الجزء 171 من واش طيبتي اليوم�� كوزينة اللمة والمحبة والبساطة �� - الصفحة 27

omjoujou · 2016-10-22, 12:53

اقتباس:

المشاركة الأصلية كتبت بواسطة ام احمدي

السلام عليكم
بصحتكم كاااامل
ام جوجو والله نورتي الصفحة والسباقيتي يشهييي
بليييز قوليلي انت وام هدول اللامونة تاع ام وليد كي تبات تبقى مليحة بغيت نديرها في العشوة والصباح نفطرو بيها باسكو انا من وراء صلاة الفجر مستحيل نبقى فاطنة لازم نزيد نرقد فنيانة خخخخخخ
اليوم غدانا طاجين البسباس على طريقة ام يسرى اممممممم

وعليكم السلام ورحمة الله وبركاته
النور نورك حبيبتي ام احمدي وتسلميلي
ايه لامونة كي تبات تبقا مليحة انا جربتها فايت في الصيف لي فات وكنت نحتفظ بيها في الثلاجة على جال الكريمة لي فيها باه ماتفسدش من السخانة جبت قداه وانا ناكل منها ذوقها ماتبدلش
وزدت درتها البارح وحطيتها برك في الكوزينة لانو بارد الحال وليوم الصباح فطرت بيها انا وولادي ذوقها بقا كيما هو

omjoujou · 2016-10-22, 12:58

اقتباس:

المشاركة الأصلية كتبت بواسطة نور الإسلام26

الله يسلمك اختي وبصحتكم فطوركم

الله يسلمك حبيبتي نور الاسلام وبصحتك نتي تاني غداك

اقتباس:

المشاركة الأصلية كتبت بواسطة انا هي رزيقة

السلام عليكم يا عمري نهاري و نهاركم فل و ياسمين اليوم كي دخلت فحلة الفحلات ام جوجو و جابت معاها داك السباغيتي الامممم و الله فرحت برجوعك غاليتي ام جوجو الف حمدا لله على سلامتك حنونة و طهورا ان شاء الله و الله اطباقك المتميزة يزيدو النص في الكوزينة خصوصا كي تحطيهم على 12 سواسوا مشاء الله على على فحلتي الجميلة ربي يحفظك من العين حنونة و يشفيك شفاءا ما بعدة سقما امين يا رب العالمين
اختي الجمان ربي يبارك فيك يا لحبيبة على ديك السباغيتي الجميلة و المغرية لي راكي تتفكريني بها دايما ربي يتفكرك بالف خير و بركة حنونة و يوسعلك في الرزق و النعم يا رب
اختي ام هدول الحلوة يسلمو على لمونة المحشية و العصير الجميلين ماشاء الله عليك و الله..ايه حقا الصور تاعك تحفة ربي يحفظ الاميرات على التكنولوجيا الراقية ....امممححح كبيرة من عند طاطا زيكا يا ينات ام هدول و الله راكم طوووب ربي يحفظكم من العين
اختي ام نور الاسلام يسلمو على الميلفاي المشهية حبيبت نسالك سؤال اختي رب التمر يؤكل هكذاك دون اي اضافة ?
ام طيري الجنة و الله قد ميكون لساني عسل عمري منلحقك في حلاوة لسانك و خفة دمك متتصوريش شحال نمووووت على جرنانك الخفيف الظريف و على اكلك المميز و الله دون مجاملة حنونة و تشرفت فعلا بمعرفة انسانة في رقيك في هذ المنتدى الجميل
اختي ام احمدي نهارك سعيد حنونتي
مولات الكوزينة معليش روحي شمي شوةي هوا حنونة باه توليلنا كلك حيوية و نشاط

تفرح بيك الجنة زقزوقتي الحلوة وشكرا على كلامك لمعسل لي يطلع المورال ونحسو صادق كثرولي من دعاوي الشفاء والله محتاجتهم ربي يتمم في شفائي ويشفي جميع المرضى

انا هي رزيقة · 2016-10-22, 12:58

لبنات كامل لي حطو لخير و لخمير هذ الويكاند اسمحولي ما نقدرش نذكركم بالاسم بصح و الله شفت كلشي و قرعجت على كلشي و عجبني كلشي .... و الله دون مبالغة ... لان كل وحدة منكم راهي تحط في طياب طيباتو بكل مودة و حب و حنان لعائلتها فاكيد راح يكون جميل و بنين رب يبارلكم في الرزق و النعم حبيبابتي

زينب 83 · 2016-10-22, 13:02

السلام عليكم

مساء الخير غالياتي
جبتلكم براج سخون و بنين نراجع ونرجع

حياتي كلها امل · 2016-10-22, 13:03

اقتباس:

