موضوع مميز نتائج مسابقة الجمارك الجزائرية 2012-2013 ( إعلان النتائج) - الصفحة 288

Buffalo · 2012-12-16, 19:50

اقتباس:

المشاركة الأصلية كتبت بواسطة mehdikolea

يومين و الله غير بزاف
خصوصا على الناس لي يجو من البعيد
خصوصا فيما يتعلق بالمصاريف

ربي معاهم و الله . ياو انا مخي حبس المرة لي فاتت . فالدار البيضا لقيت زوج بنات من تيزي وزو . و كانت الساعة الزوج ، و اكانو مازال ما دفعو الدوسي ، قلتلها و كي تكملو كيفاش تديري قالتلي مانيش عارفة ، و كانت الشتا دايرة حالة . و الله يا خويا تطيح في ناس عندهم كوراج تاع حديد .
تخيل واحد من ادرار جا لواد السمار ، قلتلو و راك شايف معرفة قالي على ربي ، هادا كيما يقولو راه جاي من اقصى المدينة .
هلكوهم مساكن و الله . انا نتمنى برك يديها واحد زوالي يستاهل و ماشي خدام . تغيضك منين يديها واحد مهني و لاباس بيه . يزيدو سعيدة للبحر .

mehdikolea · 2012-12-16, 19:58

الأخ بوفالو
إنه إقصاء مبرمج للمترشحين الذين يقطنون في ولايات بعيدة
كيف لا و هم يطلبون الحضور على السابعة صباحا في عز فصل الشتاء !!!!
دون ضمان الإيواء و لا حتى الغداء لشباب من فئة النخبة لكنه يقبع في البطالة منذ تخرجه
أمله الوحيد الكاسكيطة لتوفير العيش الكريم
إنها الحقرة في أسمى معانيها

Buffalo · 2012-12-16, 20:10

ايه عندك الحق ..

ايه ما علاباليش بيها حكاية 7 تاع صباح هادي . علاش لازم تكون لتم على 7 ؟

تسكن في قليعة نتا خو؟

mehdikolea · 2012-12-16, 20:18

هاكدا سمعت خو
راهم يقولو الإنسان يصبح تمة
+
نعم إيه نسكن في القليعة
و انت الأخ ؟

Buffalo · 2012-12-16, 20:31

mehdikolea

الله يبارك خويا . رانا جيران امالا انا نسكن غير فبوفاريك برك . و عندي فاميلتي في قليعة. يا حسراه قليعة شحال كنت ندور فيها

mehdikolea · 2012-12-16, 20:36

متشرفين خويا لعزيز
أنا نسكن في طريق دزاير إذا تعرفها

Buffalo · 2012-12-16, 20:44

بالاك نعرفها ..

اي المهم امالا نهار السبت السبعة لتم يا لطيف ..

فاش راك ناوي تروح خو ؟

mehdikolea · 2012-12-16, 20:57

كاين الكار

hayat hanane · 2012-12-16, 23:25

السلام عليكم

nonodream09 · 2012-12-16, 23:26

اسئلة امتحان مسابقة مفتش رئيسي للجمارك 2011-2012

سؤال العلوم القانونية و الادارية
امتيازات السلطة العمومية في تنفيد العقود الادارية
اسئلة الاقتصاد
عرف الاقتصادي جوزيف ستايجلتز بانتقاده للعولمة
ناقش
وهناك سؤال اختياري في الفرنسية او الانجليزية

hana05 · 2012-12-16, 23:33

السلام عليكم اخوتي
ممكن تساعدوني أو تنصحوني بفندق مليح في دالي براهيم و يكون قريب للجامعة؟؟؟؟؟؟؟؟؟؟؟؟؟؟؟؟؟

nonodream09 · 2012-12-16, 23:34

المسابقة سنة 2012 :
أقيمت في جامعة سعد دحلب بالبليدة والمدرسة العليا للضرائب
مواد الإمتحان ثلاثة تقام على مدى يومين
عدد الممتحين كان بالتقريب كما هو هذا العام
بالتوفيق للجميع .................

hana05 · 2012-12-16, 23:53

السلام عليكم اخوتي
ممكن تساعدوني أو تنصحوني بفندق مليح في دالي براهيم و يكون قريب للجامعة؟؟؟؟؟؟؟؟؟؟؟؟؟؟؟؟؟

hamid_k14 · 2012-12-17, 00:17

السلام عليكم
ممكن نماذج للامتحان الكتابي لرتبة اعوان رقابة

حمومان عزالدين · 2012-12-17, 07:20

صباح الخير وبالتوفيق للجيع