الجزء 179 من كوزينة احلى رفقه كوزينة الحراير - الصفحة 28

حياة نور الدين · 2017-04-17, 22:46

تفضلوا وصفة الخبزة للمتالقة لجين ستايل

حياة نور الدين · 2017-04-17, 22:50

اهلاااا ام ياسين ويعطيك الصحة على الزلاابية البنان امممم وصح فطورك حنونة
هههههه ضحكتيني لالا ماشي انا وراني حطيت الوصفة للجين ستايل

زخرفة راني زرت موضوعك

نخليكم حبيباتي تصبحن على خير

ام هاديل وياسين · 2017-04-17, 22:52

الله يسلمك حياة ويعطيك الصحة على الوصفة حتى انا عجبتني تصبحي بخير انتي وكل الاخوات في امان الله

zokhrofa · 2017-04-18, 00:14

ام هاديل نحب نحب و بزااااف خاصة اكلات تقليدية و القاطو نحب باتيسري برك هههه

ربي يخليكم متالقات و يدوم نعمة علة نعمة

ايه ام هاديل المرمز
حياة شكرا على الزيارة للموضوع كي تجربوها اعطوني رايكم

ام احمدي · 2017-04-18, 08:37

السلام عليكم
بصحتكم كااامل
حياة الزينة الخبزة تشهيييي
ام جوجو وام ياسين شهيتونا بالزلابية اممممم
ام هدول النكتة صح تعبر علينا انا كل يوم نداوس غير على هدا المشكل درك لازم حتى يخرجو كامل لشغلهم باش نشف سيرتو باباتي منقدرش نعيط عليه ههههه
توبة الحنونة ميرسيييي على الوصفة نجربها ان شاء الله وربي يخليلك ماماك
زخرفة حنونة درك نشوف الوصفة وبوركتي على المعلومة
ام يوسف حنونة ربي يخليلك ايوب وتشوفيه من الصالحين يااااارب

اليوم بلاك ندير همبورغر ولا الخبزة الي حطتها حياة عجبتني عندي مدة مدرتش المعجنات

zokhrofa · 2017-04-18, 08:40

صباااااااااااحكم برباحكم و ميات نوّارة في مراحكم

كيفاش صبحتو راني نشوف ام ياسين هنا و ام حمدي ههههه شاعل الضو عندكم الباقي مزال راقدين اضن

انا نوض دايما على 7

ام هاديل وياسين · 2017-04-18, 09:17

صباح الخير على وجوةه الخير زخرفة الله ينور ايامك وايامنا يارب ومكانش خير من تبكار فيه البركة ام حمدي يعطيك الصحة
انا وام جوجو جبنالكم ريحة رمضان الله يدخلو علينا بصحة والهنا

zokhrofa · 2017-04-18, 09:31

يصبحك بالخير أم ياسين

اييييه انا عندي شحال ملي راني نستنى فيه ان شاء الله يطل علينا بالصحة و الهناء يااااااااااا رب

انا البارح درت روز بصوص فيها الفول ههههههههههههههه الفول هذا العام قتلو شوف بلاك حتى نقليك و ما نبردش

خاطش شفتو ما نستعملوهش بزاف في كوزنتنا قلت نجرب بزاف حجات بيه

الحمد لله عجاتو بزاف زوجي

بلاك من بعد نحطلكم الوصفة

ام هاديل وياسين · 2017-04-18, 09:52

بصحتكم روز بالفول زخرفة احنا في الغرب طياب نتاع الفول اكتريثها نفوروه ونملحوه كا ين الي يديرلو فنيقرات انا نحبو غير بالملح ونرافقو باللبن ولا رايب
قد ماتاكلي ميتملش بصح ولادي ميبغوهش بزاف قالولي وقتاش نتهناو منو ههههه راني مع يسون بدا يحبي بصح انا بديت نجري معاه الله يعييني يد في الفطور ويد مع ياسين وفطوري ان شاء الله مقارونة بالبيشمال وحضرت عصير الجزر والقرعة حتى يبرد نقولكم على دوق في امان الله

zokhrofa · 2017-04-18, 10:00

حنا في الوسط نديروه مسفوف بالطعام يعني نفوروه و نديروه مع الطعام او نزيدو معاهم الجلبانة ايضا و نقولولو مسفوف

