للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[وَ بشّر الصّابرين]

المشاركة الأصلية كتبت بواسطة amel510

كلام رائع و في الصميم حمستيني كثيرا و الله انت رائعة يا و بشر الصابرين

ربي يوفقكـ الأخــت

[selmaimene]

slt khti wa bachiri sabirine c'est vrai medecine walat 8 ans pour generaliste???
natmana tjawbini

[bahayou]

المشاركة الأصلية كتبت بواسطة selmaimene

slt khti wa bachiri sabirine c'est vrai medecine walat 8 ans pour generaliste???
natmana tjawbini

Non c'est absolument faux, déjà 07 ans c'est trop

[وَ بشّر الصّابرين]

المشاركة الأصلية كتبت بواسطة selmaimene

slt khti wa bachiri sabirine c'est vrai medecine walat 8 ans pour generaliste???
natmana tjawbini

اللهـ أعلم ،احنآ لي بروف يقولونّـآ 8

قآلولي زآدوا 6 أشهــر تطبيـقيّة للسنة السّـآبعة ...يعني تقريبآ 8 سنوآت

ربّي يوفقنآ ان شآء الله

[amira maria]

هل من الضروري اقتناء كتاب حمودي

[.زَيْنْ الْدِيِنْ.]

المشاركة الأصلية كتبت بواسطة موتي ولا دمعة أمي

أخ زين الدين تم توجيهي الى طب في جامعة البليدة 1
مع أنني كنت أنتظر أن أوجه الى وهران قالولي البليدة أحسن من وهران تقدر طمني لأنو أنا قادرة نتحول لوهران عادي

والله مانقدر نقولك ،، ماعندي ولا فكرة ،، ممكن الاخوة اللي يقراو في وهران يفيدوك

السّلآم عليكمـ

جزآكـ الله خيرا ....بآركـ الله فيكـ

لي سؤآل آخرْ "بعيدآ عن الطّب"...لو سمحت ^^

صديقة أخرى شعبة لغآت ، متحصلة على معدّل 14 ، وجّهت الى الرّغبــة الثّـآنيّة "لغة ألمآنيّة" ..

هيَ ترغب الآن في المدرسة العُليآ للغة الانجليزيّة ان لم تخــنّآ الذآكرة ...المهمّ أنّ معدّل الفتآة يفوق معدّل القبُول في المدْرسة ..

أ يُقبــلُ ملفّ تحويلهآ هذهـ ؟ بحُكم أنّهآ وجّهت الى جآمعة عآديّة وتودّ الانتقـآل الى المدْرسة العليـآآ ..

ووو بآركـ الله فيكـ أخي ...جزآكـ الله كلّ خير
سلآمْـ

نظن عادي ،، من حقها ذلك ،،،
تجرب ،، مرآح تخسر والو و ان شاء الله فيها خير

هل من الضروري اقتناء كتاب حمودي

في قسنطينة ،، من الضروري ذلك ،، لأنو لي بوليكوب ماتفهمي فيهم والوووو
تلقايه فالمكتبة يعني لا داعي تشريه

ما هو البوليكوب !!!!

الدروس تكون على شكل مجموعة أوراق مطبوعة ما يعني
بوليكوب خخخ = polycopies

[~ فآيـزة ~]

السلام عليكم ورحمة الله وبركاته

بارك الله فيك أخي زين الدين على الموضوع الأكثر من رآآآئع
جعله الله في ميزآن حسناتك

لدي سؤآآلين لو سمحت :
هل الدروس تتجدد من سنة لأخرى ؟، يعني هل يمكن الاعتماد على مطبوعات العام الماضي ام ننتظر حتى يتم منحنا مطبوعات هذه السنة؟

هل لديك فكرة اين تتم الدرآآسة ؟ الشآلي أم الجآمعة 3 ؟ فحتى التّسجيل لا ندري أيـن !

بآرك الله فيك

[وَ بشّر الصّابرين]

المشاركة الأصلية كتبت بواسطة .زَيْنْ الْدِيِنْ.

والله مانقدر نقولك ،، ماعندي ولا فكرة ،، ممكن الاخوة اللي يقراو في وهران يفيدوك


نظن عادي ،، من حقها ذلك ،،،
تجرب ،، مرآح تخسر والو و ان شاء الله فيها خير


في قسنطينة ،، من الضروري ذلك ،، لأنو لي بوليكوب ماتفهمي فيهم والوووو
تلقايه فالمكتبة يعني لا داعي تشريه


الدروس تكون على شكل مجموعة أوراق مطبوعة ما يعني
بوليكوب خخخ = polycopies

شكْــرآ ...بُوركْــت

بالنّسبة لوهْرآن ...مآتقدرش تقنّعهمـ

أنآ شخْصيّـآ نفضّل وهْرآن ....جآتْني فرص عديدة بش نروح للبليدة العـآم المآضي ورفضْــت ..

المهمـ ...قُلنآ أنّ الطّـــبّ مجْهود شخْصيّ ....مآتهمش الولآية بقدْر مايهم الاجتهآد ..

