الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 29

R I A D · 2014-06-05, 17:46

ام تاجو الحبيبة الله يسلمك ...مواااااح يا الغالية

المازة ...راكي حامل؟.... الله يبارك و الف الف مبروك و ربي يتمم لك بخير و على خير امين
مالا راكي مع ام امنية كيف كيف ما شاء الله

ام انس المقرووووووض يهوووووووووووسسسس تسلمي ...كون غير تحطي الطابع نشوفو زيماه ...و الغرس شريتي المرحي ؟ و لا جاك من البلاد؟..

ميمي ما شاء الله كل شيء هايل تسلمي

اللهم اني اعوذ بك من النفاق و الشقاق و سوء الاخلاق

kaouka · 2014-06-05, 18:00

lyzzabel · 2014-06-05, 18:03

مساء الخييييير ميمتي الغاااالية بصحتك قهوتك ولا اتايتك موااااااااااح
طاطااااا و يا طاطا دبري راسك حطيييي الوصفة تاع المقروظ راني قريب نطهر منصف انشالله و نديره رووووووووعة يسلمو هذوك اليدين الخاوة
الماااااازة راهم الشيرات فولولك وجدي روحك وإذا راكي دايرتها قري باش نباركولك شفتك رديتي على سكرتي الحلوة و ما نفيتيييييييش هههههه
تيتينا مممممم الحطة تاع القهوة فييييلم الله يبارك يعطيكم الصحة و الصابلي هذاك ما نبغي ،، واش من وصفة درتي ؟؟؟؟
ميمي بصحتكم كلشي يشهي و الكثرة العصير مممممم
ام ياسو الحبيبة الغالية تستاهلي اكثر والله ما كنتش باغية نجب لك على الرحلة راني متفاءلة بلي يدخلولكم النت بلخف و ما تغيب يش علينا راكي عزيزة عليا بزااااااف
القبطية من زماااااان وانا نشوف هذاك الديكور فآل قاتو و يعجبني بزاااااف و عمري ما عرفت كيفاش يديروله شكرا حبيبتي ربي ينورك كيما نورتينا

اللهم اني أسالك العفو و العافية في الدنيا و الآخرة

kaouka · 2014-06-05, 18:05

lyzzabel · 2014-06-05, 18:06

عازفة الناي انا ما نقولهش الجواز فقط من المكونات عرفت بلي ام أمنية كانت على الطبق لي حطيتيه و يا ليت تدخل و تجاوبك
اما انا الجواز نقوله على المرقة حمرا بالبطاطا و اللحم

lyzzabel · 2014-06-05, 18:11

مييييمتي الغالية ربي يخليك على التدبيرة بصح ما عنديش حاجة اخرى و لوكان عليا نديرلهم السفة يتعشوا بيها و لكن ن ع ما ياكلهاش فالليل ،، و غدوة انشالله لاكان مادرتش الطعام نجبد الحوت مالمجمد و نزيد معاه حريرة اذا كتب ربي

كاوكا الله يبارك اطباقك يشهو يعطيك الصحة ،، قوليلي هاذوك الكويرات تاعش حبيبتي ؟؟

R I A D · 2014-06-05, 18:22

ليزا العزيزة اييه ما عليه
و كي قلتي الحوت جات بين عيني صورة ليسبادون الي شويتيه هذاك النهار ممم علاااااامة بصحتكم حنونتي
و ربي يقدرك و يسهلك الضروف و ترحلي وو تطهري حبيبي منصف في دارك و تطيبي بيدك كل ما لذ و طاب ....امين

كوكا بصحتك حنونة كل شيء يشهييي

روضة بصحتكم الطعام ...و عجوزتك تدير معاك الدالة" تور" و لا لالا تديري كل شيء وحدك ...الله يعاونك

اللهم اني اعوذ بك من الهم و الحزن و اعوذ بك من العجز و الكسل و اعوذ بك من الجبن و البخل و اعوذ بك من غلبة الدين و قهر الرجال

awladi · 2014-06-05, 18:24

من قلب الحدت بيتزا للاولاد
مولات الافخاذ الكاذبة امممممممممممممممممممممم راهم اشهو
روضة بصحتك الطعام بالدلاع
القبطية شكرا على المعلومة
ام انس المقروط هبال
راجعت الصفحة الاخيرة فقط