او نديروه تبيخة يعني طبق فيه بزاف خضروات منها الفول و الكرم و الجزر و القرنون و الروز

او ناكلوه مفور

او نديروه في شربة الفارميسال هو او الجلبانة

يعني نطيبو بيه هههههههههههه

اما على ياسين شوفي خيرلك حطيه في كرسي و انتي ديري الشغل و كي تكوني قاعدة العبي معاه أحسن ليك

مع الأول يهبلك بالبكاء لكن اهدري معاه و قوليلو ماما راهي طيب مع انو مزال ماراهش يفهم لكن مع الوقت يتبرمج انو انتي كي تكوني مشغولة هو يكون في كرسي

حياة نور الدين · 2017-04-18, 11:23

السلام عليكن

صباحكم برباحكم خياتي

ام ياسبن شكراا على الوصفات حبيبتي وربي يفرحك بياسين وهدول يا رب

زخرفة واش راكي واش فطورك اليوم قوليلي عندك اولاد ولاا بقاتلك الشربة
حنا ثان الفول نديروه مسفوف ولا تبيخة ولا مرات جواز بطاطا نديروا معاه الفوال حب مكان الحمص

وكي جيت للغرب عند عجوزتب لقيتهم يديروه مقلي بالبيض ثان بنين
ولا يفوروه بالملح
ويديروه بالطعام بصح يسقوه بالحليب ماشي كما حنا في الوسط باللبن

ام احمدي اخههلااا بك تامني بالله حطيت الوصفة على جالك حسيت بك تحبي تجربيها حنونة

سلامي لكل الاخوات فطوري بركوكس والخبيزة بقاولي من البارح تهنيييبت

zokhrofa · 2017-04-18, 11:34

اهلا حياة اختي واش راكي ؟

ايه عندي توأم بنات عندهم 17 شهر

الفطور انا ما نطيّبش كامل ههههه خاطش زوجي يفطر في العمل انا فقط الجمعة و السبت و العطل

اليوم بقالي الارز تاع البارح نعطيه للبنات و انا ناكل الشربة تاع اول امس ان شاء الله

ايه الطعام بالحليب غير كيما جربتو و الصراحة عجبني بزاااااااااااف وليت ناكل مرة على مرة بيه

حياة نور الدين · 2017-04-18, 11:39

الله يبارك ام التوام ربي يحفظهم
راكي كما انا الزوج ميجيش يفطر مرات وين نطيب والاكثرية نزيد في العشا وناكلوا انا والبنات بواقي

وعلى الطعام بالحليب حنا نعرفوه في الوسط بصح قصدي طعام بالفول ويسقوه بالحليب هدي اللي جديدة خخخخ
بصحتك واش راح تفطري اختي

zokhrofa · 2017-04-18, 11:45

نعم فهمت قصدك ههههه و انا قتلك راني غير كيما عرفت هذي العفسة تاع الطعام بالفول و الحليب او بالجلبانة و الحليب او بالزبيب و الحليب جربتها و عجبتني

اه باش نوضح كيفاش ينتكل الحليب

تغلي الحليب كي تجي طفي ترمي قرصة ملح باش يجي مالح

هذا هو سر البنّة فيه

ام هدول · 2017-04-18, 12:03

سلالالام ..لبنات .....امممممممممممممممممممممم نفحات رمضان هلت في الكوزنية راهي تفحفح ...ربي يدخلو علينا بالصحة ولهنا ..ان شالله
ضمنوني معاكم ..لي رجالتهم يتغداو في العمل ..انا سخنت ب رك ا الجاري ..دويدة تع البارح وخبزت كسرة ...
حيوتة عشاك يشهي بصحنك ...وشكرا على وصفة الفطيرة .كنت شفت خبيزات محششين بالشكشوكة ..وقلت نجربهم
ام ياسين ...شكرا على الوصفات وربي يحفضللك ياسين ...

زخرفة منورة لافكارك ...واضافاتك لكوزينة ..نفيد ونستفيد .