وصفات حراير الكوزينة الجزء الثاني - الصفحة 29

علم وأدب · 2015-02-21, 11:05

https://www.djelfa.info/vb/showthread.php?t=1760664

idron0 · 2015-02-21, 12:01

تحريفات في الكرواصون عطر الدهب
اولا لخميرة طلعتها وحدها وبليت لعجينة بلا خميرة وعجنتها بخليط لخميرة لانو المرة اللي فاتت كي خلطت الخميرة مع الفرينة ومن بعد بليت لعجينة ماحبتش تخمر
كي شكلتهم حطيتهم في بلاطوات وغطيتهم ببلاطوات اخرين وحطيت الطاجين فوق الطابونة وشعلتها باش تسخن الكوزينة ويخمرو مام با ساعة لقيتهم تضاعفو
كي طيبتهم حطيتهم في فرن سخوووووون واول ماحطيتهم نقست للفرن رجعتو 180 درجة طاب وخمر في غرضو وطاب من تحت وفوق بلا مانشعل من فوق .

idron0 · 2015-02-21, 12:22

متبل الحمص قمر 77
كوب حمص مشمخ طيبيه في الملح
يطحن بجلوفو يعني بقشورو في مطحنة كهربائية مليحة يرجع املس مع الثوم ثلاث سنات ملاح و عصير ليمونة
و ثلاث ارباع كوب طحينة لازم تخلطيها كي تعودي تخدمي بيها و كي تطحنيها ابدي زيديلها الما بارد لازم بارد مليح حتى تشوفي المزيج خفاف و رجع ابيض و تذوقي الملح
تحطي المزيج في صحن و ديريلو زيت الزيتون من فوق و فلفل احمر و انا نحب النعناع اليابس يعطيه ذوق رائع و تحبي تحطي فوقو حمصات للتزيين
و بالصحة و الراحة.

إضغط هنا لرؤية الصورة بحجمها الطبيعي.

idron0 · 2015-02-21, 12:49

رفيس تاع ناس اريس ام ياسين الزهراء

يتعمل بالفطير يعني الرقاق بعد ماطيبيه وهو سخون تفتيه في غربال سبيسيال انتاعو ولا دير طريقة ام يسرى خليه يبس وارحيه في الروبو وارحي معاه الغرس المنقي والمرحي من قبل وفوريهم وديري العسل والزبدة يدوبو وخلطيهم كيما الطمينة او رفيس السميد ويتحط مع طاس لبن لان ثقيل ويدوخ لازم اللبن وبالصحة ويجي هايل وبنين هدا زيراوي انتاعي وجدت ومازال ماعسلتوش يعني خاصو ماكياج

إضغط هنا لرؤية الصورة بحجمها الطبيعي.

idron0 · 2015-02-21, 13:02

كيكة ام طيري الجنة

3بيض نضربوهم و نزيد كاس سكر كاس زيت كاس حليب و فانيليا او زاست الليمون او البرتقال و خمارة قاطو و فرينة تجي عجينة قريب سائلة و ادا حبيتي تقسميها على زوج و تلوني نصفها و البقية باينة انا حطيت العجينة البيضة و في وسطها صبيت العجينة السوداء بالكاكاو و جبدت بالسكين خطوط من الابيض الى الاسود ثم من الاسود الى الابيض و كي خرجتها من الفرن طليتها بالمعجون و رشيت النوا دكوكو و خلاص.

idron0 · 2015-02-21, 14:36

عصبان حلو هالة اسماء

هداك عصبان عادي المصارين والرية والقلب بعد ما تنقيهم مليح ديريهم في ماء مغلي يغلو شوية و تقطعيهم مرصوات صغار بزاف جيبي حبة بصل تقطعيها رقيق توم ومعدنوس قصبر و التوابل والحرور فلفل احمر مطحون شوية ملح للبنة وتكتري السكر يعني وحد الست مغارف وزبيب يكون منقوع فالماء من قبل نص ساعة و كمشة ارز تكوني شللتيه من قبل و تعمري العصبان تاعك عادي و طيبيه و صحة هنا و راه جد لذيذ على ضمانتي و طعمو لا يقاوم اممممممممممم.

