الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة صدفات

مساء الخير أم حمزة ما كتبتيليش شحال نديرفريك حنا عائلة متكونة من ستة أفراد يعني في القدر بعد ما نصفي شحال ندير فريك و شكرا

مساء الانوار صدفات الله يبارك على عائلتك حتى انا عائلتي متكونة من ستة شوفي حبيبتي لفريك ديري نصف كاس يكفيك لانو يزيد ويزكا

[ام حمزة22]

المشاركة الأصلية كتبت بواسطة غزالة الصّحراء

مساء الخير على الحبوبات الغاليات العزيزات النشيطات . ياربّ الكلّ ايكون بألف خير وعافيّة. اليوم كنت عند أهلي زرتهم ووليت ليكم وحبيت نضرب طلّة على صفحتنا الغاليّة.
حبيباتي بالنسبة لقلب اللّوز. هاكوا النّصائح على حساب طريقتي . ونوعدكم لما نعملوا رايح نرسل لكم الصور.
لمّا نخلطوا السميد الخاص بالمقروط او قلب اللّوز أنخلطوه بحافة الأصابع.
بالنسبة للخليط أنا أنخليه داخل صحن غامق ونغطيه بواسطة كيس بلاستيكي. مانخليش ايّة فتحة باش ماييبس من الفوق. أنخليه ايبات.
بعد الغد أنفرغو داخل صينيّة ممكن ماتكونش مدهونة فلا ضرر في ذلك. أنوزعو غير بحافة الأصابع دون الضّغط عليه. وإذا حبيتي اتعدليه تاخذي ملعقة كبيرة لكن كذلك دون الضّغط.
تعملي من الفوق كيما نعملوا للبقلاوة. أتقسمي الحبات على حساب الحجم ألي اتحبيه. وتديرة حبات كوكاو أو لوز حسب الواجد. وبواسطة بانسو تدهني الوجه الفوقاني بالمارغرين .
إلى الفرن من الأسفل أولا ولما اأتشوفوا الحوافي أتغيّر لونها إلى البنّي الفاتح . اشعلوا الفرن من الفوق. نقصوا أشويا لقوة الفرن يعني نار أخفيفة باش ايطيب. ومجرد مايطيب وتخرجيه شربيه بالشّربات أتكون باردة. ولازم الشربات أتكون كافية. القيس ألي اتقيسي بيه السميد ( الدشيشة ) هو ألي اتقيسي بيه السكر أتاع الشربات. ومالازمش تنقصلك بزاف وهي على النار . مجرد الغليان طفي عليها.
غالياتي أتمنّى أن اكون قد وضّحت لكنّ الأمر أكثر. لأنّه فعلا يستحقّ التجربة . وخاصّة لما نضع له الحشو مثل حشو البقلاوة . واللّه لا أروع منه.

مسائكي فل غزالتي
ربي يحفضلك عائلتك ويخليهالك
وشرحك راه جد مفهوم انا اليوم راني زدت درتو باه فالغد ندي معايا كي نروح الاهلي

[zaho207]

Slm mm ana direto w eadwa ntaybahe

[zaho207]

[IMG][/IMG]

[zaho207]

[IMG][/IMG]

[zaho207]

Hada nta3 bayda jarabtah bareh

[zaho207]

Hada tani jarabto w dato mama l bint 3ami dawha
[IMG][/IMG]

[أم الحبايب 26]

مسالخير عليكم انا دارت قلب لوز بنتو هايلا مبصح شكل نتاعو شويا مشي شباب نصاح نتيعك يغزالة جاتني شويا متاخرا على خاطش انا زبدا درتها ملفوق قطعتها مشي ذوبتها ودهنت من فوق نعاودو نشالله قبل رامظان انشالله
غدوا نحطلكم تصاور بصاحتها لدارتو يجي هايل
ام حمزة كاش تطبيقات تحطيهملنا صدفات روح مراد ام اسيد ام هديل ام سهيل نشالله تكون يماك رايحت شويا
zaho بصاحتك تطبيقات جاوك هايلين راهي رادت عليك غزالة على ازبدا ونشالله تنجحي فيه
سلامي ليكم كامل يلبنات وتصبحونا على خير

[ام حمزة22]

السلام عليكم

صباحكم سعيد ويومكم اسعد حباباني

يعطيك الصحة بنتي زاهو تطبيق موفق راكي تعلمتي تحطي الصور برافو عليك خصك تتعلمي تصغريهم قبل ما تحمليهم وتبعتيهم

