الجزء 76 من واش طيبتي اليوم ** اهلا بالجميع دون استثناء**

[lyzzabel]

واااااااع هاذ الخلل تاع الصور لي ما يبانو شما خلاناش نحطو الصور خخخخخ
مريومة حنا تاني عندنا يقولوها حقا شفتك البارح تهدري على الغريبية نتيا و حنان واش من وصفة كنتو عليها ؟؟؟؟

[ليال 22]

المشاركة الأصلية كتبت بواسطة ام طيري الجنة

الله يسلمك حبيبتي ام ماجد اما فيما يخص الجملة الملونة بالاحمر فكلنا لها ما تخافيش رانا الى الامام سر و ما تشوفش في الميزان و لا في المرايا ههههه

هههه اختي و الله ملي تعرفت على المنتدى و الوزن في الطالع في الخدمة يقولولي مالك سمنتي نقولهم في قلبي مادريتوش الجلفة هي اللي بيا هههههههههبصح المشكل راه ماشي في المراية ياو راه في القش واش تلبسي باه تخبي .

[مريم الاميرة]

ليزا نهدرو على غروبية حفيضة درتها و ما عجبتنيش بزاف لافوغم هبطت و جات حلوة بزيادة و ميش طرية بزاف للامانة لغروبية تاع ام كوثر لا يعلا عليها و منبدلهاش ابدا ان شاء الله
زارا ما يهبط المورال ما والو ان شاء الله يعطيك ربي قوة و تفوتيه على خير
روضة طفرت فيك كون انا و الله ما نقدر كلو الا الماكلة على كرشي نخلي عرشي ههههههههههه

[مريم الاميرة]

روضة بصحتك لقراتان انا عشايا بيتزا بالعجينة السحرية لام كوثر ديجا اي تخمر و لاصوص طايبة و خلاص نحب نوجد بكري خاطر ولادي يرقدو بكري

[مريم الاميرة]

شوفي روضة انا درتها بالطابع تاع الوردة و ما خليتهاش جارية يعني درتها مليحة برك اصلا لغروبية منحبش نديرها جارية باه تبقى حاكمة لافوغم فهمتيني و لا نقلك كي تلميها نشفي شوي قيس 2 حبات ولا 3 و اطبعيهم و طيبيهم و لا شفتيهم ملاح كملي و لا جاوك ميش ملاح زيدي الفرينة هذا ماكان حقا روضة نهار درتها زدتلها كمشة لوز محمص و مرحي رقيق واش نقلك بنة عضيمة و الله

[lyzzabel]

مريم أعطيني الرابط تاع غريبية حفيظة لاكان تديرها بالمارغرين انا جامي ما استعملت السمن فالحلويات و لا في حاجة اخرى ما تعجبنييييش بنته

روضة اخلفيها فالعشا و بصحتكم الغراتان مسبقاااا

[nabila222]

مساء الخير لبنات وشراكم،حبيت نسقسي كم يا ريت تجاوبوني حبيت نخدم محلبي ام كوثر عندي ظياف غدوة وش رأيكم كون نخدمها ليوم تفسد زعمة حتان لغدوة حبيت نختصر على روحي على بالي ما يكفينيش الوقت غدوة يا ريت. نلقا جواب منكم أخواتي تعيشو

[مريم الاميرة]

تفضلي ليزا هاهو الرابط
https://www.djelfa.info/vb/showthread.php?t=1574441

[مريم الاميرة]

اخت نبيلة لمحلبي مالفة نخدمو و نخليه لغدوة نورمال بصح نخدم تاعنا نورمال تاع ام كوثر و الله ما جربتو ضك يدخلو الاخوات و يفيدوك و اذا درتيه غطية باه ما يديش ربحة لحوايج لي في الفريجيدار

[nabila222]

تسلمي حبيبتي أميرة انا ثاني ما لفة ندير محلبي عادي ونبيتو يزيد يزيان ولكن هذا انتاع ام كوثر خفت على خاطرش فيه البيض على هذيك قلت بلاك يخسر يا ريت يدخلو الاخوات لي مجرباتو ماذا بيا كون تدخل ام كوثر وتجاوبني،

[lyzzabel]

شكراااا مريومة راهي تبان مليحة تشبه لوحد الوصفة درتها زماااان تاع منال العالم وحشيتها بالنواة كوكو جات شااااابة بزاااااف ،،
حبيبتي نبيلة انا عمري ما جربت المخلبي تاع ام كوثر بالاك كاين لبنات لي جربوها استناي يدخلو

شكووووون تدبر عليا العشا خخخخخخخ عندي المرقاااااز هههه جابه ن ع البارح و قالي ديريهلي غدوة للعشا هههههه

[مريم الاميرة]

نبيلة اختي ان شاء الله يدخلو لبنات و يعاونوك
ليزا بالاك انا لفرينة نتاعي ميش مليحة ما نعرف حنان ثاني قاتلي جات طرية و ما نعرف حنونتي ديري فريت و حميص و مرقاز و الصلاة على النبي

[أم ماجد]

المشاركة الأصلية كتبت بواسطة zaara0505

طبطب ان انا متبعتكم من زمان ونموت على اللمة هذه لكن ضروفي ما سمحتش نشارك معاكم اذا سهل ربي منا ورايح ندخل في وسط هذا اللمة الرائعة اذا كاينة بلاصة .انا غدايا بربوشة باللبن.و الحمد لله

هات اللبن والبربوشة مانشبعش منهم خلاص ام سخفتيني اخاه لاريحة نموت بالسخفة

[nabila222]

تسلمو أميرة ليزابال،انشالله يدخلو انا في الانتضار هههه،والله كيما قاتلك الاميرة ديري شطيطحة مرقاز وخلاص،

[ام فضيلة]

غالياتي ليزابيل ام يسراااااااااااا ربي يخليييييييكم للتشجيعكم الدااائم والله فرحتوني ربي يفرحكم وبصحتكم واش طيبتو اممممممممممم
ضحى التسابيح ربي يعينك والله ارضاء العجوزة غاية لا تدرك كيما يقولو عندنا لوكان تشويلها اللحم على اصباعك
اخواتي بغيت نسالكم عن طريقة معجون المشماش بصح يكون حب كامل مش مرحي الي تعرف تفيديني وربي يجازيها كل خير