idron0 · 2015-02-21, 14:48

قراتان الشيفلور عازف الناي

شيفلور مفور او مغلي حسب الرغبة نمعسه بالشوكة
صدر دجاج طايب و مفتت
بيض على حسب كمية الشيفلور
كمون اخضر ، ملح ،فلفل اسود ، هريسة ، معدنوس ، فنجان قهوة مرق دجاج ، فرماج نص ملعقة صغيرة خميرة الحلويات
نخلط البيض بالشوكة مليح و نضيف له بقية المقادير و نزيد الدجاج و الشيفلور و نخلط مليح
نصب الخليط فمول مدهون بزبدة و خبز مرحي
ندخله للفرن حتى يطيب و بالصحة و الهناء.

إضغط هنا لرؤية الصورة بحجمها الطبيعي.

idron0 · 2015-02-21, 18:48

لقيمات بالموز cuisineshowdalatifa

قلت نفيدكم بالفكرة لانها ساهلة و توجيدها تم تم المهم يكون عندك العجينة المورقة

إضغط هنا لرؤية الصورة بحجمها الطبيعي.

ببساطة نحل العجينة المورقة و نقطعها دوائر و ندهنها بالبيض

إضغط هنا لرؤية الصورة بحجمها الطبيعي.

و نحط فوقها قطعة بنان و نرشها بالشكولا

إضغط هنا لرؤية الصورة بحجمها الطبيعي.

و صحاب الرجيم يرشوا قليل من القرفة

إضغط هنا لرؤية الصورة بحجمها الطبيعي.

و إلى الفور مباشرة و احلى فنجان قهوة معها

إضغط هنا لرؤية الصورة بحجمها الطبيعي.

idron0 · 2015-02-21, 19:17

كريمة البرتقال لحشوالبسبوسة lyzabbel

درت كاس و نص حليب كانديا و نص كاس كرام فراش و ثلات ملاعق كبار سكر و زوج مغارف مايزينة و الاهم زااااست حبة برتقااال تومسووون ممممممم و خلطت مليييح و حطيتهم على النار حتى ثقالو ما خليتش الخليط يغلييي ،، والله ارررروع كريييمة للحشو على الاطلااااااق كانت الفكرة جاتني و درتها و الحمد لله ما خيبتنييييش ههههه ،، و ادا ما تبغيش الزاست تاع البرتقال يبقى فيها نحي نص كاس حليب و نص كاس كرام فراش و حطي فيهم المايزينة و السكر و خلطيهم و خليهم على جهة ،، و ديري كاس حليب و الزاست على النار حتى يغلي الحليب و صفيه من بعد خلطيه مع الخليط لي خليتيه على جهة و خلطي بلخف و عاودي رديه فوق النار حتى يثقال ممممممم
و حتى السيرو لي سقيت بيه البسبوسة درت فيه عصير حبة برتقال و قبل ما نطفي عليه زدت شوية مازهر غلى غلية و طفيت.
ملاحظة:الكريمة تقدري تديريها حشو فالكيكات و البسبوسة و القطايف و لي تارتولات و تقدري تقدميها كتحلية ،، لاكرام فراش تعطيها دوق لاااا يوووصف و طبعا لاكان تبغي تبدلي النكهة بدلي ديري فاني ولا موكا ولا ليموووون.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2015-02-21, 19:31

المعارك قوية بايماني

دقيق رطب وشوووووية فرينة وملح وماء دافي للعجن نعجنهم مليييييييييييييييييييييييييح ونديرهم في كيس بلاستيكي ونحطهم في كوكوطة ونقفل عليهم وندير الكوكوطة في بسينة ونعمرها ماء سخون ونخليهم ومن بعد نجبد العجينة نقرصها وندهنهم بالزيت ونبدا نفتح فيهم ونطيب.
ملاحظة: كي تفتحيهم اقلبي الجفنة انا عندي هدوك الجفون الخفاف كي شغل خشب اقلبيها وديريها الزيت وفتحي عليها رايحة تسهل عليك وميتقطعوش.

