الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة حب و ويصال

بسم الله الرحمان الرحيم
كيفكم بنات إن شاء الله تكونو كامل بخير و صحة و عافية
و لي ولادهم راهم في الإمتحنات ربي يفرحهم و كي ليوم نحتفلو بيهم أمين يا رب العالمين
أم حمزة حبيت نقدملك هدية ليك و لكل من تنور صفحتك

المشاركة الأصلية كتبت بواسطة حب و ويصال

بسم الله الرحمان الرحيم
غزالة الصحراء الله يعطيك الصحة على قلب لوز جا ما شاء الله ربي يجازيك الجنة خصارة ماصورتوش
المهم زوجي ياكل و يعاود في بالو مخدوم بالوز و هو حتى درة تع لوز ما فيه
واشن درتلو مستخلاص ماء الزهر لي مد للقلب لوز النكهة اللذيذة مممممممممم

اهلين بغاليتي ختيتي يعطيك الصحة على المعلومة المفيدة ياريت لو كان تدخلي كل يوم وتحطيلنا بعض المعلومات المفيدة
هاكدا عندنا صدفات تحطلنا ادكار ربي يجازيها كل خير وانت حطيلنا معلومات تفيدنا فالدنيا وفي الاخرة خاصتا ونحن على ابواب الشهر الكريم
املي ختيتي ان تشوفي ردي وتبداي بعملية البحت عن المعلومات المفيدة
تحياتي ليك حبيبتي وبصحتك القلب اللوز انت والزوج المصون

المشاركة الأصلية كتبت بواسطة صدفات

صباحكم سعيد حبيباتي
غزالتي ،أم حمزة شكرا على الدعاء و لكما بالمثل
حب و ويصال شكرا على المعلومة جزاك الله خير إن شاء الله و بصحتك قلب اللوز و لوكان ديري له الحشو يجيك أروع
غزالتي العجينة المورقة السحرية صنعت قيس كيلو زبدة درته لرمضان ما درتش فيه البيض باه نقدر ندسها في المجمد و النتيجة غير كيفكيف و الله أعلم.

صح صدفات النتيجة بلا بيض مليحة انا ما نديرلهاش البيض

المشاركة الأصلية كتبت بواسطة روح مراد

صباح الخير يا وجوه الخير إنشاء الله رايحة ننشط معاكم في هذا رمضان و ندير جو من الإبداع و المنافسة

المشاركة الأصلية كتبت بواسطة روح مراد

غزالتي ردودك جد رائعة هي قمة الإحسحس و الحب و الحنان ربي يحفضلك أولادك
أم الحبايب واش راكي أختي العزيزة

المشاركة الأصلية كتبت بواسطة روح مراد

أنا راني نخمم كل يوم نخحطو واش نطيبو في شهر رمضان هاكا ندو أفكار من بعضانا و على الأقل ما نخموش بزاف في الأطباق واش نطيبو و كيفاش نوعو ... كل يوم ندو الفكرة من كاش وحدة من جهة نتعلموا و من جهة نسهلو على روحنا و يزيد حبنا للطبخ
و نحاولو نوعوا من أبسط الأشياء الغير مكلفة
أنا هوايتي نصنع شيء من أبسط الأشياء و يكون عنده شكل جميل و ذوق جميل

المشاركة الأصلية كتبت بواسطة روح مراد

شكرا غزالتي
أنا بكري كنت ندردش مرات مع طباخ جزائري مقيم في كندا حقيقة أعطاني أفكار جميلة و مفيدة و قالي باش تكوني مميزة في الطبخ لازم تحبيه
و الأكلة اللي طيبيها بحب و حابة طيبيها رايحة تنجحي فيها
طريقته كانت فيها نوع من الفلسفة و لكن جد رائعة

صباحكي سعيد روح مراد
والله فرحتيني كي قلتي راح تشاركي بردودك فالشهر الكريم ربي يحفضك حبيبتي
اما عن الجزائري لي مقيم في كندا عندو الحق 100/100انا نموت على الطبخ وكي نكون نطبخ نطبخ بحب ونعشق المطبخ والطبخ

لاااااااكن غير فالصباح اما فالمساء الطبخ والمطبخ عدياني

المشاركة الأصلية كتبت بواسطة أم الحبايب 26

على سلامتكم كامل مشالله عليكم على هذا نشا ط الله يداومها اميييييين يعطيك اصحا على ادعية صدفات رابي يحفظك على سلا متك حب و ويصال الله يسالمكم ام حمزة وغزالة مشالله عليكم را كم قيمين بردود على اكمل وجه حبيت نسا قسيكم على معجون نتع خوخ شكون تعارفو تقولي عليه
سلا مي ليكم كال واحدا باسمها

