوى يدوها معاهم يعني كلش نوجدو في الليل حتى زوجي واش يلبس واوراقو ولا نوض بلعقل وبلا حس حتى يخرجو نوض ابني نغسلو ونشربو الحليب ونلبسلو ونبعثو للروضة راه6 سنين ومازال في الروضة ربي يشفي جميع اولادنا وانا نرجع نخمل وندير الفطور قصدي الغدا هو الاول ونخمل بيتي وبيت الاولاد واوراقهم واقلام تحت المطارح والكتب في الصالون كيما يراجعو ووو يالهوي ظهري ينكسر وانا نجري ونمسح الغبار ونغسل الدوش ونرتب كلش ونروح للكوزينة ممكن نعجن ونغسل الماعن ونكمل الغدا اذا فيه مراحل ونصلي الضحى ممكن نغسل الحوايج ووووو راكم عارفين الشغل يتجبد وحدو وكل وحدة تجي في وقت تتغدى وحدها ويجيب راجلي ابني نغديه ويتغدى هو ويروح يتكى وكي يكون عيان ولا عندو خدمة يخليلي السيارة انا نجيبهم بالواحد ونزيد نديهم على 2 ونرجع نرقد ولدي ونوض ندير حاجة للقهوة ونوجد الحليب او تاي ويجي يشرب الزوج وبناتي ياكلو باتي ولا كاشير ولا ياعورت ما يشربوش الحليب ونوض ابني ونشربو الحليب ويخرجو باباه يلعب وانا نراجع لبناتي مادام غايب ونزيد حاجة خفيفة للعشاء ونعشيهم ولا بقالي وقت نقرا شوية قران وهووووووب للمخدة نحسها امي راهي تبربر عليا هههههههههههه نكون عيانة وهذا بالمختصر الشديد واش ندير وطبعا كل يوم واشغالو الى مرة مقبلة سلالالالالالالالالالالام

نخله. · 2014-03-22, 16:56

اهلين بيك المازه ماشي ماعدكش بزاف الشل انت للي متنظمه ماشالله ..................بالتوفيق

ام ياسمين10 · 2014-03-22, 17:43

مساء الخير حبوباتى .ماشاء الله عليك ام عبودة راكى تنوضى بكرى انا رانى كسلانة هاد النهارات .شمبرتك تهبل وباين ديكورها وميمى وين راه سرير نتاعو ولا يرقد عند جداه مع خاوتو انا راهم ولادى يرقدو معايا بنتى سريرها لاصق من جيهتى وابنى سريرو من جيهت باباه يعنى فى بلايص لى تابل دو نوى رانى حابة نبعدهم عليا شويا ومعرفتش كيفاه ابنى عمره اربع سنوات يرقد بيناتنا وكى يشخر نحطوه فى بلاصو باباه قالى مزال صغير على شمبرة وحدو ومعندوش لى ونسو

ام ياسمين10 · 2014-03-22, 18:19

عيدكم سعيد يا امهات .ومبروك علينا الربيع يا سلالالالالالالالالالالالالالام شحال نحبو

ام عبودة · 2014-03-22, 20:46

اقتباس:

المشاركة الأصلية كتبت بواسطة imane-droit

البارح نعست روحت رقدت باش نبكر الصباح
اما اليوم درت الحفلة انا و صحباتي في المكتب مع المفتش تاعنا بالبغرير و التاي و القهوة و القاطو ههههههههههه فاتت روعة الحمد الله و في المساء كي جيت للدار عملت طعام للعشاء و صنعت طارطة بالفواكه و كريمة باتيسيير راها في الثلاجة غدا راني خارجة بيها و الان راني راقدة في بلاصتي تصبحون على ألف خير

بصحتكم البغرير والتاي امممممممم والله يجعل ايامك كلها فرح