موضوع مميز الجزءالـــ33 من واش طيبتي اليوم؟؟ - الصفحة 28

ام ندى 87 · 2013-10-21, 11:56

صباح الخير يا حلوين
واش هاد الخير الله الله على بنات بلادي والله نفرح كي نشوف هاد الابداعات ربي يحفضكم من العين
ام ساجد ودادو مبروك للعرسان ونقول لدادو لعقوبة ليك

أم إناس · 2013-10-21, 11:58

اقتباس:

المشاركة الأصلية كتبت بواسطة ام ساجد

ههههههههههههههههه ام اناس قتلتيني بالضحك شوفي زوجك لواش توله

ايه قلو حتى لبلاد فيها دركة واش كاين البرا وهاذيك دار سلفي عملها ستيل تركي تهبل ما شاء الله ربي يكمل ان شاء الله

الله يبارك شكرًا

nihale89 · 2013-10-21, 12:05

دادو كلش هايل يعطيكم الصحة ربي يهنيها انشاء الله
ام ساجد كلش حطة مبروك عليه لعقوبة للعرس

omhadil · 2013-10-21, 12:09

مشاء الله المنتدى راه حافل بالمناسبات السعيدة
ام ساجد مبروك على سلفك راه كلشى بشان وطبع حنا تانى هذا الجمعة خطبنا لسلفى الصغير وديينا الخاتم ولابياس مونتى و2سنيوات حلوة وسنويوة مقروض هدية من عندى خدمتهالى امى
وبوكى تاع الورد اما الملاس عطاولها دراهم لعروسة تشرى واش تحب
دادو مبروك على سلفتك كلشى رائع ولعقوبة ليك

*أم كوثر* · 2013-10-21, 12:11

اقتباس:

المشاركة الأصلية كتبت بواسطة هند21

ياحبيبتي يا ام كوثر اعطيني التوابل تاع الشواء لي في الصورة

اسمحيلي اختي هند طولت عليك

التتبيلة توم مرابي وملح وفلفل اسود واحمر حار وبابريكا وتوابل خاصة بالشواء تتباع خلطة واجدة ومغرف زيت وعصير قارص وشوية هريسة وشووووية طماطم يمكن الاستغناء عنها
وتبلي اللحم مليح حتى ساعة واشوي
نصيحة للكل
جربت شحال من طريقة للشواء
على الطابونة
على الفحم
في الشواية الكهربائية
صح الشواء في المرى او طاجين الحديد مختلف تماما يجي فيه بنة رهيبة وطري ومعمر عصارة

اقتباس:

المشاركة الأصلية كتبت بواسطة أم ياسين الزهراء

صباح الانوار

ام كوثر حبيت نسقسيك اللحم المفور درتيه في النيلو ومنبعد في الالمنيوم جاوبيني تعيشي راهو في خاطري نديرو لولادي

ايه لفيتو في النيلون ومن بعد في الالمنيوم من الناحية الصحية أضمن

التتبيلة ياام ابراهيم
قطعت بصل جوانح وتوم وهريسة ونفس التوابل لي دكرتها اعلاه
ماعدا القارص حطيت مكانه قطرات ماء وورقات رند ودهنت الاطراف مليح وخليتهم باتو كما شفتي وغدوة فورتهم حوالي ساعة ونصف طابوا طريين زبدة والبنة رهييييييييييبة

sakura be · 2013-10-21, 12:12

السلام عليكم
البارح كنت طلبت حاجة نقدمها مع اللحم المفور والاخوات ساعدوني ربي يعطيهم مايتمناو ولكن في الاخير ظربت طلة في مواضيع ام رامي لقيت قدمت معاه بطاطا مفورة ومتبلة ودرت كيفها
اللحم المفور تان والكل جااااااو 44444 يعطيكم الصحة

ام ساجد · 2013-10-21, 12:18

الله يسلمكم اخواتي وشكرا ليكم ولعقوبة لكل وحدة

المبتدئة شكرا اختي
نهال شكرا ليك اختي

ام هديل الله يبارك فيك ومبروك لسلفك هاذي خطبة لبسناها خاتم الخطوبة ومن بعد نعمل حفلة احنا نسموها تهنية وندو فيها الخاتم وسنسلة وفاليزا وطبق وقشقشة ولحم