إضغط هنا لرؤية الصورة بحجمها الطبيعي.

idron0 · 2015-02-21, 19:39

كروكي ابيض و اسود ندى الورود 95

نكيلو بنفس البول نفس المقادير
نكسر اربع بيضات ف البول و نبقى نكيل نفس الكمية من الزيت و السكر نضيف الفاني و زوج خمارات و نلم بالفرينة و نقسم العجينة على زوج
نلون واحدة بالكاكاو و نخلي وحدة بيضا
ندير حرابيش
نحل العجينة البيضا بالحلال و ندير فيها حربوش اسود و نلف من اليمين لليسار او العكس نعاود نتحصل على حربوش نبلاطيه بيدي و نزينو و نحطو يطيب
بصحتكم

إضغط هنا لرؤية الصورة بحجمها الطبيعي.

idron0 · 2015-02-22, 14:17

وصفة الاكلير oum ibrahim

125 غ ماء تساوي 125 ملل تساوي نصف كاس نتاع 250 ملل
125 غ حليب
125 غ زبدة
150 غ فرينة
4 الى 5 بيضات
و الاضافة الي درتها من وصفة فلة هي زدت في العجينة ملعقة اكل سكر و باكي خميرة الحلوى
الطريقة معروفة ناخذ كسرونة نحط فيها الماء و الحليب و الزبدة و السكر و نحطهم يذوبو فوق النار بمجرد يغليو الغلية الاولى ننزع من النار و نضيف الفرينة مخلطة فيها باكي الخميرة دفعة واحدة و نحرك رايحة تتجمع كتلة واحدة ونرجعها فوق النار و نبقى نحرك حتى تتجمع على شكل كتنلة واحدة ننزعها و نفرغها في اناء و نخليها تبرد
اذا عندك البيترا فرغيها فيه و ركبي ال kاو la paletteو شغلي شوية تبرد العجينة و ابدي تضيفي البيض بالواحدة حتى تدخل و نزيد الثانية و الثالثة و الرابعة و نشوف العجينة لازم تكون تهبط و هي ثقيلة ماشي جارية و ماشي متماسكة بزاف و اذا لقيتها متماسكة نضرب البيضة 5 و نضيفها بالشوية
الفرن نكون شعلتو من قبل على 180 د
نشكل الاكلير بلابوش ادوي في بلاتو مدهون او مغلف بورق الزبدة و ندخلو الفرن يطيب في الرف الوسط و ما نفتحش الفرن مهما يكون ههههههه تقريبا مدة الطهي من 25 د الىنص ساعة حتى يتحمرو نطفي عليهم و اذا خفتي يهبطو خليهم داخل الفرن حتى يبردو انا خرجتهم لاني درت 2 بلاتوات و دخلت البلاتو الثاني
خليهم يبردو تماما باه تحشيهم و تزينيهم انا حشيتهم بالكريم موسلين وتقدري ديري كرام شونتيي و من فوق زينتهم بالفوندون مع علبة شوكولا مذابة.
ملاحظة:
تطلع زاكية بهذا الشكل دارتلي 18 حبة كبيرة و 3 وردات صغار

إضغط هنا لرؤية الصورة بحجمها الطبيعي.

idron0 · 2015-02-22, 14:40

الكرواصون kakinova

نبل عجينة عادية تاع بيتزا و نضيف فقط فيها السكر و نبلها بماء عادي باش ما تخمرليش بالخف و نقدر نشكلها على راحتي

نحل الزبدة طويلة و نحطها فوق العجينة طويلة و نطبق على 3 و نحلها و من بعد نطبق على 4 يعني نجيب الحواشي للمنتصف و نطبق على زوج

