الجزء90 من واش طيبتي اليوم **مبارك علينا الشهر الفضيل** - الصفحة 27

لحن الحياة. · 2014-06-30, 12:43

اقتباس:

المشاركة الأصلية كتبت بواسطة ام سهام 02

يوم سعيد و مبارك للجميع ز الف مبروك لناجحين في الbem و لعقوبة للصحاب الباك
فطورنا كان البارح شربة مرمز و بوراك في الفرن و اوردوف و طاجين الزيتون مفور و لحم الحلو و فلون و الحمد لله يا ربي على رزقك

يعطيك الصحة كلش يهبل

آمِيْرَتُه · 2014-06-30, 12:45

السلام عليكم ورحمة الله تعالى و بركاته
صح رمضانكم تصومو بالصحة
ربي يدوم النعمة
فطورنا البارح كان معقودة حريرة برقوق سلاطة روز بطيخ قازو مطلوع

oum ibrahim · 2014-06-30, 12:52

يعطيك الصحة ام سهام فطورك يشهي بصحتكم
من فضلك في وصفة الصامصة قلتي انو نحلو العجينة في رقم 5 يعني قبل الاخير لانو انا المشينة نتاعي فيها حتى لرقم 6 يعني 6 هو الرقيق خلاص ؟؟؟؟؟

بسمة الرمال · 2014-06-30, 13:00

يا صباح الانوار ~

حبيباتي تعيشو في الكوزينة الي فاتت شفت قريوش مظفور و مدور ’’’

تعيشو الي عندها الوصفة تمدهالي

islam1aya · 2014-06-30, 13:02

ام سهام ياسلام على اطباقك ولا الخبز اممم وقيلا نجربو اليوم ياك في الكوشة ههههه مارانيش قادرة للحرارة تع الطابونة

هذا فطوري تع اول يوم رمضان 2014
شوربة فريك ومطلوع ام ماجد وعصير ارونجينا وعصير المشماش

سلطة متنوعة بالتونة والشيدار

مخلالات وكارب وكورنيشون وفاريونت وليزونشوا خدمتهم في البيت وتبلتها بالثوم والزيت والمعدنوس والجبن هذاك هايل يوالم حتى في السحور اسمه دليس

بريك التونسي

شطيطحة دجاج جات هايلة درتلها اضافة وهي حبات من الكبابة

اللحم لحلو درتو بالمشيمشة اوالزعرور

للسهرة درت قلب اللوز تع ليلي الغالية بالبن جا هايل احسن ملي كنا نشروه ب80دج للحبة

اليوم مانطيبش بقالي تع الامس نعجن فقط الخبز
والحمد لله على النعم

x ام رحاب x · 2014-06-30, 13:09

سلام حبيباتي ونشكر كل من رحبت بيا وصحة رمضانكم حبيباتيام رياض حبيبتي صدقي يالحنينة راني وليت ليكم وربي يفرحك بوليدك يارب امين
لزا شكرا حبيبتي على الترحيب والحمد لله راكم كامل بخير
ونشكر كل من رحب بيا وباركلي ببنتي ولعقوبة لولادكم
انا فطوري اليوم شربة وبوراك وجلبانة بللحم وللحم حلو وسلاطة ودارت بنتي لاكرام ومهلبية في الليل وبصحتكم واش طيبتو

x ام رحاب x · 2014-06-30, 13:11

اسلام اية يعطيك الف صحة على الاطباق الي تشهي بصحتك حبيبتي

ladymillion · 2014-06-30, 13:15

السلام عليكم يالحراير
يعطيكم الصحة والله يباركلكم في رزقكم ان شاء الله بصحتكم واش كليتو من شهيواتكم ماشاء الله عليييييييييكم شفت كلش وتوقبت مليييييييييح هههههههه وكلش عجبني بصراحة

حنا فطورنا اليوم مانعرف مزال ماعلاباليش طومة واش راح دييييييييييير

ام سهام حبيبتي نطلب منك اذا مكانش ازعاج كيفية المطلوع نتاعك يهبببببببببببببببببببل يهبل الله يبارك بلاك نديروا علابالك كل ماندير مطلوع الكوشة مايصلحليش مافهمتش علاه

