الجزء 128 من واش طيبتي اليوم..مرحبا بابداعاتكم

[أم ملك]

صباح النور
توحشتكم بزاااااااااااف و صراحة ما راجعت والو
تغيبت ﻷنو كنت مريضة و زاد أنا ديما نكونكتي بالبورتابل و لاو عينيا يحمارو و يضروني و ما تستغربوش إدا تلاقاوني ديما كوناكتي ﻷني ما نديرش خروج و يا ريت ما تكون حتى واحدة زعفانة مني ما نقدرش نشعل الميكرو بناتي يخربو سيرتو الصغيرة راني معاها في حالة ديما متبعتها و نعس فيها ﻷنها تخرب بزاااااااااااف مع لي بدات تحبو ربي يحفظها و يحفظ كل أولادكم من كل شر
فاتوني بزاف كوزينات بصح على بالي بلي ما خليتو ما تطيبو و فرحتو الكوزينات و فرحتودياركم ما شاء الله عليكم
زينب طمنيني على خالتك كي راهي دايرة أنا من داك الوقت ما زدتش دخلت
فطوري إن شاء الله لوبيا بيضا عاود رجع البرد
أستغفر الله الذي لا إله إلا هو الحي القيوم و أتوب إليه

[omhadil]

صباحكم سعيد حبيباتى ويومك موفق ان شاء الله

[oum ibrahim]

صباح الخيرات يا الحراير
ليزا بيبا ادرونو الف شكر على المساعدة
ساندريلا ووهيبة اسمحولي حبيباتي البارح جين نجاوبكم النت راحت درك نكتبلكم الوصفات الا ما راحتش النت
جبتلكم تفطرو و تاني حبيت المازة تدي فكرة لتزيين تارت لحفلة وليدها























وهذا قاتو الطبقات بالنوادكوكو نتاع ليزا كنت حطيتو من قبل في كوزينة فاتت امممممممممممم رهييييييييييب للمرة الثانية نديرو و اكيد ماشي الاخيرة












اللهم صل على محمد و على ال محمد كما صليت على ابراهيم و على ال ابراهيم و بارك على محمد و على ال محمد كما باركت على ابراهيم و على ال ابراهيم في العالمين انك حميد مجيد

[om assem et loudjain]

صباح الخيرات والمسرات




هاذو معليش من الأرشيف ما بين لا وجدو غداوات لحراير

[oum ibrahim]

سانريلا هذاك الطبق قرنون محشي في الفرن
نقيت القرنون و حشيتو باللحم مرحي و متبل بالملح و الفلفل و المعدنوس و الثوم و نلمو بحبة بيض و االباقي ندير بولات صغار
من جهة اخرى نجيب البلا الي رايحة نطيب فيه ندهنو بالزبدة او الزيت و نقلي فيه كريات اللحم مرحي و الشومبينيون و نتبل بالملح و الفلفل اسود و الثوم و نقي حبات بطاطا صغار و ندير فيها فتحات و شوية زيتون مغلي و نحط القرنون و نزيد شوية ماء و نغطي بالالمنيوم و ندخلو الفرن
لما يطيب القرنون و البطاطا نحي الالمنيوم و نحمرو شوية و ندير جبن مبشور من فوق و الف صحة و هنا
وصفة كيكة الفراولة
جينواز 4بيضات كاس متوسط سكر نضربهم مليح مع عطر الفراولة و نزيد 4 ملاعق زيت و نضيف كاس و نص فرينة و باكي خميرة و 2 ملاعق نشاء مغربلين 2 مرات و نديرها في بلاتو مدهون بالزبدة و مرشوش بالفرينة في فرن مسخن مسبقا 200 درجة 5 دقائق الاولى ثم ننقص 180 درجة مدة 25 دقيقة
قطعت الفراز و درتلو شوية سكر و ماء و حطيتو فوق النار لما يبدا يغلي نحي الفراز و نخليه يبرد و السيرو الي بقا نخليه 10 دقائق فوق النار و نطفي و نخليه يبرد
طلعت الشانتيي بالماء بااارد و هاذي اول مرة نطلع الشانتيي بالماء و عجبتني خير من الحليب عطاتني قوام متماسك و لونها ابيض ناصع
قسمتها على 2 قسم زدتلو هداك الفراز الي طيبتو في السيرو و حسيت بيه التارت من داخل بعد ما بردت و قسمتها على 3 و سقيتها بالسيرو الي برد
و الجزء الثاني زينت بيه التارت من الخارج و قطعت الفراز شرائح و زينت على شكل وردة و دهتنها بالجولي و الف صحة و هنا