نكرر العملية هاذي قداش من مرة ما نحسبش خلاص مرات ندير دوبل تور حتى لخمس مرات

و من بعد نخليها تريح و نشكلها و نلفها بلاما نضغط نخليها مرخوفة خلاص و ندهنا بالحليب و البيض و القهوة و شوية زيت حتى تجيني تبرق و القشرة تقرمش لكن طرية ماشي قاسية

و نخليها تخمر في غرضها من الصباح للمساء و تتضاعف حتى 3 مرات

نسخن الفرن ملييييييييييييييييييييييييييييييييييح نستعمل الفرن تاع الكويزينيار و نحطها من فوق

ندخلها للفرن سخون تزيد تتنفخ و تحكم الشكل و الجزء الخارجي يولي طايب شوي و ننقص الفور ل 150 و نخليها تكمل طياب و تطيب من تحت و من فوق و تتحمر بلاما نحمرها من فوق.

إضغط هنا لرؤية الصورة بحجمها الطبيعي.

idron0 · 2015-02-22, 14:45

الدويدة مفورة lyzzabel

في كوكوت ديري شوية زيت و شوية مارغرين و حبة بصل مقطعة و طراف تاع الجاج قليهم و زيدي الملح و الفلفل الاسود و عود قرفة و زيدي اقلي على نار هادية و نقي حبات زرودية انا درت ربعة خليها طويلة ما تقطعيهاش و مرقي و ما تنسيييش الحمص انا دايما نديره في ساشي نقي طبعا نحزمه و نثقبه بالفرشيطة ،، قلتلك و مرقي قيس ما يتغطى الجاااج و اغلقي الكوكوت مين تبدا تصفر نقصي و خلي المرق يطيب على نار اقل من متوسطة باش ما تنشفش بزاف
من جهة اخرى جيبي كمية من الفاغميسال على حساب افراد العائلة ادهنيها ملييييح بالزيت و حكي بين يديك لازم الزيت يدخل كليح بين الدويدااات هههه ،، و فوريها في كسكاس مغطي و مرة على مرة حركي بالملعقة ،، بعد عشرين دقيقة فرغيها في قصعة و رشيها بالماء و حركي بالمغرف و ديريلها شوية ملح حتى تشوفيها بدات تطرى ،، غطيها و خليها تزيد تتشرب و عاودي فوريها و ما تنسيش تحركيها ،، خليها ربع ساعة الى عشرين دقيقة و فرغيها فالقصعة و ادهنيها بالزبدة لاااازم انا دهنتها بزبدة president
مين يطيب اللحم تاع الجاج صغي المرقة في طاجين و ارمي فيها الفاغميسال المدهونة و حطيها فوق نار هادية تتجمر و الجاج حمريه في مقلة و قدمي بالطريقة لي تعجبك و الف صحة و هنا حبيبتي
تقدري تحمصي نصف كمية الفاغميسال في شوية زيت قبل ما تفوريها و من بعد تخلطيها مع النص لاخر و فوريها تجيك tigrée.

إضغط هنا لرؤية الصورة بحجمها الطبيعي.

النرجووسة · 2015-02-22, 18:34

[بيتزا الوصفة للخت لوجي
العجينة فرينة ملح مك سكر مك خميرة مص خل 3 مك لحظة
3مك زيت انا ندير زيت زيتون مص ثوم غبرة و تعجني بالما العجينة تكون مرخوفة
الصوص
حبة بصل 3 فصوص ثوم 1 فلفل حار قصيهم اكل شرايح شوي زيت ورقة رند قلي يتقلاو شوي زيدي طماطم حب مقصوصة شرايح
شوي فلفل اكحل فلفل عكري زعتر شووووي قرفة الا تحبيها 1 مك طماطم باط و خليها طيب قبل ما طفي عليها قصي شوي دبشة و لوحيها و مك زيت زيتون و طفي عليها و ميكسيها عندك تنساي الرند نحيه
خلاص هذا ما كان
حقا نسيت في الجوانب نحشيها بشوي بربار نخلطو مع شوي حليب يعود بوماد و نزيدلو شوي فرماج غريار رابي[/center]