ام ماجد يعطيك الصحة ربي يتقبل منا ومنك حبيبتي وصح ماتعبوش بزاف رواحكم في الكوزينة يالبنات وطيبو شوي شوي هههههههه زعمة جيت نعتلكم صلاحكم خخخخخخخخخخخخخخ
انا لوكان لقيت مانطيبش خلاص وكي تجي دالتي ندير الجاري على يومين هو والكسرة باش نتهنى أسيدي لواحد يضل يطيب !!!!

doudou bonoise · 2014-06-30, 13:15

صح رمضانكم كامل لبنات وان شاء الله ربي يتقبل صيامنا كامل و بالنسبة للاخت الهام حبيت نسقسي عن طريقة صنع الزيوت لي درتيهم لاني حابة شعري يطوال و يكتف لانو خفيف جدا و انا شعري فيه القشرة و سمعت الحنة مليحة للقشرة ولكن خايفة من لون الحنة يخرجلي احمر و انا منحبش هكدا لاني نحب بني و هل الحنة تخفف الشعر

أم ياسين الزهراء · 2014-06-30, 13:22

ليدي انا ندير الشربة على يومين باش نقتصد في اللحم وفي الطيباب

كنت راح ندير الفريت والجاج محمر زعفت بنتي الكبيرة اليوم دالتها معايا قالتلي زعمى الفريت حاجة واعرة هههههههههههههههه بطلت قلتلها ادخلي ونشوفو واش نديرو واليوم نخليها دير شوي شربة نبعثوها نفطرو بيها مومنين ربي يتقبل قلتلها احنا ناكلو تاع البارح وهم نديرولهم الجديدة ربي يتقبل نحب كينخرج لازم خير من ماكلتنا

وقلتلها ديري ليجوا تاع ام انس والسلاطة والحمد لله طاجين الحلو درت بزاف البارح

أم ياسين الزهراء · 2014-06-30, 13:25

دودو اهلا بيك راهي الهام دارت موضوع طويل على الشعلر شوفي البروفيل انتاعها دوق تلقاي الموضوع

لبنات يوم موفق راح نخرج في اليل ان شاء الله نضرب طلى

ماري مابنتش خير برك

islam1aya · 2014-06-30, 13:29

ام سهام ادخلي واشرحلينا شوية عل المطلوع وكاش نصائح قولينا راه مهبلنا
حبيت نمدير غيلر رطل فرينة شحال يخرجلي وشحال ندير كمية الماء

وزيدي قوليلي على الصامصة نحلها من رقم واحد حتى رقم 5 هكذا
ليدي بصحتكنم اوعندك الحفق واحد يطيب بزيادة وتقعدلو ماشي كل يوم طياب وااااااااااااعععععععععععععععععععع
ام رحاب شكرا لك حبوبة مبروك على البنية
ام ياسين صدقة مقبولة حنونة وخليها البنية تدخل المطبخ وتعمل واش حبت وبدل الفريت دري معقودة راه تع امسهام هايلة جربتا راه في وصفات لحراير

ام سهام 02 · 2014-06-30, 13:34

اقتباس:

المشاركة الأصلية كتبت بواسطة oum ibrahim

يعطيك الصحة ام سهام فطورك يشهي بصحتكم
من فضلك في وصفة الصامصة قلتي انو نحلو العجينة في رقم 5 يعني قبل الاخير لانو انا المشينة نتاعي فيها حتى لرقم 6 يعني 6 هو الرقيق خلاص ؟؟؟؟؟

بارك الله فيك ام ابرهيم نعم حليها في5 قبل الاخير باه دير ذوق الفقعات اذا درتها رقيفة مايديروش

ام سهام 02 · 2014-06-30, 13:44

ليدي تفضلي رابط الخبز و باه تنجحي في خبز الكوشة لازم يطيب عاى حرارة عالية.
https://www.djelfa.info/vb/showthread.php?t=1581245

islam1aya · 2014-06-30, 13:50

ام سهام ماعنديش كوشة تع حديد كيفاش اجيني في الاعدية ونديرو في الرف الوسط
والحرارة تكون على الاخر