الطبعة العاشرة لدورة الرقي بمدبرة منزل مثالية - الصفحة 28

نبض الفؤاد · 2013-01-07, 17:30

ام ملاك ما شاء الله عليك ومبروك الختمة وربي يقدرك على الشغل
انا اليوم الحالة سامطة ما حبتش يجيني المنتدى

زرقاء اليمامة0001 · 2013-01-08, 00:09

مااجمل هذه الافكار العملية حفظك الله

oummalak · 2013-01-08, 07:15

اقتباس:

المشاركة الأصلية كتبت بواسطة نبض الفؤاد

ام ملاك ما شاء الله عليك ومبروك الختمة وربي يقدرك على الشغل
انا اليوم الحالة سامطة ما حبتش يجيني المنتدى

شكرا حبيبتي وربي يقدرني ويقدرك على الشغل الي ما يكمل
انا تاني المنتدى راهو مهبلني ما راهوش يطلع غير فالصبح شوي اما المساء ما يطلعش
تحياتي

سمراء الدنيا · 2013-01-08, 08:00

[SIZE="عن ابي ذر رضي الله عنه ان رسول الله صلى الله عليه و سلم قال (من قال في دبر كل صلاة الصبح و هو ثاني رجليه قبل ان يتكلم .... لا اله الا الله و حده لا شريك له . له الملك و له الحمد يحيي و يميت و هو على كل شيء قدير عشر مرات . كتب له عشر حسنات . و محي عنه عشر سيئات . و رفع له عشر درجات . و كان يومه ذلك في حرز من كل مكروه. و حرس من الشيطان . و لم ينبغ لذنب ان يدركه في ذلك اليوم الا الشرك بالله تعالى ) ... قال الترميذي هذا حديث حسن .
عن انس رضي الله عنه قال قال رسول الله صلى الله عليه و سلم ( من صلى الفجر في جماعة ثم قعد يذكر الله تعالى حتى تطلع الشمس ثم صلى ركعتين كانت له كاجر حجة و عمرة تامة تامة تامة )
6"][/SIZE]

سمراء الدنيا · 2013-01-08, 08:10

[SIZE="6السلام عليكم و رحمة الله و بركاته بسبب تعذر دخولي للمنتدى تاخرت في كتابة تطبيقاتي....
تطبيقي ليوم السبت
الجانب الديني تمام و الحمد لله نسال الله الثبات بالنسبة للحفظ سورة الطارق بديت نقراها في الصلاة و راني كتبت سورة البروج
الجانب الجمالي مقصرة شويا لا ماسكات و لا حمام زيت
التنظيفي كنت متمنية ندير تنظيف عميق للحمام لكن تعرفو مع الدخول المدرسي كل لحسابات تخلطتلي كنت غير مع الطابليات و المحفظات و الادوات المهم خلاص اليوم على خير بالنسبة للطبخ عملت في الغدا جلبان و فريت و سلاطة و عشية عملت باتيسري ام رامي و في الليل شوربة و سلايط
بالنسبة ليوم الاحد كملت الصباح الجانب الديني و تلهيت مع لولاد فطرو و لبسو و راحو للمدارس نتاعهم ..... الحمد لله خلاولينا الهدوء الواحد يحكم راسو و يعرف واش راه يدير المهم هذاك النهار ديتو غير في غسيل الكسوة مع تاني لغدا درت الدجاج في الفرن بطريقة الوهرانية و عمرت واحد لي تارتولات كنت خادمتهم من قبل .... تغدينا و ريحت في الميكرو نحاول ندخل والوووووووو.... هبلت ايا نضت عجنت شوي رفيس و طيبتو و فتتو و خلطتو مع التمر و طيبت لاتاي شربت انا امي و عمرناها يم يم ..... و خلينا للغايبين و ديتها و خرجنا شويا كسلنا رجلينا كنت حابة نشري كتان نتاع الكوزينة بصح ما لقيتش ...... رجعنا للدار صلينا المغرب ..... ما درتش لعشا كل واحد يقول عطيني غير تفاحة و ياوورت رانا شبعانين ....هههههه هناوني..... في اليل كنت باغية نقعد معاكم شويا بصح جات امي زعفت منين لقاتني في الميكرو قالتلي ماشي وقتوا رواحي تسمعي الدرس هي من عوايدها تلمنا الكل و ديرلينا درس و ان شاء الله كل مرة نعطيكم نبذة على الدرس اللي ديرهولنا..... قبل ما نرقد قريت في المصحف راني واصلة لسورة يس..
"][/SIZE]!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

Minnnaaa · 2013-01-08, 09:20

اللهم اجعلنا ممن دعاك فاجبته واستنصرك فنصرته واستهداك فهديته واستغفرك فغفرت له ومن دارك دار السلام ادنيته برحمتك يا ارحم الراحمين

Minnnaaa · 2013-01-08, 09:24

اختي ام ملاك مبروك عليك الختمة ماتنسيش ادعيلنا معاك
وما شاء الله عليك تطبيقاتك منظمة وربي يعطيك الف صحة وعافية
ايييه قبل ما ننسى راني نرحم عليك وعلى والديك في كل مرة نخدم بالطماطم اللي درتها على طريقتك وخرجتلي اكتر من رائعة
بارك الله فيك حبيبتي

