اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 27

omjoujou · 2015-09-21, 21:09

لبنات جبتلكم صورة من قلب الحدث راني ندير في الطلية لصابلي تاع القارص كملت السنيوة الاولى وذرك نروح ندير السنيوة التانية وكي نكمل شوي نزينو بوردات تاع عجينة السكر وشوي نديرلو خطوط تاع شيكولا سوداء

روضة 88 · 2015-09-21, 21:10

اهلين بلينا وين راك غاطسة ووين راه حلوياتك امتعينا بروائعك

عزوفة في انتظار صور الكروكي اكيد رووووووعة .

omjoujou · 2015-09-21, 21:11

عازفة الناي كلش يشهي تسلم الايادي
نروح نكمل القاطو تاعي نوم العوافي

روضة 88 · 2015-09-21, 21:11

ربي يعاونك ام جوجو .

دائمة الحمد · 2015-09-21, 21:12

ام اسلام عزيزتي راهي ماركة المانية اسمها غريب شوي
عزوفة بصحتك الكروكي شفتي قداه خفيف احممممممم
انت لي شاطرة عزيزتي واكيد جاك امممممممممم تاع ام ايمان حبيبتي تسلم الايادي
كاووكا بصحتك البيتزا
ليزا الله يعينك وسايسي روحك بالشوي برك
انا خليت الميناج العميق بعد العيد لانو الدواعش كي يجو في العيد ما يخلو لا الاخضر ولا اليابس لعقوبة لام ماجد وام ياسو ام ريمة هاي مجاهدة كيفي
روضة بصحتو الراجل السروال لعقوبة للبسة الطهارة
ام رحاب واش بيها راني ليامات لي فاتو ما سجلتش حضوري
ام تاج ربي يسهلك ولادتك نرقدو ونوضو نلقوك نافسة يا رب

دائمة الحمد · 2015-09-21, 21:14

ام جوجو ربي يعينك وتكمليه وتتهني
عزوفة بصحتك الاطايب يشهو

omjoujou · 2015-09-21, 21:16

اقتباس:

المشاركة الأصلية كتبت بواسطة ام أمينة

أم جوجو مبروك وليتي عندك نجمة صفراء شوفي روحك

وليتي عضو مميزة

يبارك فيك حنونتي
حقا انا مدرتش لعشا كنت ندير قي القاطو جابلي راجلي الشواء من برا
بصحتك الروز

روضة 88 · 2015-09-21, 21:17

ان شاء يا دائمة الحمد كاليوم نشوفو بلبسة الطهارة امنية حياتي متتصوريش شحال راني حابة نفرح بيه

omjoujou · 2015-09-21, 21:27

اميييييييييييييييييييين
روضة و استاذتي دائمة الحمد ربي يخليكم

عازفة الناي · 2015-09-21, 21:30

وهذا الكروكي هش رووووووووووووووووووووووووووووووووووعة مرة اخرى الله يبارك فيك يا احلى استاذة
هاتي العلامة ؟؟؟؟؟؟؟؟؟؟؟؟؟؟؟؟؟؟؟؟؟

دائمة الحمد · 2015-09-21, 21:33

جاك روعة فعلا عزوفة
احسن علامة حبيبتي
توكلوه بالصحة والهناء

عازفة الناي · 2015-09-21, 21:35

شكرا لتليقاتكم اللي تطلع المورال ودايما تدفعني للامااااااااااااااااااام
ام تاجو ماطلتش ؟؟؟؟؟؟؟؟؟؟؟؟؟ يارب يسلك حملها بسهولة يارب
ام رحاب الله يشفيك ويعافيك والله قشعر بدني على الجرح اووووووووووووووو ...
ليزا يا سلام الله يينك على النفيض و التعزيل لكن النظافة تستاهل التعب
كوكا وش راكي وبصحتك وش حطيتي
باسم بيلسان القاطو تاع ال****اج هااااايل

البحر الصافي · 2015-09-21, 21:37

عازفة الكروكي روعة راني ديت حبات نفطر بيهم واشي هدا الخير لي حطيتيه الله يبارك لبنات كل مساء الخير اليوم مادخلتش خلاص عندي اشغال كثيرة ربي يعيني ان شاء الله تكونو لاباس نروح نراجع ونرجع

ام و ابنة · 2015-09-21, 21:44

يا يما راني كاااو عملت صابلي شوكولا جا الذوق هايل و لكن من التعب راطيتو شويا في الماكياج و منبعد تقلقت ما كملتوش

ام جوجو خويا اللي جاي من الغربة ماشي متزوج و اللي عندو اولاد هذاك اللي عايش هنا
ضحكتيني ما راكيش من العياء تجمعي ياخي علابالك ما عنديش وين نحط اولادي و لا حتى عشر دقايق فمابالك بنهار كامل صح يما و اختي يحبو اولادي و يشرولهم و لكن ما عندهمش الخاطر للذراري خلااااص لاااازم نكون مع اولادي طول الوقت كي نروح عندهم و الله كي ندخل الحمام اكرمك الله تقولي طولتي
بالنسبة لراجلي خدام يخرج بين الخمسة و نص الستة غير ربع علابالك حنا هنا في العاصمة الازدحام عجييييييييييب و لو كان يجي يدي وليدي للمدرسة ما يلحقش للخدمة
معليش كيما كان الحال نجوزوها ماشي هاذي اللي تقتلناخخخخخ

ام اسلام على سلامتك انت و خيراتك الله يبارك توحشناك
ام ياسين يعطيك الصحة عالصور و الابداعات
عازفة بصحتك الكروكي يبان هايل يالفحلة
ليزابيل توحشناك و بصحتك الميناج انا غدوة ان شاء الله برا و نهار الاربعاء باذن الله الميناج اما النفيض ماعنديش بزاف كي نفضت و ما عنديش الوقت نعاود ضرك
سرور الف مبروك الكويزينيار ربي يبارك لك فيها
ام باسم وين راهي جبة العيد تع بنتي
روضة بصحتو وائل السروال
ام امينة تلفتيهالي لمن تشري الحوايج ما فهمت والو
عقروبة حاذري على روحك راكي معذورة نوع قاطو و راهي فرات و نهار العيد روحي غير بالعقل ماشي شرط تعملي كلش في نهار واحد و باذن الله تلقاي المعاونة

ام و ابنة · 2015-09-21, 21:46

اهلا البحر الصافي روحي تراجعي رانا الكل نحكيو نفس الحكاية الاشغال كثيرة و الجهد و الوقت و المساعدة ماكانش خخخخخ
ربي يعين الجميييييييييع