والله يا حبيبة انت ليمنورة الصفحة دايما بوجودك حتى ولو كنا غايبين تدخلي وتحطي رد الله لا يحرمنا منك يا حبيبة

المشاركة الأصلية كتبت بواسطة غزالة الصّحراء

أهلا ومرحبا بك ياستّ الحبايب ياحبيبة. النّشاط عمّ بوجود وجوه لامعة مثلكنّ وبأعمالكنّ القيّمة. أدام اللّه لنا هذه النّعمة. شوفي ياحبيبة. انا في زمان العزوبيّة جرّبت مربى المشمش وجاني هايل. ومن هذاك الوقت ماعودتوش كامل . بصّح راكي درتي لي الدودة . رايح نعملو لمّا يتوفّر المشمش. . أنا أعددته بهذه الطريقة. . و هذه الطريقة التّي ساعطيها لك الآن والتّي هي نفسها التّي طبقتها أيام زمان، للأمانة أخذتها لك من النت . وأنا حضرتو في الصباح وخليتو بات . يعني حتّى هذاك الغدو أحسن باش يطلق كامل الماء . ورايح ايطيب في هذاك الماء تحت نار جدّ ضعيفة. وكلّما يعطي رغوة نحيها. . حتّى تتحصلي على أروع معجون. عينك ميزانك. كيما أتحبيه.
ملاحظة: كاين ألي ايديروا نوات المشمش داخل الخليط باش يعطيه مذاق خاص. بالنسبة للسكّر انا أعملت السّكر العادي.

المقادير‏


1‏ كيلو مشمش‏+1‏ كيلو سكر سنترفيش‏+عصير ليمونة


الطريقة‏


‏ ينزع النوي من المشمش‏.‏

‏ يقطع المشمش بالسكين قطعا صغيرة‏.‏

‏ في طبق صيني او بلوري

يوضع المشمش في طبقات متبادلة مع السكر

ويترك المقدار‏6‏ ـ‏8‏ ساعات حتي يخرج المشمش ماءه


في إناء عميق يرفع المشمش فوق نار هادئة مع التقليب

من حين لآخر حتي يذوب السكر تماما‏.‏

‏ يضاف عصير الليمون ويترك المقدار علي النار هادئة

حتي تعقد المربي‏.‏ ويرفع الريم‏.‏


‏ترفع المربي من فوق النار وتترك حتي تبرد تماما

ثم تعبأ في برطمانات معقمة


‏ تحفظ داخل الثلاجة او في مكان جاف متجدد الهواء



بالهنا والشفا
ــــــــ
دائما من النت راني القيت لك وحدة الوصفة.

المقادير

1كيلو من ثمار الخوخ
750جم سكر
عصير ليمونة

التحضير

يقشر الخوخ وينزع منه النوى ثم يقطع قطعا متوسطة ويوضع على نار خفيفة مدة ربع ساعة مع التقليب المستمر
بمعلقة خشب ثم يطحن بمطحنة الخضار ويضاف عليه الليمون والسكر مع التقليب على نار هادئة باستمرار
حتى يلتصق على الملعقة اثنا رفعها الى اعلى
وتعبئة باردة فى وعاء جاف

ـــــــــــــ
ملاحظة من المروض نفس الطريقة فقط المقادير تختلف من فاكة لأخرى.
تمنياتي لك بالتّوفيق.

ماشاء الله عليك يا غزالتي راكي قايمة بالواجب واكثر يعطيك الصحة وربي يحفضك ويسترك ويعطيك ما تتمناي

[غزالة الصّحراء]

المشاركة الأصلية كتبت بواسطة ام حمزة22

اهلين بغاليتي ختيتي يعطيك الصحة على المعلومة المفيدة ياريت لو كان تدخلي كل يوم وتحطيلنا بعض المعلومات المفيدة
هاكدا عندنا صدفات تحطلنا ادكار ربي يجازيها كل خير وانت حطيلنا معلومات تفيدنا فالدنيا وفي الاخرة خاصتا ونحن على ابواب الشهر الكريم
املي ختيتي ان تشوفي ردي وتبداي بعملية البحت عن المعلومات المفيدة
تحياتي ليك حبيبتي وبصحتك القلب اللوز انت والزوج المصون

صح صدفات النتيجة بلا بيض مليحة انا ما نديرلهاش البيض







صباحكي سعيد روح مراد
والله فرحتيني كي قلتي راح تشاركي بردودك فالشهر الكريم ربي يحفضك حبيبتي
اما عن الجزائري لي مقيم في كندا عندو الحق 100/100انا نموت على الطبخ وكي نكون نطبخ نطبخ بحب ونعشق المطبخ والطبخ

لاااااااكن غير فالصباح اما فالمساء الطبخ والمطبخ عدياني

والله يا حبيبة انت ليمنورة الصفحة دايما بوجودك حتى ولو كنا غايبين تدخلي وتحطي رد الله لا يحرمنا منك يا حبيبة

ماشاء الله عليك يا غزالتي راكي قايمة بالواجب واكثر يعطيك الصحة وربي يحفضك ويسترك ويعطيك ما تتمناي

ولو حبوبتنا الغاليّة. هذا اقل واجب نعملوه لصفحتنا المميّزة. وشكرا لك على الدّعاء. ولك بالمثيل ولكلّ الأخوات. وحتّى الجدّد وحتّى الزّائرات .امّا عن العجينة المورقة أنتاع الأخت أم رويدة. حتّى بدون بيض جاتني هايلة. غير جربوها .