Minnnaaa · 2013-01-08, 09:29

اختي صليحة ربي يخليلك ميمتك ولوكان جيت في بلاصتك وجاتني ميمتي مانقربش الميكرو تماما وسمحولي راها حتى حاجة ماتعاوض لميمة وربي يزنلها لعقايب وكامل ميماتكم وسلميلها على راسها من عندي
وبارك الله فيك على اللي خرجتيها وقد مانديرو مانردوش شادارو مي بصح مليح كي تتهلي فيها وعينها تشوف
ربي يخليهالك ويخليك انتي لينا ومايحرمناش منكم اميييييين يا رب العالمين

سمراء الدنيا · 2013-01-08, 09:54

صباح الخير ميينا كيراكي و كيراهم لوليدات راني غير نسرق شوي وقت و نطل عليكم
في الظهيرة منين ترقد امي نريح معاكم توووووووووووحشتكم .... منين كان المنتدى ما يفتحش كنت غير كيما هذاك اللي خاصتو لادروق......ههههههه
الحمد لله كي راكي بخير مينا الحنونة

Minnnaaa · 2013-01-08, 09:58

اقتباس:

المشاركة الأصلية كتبت بواسطة سمراء الدنيا

صباح الخير ميينا كيراكي و كيراهم لوليدات راني غير نسرق شوي وقت و نطل عليكم
في الظهيرة منين ترقد امي نريح معاكم توووووووووووحشتكم .... منين كان المنتدى ما يفتحش كنت غير كيما هذاك اللي خاصتو لادروق......ههههههه
الحمد لله كي راكي بخير مينا الحنونة

يسال عليك الخير يا وجه الخير
رانا كامل بخير والحمد لله
هاهاهاهاها والله يلا عندك الحق توالفنا والولف صعيب هاهاهاهاها

سمراء الدنيا · 2013-01-08, 10:00

يعطيك الصحة ميينا على هذاك الكلام الطيب .....
انا ما نقعدش في الميكرو غير كي تكون مع الذكر نتاعها و لا كي تخرج
كيما ضرك راحت تشري الخبز و اقلام نتاع اللوحة راها تاني هي تحفظ في القرآن من مدة طويلة
راها في الحزب العاشر .... و فرحت بزاف بزاف كي لقاتني تشجعت و بديت نحفظ .....
و انا نحب نرضيها و نعمل كل حاجة تحبها .... وهاذ الدورة جات على خاطرها ....لاخاطرش هي طبق
منها 80 بالمية في حياتها اليومية منذ زمن طويل .....
و كي يكون عندي الوقت نكتب ليكم بعض الدروس اللي تعطيهم لينا بعد صلاة المغرب و تاني
بعض الالغاز

Minnnaaa · 2013-01-08, 10:11

اقتباس:

المشاركة الأصلية كتبت بواسطة سمراء الدنيا

يعطيك الصحة ميينا على هذاك الكلام الطيب .....
انا ما نقعدش في الميكرو غير كي تكون مع الذكر نتاعها و لا كي تخرج
كيما ضرك راحت تشري الخبز و اقلام نتاع اللوحة راها تاني هي تحفظ في القرآن من مدة طويلة
راها في الحزب العاشر .... و فرحت بزاف بزاف كي لقاتني تشجعت و بديت نحفظ .....
و انا نحب نرضيها و نعمل كل حاجة تحبها .... وهاذ الدورة جات على خاطرها ....لاخاطرش هي طبق
منها 80 بالمية في حياتها اليومية منذ زمن طويل .....
و كي يكون عندي الوقت نكتب ليكم بعض الدروس اللي تعطيهم لينا بعد صلاة المغرب و تاني
بعض الالغاز

الله يبارك كيما يقول المثل "ذلك الشبل من ذاك الاسد" وانتي ماشاء الله فحلة بنت فحلة
وراني نقارع بفارغ الصبر فالدروس نتاعها
وربي يخليك يا صليحة الزينة كي تتسقم الكارت ميموار نتاعك صوريلي الوحة والاقلام وقوليلي وين نلقاهم باش نشريهم
راها عجبتني نتاعك بصح ما قلتلك في هاداك الوقت

نبض الفؤاد · 2013-01-08, 11:29

السلام عليكم وقيلا ولات طبيعة في مريومة تحمسنا ممبعد تجبد بينا الحصيرة ،
هذا المرة خير ما شدها علينا يا ربي
صباح الخير مينة راني نشوف الضوء شاعل وقيلا صليحة راحت

نبض الفؤاد · 2013-01-08, 11:35

صليحة اختي الله يحفظ لك ميمتك وقوليلها ان شاالله ماناش نضيعو الوقت مع بعض في النت رانا نستفادو بصحبة بعضنا
في شتى المجالات
وقوليلها تدعيلنا بأن يصلحنا و يصلح ابناءنا ويبعد عنا كل سوء
سلمي على راسها وبوسي يدها اكراما و اجلالا لها

بتول8 · 2013-01-08, 13:30

السلام عليكن كيفكن جميعكن
تطبيقاتي
الجانب الديني بدون تحسن مزال مطورتش نفسي
الجانب الجمال كالعادة لاسباب
الجانب التنظيفي تمام التمام
سيقت الدار لحت الما بسائل فور اسبرس الازوق رائحتة جنااااااان
من بعد لحت فالدوش و تواليت حشاكم نضفور ولا يبرق برق
و مسحت الكويزنيار بسيف و تاني غسلت زوج سنيوات كبار تاع حديد
و درنا لغدا و تغدينا و خلاص راني غلبت ع الاخر منقدرش نخدم بزاف شوي شوي ضهري ولا يوجعني
نتمنا تكونو لاباس وش راك سعاد و فطمة و سمرا و مينا و اتس مي و سندوسة و كامل لبنات