ان شاء اله في التهنية نصور كلشي

ام خالد اسلام · 2013-10-21, 12:42

كل شئ هايل حبيبتي دادو يعطيكم الصحة ولعقوبة ليك نفرحوبيك

عطرالذهب · 2013-10-21, 12:43

صح غداواتكم انا غدايا سباقيتي باللحم وسلاطة عادية
ام ساجد مبروك خطبة سلفك ربي يهنيه
دادو مبروك خطبة صديقتك ولعقوبة ليك
ام كوثر اللحم المفور والشوا جاوك روووووووووعة ماشي غريبة انت دايما 4444444444 واكلاتك متميزة يا سعد اولادك بيك

أم إناس · 2013-10-21, 12:53

اقتباس:

المشاركة الأصلية كتبت بواسطة parfumdor1

صح غداواتكم انا غدايا سباقيتي باللحم وسلاطة عادية
ام ساجد مبروك خطبة سلفك ربي يهنيه
دادو مبروك خطبة صديقتك ولعقوبة ليك
ام كوثر اللحم المفور والشوا جاوك روووووووووعة ماشي غريبة انت دايما 4444444444 واكلاتك متميزة يا سعد اولادك بيك

ومعجبتكمش الغراتان اه معليش جئت بين موضوعين وحد خطبت صديقته والثاني خطبة سلفه وفيه مالذ وطاب
وانا شفلور وبطاطا بصح بنيييين

عطرالذهب · 2013-10-21, 12:58

اقتباس:

المشاركة الأصلية كتبت بواسطة أم إناس

ومعجبتكمش الغراتان اه معليش جئت بين موضوعين وحد خطبت صديقته والثاني خطبة سلفه وفيه مالذ وطاب
وانا شفلور وبطاطا بصح بنيييين

هههههههههههههههه والله حاشا وانت بالذات طياباتك يسخفو بالصح راكي تشوفي ربي يبارك كل خير قدامك واش تشكري وواش تخلي
انا تاني رحت بين الرجلين الصباح جبت القاطو ووحدة ما ذاقاتو

أم إناس · 2013-10-21, 13:02

اقتباس:

المشاركة الأصلية كتبت بواسطة parfumdor1

صباح الخير نهاركم مبروك
راني جبتلكم حاجة حلوة باش تفطروا

يعطيك الصحه ماشاء الله ربي يحفظك

عطرالذهب · 2013-10-21, 13:11

ام ايناس كيفاش درتي القراتان ويجي فيه طعم الشوفلور والا لا رانا في الدار كامل ما ناكلوهش من الطعم القاوي نتاع الشوفلور

الدنيا · 2013-10-21, 13:22

السلام عليكم
الدعوة ولات شوية كيما كانت الحمد لله
غذانا اليوم حريرة و فلفلة و انا سوب الكرمب للتنحيف

lamia zina · 2013-10-21, 13:24

اقتباس:

المشاركة الأصلية كتبت بواسطة nour inasse

تفضلي اختي ديري 125 غ زبدة + 2 مغارف سكر قلاصي اخدميهم مليييييح زيدي فاني وزيدي بيضة ومبعدا مغرف كاكاو و 4 مغارف كابوتشينو حتان 5 وزيدي 2 مغارف عسل اخدميهم ملييييح ومبعدا ارمي 1 خميرة وشيحي بالفرينة كيما الصابلي شكلي حرابيش وقطعيهم مقروظات طيبيهم خليهم يبردوا
ومبعدا ديري عسل ومعجون سخنيهم وزيدي شوي كابوتشينوا مغرف صغيرة برك للنكهة اغطسيهم فيها ولميهم في بيمو مرحي مع مغرف كابوتشينو خليهم يشيحوا ومبعدا لميهم في بورت مونجي ومبعدا كيما تجي تفتحي البورت مونجي تصرعك ريحة الكابوتشينو هههههههه
راهي تجي هايلة بابا ربي يرحموا كان يموت عليها

قوليلي كابوشينو هو نفسه نيسكافي و كيفاه يتباع في ساشي صغار