= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ = - الصفحة 28

yacine-08 · 2013-03-13, 19:08

الاخت راية العدالة نحن نحسب بنفس الطريقة التي تحسبون بها

الامتحان يتضرب في 2 و التيدي يبقى نفسه يتضرب في 1 ، يعني ان اي نقطة في الانتحان تعوض بنقطيتن من التيدي . وتعطي القوة لـ الامتحان يعني ادا كنت تحت المعدل فانه يتضاعف تلك النسبة الناقصة الى اتنين اما ادا كنت فوق المعدل 10 فقد يكون دلك لصالحك فمن المهم جدا ان تخدم في الامتحان

هناك مقاييس فيهم تيدي و الكور وهناك مقاييس فيهم غي الكور لكنهم يقومون ايضا بـ les test

المهم هده الصورة تشرح طريقة حساب المعدل لدينا وييمكن ان تستفسري في ديبارتمون تاعكم حول كيفية حساب المعدل فهدا من حقك

قاصِرَةُ الطّرْف · 2013-03-14, 05:00

اقتباس:

المشاركة الأصلية كتبت بواسطة yacine-08

الاخت راية العدالة نحن نحسب بنفس الطريقة التي تحسبون بها

الامتحان يتضرب في 2 و التيدي يبقى نفسه يتضرب في 1 ، يعني ان اي نقطة في الانتحان تعوض بنقطيتن من التيدي . وتعطي القوة لـ الامتحان يعني ادا كنت تحت المعدل فانه يتضاعف تلك النسبة الناقصة الى اتنين اما ادا كنت فوق المعدل 10 فقد يكون دلك لصالحك فمن المهم جدا ان تخدم في الامتحان

هناك مقاييس فيهم تيدي و الكور وهناك مقاييس فيهم غي الكور لكنهم يقومون ايضا بـ les test

المهم هده الصورة تشرح طريقة حساب المعدل لدينا وييمكن ان تستفسري في ديبارتمون تاعكم حول كيفية حساب المعدل فهدا من حقك

السلام عليكم و رحمة الله تعالى و بركاته

نعم نفسها

شرح جيد و كافي ووافي

بارك الله فيك

اقتباس:

المشاركة الأصلية كتبت بواسطة سطايفية بكل فخر

ياختي كل جامعة وكيفاش تخدم لدلك سقسي على نسبة التيدي والامتحان في جامعتكم ومن بعد ساهلة الحساب هل فهمت انا شرحتلك بطريقتنا ولي معروف على العموم
مثلا اخي ياسين يحسبو بطريقة اخرى

و هو كذلك ...كنت أظن ان الحساب واحد يشمل كافة الجامعات ..لكن تم التوضيح من طرفك فلك جزيل الشكر ...و نعتذر على الإزعاج

و فقكم الله جميعا

yacine-08 · 2013-03-14, 12:23

الله يبارك فيك الاخت الكريمة

بالتوفيـــــق لك ..

yacine-08 · 2013-03-14, 12:33

التقيت امس ببعض طلبة الماستر في احد اللتخصصات التقنية

راهم يعانوا من ناحية كمية الدروس التي تعطى لهم وتوقيت الامتحانات ..

قال لي صديقي انهم يبعتون لهم ملفات power-piont الى ايمايل فيه 35-40 diapo

ويقولوهم كلشي داخل ، لا فهامة و لا استيعاب جيد

كيف لهده الطريقة ستخرج طلبة لديهم تكوين عالي !!!!!!!!!!

و كانوا يدرسون صباحا و يجوزوا الامتحانات مساءاا ،، ضغط كبيييييير ويؤتلر على النتائج

وبعض الاساتذة يقولون لهم هدا المقياس ليس اختصاصي ههه

سياسة ادفع برك خخخ

سطايفية بكل فخر · 2013-03-14, 13:53

هههه كثر خيرهم اخي ياسين على الاقل راهم يمدولهم ليديابو
كاين ناس ما تفهم عندها ما تمدلك حاجة تفهمك
+
هوما قاعدين يشكيو من امتحانات الفضل الاول ارواح طل على اختك السطايفية واش راهي تعاني
امتحانات الفصل الاول مزال متافيشاوش وليزانتيرو تاع الفصل الثاني بداو
ومكفاناش لانتيرو كملو علينا بالبحوث ورابور تاع ليسورتي ويزيد يقلك جيبها في وقت قصير وديرهم وحدك
عاد معنديش الوقت حتى للميني بروجي تاعي
خليها لربي راني قريب تصرالي ديبريسون ونتهنا طول من هم لقرايا