بالتّوفيق للجميعْ ..
سلآم

[Capitano Hichem]

زين الدين خويا حبيت نسقسيك برك..هل يسمح باصطحاب الهاتف النقال و استخدامه خارج فترات التدريب في شرشال بمعنى في تلك السنة تاع التكوين العسكري المشترك يسمح بالهاتف ولا لاااا ؟؟ شئ أخر هل يسمح بالخروج في نهاية الأسبوع ؟ و هل فترة التدريب تدوم فقط 8 ساعات يعني من 00.8- 16.00 ؟؟ علابالي ماكملتش في العسكر بصح أكيد عندك معلومــــــــــــــــــــات تفيدني وربي يعطيك ما تتمنى شكرا .

[Tacir]

المشاركة الأصلية كتبت بواسطة .زَيْنْ الْدِيِنْ.

لا تقلقي مطلقا من هذا الجانب ،،، دراسة الطب ماهي الا مصطلحات طبية فقط تكتسبينها بمرور الوقت ،، فحتى الممتاز فاللغة الفرنسية لا يعرفها ،، فقط الفرق الوحيد هو في التواصل مع الاساتذة و طرح الاسئلة اللذان يحتاجان اتقانا للغة بعض الشيئ :d:d
عندك الصيف حسني مستواك على قد ما تقدري


اهلا اخي ،، والله في نعمة الحمد لله ،، كيف كانت النتيجة ؟؟
مرحبا بيك في أي وقت يا خويا لعزيز
بالنسبة لعدد الامتحانات فعلا حسب الكلية ،، كيما قسنطينة عندنا 3 ثلاثيات على غرار باقي الكليات اللي يعتمدو نظام السداسيات
كاين مواد دير فيهم 3 امتحانات فالسنة و كاين مواد دير فيهم 2 برك (( علم الاجنة_امبريولوجي - الاحصاء - الفيزيولوجي - الهيستولوجي_ علم الانسجة ))
الاسئلة في معظمهاتكون متوسطة ليس تلك التعجيزية '' تقدر تضمن 15 بمجهود متوسط '' و اذا حبيت 20 لازملك تجتهد و تقرا من مصادر اخرى ،، فقسنطينة ــ جميها بنظام ال qcm يعني نظام الاختيارات ،، لكنو صعب من ناحية التصحيح '' الكل او لا شيئ '' ماتخافش تقرا تجيب كيما قلتلك من قبل ــ و كاين مواد يتصححو بال partielle يعني سهل ماش كي tt ou rien
بالنسبة للتخصص ،، بعد ما تكمل السنوات العجاف خخخ '' قصدي ال7 '' تدخل امتحان و اسمو residanat تُسأل فيه عن كل ما درسته ،، و علا حسب ترتيبك تخير التخصص اللي راك حاب ...
الجراحة تعتبر تخصصا ،، كاين جراحة عامة ، جراحة القلب ، جراحة الاعصاب ، ....
Maitre assistant ممكن تكون واحد 13-14 عام تقريبا برك ،،، بالنسبة للبروفسور فليست لدي معلومات كثيرة ،، نسقسي و نقولك
خويا العزيز مرحبا بيك فأي وقت ،،، سقسي اللي تحب والله نجاوبك و بلا مزية '' آو لازم ههه ''
و صحآ صحورك


و عليكم السلام ،، مرحبا بيك أخي
بالنسبة لطريقة الدخول ،،، وش راح نقولك ،، بعد مايقبلوك فالطب المدني ،، تسجل فالجامعة و يعطوك شهادة التسجيل و وثائق اخرى ... ،،، نتا كي تطبع ورقة التوجيه من النت ،، دير عليها نسخ ،، و هوما يفتحو الدخول في تاريخ معين ،، سقسي برك يقولولك عادي ،، تأخذ ملف اولي برك مافيهش وثائق بزااف ،، '' نحاول نلقاهولك '' و تدفعو فالمستشفى العسكري فعين النعجة كتسجيل أولي ... ممبعد اذا قبلوك راهم يعيطولك تكمل الملف النهائي '' كبييييييييييييير '' و تفوت عالفحص الطبي و الرياضي و ترجع لداركم و أخيرا اذا قبلوك يعيطولك توجد حوايج و تروح مرة وحدة يدخلوك لشرشال و مرحبا بك في سلك الصحة العسكرية
بالنسبة للمعدلات ،، هوما راهم يقولو علا حسب الولاية ،، يعني كل ولاية عندها عدد مقاعد محدد ،، نتا و ترتيبك و الطلب على الطب العسكري في ولايتك ،، يعني كيما قادر يكون 17 في ولاية قادر يكون 15 في ولاية ،، و أنا العام اللي فات نعرف اللي دخلو ب 14.71 و كاين اللي ب 17 و مادخلش ماتنساش قضية المعريييفة راهي كل محضر تحضر خخخخ
بالتوفيق أخي

شكـــرا على المساعدة

أنا سجلت في الجامعة طب أسنان و مدوهالي الحمد لله نقدر نسجل في الطب العسكري ولا لا لا ....أقصد الطب وليست طب الأسنان

[Tacir]

أنا درت طبيب أسنان مدوهالي في عنابة علما أني أسكن في باتنة هل من الممكن أحول الى طب عام في باتنة أو لا رجو الرد القريب أخــــــــــــــــــــــ]ي

[.زَيْنْ الْدِيِنْ.]

