الجزء 150 من واش طيبتي اليوم..... نورتو غالياتي تفضلوا .....مرحبا بكن

[باسم وبيسان]

[QUOTE=ام سهام 02;3994523558]طحال محشي جواز بالبسباس و البطاطا اول مرة نعملو موالفة انديرو في حشو العصبان الف شكر اكليل على الفكرة ربي يعطيك ما تتمناي عجب كامل افراد الاسرة غير ولدي الكبير اكل غير الحشو



خبز اللبن للغالية ام ساجد بصح حرفت فيه درتو على شكل بريوش زدت في السكر و عطرتو بقشور الليمون والبرتقال امممممم و حشيتو بالشكولا انا في رايي هذا الخبز على هشاشتو ايجي مع قهو حليب





االحمد لله حمدا كثيرا طيبا مباركا فيه [/QUOTE


يعطيك الصحة الخبز خرجلك روووعة اممممممممممممممممممممم

[باسم وبيسان]

المشاركة الأصلية كتبت بواسطة om wassim

ام سارة بصحتكم و الكسرة تشهي
ايه اسمحيلي نسيت رآه عندي الزهايمر كي ننسى فكروني دوك نحطهالك
أم ندى روووعة كلش يشهي و هادي غيبة ليك وحشة
أم ساجد كي لعادة كلش يشهي الله يبارك
أم باسم و بيسان كلش توب يعطيك الصحة و ربي يخليلك لميمة
أم أمنية صحه فطوركم

هدا عشايا لبارح




خبز أم ساجد ربي يحفظها التطبيق الثاني

هدا فطوري اليوم سوب عدس حمر

يعطيك الصحة كلشى يشهى

المشاركة الأصلية كتبت بواسطة أريج-78

سلااااااااااااااااااااااااااااام على الجميع و صح غداكم ويعظيكم الصحة راكم 444444444444444444
هذا غدايا حمص ام كوثر
[img][/img]
وهذا ديسير من كل بستان زهرة
[img][/img]

بصحتك

[Oum Habouba]

ام سهام بصحتك الفطور اريج نتي تاني
ام ساااااجد من فضلك اعطيني وصفة حساء الشفلور بناتي قاع ما يبغوهش قوليلي تبان فيه البنة ولا لا
ام وسيم هدوك الخبيزات واش معقودة ولاواش

[hab12456]

ماشاء الله السان يعجز علي ابدعاتكن كلشي فوووووووور فوووووور كامل كامل

ام حبوبة قتلتين بضحك تعجبني لحجة نتاعك هاهاهاهاهاهاهاهاه

[om wassim]

ام حبوبة ضحكتيني انا نظل ناكل ماحبيتش كامل نسمان هههه و هادوك خبيزات الشوفلور تاع ام و ابنة بصح درت التون ماشي الجاج داخلهم
أم سهام امممم ماكلتك تشهي يعطيك الصحة و الخبز شهيتيني فيه بهد الطريقة راني نايضة نديرو هههه
أريج ماكلتك تشهي يعطيك الصحة
أم بيسان شكرا ربي يحفظك

[hab12456]

م سيهام يا ام سهام مممممممم فور فوووووور اللبه ابارك فيك يازينة

[زهرة الريف*]

المشاركة الأصلية كتبت بواسطة oum habouba

السلااااام عليكم صح فطووووركم
ياحفييييظ انا شفت ام انس قلبي هرب من بلاصته وزادتنا مسعودة وزادت ام ندى قااااع تحاميتو فينا هههه
ام ساجد ها نعلي الشيطان شكارة الفرينة نتاع 25 ما راهيش تبات راني غي ندمر صايي نولي نخرج من الباب حتى ندور بالجنب
فطور درت المطلوع والرز نتاع كيكوط وسلاطة خضراء
خرجت الصباح سانك سانك شريت صوالح القاطو حتى نصورهم ونحطهملكم وراجلي قالي زيدي زيدي اصنعي القاطو راكي غي تفيضي عليا قلتله ماراكش رافدني على ظهرك مين نطيب تقدم نتا لول للطابلة ههههه
ام هبوبة شكرا على التوضيح بلاك نديرها كيما نتي كي تدخلي جاوبيني باه غطيتيها في الثلاجة مادارتش لاكخوت فهميني بالبا والتا
هدا وين شفت قاطو ام ندى في الاقتباس الله يعطيك الصحة سيغتو الرولي لوكان غي قطعتيه نشوفه من الداخل تعرفي حنا نبغو ليزاناليز

😄😃😁😀يعطيك الربح قتلتيني بالضحك

[زهرة الريف*]

السلام عليكم ورحمة الله وبركاته
كيفكم خياتي نتمنى تكونو كامل بخير وبصحتكم واش حطيتوا وربي يبارك فيكم وفي رزقكم
أسأل الله العظيم رب العرش العظيم أن يشفي خليل ابن خال أسمهان
أسأل الله العظيم رب العرش العظيم أن يشفي أخ أم رحاب
أسأل الله العظيم رب العرش العظيم أن يشفي أخ أم تاجوا
أسأل الله العظيم رب العرش العظيم أن يشفي أولاد أم ساجد
أسأل الله العظيم رب العرش العظيم أن يشفي والدة أم جوجو
أسأل الله العظيم رب العرش العظيم أن يفرج على أختنا عائشة حسان ويسهل امورها
أسأل الله العظيم رب العرش العظيم أن يشفي مرضى المسلمين ويفرج هم المهمومين ويرزق المحتاجين آمين

