الجزء 72 من واش طيبتي اليوم???? - الصفحة 27

natacabell · 2014-05-01, 20:50

مساءكم سعيد و يعطيكم الصحة كل وحدا باسمها شهتوني الكسرة مثلجات فلفل مقلي الدجاجة المسكينة خبز ام ارهيم جلبانة وووووو كلش و كلش و المازدا تع القارص و التشينة ريهام ابعتيهوملي
يادرا ام ثاج وين لحقت راني نسنا التصاور٠٠٠ام ابرهيم راحتلك خرجا معليش
رياض مبروك لوليدك راح يرجع زينالدين زيدان
الادب العربي بصحتك الزلابية قوليلي حببني فيها باش نجربها
و اللي نسيتها سماح
دائمة الحمد ان شاء الله تكوني ديما لاباس
لهنة يا من صابني معاك نعاونك و الله
النرجوسة الكوك××××××يز هايل
سلمى الكرواسو مممم
ادرارية حتى احنا نتوحشوك يلعزيزة
ام زاكو وصلاتك رسالي
ام سهام طيابك اممممم
ام ريمة يعطيك الصحة

ryhem 16 · 2014-05-01, 20:51

أختي نهال و الله أنت الأروع راني جربت قداش من و صفاتك و هبلونييييييييييييييي ما شاء الله عليك و ألف شكر لكي حبيبتي

أم اناس موااااححح حبيبتي مشكوووورةةةةةةة و ردي بالك على صحتك يا الغالية ربي يفرحك و نحي الفونارة و روحي تريحي راكي درتي ألي عليك ما شاء الله عليك

عروستناااا ليلي هنا يا مرحبا يا مرحبااااا نورتي الكون يا أحلى قمر ربي يزين سعدك و يحرسك مرسيييييييييييييييييي على عويناتك الحلوين و قولي لماماك الغالية يعطيك الصحة على لعشاء و بوسيلي طاطا لعزيزة ربي يكثر الأفراح

حبيبتي أم سهام كل أطباقك ابداعععععععععععععع ما شاء الله

حنونتي سهومة هاهي الوصفة بلا مزية
ليزامندين
العجينة

250 غ فرينة
150 غ سكر غلاص
لافاني
170 غ مرغارين طرية
قرصة ملح
رشة خميرة الحلوة(في الوصفة الأصلية ماكانش لكن باش جيني العجينة خفيفة)
1 صفار بيضة كبيرة أو صفارين صغار

كريمة اللوز(crème frangipans)

100 غ زبدة طرية
100 غ سكر عادي
2 بيض
لافاني
100 غ لوز مرحي بقشوره
50 غ فرينة مغربلة

التزيين

لوز منسلles Amandes effilées

في الأخير
لاجولي دافية للمعان

التحضير
العجينة
في اناء خلطي الزيدة+سكر+لافاني+قرصة ملح جيدا ثم أضيفي الصفار و لمي بالفرينة + رشة خميرة الحلوة و خليها ترتاح داخل كيس بلاستيكي

في هذا الأثناء حضري الكريمة

ضربي بالباتور الزبدة+ السكر + لافاني جيدا أضيفي البيض بيضة بيضة مع الخفق تتحصلي على كريمة كما لاموس
أضيفي بالملعقة اللوز ثم الفرينة
روحي للعجينة ديالك و حليها و السمك ديالها يكون 3 مم و قطعي دوائر و حطي كل دائرة في قوالب خاصة تكون مدهونة بالزبدة و مرشوشة بالفرينة)عن نفسي ندير كور و نحل كل كورة داخل القالب مباشرة باش ما نعيش العجينة)
أثقبي العجينة بواسطة الفرشاة و حطي الحشوة ألي هي كريمة اللوز و ديري من فوق اللوز منسل وبعدها دخليها للفرن باش تطيب حوالي 30 دقيقة على نار متوسطة 180°
كي يحمارو خرجيهم من الفرن أدهني الوجه تاع الحلوة ب لاجولي

ملاحظة
تقدري تديري حوالي 1/2 ملعقة قهوة تاع معجون مشماش في الحلوة فوق لعجينة بعد ما تثقبيها بالفرشاة ثم تحطي كريمة اللوز و تكملي باقي الخطوات عادي

نتمنى نكون قدرت نفهمك حنونتي و موفقة انشاء الله

اللهم انا نسألك رضاك فرضى عنا

دائمة الحمد · 2014-05-01, 20:51

الله يسلمكم حبيباتي ام ريمة راني شربت كاس لبن الله غالب لبن الدوار مانقدرش نغضب عليه ههههههههههههههههه
بالصح هوما تعشو وحدهم عملت بنتي شكشوكة ياسر فيهم

دائمة الحمد · 2014-05-01, 20:53

نتقبل وام يسرا على سلامتكم
ريهام رانا متعبينك معانك تؤجري عزيزتي وربي يجازيك خير

أم ريمة* · 2014-05-01, 21:01

اقتباس:

المشاركة الأصلية كتبت بواسطة أم إناس

ام يسرا حنونه اهلابيك وشراكي وليك وحشه وماش طيبات يعجبني طيابك ماشاء الله
ادراري بصحتك العشاء من كلش
ام ريمه صح عشاك وشراه الحفيد تاعك

اهلا ام اناس بصحتك الكسرة والحار بردتى قلبك اياد بخير والحمد لله اليوم لى راح لدارهم ان شاء الله يرزقك ربى اخو اناس وايمان

Oum yousra · 2014-05-01, 21:02

حنونة انا ما عنديش الطابونة و الطاجين الكسرة نطيبها في المقلى نتاع ليكراب و ندير فيها المحاجب و البراج و البغرير .