المشاركة الأصلية كتبت بواسطة omjoujou

سلام بناويت
جبتلكم غدايا تفضلوا معايا باسم الله

ام الاء تعيشي حنونتي على الرابط تاع القاطو اسبانيول
ام هدول تفاهمنا انا وياك على لامونة تاع ام وليد محشية بكريمة الفراز خخخخخ العصير روووووعة
نور الاسلام يعطيك الصحة على الاطايب لي حطيتي سورتو البوزلوف اممممم
امينة ربي يوفقك في الفروض
حياتي كلها امل يعطيك الصحة على الرخسيس راني ديت شوي نشرب بيها لحليب لعشية
ام نسرين بصحتك اللوبيا البيضاء اممممم جاية نتغدا عندك
حيوتة لعميرة تاعي بصحتك الهملة خخخخخخ
صح غدواتكم كااامل
سلاااااااااااام

بلا مزية اختى وبصحتك ويارب يشفيك ويهنيك ويريح بالك

انا هي رزيقة · 2016-10-22, 13:15

اليوم نبدالكم بالعشاء الرومنسي تع نهار الخميس ... درت الارز المقلي تع توبة الحبوبة صدقوني يا لبنات قد منشكركم فيه منوفيهش حقو لانو فعلا فعلا بنين و نقولك شكرا شكرا شكرا اسوم لانك عرفتيني بهذ الوصفة الجميلة لي رايحة نعتمدها من الان و صاعدا في مطبخي و الله دون مبالغة ...مانعرف اذا كانت البنة من يديا او من الوصفة ....خخخ بصح عجبني و عجب زيكو موووت ...و هو مشي ناشف كيما تخيلتو لانو زيت الخضر طراتو و انا قليت البصل مع زروديا رابي و فلفل حلو في زيت الزيتون بلاك هذيك لي زادتلو بنة و قليت ثاني طماطم مرابية و ثوم في زيت الزيتون و زدت فورت حبيبات جلبانة مع الارز و مادرتش الطونة لاني رافقتو بالكروفات . للمرة الثانية اقول لكي شكرا يا اسوم الجميلة استمتعنا فعلا ...هنا راه في المقلاة و هنا بعد التقلاش

طالبة رياضيات · 2016-10-22, 13:16

طاطا رزيقة وين راه تطبيق الرفيس ؟؟؟

أم اسيل · 2016-10-22, 13:16

جبت غدايا درت كرنطيطة وبيتزا إنتاع توبة جات هايلة يعطيك الصحة

انا هي رزيقة · 2016-10-22, 13:18

و هنا زدنا كليناه غدوة من داك بصح بلا تقلاش ..... خخخخخ ايه نسيت نقول بلي درت كركم في الماء كي غليته يف الماء لانو زيكو يحب الارز اصفر

انا هي رزيقة · 2016-10-22, 13:24

اقتباس:

المشاركة الأصلية كتبت بواسطة amina 2003

طاطا رزيقة وين راه تطبيق الرفيس ؟؟؟

اهلين بحبيبة الطاطا متخافيش حنونتي منسيتوش و الله راهو في خاطري مزال برك مجاش الدور ا تاعو عندي قائمة طويلة عريضة تع التطبيقات و نطبقها على حساب الموجود في البيت و خصني نشري التمر فقط باه نديرو و في خاطرك رايحة نديرو هذ الاسبوع باذن الله و نحيبولك و تقيميني ..... و ربي ينجحك في الاختبارات امونتي

انا هي رزيقة · 2016-10-22, 13:27

الشاف زينوبة المبدعة يسلمو على البراج المشهيين .. حقا حبيبتي راني درتلك تطبيق للبيسكوي رولي تاعك جاني خفيف يهبل ... ربي يحفظك و يباركلك في الرزق حنونة و يشفي اختك شفاءا مابعدة سقما امين امين امين

ام سارة18 · 2016-10-22, 13:34

دخلت على لامونة ام جوجو وام هدول تطبيقات روعة
وشفت براج زينب وارز زيكا وبتزا ام أسيل وخيارات ام نور اسلام وام احمدي والجمان وام طيري يعطيكم الصحة
حياة هادو بعض الطيابات كاين نتاع هاد لياما ت وكأين من الارشيف

انا هي رزيقة · 2016-10-22, 13:37

اختي زينب شوفي تطبيقي للبيسكوي رولي تاعك و قيميني ...... خخخخ درت منو زوج لاني بعثتهم ذواقة على قول ام تاجو العسل .. تفكرتك يا ام تاجو السكرة ركي طولتي علينا الغيبة حنونة ان شاء الله المانع خير

arwa alaa · 2016-10-22, 13:38

يعطيكم الصحة على الخيرات

انا هي رزيقة · 2016-10-22, 13:39

و هذا في خاطر حبوبتي ام نسرين الله غالب يا اختي كل مندير حلو و يعجبني نتفكر حلاوتك و نقول لازم هذي نذوقها لحبيبتي ..... خخخخخخخ