[natacabell]

[IMG][/IMG]

صباح الفل و الورد و الياسمين كوزينة مربوحة يا ام وسيم و البنوتة تتربى في عزكم حلويات ممممم
يعطيكم الصحة واش حطيتو كلشي هايل الله يبارك كلكم بدون ذكر الاسماء
لحقت على الصفحة الاخيرة و روائع عزيزتنا ام ابراهيم يعطيك الصحة
من فضلك اعطيني الوصفة تع القاطو ليزا كي نقصتي المقادير تعيشي ختي
ام لجين تارت الفريزا مممم و سوفلي التركي يجوع يعطيك الصحة
ام ويسيم باروكي ليك راح يكون مغاير هههههه تفضلو ا الجهة الثانية تع حديقة الحامة حديقةىالحيوانات

[ارزاق]

المشاركة الأصلية كتبت بواسطة rahma2014

صباح الخير يا ناس الخير
وهيبة صباخ النور حبيبتي
زينب اسعد الله صباحك
ام رشدي ان شاء الله تكوني بخير
النرجوسة صباح النور
اسمهان الحبوبة واش راكي وصباحك معطر بالورد
ارزاق وين راكي حبيبتي خليتلك البارح سؤال على التارت وصباحك فل وياسمين

صباح الخير رحمة اسمحيلي شفت السوال ولما قلت نجاوبك تميت نشوف المشاركات ونسيت
هذاك لي ملفوق فراز طيبتو مع شويا سكر حسب الذوق بعد ماقطعتو درت شويا قارص متنسايش تنحي هذيك الرغوة لي منفوق لما طاب رحيتو وزينت بيه لما برد تماما

[wahibaazel]

ام ابراهيم بارك الله فيك ،كنت متأكدة بلي منعك عذر قوي ،ربي يجازيك كل خير ،وشي هذو التحف ليتاغتولات يهوسو تسلم الايادي .
عطر الذهب ربي يشفيك ،ومع الارادة بإذن الله توصلي للوزن المثالي .
رحمة ،اسمهان ،فرح العمر ،ليزا ،دايمة الحمد ،روضة ،بيبا ،ام عاصم صباح الخيرات ولي نسيتها تسمحلي لي عودة باذن الله .
الغدا راح نعمل بيون البسباس وخبز الشوفان ونشوف واش نزيد .

[ارزاق]

صباح الخير ام ابراهيم الله يبارك اذا عندك صور حطي نتمتعو حتي ومن الارشيف
ام لجين التارت روووعة نموت علي الفراز
روضة ونتكبال صباح الخير

[ارزاق]

وهيبة صباح الخير والشونتي طلعتها اولا مع 2باطات ياغورت شيكولا لازم جيك ثقيلة اذا جاتك ثقيلة بزاف تقدري تخفيها بشويا حليب وتخلطي تحطيها في الثلاجة ومن بعد خلطيها مع الباتسيار الباااااردة بالباتور ممكن ديري ياغورت ذوق كرمال جيك رووووعة انا ملقتوش

[ارزاق]

روضة راني نستنا في الوصفة تاع العوامة تاع عجوزتك بلاك تقولي نسيت هههههه

[ارزاق]

زينب مبنتش عنها مدة نشالله تكون بخير

[عازفة الناي]

صباح الانوار
دخلت على خيرات ام ابرااااااااااااااهيم و روااااائعها وكيكاتها اللي يهوسو واااااااااو 100/100

[rahma2014]

ارزاق شكرا حبيبتي ربي يخليك لوليداتك
ليزا الحلوة صباح الخير وربي يعينك
ام وسيم نتاكابل ام ابراهيم ام باسين روضة ام ملك نهال وكل المتواجدات صباحكم فل وربي يعين الجميع
غدايا لوبيا بيضاء راجلي يشوف شوية برد يقولي ديري لوبيا

[عازفة الناي]

ام عاصم امممممممممممممممم الترتات روعة
نتكابال الله الله على الحيوانات 44444444