[روح مراد]

راني رجعت جات عندي صديقتي على هاذيك اللي خرجت

[روح مراد]

ربي يوفقني إنشاء الله في هذا رمضان و نصور ديما فطوري و نصور واش رايحة نطيب إنشاء الله خاصة إذا كانت حاجة جديدة و نزيد نصور واش طيب عجوزتي
البارح طيبت شربة بوزلوف
و هايليك الطريقة: بوزلوف مجمد + حبة بصل + حبة ثوم + فلفل أسود و أحمر + ملح و زيت و الماء البارد و إلى الفرن
طاب أبيض و بزاف المرقة و مزيتة هوما كلاو و أنا تقييت حشاكم في مكانهم

[صدفات]

مساء الخير حبيباتي و بصحتكم الفطور
روح مراد راني موافقة على الإقتراح فكرة هايلة و هكذا ندو الأفكار من بعضنا في بداية رمضان نقدرو نوعو في الأطباق ،تفوت 8 أيام نبداو ندورو في دائرة وحدة مثوم ،زيتون،محمر،لوبيا خضراء،طاجين الخوخ،كوغجات معمرة
و مرات قليلة حوت في رمضان تولي الأسعار في السمك هبال .
روح مراد أنا شخصيا ولادي يحبوا المقبلات بزاف بوراك ،معقودة،فلفلة شكشوكة،طماطم محشية
عجبتني بزاف فكرة تبادل le menu
اللهم بلغنا رمضان

[أم الحبايب 26]

يعطيك اصحا غزالة وا م حمزة على رد غزالة اذا ا مكن نقدر ندير خوخ نقسم حبى على زوج حبتو يقعدولي شلخ صحاح من زا هري جا و صباح فدامي ليبيعو لخوخ روحت شر يت صندوق راجلي مخالاليش قا لي تار مي فدراهمك ونا عندبالي مشماش يعطيك اصحا روح مراد على على كلمت كل واحد وا مكانياتو وتكون وصافات فمتناول ا لجميع

[غزالة الصّحراء]

المشاركة الأصلية كتبت بواسطة صدفات

مساء الخير حبيباتي و بصحتكم الفطور
روح مراد راني موافقة على الإقتراح فكرة هايلة و هكذا ندو الأفكار من بعضنا في بداية رمضان نقدرو نوعو في الأطباق ،تفوت 8 أيام نبداو ندورو في دائرة وحدة مثوم ،زيتون،محمر،لوبيا خضراء،طاجين الخوخ،كوغجات معمرة
و مرات قليلة حوت في رمضان تولي الأسعار في السمك هبال .
روح مراد أنا شخصيا ولادي يحبوا المقبلات بزاف بوراك ،معقودة،فلفلة شكشوكة،طماطم محشية
عجبتني بزاف فكرة تبادل le menu
اللهم بلغنا رمضان

اهلا بصدوفتي توأم روحي. بصّحتك وبصحة أولادك. صدوفتي والرجيم. ماش رايح يلقى محلّه من الإعراب . راني القيت وحدة اتجاوبت مع الموضوع اللّه ايبارك ويزيد. صدوفتي الغالية راني كيما أولادك أنموت على هاذوا: أنا شخصيا ولادي يحبوا المقبلات بزاف بوراك ،معقودة،فلفلة شكشوكة،طماطم محشية. ربّي يحفظهملك. ويطوّل في عمرك.