اهلين ام الحبايب يا حبيبة اي تطبيقات تقصدي حبيبتي الا تقصدي الاطباق راني سعات الجديد وساعات القديم


تحياتي للجمييييييع

[ام هاديل وياسين]

السلام عليكم
صباح الخير ان شاء اللهتكونو جميعكم بخير غبت عليكم بسبب موت صاحب ولدي
ولد جاري ربي يرحمو انا لله وانا اليه راجعون

[ام حمزة22]

المشاركة الأصلية كتبت بواسطة **ام هدول**

السلام عليكم
صباح الخير ان شاء اللهتكونو جميعكم بخير غبت عليكم بسبب موت صاحب ولدي
ولد جاري ربي يرحمو انا لله وانا اليه راجعون

وعليكم السلام ورحمة الله تعالى وبركاته


ان لله وانا اليه راجعون ربي يصبر اهلو ويسكن فسيح جناته

والله با ام هديل هاد الخبر جاني كي ساعقة يادرا اهلو كيفاش راهم ربي يصبرهم

[ام هاديل وياسين]

امين اختي ام حمزة والله فقدان الكبد حاجة ماشي ساهلة اهلو رانا نصبرو فيهم
وامو في حالة ماشي قادرة لبارح قاتلي راهي تجيني كحرقة في قلبي ونتوحشو
والله انا منهار الثلاثاء جانا الخبر دمعتي مزال مانشفتش وولدي كي كي كان واقف مع اهلو هوا وصحابو محسش
راه مصدوم بصح يامس قالي ماما حتى اليوم تاكدت بلي صاحبي خلاص من دنيا درك كنت نسيق والميكرو نتاعو
راه في دار عندي تفكرتو بكيت عليه وتفكرتو كي يجي وكي يبات مع ولدي نفرشله ونغطيه وكنت مطمنة كي نلقى ولدي
غير معاه ربي يرحمو ويبدل محبتو بصبر امبن

[غزالة الصّحراء]

المشاركة الأصلية كتبت بواسطة ام حمزة22

مسائكي فل غزالتي
ربي يحفضلك عائلتك ويخليهالك
وشرحك راه جد مفهوم انا اليوم راني زدت درتو باه فالغد ندي معايا كي نروح الاهلي

ومساؤك أسعد حبوتي أم حمزة. والحمد للّه الي نجح معاك القلب اللّوز لعقوبة لكلّ الأخوات. وشكرا على الدّعاء ولك المثيل. وياربّ تلقاي كلّ اسرتك بألف خير وخاصّة الوالدة اللّه ايطول في عمرها. وياربّ يعجبها القلب اللّوز . طريق السلامة حبوبتي، سلمي على كلّ الأهل. .

[غزالة الصّحراء]

المشاركة الأصلية كتبت بواسطة zaho207

[IMG][/IMG]

أهلا ومرحبا بك أختي زاهو. وماشاء اللّه عليك جاتك الحلويات روعة. أنا ثاني جرّبت حلوة البيضة واللّه غيراتقولي بيضة أنتاع الصّح. ربّي ايجازي مولات الوصفات بكلّ الخير.
تمنياتي لك بالتّوفيق دوما. في انتظار جديدك تحياتي الخالصة لك.

[غزالة الصّحراء]

المشاركة الأصلية كتبت بواسطة أم الحبايب 26

مسالخير عليكم انا دارت قلب لوز بنتو هايلا مبصح شكل نتاعو شويا مشي شباب نصاح نتيعك يغزالة جاتني شويا متاخرا على خاطش انا زبدا درتها ملفوق قطعتها مشي ذوبتها ودهنت من فوق نعاودو نشالله قبل رامظان انشالله
غدوا نحطلكم تصاور بصاحتها لدارتو يجي هايل
ام حمزة كاش تطبيقات تحطيهملنا صدفات روح مراد ام اسيد ام هديل ام سهيل نشالله تكون يماك رايحت شويا
zaho بصاحتك تطبيقات جاوك هايلين راهي رادت عليك غزالة على ازبدا ونشالله تنجحي فيه
سلامي ليكم كامل يلبنات وتصبحونا على خير

أهلا بأم الحبايب وستّ الحبايت. وياربّ أتكوني بألف خير. أختي ام الحبايب غير جربي القلب اللّوز ألي مديتو راه هايل. إن شاء اللّه ينجحلك. ماتوليش تشري أخلاص. راني زدت قدّمتلكم نصائح. وانهار ألي نعملو رايح نبعثلكم الصور. سلامي لك ولسرتك ولكلّ واحدة من البنات بدون استثناء.