الى ام اسيد1 وكل وحدة حاصلة واش الطيب - الصفحة 275

روح مراد · 2015-05-28, 13:04

صدفات
رايحة نكتبلك الشربة إنشاء الله السبت كي يكون عندي شوية وقت
زاهو قاصدة كي تخلطي دشيشة و السكر و ماء الوزهر تحطيهم في لاسنسة لغدوة منذاك قبل ما دخليهم يطيبو تحركيهم قبل و تعاودي تعدلي في سنوية أو مباشرة كيما تكوني خليتيهم البارح دخليه للفرن

ام حمزة22 · 2015-05-28, 13:14

السلام عليكم
واش راكم لبنات
صدفات يعطيك الصحة على الدعاء ربي يجازيك كل خير
انا اليوم خرجت حكمت في راسي نبدل الشورة نتاع الصالون شريت لقماش وجيت

صدفات طريقتي في شربة الفريك هي وهاد الطريقة خديتها تقريبا على عجوزتي ربي يرحمها ويوسع عليها
هنا العاصميين عندنا طريقة خاصة في تحضير الشوربة لاكن درك تبدل كلش لازم نتي تصيبي البنة لي تحوسي عليها
وحد النهار رحت عند اهلي وطيبتلهم الشوربة وقبل ما نطيب حضرت اللوازم فوق البوتاجي الوالدة نتاعي ربي يحفضها شافت الزروديا والباطاطا قالتلي ما تخلطيش فالشوربة طيبيها كيما زمان
خليتها خرجت من المطبخ ودرت راييفي ديك الشوربة بصح كي كلاتها عجبتها
والله بلا زوخ حبيبتي صدفات فالاعراس نتاعنا كي نطيب الشوربة الكل ياكل ويعاود
والكيفية هي تقلي اللحم مع البصل وحشيش الشوربة ضيفي الحميصة وحبة زروديا وحبة قرعة وحبة بطاطا والبهارات ندير فلفل عكري وفلفل اكحل وقرفة وملح فقط لا غير
اما الفريك تكوني غسلتيه من قبل وحطيتيه بجيه

نولو لشربتنا بعد ما تتقلى الخضرة نمرقها بشوية ماء حتى تتغطا الخضرة بعد ما طيب نحي الخضرة منالقدرة ونحطها فالميكسور مع حبة طماطم طايبة مليح نرحي الكل ونرجعو فالقدر ونمرق ونضيف الفريك وطماطم مصبرة ونزيد حبة فلفل حار خضرة على حالها بلا ما تقطعيها راهي تتلق بنة على بنة بعد ما يطيب الفريك نشوف الا تسحق القدر نضيفلها ماء ولا لا وقبل ما نطفي الفرن ب5 دقايق نيف لشوربة وريقات نعناع
ما نقلكش على البنة

صدفات · 2015-05-28, 13:18

اقتباس:

المشاركة الأصلية كتبت بواسطة روح مراد

صدفات
رايحة نكتبلك الشربة إنشاء الله السبت كي يكون عندي شوية وقت
زاهو قاصدة كي تخلطي دشيشة و السكر و ماء الوزهر تحطيهم في لاسنسة لغدوة منذاك قبل ما دخليهم يطيبو تحركيهم قبل و تعاودي تعدلي في سنوية أو مباشرة كيما تكوني خليتيهم البارح دخليه للفرن

شكرا حبيبتي مسبقا على الشربة
و القلب اللوز كي ترونيه ديريه في السنيوة مدهونة بالزبدة و تعلمي الحبات بالسكين غير من الفوق توضعي علامات التقطيع تحطي اللوز و لا الكاوكاو على الحبات و تغطيه بالساشي و تخليه يبات الصباح تحمي الفرن نتاعك و من بعد تنحي الساشي و دخلي السنيوة نتاعك بلا ما تخربي فيها أتمنى أني قدرت نشرح مليح

روح مراد · 2015-05-28, 13:26

شكرا ليك هذاك واش درت أنا بالصح جاني يابس بزاف في الوسط

zaho207 · 2015-05-28, 13:30

صحا فطوركم انا رحت لدار فطرت و راني رجعت للخدمة
المهم اختي روح مراد قاتلي غزالتي كي تديري الخليط في السنيوة نتاعك ادهني من فوق بشويا زبدة
ان شاء الله انا وياك اليوم نجربوه و غدوة نردولهم الخبر

صدفات · 2015-05-28, 13:33

اقتباس:

المشاركة الأصلية كتبت بواسطة روح مراد

شكرا ليك هذاك واش درت أنا بالصح جاني يابس بزاف في الوسط

روح مراد حبيبتي كي فرغتي الخليط نتاعك غير فركتيه بلا ما تضغطي على السميد و لا دركتي عليه

روح مراد · 2015-05-28, 13:36

فرغتو و ساويتو من فوق ممكن تكون هاذي هي السبة

ام حمزة22 · 2015-05-28, 13:52

صدفات سامحيني حبيبتي جات بنت لوستي وما قدرتش نكملك الوصفة ودرك راهي خرجت وكملتلك باقي المقادير
ان شاء الله تعجبك شربتي جربيها ورديلي لخبر