عازفة الناي · 2014-06-05, 18:44

اقتباس:

المشاركة الأصلية كتبت بواسطة lyzzabel

عازفة الناي انا ما نقولهش الجواز فقط من المكونات عرفت بلي ام أمنية كانت على الطبق لي حطيتيه و يا ليت تدخل و تجاوبك
اما انا الجواز نقوله على المرقة حمرا بالبطاطا و اللحم

تحية طيبة الان فهمت قصدك هذاك الطبق هو كباب بلحم العجل يجي بنييين

future maman · 2014-06-05, 18:47

lyzzabel و parfumdor

شكرا جزيلا على الرد

ماحليتش الفرن خلاص حتى شفتو حمار وكي دخلت السكين خرجتو ناشف وكان شكلو جميل
كي جبتو لقيت المفاجاءة

نحاول نشوف وصفة أخرى
بارك الله فيكم اخواتي

R I A D · 2014-06-05, 18:56

روضة الله يبارك راكم صالحين
ربي يصلحكم و يديم المحبة بيناتكم
نتمنى و نطلب من ربي نطيح في عريسات كيفكم يا رب امين

اولادي بصحتكم البيتزا مممم تهبل

استغفر الله العظيم

lyzzabel · 2014-06-05, 18:57

يا عمري على الدعاء كي خرج حلو من عندك يا ميمتي الغالية ،، اااامييييين والله راني متشووووووقة نشوفك و نسلم لك على يديك الحنان ربي يكملي منايا،، و الطهارة تاع منصف محال نديرها في داري الرحلة اذا كتب ربي حتى نفوتو رمضان بإذن الرحمن ما جاياش نخرج و رمضان ملاقينا بالاك نطهره في دارنا عند بابا ولا هنا وخلاص انشالله
اولادي البيتزا تشهيييي بصحتكم حبيبتي

مرام 1987 · 2014-06-05, 19:18

اممممممم كلشي يشهي من المقروظ لطياب كاوكا للبيتزا داتلي عقلي عينيا انا نجبد فيهم وهوما يرجعوا ليها
بصحتكم قهيوتكم
القبطية أطباقك رووووووعة سلمت يداك
تيتينا اممممممم على ديك السينية المتحوفة ياريتني كنت مع صحابات أختك بصح ما قلتيناش واش المناسبة ولا راني روطار
البقية شفت كلش وسخفت على كلش ربي يبارك ويزيد
حقا عازفة الناي حنا الجواز عندنا هو مرقا بالخضر منوعة واللحم او الدجاج طبعا هذا ما كان امممممممم نموت عليه
كنا راحين نديروه اليوم للعشا ومن بعد بدلت أختي قالت لالا ندير طاجين الزيتون بويسك ماما صايمة ربي يتقبل منها ومن جميع الصائمات
ادعيولنا معاكم
سبحان الله وبحمده سبحان الله وبحمده سبحان الله وبحمده

R I A D · 2014-06-05, 19:25

ليزا العزيزة و الله غير توشيتيني ديراكت
و انا تاني متشوووقة نشوفك و نضمك ليا و ندعي بالرحمة لوالدتك الي رباتك هذا التربية العزيزة
و لوالدك بطوال العمر و نطلب ربي يصلح اولادك امين
مالا منصف تطهريه في رمضان على حساب ما فهمت؟؟
ربي يتمم بالخير و الصحة و الهناء
و صحة عشاكم حبيبتي

انا عشانا اليوم تاع فقاقير
بطاطير بالعظامير
"فريت اومليت"
المعلم ما كاشو و الاولاد يحبو الخفافي و انا حلات لي القعدة اليوم معاكم

سلااااااامي لكم كلكم و صحة عشاكم

امسينا و امسى الملك لله رب العالمين
اللهم انا نسالك خير هذه الليلة فتحها و نصرها و نورها و بركتها و هداها
و نعوذ بك من شرّ ما فيها و شرّ ما بعدها

nihale89 · 2014-06-05, 19:27

بنااااااااااات اعطيوني رابط الافخاذ الكاذبة