المشاركة الأصلية كتبت بواسطة ~ فآيـزة ~

السلام عليكم ورحمة الله وبركاته

بارك الله فيك أخي زين الدين على الموضوع الأكثر من رآآآئع
جعله الله في ميزآن حسناتك

لدي سؤآآلين لو سمحت :
هل الدروس تتجدد من سنة لأخرى ؟، يعني هل يمكن الاعتماد على مطبوعات العام الماضي ام ننتظر حتى يتم منحنا مطبوعات هذه السنة؟

هل لديك فكرة اين تتم الدرآآسة ؟ الشآلي أم الجآمعة 3 ؟ فحتى التّسجيل لا ندري أيـن !

بآرك الله فيك

^_^
الدروس بعضها يتجدد و بعضها يبقى على حاله ، يعني كل مرة و كيفاه ،، لكن أكيد مارآحش يكون فرق كبير الا اذا كان تغير الاستاذ ....
تقدري تعتمدي على مطبوعات العام الماضي مؤقتا لأنهم في قسنطينة ما يحطوش لي كور مع بداية العام ،، كون تستنايهم يجوك دفعة وحدة والله ماتقدريلهم خصوصا مع البداية ،، يعني تكوني ماوالفتيش الريتم تاع الحفظ ...
الدراسة والله مارانا فاهمين فيها والووووو ،، كل واحد كيفاش يقول ،، كي تبدا التسجيلات و تتضح الأمور

زين الدين خويا حبيت نسقسيك برك..هل يسمح باصطحاب الهاتف النقال و استخدامه خارج فترات التدريب في شرشال بمعنى في تلك السنة تاع التكوين العسكري المشترك يسمح بالهاتف ولا لاااا ؟؟ شئ أخر هل يسمح بالخروج في نهاية الأسبوع ؟ و هل فترة التدريب تدوم فقط 8 ساعات يعني من 00.8- 16.00 ؟؟ علابالي ماكملتش في العسكر بصح أكيد عندك معلومــــــــــــــــــــات تفيدني وربي يعطيك ما تتمنى شكرا .

الهاتف النقال غير مسموح في الأشهر الأولى بمجرد تدخل ينحوهولك ، و كون يلقاو عندك واحد رآح تتعاقب عليه ...
ممكن مع نهاية الموسم يتساهلو شوي فهاذ الأمر
بالنسبة للخروج فالأشهر الأولى مافيهاش خروج ممبعد نظن مرة على مرة يعطوهم ويكاند
التدريب يبدا مـ 04 و يخلص عــا 00.00 ،، مع وجود فترات راحة أكيد
بالتوفيق

أنا سجلت في الجامعة طب أسنان و مدوهالي الحمد لله نقدر نسجل في الطب العسكري ولا لا لا ....أقصد الطب وليست طب الأسنان

لالا ماتقدريش تدخلي طب ،، تقدري تدخلي طب أسنان

أنا درت طبيب أسنان مدوهالي في عنابة علما أني أسكن في باتنة هل من الممكن أحول الى طب عام في باتنة أو لا رجو الرد القريب أخــــــــــــــــــــــ]ي

اذا كان معدلك يسمح لك بدراسة الطب ،، تقدر دير تحويل بسهولة

[ضوء الايمان]

السلام عليكم
الاخ زين الدين بعد ماظهر التوجيه بعتوني طب اسنان في قسنطينة
اولا حابة نسقسيك هل هذا التخصص مليح و مقارنة بالطب هل له مستقبل وهل هو بنفس اهمية الطب العام من حيث التطور ....
ثانيا انا كنت طرحت عليك الكثير من الاسئلة في وقت التسجيلات حبيت نقولك شكرا كثيرا على اجاباتك التي عادة ماكانت دقيقة
و استفدنا منها انا و كل الخوة و على عدم مللك
المهم شكرا جزيلا و وفقك الله في دراسة الطب عقبال ما تولي بروفيسور فنحن حقا في حاجة الى اطباءمثلك
المهم انشاء الله تكملوا رمضان بالصحة و الهنا و يجيكم العيد و انتوما في احسن احوالكم
الى اللقاء

[DjameLSecurity]

الشكر موصول للأخ زين الدين على مجهوده الجبار !

تحية إحترام لك أخي ... ربي يوفقك إن شاء الله

وبالتوفيق للجميع كذلك !

[نعمة القدوس]

السلام عليكم أخ زين الدين

أنا بعتوني إلى قسنطينة 3، نسجّل فيها بعد ؟

+
في السنة الثانية
تعاودوا تسجلوا .؟
يعني نديروا كيما في الليسي والسيام ؟ كل عام نعاودوا نسجلوا ؟

ونديوا معانا إلا ملف التسجيل ولا نديوا تاني تاع المنحة والنقل والإطعام ؟

وشكرا