الجزء 82من واش طيبتي اليوم**تحضيرات العيد**

[أم محمد تاج]

ههههههه ام ساجد يعطيك الربح
حنونتي حسنا فهميني باش نساعدك هل تفتت وهي عجين ولا كي طابت???? اذا مازالت عجين وتفتت امحريها بين يديك برك مليح ضرك تعاود تطلق وتجي رووووعة

[دائمة الحمد]

لبنات قبل مانبدى في صلاتي هذم الحلويات لي قتليكم بقولي من نجاح وليدي كل نوع قيس 3او4صحان بالصح راني لقيت اثار الجرم المشهود حسبت روحي قافزة خبيتهم وين الشيطان ما يفيقش ليهم لقيت لي كيسات فرغين يوكلو ويرجعو الصرف
وغدوة بحول الله نكمل المقروض والكروكي

[عازفة الناي]

المشاركة الأصلية كتبت بواسطة أم إناس

السلام عليكم اخواتي
يعطيكم الصحه على هذيك الحلويات ماشاء الله اممممممممم كل واحد
البارح فطرت عندي اختي



























وصحه فطوركم
وانا القاطو مادرتش راني تعبانا
الله يتقبل منا ومنكم اخواتي اجمعين

ام ااناس بصحتكم الفطور
ممكن وصفة المكارون لانه هايل

[hasna19]

المشاركة الأصلية كتبت بواسطة أم محمد تاج

ههههههه ام ساجد يعطيك الربح
حنونتي حسنا فهميني باش نساعدك هل تفتت وهي عجين ولا كي طابت???? اذا مازالت عجين وتفتت امحريها بين يديك برك مليح ضرك تعاود تطلق وتجي رووووعة

تتفتت وهي عجين طلعتلي لاتونسيون مين نلمها تتفتت وتتكسر كي نهزها طيبت حبة هبطت وجات شوية يابسة

خليتها فالساشي تاعها ورحت للكورني حتان نلقالها حل

[ام احمد وصال]

نهال تعيشي اسمحيلي هبلتك لصقتي بالمعجون قبل ومن بعد درتي النوتيلا في الوسط

لبنات كي نزين الصابلي من فوق بالسكر قلاصي يروج ثم ثم ولا يطول

[Simassim]

داىيمة الحمد راني مقبيل وانا نستنا فيك تحطي الطعام. امممممممممممم باين رآه يشهي مع الفلفل الحار

[idron0]

اخواتي حبيت نسقسيكم الكروكي يتقص و هو سخون فور خروجه من الفور ام حتى يبرد
اللهم انك عفو كريم تحب العفو فاعفو عنا
اللهم اعتق رقابنا من النار
امين

[ام الهضاب]

المشاركة الأصلية كتبت بواسطة اماني السلام

نهال تعيشي اسمحيلي هبلتك لصقتي بالمعجون قبل ومن بعد درتي النوتيلا في الوسط

لبنات كي نزين الصابلي من فوق بالسكر قلاصي يروج ثم ثم ولا يطول

صح فطوركم و مبروك الكوزينة ام ساجد و ربي يتقبل منا ان شاء الله الصيام و القيام
اماني السلام الصابلي و هو في البلاطو الحبات المقعورين عقبي اعليهم بياض بيض مضروب بالبانسو و مين اتخرجيه من الفور بالصفاية ديريلو السكر قلاسي يبقى كما راه يهبل و ما يشربوش

[ام الهضاب]

المشاركة الأصلية كتبت بواسطة idron0

اخواتي حبيت نسقسيكم الكروكي يتقص و هو سخون فور خروجه من الفور ام حتى يبرد
اللهم انك عفو كريم تحب العفو فاعفو عنا
اللهم اعتق رقابنا من النار
امين

يتقص و هو سخون لان فيما بعد يتفرتت لانه رايح ييبس و صح فطوركم

[ام الهضاب]

يعطيكم الصحة لبنات حلوياتكم تهببببل ، والمهم نشمو بيهم ريحة العيد ههه
الي سألت اعلى الغريبية تتفتت راكي نشفتيها بزاف صراتلي واحد المرة لان الغريبية تبقى طرية في اليد ، اعمليها دوائر و طيبيهم و حطييهم في بورت مونجي باش تطرى شوي و الله اعلم

[ام الهضاب]

حلوياتي هي
الغريبية انتاع الصوامعية تهبل
صابلي التاج لام اماني
تشيراك السكر
المقروط
قاطو نص بنص
قاطو النيسلي
والحمد لله

[ام احمد وصال]

المشاركة الأصلية كتبت بواسطة ام الهضاب

صح فطوركم و مبروك الكوزينة ام ساجد و ربي يتقبل منا ان شاء الله الصيام و القيام
اماني السلام الصابلي و هو في البلاطو الحبات المقعورين عقبي اعليهم بياض بيض مضروب بالبانسو و مين اتخرجيه من الفور بالصفاية ديريلو السكر قلاسي يبقى كما راه يهبل و ما يشربوش

ربي يحفظك ام الهضاب انا بصح درتو البارح الصابلي وضك حابة نزينو كيفاه ندير

[ام احمد وصال]

المشاركة الأصلية كتبت بواسطة idron0

اخواتي حبيت نسقسيكم الكروكي يتقص و هو سخون فور خروجه من الفور ام حتى يبرد
اللهم انك عفو كريم تحب العفو فاعفو عنا
اللهم اعتق رقابنا من النار
امين

انا كي نخرجو من الفور طول ندهنو بالمعجون وندردر فوقو كوكاو مرحي ولا نواد كوكو ونقصو وهو سخون بصح منحيهش من البلاطو حتى يبرد شوية

[ام ساجد]

ام الهضاب عسلامتك اختي وبصحتك القاطوات

اماني السلام السكر ما يروحش ثم ثم يبقى شادفي الصابلي

ادرونو الكروكي قصيه وهو سخون والا تحبي تزيدي ترجعيه شوي للفرن بعد ما تقصيه كي يبرد ييبس ما يطاوعكش للقصان

سهى مرحبا بيك شوفي في مواضيع ام كوثر راي عاملة موضوع على القطايف

[ام ساجد]

دائمة الحمد نظن هذاك فيه براكة مع المقروض والكروكي وزيد حسب غاشيك

انتي تعرفي ولي كلاو وخلو الصرف بصحتهم هههههههه