ادرارية · 2014-05-01, 21:03

دائمة الحمد ما تزعفي ما والو ريحي روحك ياخي قتلك يما مهبلينها وازيد ما عندهاش لبنات غير انا واختي لبعيدة وتقول ليهم ساعة نهرب ونخليكم وساعة دوك نبيع دهبي ونمشي نعيش في لوثال نمخمخ يمات والله ما يدهو فيها مسكينة ................... لولاد مايحسوش بقيمة امهاتهم كيما لبنات

لبنات والله حاجة وحدة بقات ليا مزال ما تعلمتهاش باتقان هي المحاجب قولولي وين راه السر

ام سهام 02 · 2014-05-01, 21:05

اقتباس:

المشاركة الأصلية كتبت بواسطة oum ibrahim

ام سهام هذا هو الخبز امممممممم روووووعة غير جربوه يا لبنات درتو مع جلبانة

و الحمد لله حمدا كثيرا طيبا مباركا فيه

غاليتي ام ابراهيم فرحت بزااااااااااااااااااااااااف كي نجحلك الخبز و عجبك وشكرا على الثقة .
انشاء الله ربي يعطيك وقفة ساهلة و يفرحك .
و الجلبانة اتاعك راهي تشهي بصحتكم .

badr75 · 2014-05-01, 21:07

شكرا يا ليزا على اهتمامك الله يجازيك على قد طيبتك من المفرو ض تكرمك الادارة لتجاوبك مع الجميع دون استثناء ويسموك محبوبة مطبخ المنتدى شكككككككككككككككرا

أم إناس · 2014-05-01, 21:08

نتقبل صح عشاك
ام ريمه. ربي يحفظ اياد وتشوفيه ماشاء الله
ام يسرا حنونه انا ثاني نطيب في تاع الكراب بصح تجيني شوي يبسه وضرك عندي طحين تاع الحديد بصح تعجبني الرخساس تاع يطيب كيف كيف نفس اللون ماشاء الله. شكرًا حنونه وعجبتني الكوزينه تاعك بصحتك
ريهام ياعسولة بارك الله فيك على الوصفه

*أم ثازيري* · 2014-05-01, 21:09

مساااااااء الخير
راني شريت شاغجوغ للايباد نياهاهاهاهاهاها
هادو بعض الصور لي كانو فيه

راجية غفران ربها · 2014-05-01, 21:10

اقتباس:

المشاركة الأصلية كتبت بواسطة الأمنيات

جربت تاع ام رامي راني وليت محترفه فيه هههههههههههههههههه جربيه

تعيشي حبوبة ربي يهنيك

اقتباس:

المشاركة الأصلية كتبت بواسطة سهومةج

مناااااااااااااااااال ديري باللبن عادي والله ما يبان بويسك تغلب الحلااااااوة بزاف
أنا درت مقروط أم رامي والله اللي ادوقو احير فيه درتو واحد عشر مرات من العام اللي فات
تاني مقروط أم أماني راهم يشكرو فيه اللي جربوه
أنا نضمنلك مية مية مقروط أم رامي كي تنجحلي حاجة نلسق فيها و منحبش نبدل هايل بزاف هو ولبراج تاعها فوووووووووووووور

ربي يعيشك كي لكدتيلي رليحة نجربو على ضملنتك ههههههه الكمية رلهي بزلف

[quote=oum ibrahim;1056267460
منال اسمحيلي حنونة المقروط معتمدة الوصفة نتاعي و مازال ماجربتش نتاع الشافات راهم في القائمة ان شاء الله و على اللبن غيرديري بيه قلب اللوز مايصرالو والو و مايبانش[/quote]

نت راكي شافة يا ام ابراهيم ربي يبارك فيك حطي طريقتك باه نقلدوك يا الشاف المتواضعة

اقتباس:

المشاركة الأصلية كتبت بواسطة oum ibrahim

ام سهام يا ام سهام و مادرتي فيا بهذاك الخبز قطن اسفنج رغوة زيد واش تاني هههههههه و الله مالقيت اسم يليق بيه رااااااااااائع درتو البارح ربي يعطيك ماتتمناي ان شاء الله
ام عبودة على سلامتك هاذي غيبة و يعطيك الصحة على الكيكة امممممممممم

اقتباس:

المشاركة الأصلية كتبت بواسطة oum ibrahim

ام سهام هذا هو الخبز امممممممم روووووعة غير جربوه يا لبنات درتو مع جلبانة

و الحمد لله حمدا كثيرا طيبا مباركا فيه

هلتي الرابط يا لم ابراهيم تسخفي فينل و تخرجي هيا طيحي بالوصفة ولا الرابط

دائمة الحمد · 2014-05-01, 21:12

باتيلا مبروك اظهار الصور اطباقك استمتاع

راجية غفران ربها · 2014-05-01, 21:14

باتي بصحتك و ربي يسهلك الحمل واش راكي مع الخدمة

دائمة الحمد · 2014-05-01, 21:17

لبنات شكون لي تعرف تجاوبني تعيشو
راني شريت بورتابل جديد لبنتي ياخي انتاعها قلت ليكم تسرق والمزية منعت الكارت ميموار
المشكل انو الكارت ميموار ماحبش يقراها الميكرو امس شريت وحدة اخرى والو عاودنا صور اخرى بالبورتابل الجديد وزدت بدلت الكابل والو
مانعرف وين المشكل جاوبوني تعيشو هنا اولهيه عند الهام