سليم * · 2013-03-14, 17:01

السلام
ممكن سؤال اختي سطايفية
انا في السداسي الاول جبت معدلي 9.86
وهل ادا جبت مثلا 10.في السداسي التاني ادخل للاستدراك او على بمعدل اكتر
وشكرا

سطايفية بكل فخر · 2013-03-14, 17:03

اقتباس:

المشاركة الأصلية كتبت بواسطة سليم *

السلام
ممكن سؤال اختي سطايفية
انا في السداسي الاول جبت معدلي 9.86
وهل ادا جبت مثلا 10.في السداسي التاني ادخل للاستدراك او على بمعدل اكتر
وشكرا

قولي اولا هل درت الراتراباج في السداسي الاول او قاللكم حتى نهايةى العام

سليم * · 2013-03-14, 17:16

لالا مزلنا مادرناش
راني اولى جامعي مزلت منعرفش عمل الجامعة كفاه

سطايفية بكل فخر · 2013-03-14, 17:20

اخي ادا كانت جامعتكم دير راتراباج بعد الامتحان هنا ادخل باش طلع ال10 تاعك
اما ادا كانو يديروه في اخر العام نا حاول تطلع الفصل الثاني باكثر من 10 باش تكونمونسي بيه الفصل الاول ومتدخلش الراتراباج من اصلو
وفي حالة جبت 10 قدد هنا لازمك تدخل باش تخرجو
بالتوفيق ليك

yacine-08 · 2013-03-14, 20:18

اقتباس:

المشاركة الأصلية كتبت بواسطة سطايفية بكل فخر

هههه كثر خيرهم اخي ياسين على الاقل راهم يمدولهم ليديابو
كاين ناس ما تفهم عندها ما تمدلك حاجة تفهمك
+
هوما قاعدين يشكيو من امتحانات الفضل الاول ارواح طل على اختك السطايفية واش راهي تعاني
امتحانات الفصل الاول مزال متافيشاوش وليزانتيرو تاع الفصل الثاني بداو
ومكفاناش لانتيرو كملو علينا بالبحوث ورابور تاع ليسورتي ويزيد يقلك جيبها في وقت قصير وديرهم وحدك
عاد معنديش الوقت حتى للميني بروجي تاعي
خليها لربي راني قريب تصرالي ديبريسون ونتهنا طول من هم لقرايا

بزاااف عليكم ،، والله لو كان هناك اساتذة يفهموك بيان .. ويكون لهم طريقة عمل واضحة تسمح للطالب باش مايتودرش

انا جني جن الاستاد غير المتمكن من مقياسه و يعطينا لكور بدون فهامة ،، ياخي هادي راهي مسؤولية وستحاسب عليها والنقاط لا تهم بقدر ما يهم هل الطالب فهم واستوعب النقاط التي عليه فهمها .

+

غي ماكالاه تطيحي ديبريسيون ،، مازال نستحقوك

سطايفية بكل فخر · 2013-03-14, 20:32

اقتباس:

المشاركة الأصلية كتبت بواسطة yacine-08

بزاااف عليكم ،، والله لو كان هناك اساتذة يفهموك بيان .. ويكون لهم طريقة عمل واضحة تسمح للطالب باش مايتودرش

انا جني جن الاستاد غير المتمكن من مقياسه و يعطينا لكور بدون فهامة ،، ياخي هادي راهي مسؤولية وستحاسب عليها والنقاط لا تهم بقدر ما يهم هل الطالب فهم واستوعب النقاط التي عليه فهمها .

+

غي ماكالاه تطيحي ديبريسيون ،، مازال نستحقوك

واش يريد الميت في يد غسالو كل واحد فيهم حاط روحو نقراو غير الموديل نتاعو ويبدا يتشرط كيما يحب ويشتي ويحكمك من يد لي توجعك وهي النقطة
+
بعش الاساتدة سامحهم الله والله ميسحقو كلمة استاد مي هدا هو الموجود
+
الله يحفطك مي مع لاشارج هدا راني بديت نلاشي رانني نخمم ندير ملادي باش نروبوسي والله سمانه هدي مقدرتش نروح للستاج نتاعي
لانو معنديش الوقت كيما ليوم من الصباح وانا مشعلة الميكرو راهو قريب ينطق ليا ويقولي عافينى كي نعيا نجي هنا ندير بوز شفت صحاب الل م د واش راهم يعانيو والناس تقول علينا منقراوش وراهم يقونفليونا في النقاط
والله نتحدى اي واحد من لكلاسيك يقرا هدي السمانة برك لي راني فيها وميدورش في رايو