[ارزاق]

مساء الخير ويعطيكم الصحة كااامل شفت الخير تاع ام وسيم وام ندي واريج وام سهام وشفت مسعودة هههههه عجبني كلش وعجبتني فكرة ام سهام للخبز تاع ام ساجد كي دارتو حلو يصلح مع الحليب ان شاء الله نجربو

[ارزاق]

لبنات حبيت نشجعكم جربو خبز الفوكاشيا لزينب رووووعة خاصة انو بزيت الزيتون يعني صحي واكيد لذيذ الوصفة لزينب يا رب تكون بخير

[ام و ابنة]

السلام عليكن
دخلنا غسلت لاولادي و بدلتلهم و حطيتهم في بلايصهم و حطيت الماشينة تغسل و جيت خخخ


هذا غرس اول مرة نشريه حنا هنا في العاصمة يبيعو اللي في الباكيات تع 100 دج مرحي و نقيوه و نعاودو نرحوه و اول مرة يجيبو عندنا هاذ النوع على حساب اللي يبيعو نخليه هكذا بره ماشي في الثلاجة و ما يخسرش حتى و لو نفتحو و نجبد منو نعاود نغلقو و نخليه بره بصراحة حبيت رايكم في هاذ النقطة خفت يخسرلي

و كذلك قالي ما ترحيش نقيه مليح و اعجنيه بيدك مليح بشوية زيت و الاضافات اللي تحبي تزيديهالو و خلاص

شريتو ب 500 دج و ضرك توسوست قلت اكيد مايغسلوهش و يمسحوهش و يكون فيه الغبار او الاسمدة الكيماوية و يضرلي اولادي تعيشو اعطوني رايكم بصراااااحة



و هذا عرجون تمر كل يوم نوصي راجلي و ينساه و انا حبيت نستفادو منو كي راهو جديد ماشي حتى يحطوهولنا في المجمد



عائشة حسان اعتبريه عربون و الله عيانة ما نقدر نلبز والو اليوم و زدت نسيت ما شريتش زبدة التوريق وععععع

و هذا طعام تع الشعير مفتول في الدار اعطاتهولي يما بعثتهولنا خالتي فرحت بيه فيه فوائد كبار للاطفال باذن الله نطيبو في العشاء تع عاشوراء حبيت ندي منو لعجوزتي تعيشو اعطوني نصائح بش يجيني بنين بزاف انا موافة نطيبو و الحمد لله يجي بنين بصح قلت انتم متخصصين اكثر مني في هاذ الامور و اكيد عندكم نصائح و اسرار و ايضا اذا عندكم صور كيفاش نزينلها الصحن


ما تنساونيش حبيباتي

نراجع و نرجع

[اسمهان79]

سلام الله عليكم يا احلى صحبة واحلى رفقة
ماشاء الله عليكم في الشدة تتلقاو في الفرح أنتم لولين
مشكورين على الدعوات وعلى المواسات ربي يحفظكم اجمعين ويبعد عليكم البلاء
وألف شكر على الأخوات اللي راسلوني مردودتلكم في الخير ان شاء الله
هاذا باروكي حاج مفور اممممممم روعةةةةةةةةة
اللي ما جربوش غير يروح يجربو



وهاذا مفور ومحمر



هاااااااه ام أنس راني حطيت الباروك ما نيش نرحي برك
الظاهر إنّو خالتي مسعودة قامت بالواجب دخلت نشايخ لقيت روحي نحط في الباروك
الشبح مليح

[أم فاطيمة]

مساء الخير بصحتكم فطوركم
ام ندى عجبني الرولي يعطيك الصحة
ام سهام كلش فووور الله يخليك وصفة الجواز بالبسباس
ام وسيم امممممممممممممم على هديك البكبوكة تشهي
ام ساجد كالعادة دائما متالقة يعطيك الصحة
ام انس مرحبا بيك و بخالتي مسعوذة هههههههههه

[باسم وبيسان]

ام وابنة وشراكى واولاد عندى مودة مادخلتش
بالنسبة للغرس راهى مليحة وماتفسدش ماتقيسيهاش برك بالماء وديرى كما قالك البايع راهى مليحة وتجى حلوة وبنينة على لخرة وبراج بيها تجى امممممممممممممم

[om wassim]

أرزاق خبز الفوكاشيا شهيتيني فيه بصحتكم راني لي نشوفها نروح نجري نديرها اخااااه واقيل راني....
اسمهان امممم باين بنين واش راه خليل و على فكرة سيطر الدويرة هايل بربي سبحانه يبرأ
أم وابنة بصحتك الغرس و الطعام تاع الشعير حتى انا بعثتلك منو ماما و حبيت نديرو في عاشورة طلبو زوجي
يا ريت يفيدونا لبنات بطريقة طيابو بابا والتا ههههه
أم فطيمة شكرا ربي يحفظك