[روح مراد]

نزيد اقتراح ثاني
أطباق اقتصادية في متناول الجميع و لذيذة و شكل جميل

[غزالة الصّحراء]

المشاركة الأصلية كتبت بواسطة أم الحبايب 26

يعطيك اصحا غزالة وا م حمزة على رد غزالة اذا ا مكن نقدر ندير خوخ نقسم حبى على زوج حبتو يقعدولي شلخ صحاح من زا هري جا و صباح فدامي ليبيعو لخوخ روحت شر يت صندوق راجلي مخالاليش قا لي تار مي فدراهمك ونا عندبالي مشماش يعطيك اصحا روح مراد على على كلمت كل واحد وا مكانياتو وتكون وصافات فمتناول ا لجميع

أهلا بالحبيبة أم الحبايب. ماشي أخسارة ياحبيبة . بصّح ثاني صندوق بزاف. على خاطر لما تشري بالصندوق ايديروا دائما السلعة لمليحة من الفوق ومن التحت ربّي يعلم بالصّح حتّى توصلي للدار تلقاي الكارثة. بصّح معليش. إذا حبيتي اتديري معجون الخوخ ممكن أتقسمي الحبات على زوج. واصلا حتّى المشماش أنا قسمتو أيام زمان هههههههههه كيما اتقول المطربة ميادة الحنّاوي: واللّه زمان ياهوا زمان. حبيبي كَانْ هِنَا مَالِي الدّنيا عًَلَيَّ بالحبّ والهنا. . أنا الحُب ّ إِلِي كَان . كان زمان. ومانعرفش البقية أنتاع الأغنيّة . هههه حتّى الأغاني راهم عندهم حقّهم في الصّفحة. ربّي ايفوتها على خير اليوم.
فرحي أولادك بمعجون الخوخ وخلي راجلك يستعرف بيك.

[غزالة الصّحراء]

المشاركة الأصلية كتبت بواسطة روح مراد

نزيد اقتراح ثاني
أطباق اقتصادية في متناول الجميع و لذيذة و شكل جميل

ياروحي غير زيدي المهم نستفيد من بعضانا. وأنا أوّل واحدة رايح تستفيد. ههههههههه راني نتعلّم. من النهار ألي ادخلت لهذه الصّفحة زادت قدراتي المطبخيّة. ربّي ايخليكم لينا.

[أم الحبايب 26]

اسكتي يا غزالة فاظو عليا دراهم راجلي كقتلو جبلي اسكر قالي معانديش كنخدام منينذاك اراشتا يكونو عندي شويا صواردا نخابيهم للحاجا ر اشتا يحاوسو عليها كثراتها فل با ر د عندك ا لحق من فوق صاتها مليحا و من تحت حبات صغار

[غزالة الصّحراء]

المشاركة الأصلية كتبت بواسطة أم الحبايب 26

اسكتي يا غزالة فاظو عليا دراهم راجلي كقتلو جبلي اسكر قالي معانديش كنخدام منينذاك اراشتا يكونو عندي شويا صواردا نخابيهم للحاجا ر اشتا يحاوسو عليها كثراتها فل با ر د عندك ا لحق من فوق صاتها مليحا و من تحت حبات صغار

ماعليش ياحبيبة ربّي ايرجع لك الخير خيرين . مرّة أخرى فكري أمليح قبل ماتتصرفي.. ربّي ايخليلك هاذوك اليدين الي يعرفوا الصنعة ويكسبوبها قوت الحلال ويبارك لك فيهم. أما عن صغر حجم الخوخ ثاني معليش على خاطر رايح يسهل عليك طيابهم. ويجيك مذاق معجونهم أروع. سلامي الحّار لك ولكلّ واحدة باسمها.

[صدفات]

اللهم في هذا الصباح
سخر لنا من الأقدار أجملها
ومن السعادة أكملها
و من الأمور أسهلها
ومن حوائج الدنيا أيسرها و أحسنها
آمين
حبيباتي يجب أن نتعود كل صباح على قول :
أستودع الله الذي لا تضيع ودائعه ديني و نفسي و أمانتي و خواتيم عملي ،و بيتي و أهلي و أحبتي ومالي وجميع ما أنعم الله به علي
آمين

[ام حمزة22]

السلام عليكم
بسم الله الرحمان الرحيم
واش راكم لبنات ان الله تكونوا بالف خير انتم وكل عائلتكم

انا اليوم كملت شغلي بكري وفطوري طاب وخرجت من الكوزينة قلت نضرب طلة عليكم من بعد نروح نكمل نخيط الشورة نتاعي حلفت الا تخلاص كل يوم نخيط فيها شوية حتى الصالون ما درتلوش النيتواياج قلت حتى نكمل الشورة باه نبلاسيها


ام سوهيل راكي طولتي الغيبة ان شاء الله المانع خير

[ام حمزة22]

المشاركة الأصلية كتبت بواسطة صدفات

اللهم في هذا الصباح
سخر لنا من الأقدار أجملها
ومن السعادة أكملها
و من الأمور أسهلها
ومن حوائج الدنيا أيسرها و أحسنها
آمين
حبيباتي يجب أن نتعود كل صباح على قول :
أستودع الله الذي لا تضيع ودائعه ديني و نفسي و أمانتي و خواتيم عملي ،و بيتي و أهلي و أحبتي ومالي وجميع ما أنعم الله به علي
آمين

آمين يا رب العالمين
بوركتي حبيبتي وجزاك الله كل خير