أم الحبايب 26 · 2015-05-28, 13:58

صحا فطوركم يلبنات صدفات راني دارت قلب لوز نشالله يجيني مليح مزال مقسامتوش نستنا فبنتي كجي من لجامعة وتصاولرهولي ونحط هالكم ام حمزة بصاحتك اشورا عقوبا لحجا واحدوخرا روح مراد نشالله يكونو خلاصو سبايب نتاوعك انا هذا وين بديت بسملله صحاب لعمرا راهم الله يبارك عقوبا ليكم كامل
انا قلب لوز مدارتوش فسنيوا حتى لصباح وزابدا لدريها من فوق ذاوبيها ولا لالا

صدفات · 2015-05-28, 14:04

اقتباس:

المشاركة الأصلية كتبت بواسطة روح مراد

فرغتو و ساويتو من فوق ممكن تكون هاذي هي السبة

نضن حبيبتي هذه السبة كي تفرغيه غير بظهر الملعقة بشوية حتى تسويه بلامتدركي عليه للأنه يتلبز و من بعد ما يشربش السيرو عاودي جربيه و شوفي إن شاء الله يخرجلك مليح

اقتباس:

المشاركة الأصلية كتبت بواسطة ام حمزة22

صدفات سامحيني حبيبتي جات بنت لوستي وما قدرتش نكملك الوصفة ودرك راهي خرجت وكملتلك باقي المقادير
ان شاء الله تعجبك شربتي جربيها ورديلي لخبر

شكرا حبيبتي راني متأكدة تخرج مليحة شربتك و لابد تخرج مليحة

أم الحبايب حبيبتي بصحتك القلب اللوز و الزبدة كي ديريها ما تذوبيهاش تحطيها و خلاص بلا ما تكثري الشيء المليح في هذه الوصفة أنه ما فيهاش الدهون

ام حمزة22 · 2015-05-28, 16:31

اقتباس:

المشاركة الأصلية كتبت بواسطة أم الحبايب 26

صحا فطوركم يلبنات صدفات راني دارت قلب لوز نشالله يجيني مليح مزال مقسامتوش نستنا فبنتي كجي من لجامعة وتصاولرهولي ونحط هالكم ام حمزة بصاحتك اشورا عقوبا لحجا واحدوخرا روح مراد نشالله يكونو خلاصو سبايب نتاوعك انا هذا وين بديت بسملله صحاب لعمرا راهم الله يبارك عقوبا ليكم كامل
انا قلب لوز مدارتوش فسنيوا حتى لصباح وزابدا لدريها من فوق ذاوبيها ولا لالا

اهلين بام الحبايب يا حبيبة
رانا بانتضار صورة التطبيق وبصحتكم

يعطيك الصحة حبيبتي

تحياتي للجميع

صدفات · 2015-05-28, 18:49

مساء الخير أم حمزة ما كتبتيليش شحال نديرفريك حنا عائلة متكونة من ستة أفراد يعني في القدر بعد ما نصفي شحال ندير فريك و شكرا

zaho207 · 2015-05-28, 19:15

Salam rani jit kont m3a tikhemal hada win kamalt psk radwa rahom jayine dyaf aya kharat ga3 kach w kon 3ayana min khidma
Mohim dok nrouh nakhedam kalbe el lawze mais zibda kifah ndireha min fog

zaho207 · 2015-05-28, 19:35

Khewatati stp gololi 3andi smane ma3andich zibda ma3lich w zad kifah ndiro min fog ndawabe stp rodoli dok bah nikhidmah

غزالة الصّحراء · 2015-05-28, 20:46

مساء الخير على الحبوبات الغاليات العزيزات النشيطات . ياربّ الكلّ ايكون بألف خير وعافيّة. اليوم كنت عند أهلي زرتهم ووليت ليكم وحبيت نضرب طلّة على صفحتنا الغاليّة.
حبيباتي بالنسبة لقلب اللّوز. هاكوا النّصائح على حساب طريقتي . ونوعدكم لما نعملوا رايح نرسل لكم الصور.
لمّا نخلطوا السميد الخاص بالمقروط او قلب اللّوز أنخلطوه بحافة الأصابع.
بالنسبة للخليط أنا أنخليه داخل صحن غامق ونغطيه بواسطة كيس بلاستيكي. مانخليش ايّة فتحة باش ماييبس من الفوق. أنخليه ايبات.
بعد الغد أنفرغو داخل صينيّة ممكن ماتكونش مدهونة فلا ضرر في ذلك. أنوزعو غير بحافة الأصابع دون الضّغط عليه. وإذا حبيتي اتعدليه تاخذي ملعقة كبيرة لكن كذلك دون الضّغط.
تعملي من الفوق كيما نعملوا للبقلاوة. أتقسمي الحبات على حساب الحجم ألي اتحبيه. وتديرة حبات كوكاو أو لوز حسب الواجد. وبواسطة بانسو تدهني الوجه الفوقاني بالمارغرين .
إلى الفرن من الأسفل أولا ولما اأتشوفوا الحوافي أتغيّر لونها إلى البنّي الفاتح . اشعلوا الفرن من الفوق. نقصوا أشويا لقوة الفرن يعني نار أخفيفة باش ايطيب. ومجرد مايطيب وتخرجيه شربيه بالشّربات أتكون باردة. ولازم الشربات أتكون كافية. القيس ألي اتقيسي بيه السميد ( الدشيشة ) هو ألي اتقيسي بيه السكر أتاع الشربات. ومالازمش تنقصلك بزاف وهي على النار . مجرد الغليان طفي عليها.
غالياتي أتمنّى أن اكون قد وضّحت لكنّ الأمر أكثر. لأنّه فعلا يستحقّ التجربة . وخاصّة لما نضع له الحشو مثل حشو البقلاوة . واللّه لا أروع منه.