يوميات عضوة

[نخله.]

ههههههههههه ام ياسمين انا ثاني ما قدرتش نرقد السطر حرم عليا النوم

[ام عبودة]

النخلة ياخي لا باس
انا بنتي جابت الدفتر يوم الاثنين والثلاثاء رجعاتو قالولهم ماكلا تجو الاربعاء والخميس
راني بديت عطلة الجري الربيع نحب نرقد وهما تقول يمكرو واااع
وعلا الغبراء من قبل شهر وقيلا مام با نقيناه من الفوق للتحت ومغلوقة عقبنها الغبارة والله غير الدنيا كامل توسخت حتى الموبل واللي كادر راهي مغلوقة الاحواش
بالبادن يتهزو التراب قالي راجلي ماكلاه تلميها صبي عليه الماء وخلاص
وصح الماء ناقص في جيهتكم ؟؟؟؟؟؟؟؟؟؟؟

[ام عبودة]

انا حشيتهالكم راني نرقد حتى لربعة تاع العشية واليوم بالذراع فطنت هههههههه بصحتي هههههههههه
والله ما عندنا وين نروحو ولا واش نقضو النهار بدا يطوال بزاف ثمثم تكملي صوالحك وراني خايفة نرجع للتطبيقات

[المستغفرة]

مساء الخير غاليتي وشراكم
انا كي نرقد لقايلة عشرين دقيقة
تتخلفلي في الليل للوحدة و انا قاعدة يايايا
حقا ام عبودة راني حابة نوريك لبلايص تاع تحواس
برا يعني الصحرا واش نعرف و قوليلي كاش بلايص ملاح تعرفيهم
كاين تاع الحويطة تفوتيها و دوري ادروات تمشي في بيست من بعد تلقاو سد كبير تاع ما بلاصة هايلة فيها البط
وكاين تروحي قصر الحيران تفوتيها وحد طريق حلوها جديدة تدي لدلاعة كاين ثمة بلاصة تهبل فيهgazon يلعبوا لولاد ماتش
وكاين في افلو بلايص روعة قبل لتلحقي لافلوا
وكاين لخنق كي تفوتيه
هذو لبلايص رحنالهم يهبلوا

[ام عبودة]

من نظت العشية روحت جبت كاس تاي وقعدت نتبع في المسلسل تاعي
عيطلي الزوج قالي وجدي شوراما حارة بزااااف روحت للمطبخ وجدتهالو وسينية التاي
من بعد قعدنا شوي هو راكو لاشغالو وانا رحت ندير العشاء لقيت الطعام فاضل بزاف ايا نزيد سلاطة وخلاص
الاولاد عندهم الحرية يرقدو كيما يحبو ويتفرجوا المراجعة نبداوها الاسبوع الاخير تاع العطلة
هيا ندير تحويسة في قوقل ونولي

[imane-droit]

المشاركة الأصلية كتبت بواسطة ام عبودة

اهلييييييين راكم تهليتو في الحالة من ورايا ههههه
اهلا بالجديدة ايمان مرحباااااا بيك وربي يخليك للوالدة ويفرحها بيك

شكرا حبيبتي ربي يخليك

[imane-droit]

المشاركة الأصلية كتبت بواسطة ام عبودة

اليوم الصباح نظت روووووطار الاستغفار والاذكار لازم باش نهاري يفوتو هااايل
فيقت الاولاد والزوج وتقهوينا لبستهم وبعثتهم للمدرسة ناض ماهر بدلتلو والزوج خرج للعمل فتحت الشبابيك وخرجت العصافير برا ورفدت الزرابى وحليت بختة وبديت بالمكتب تاع الزوج مسحت الابواب ولي فوتاي والموبل





ومن بعد درت للغرفة تاعي وتاع الاولاد
وخرجت للكلوار ونص الدار برا ومن بعد للجنان في الوسط البارح شريتلهم الوان مائية في العوض يرسمو في الاوراق لا لا رسمو في الحيوط والارض وااااااااع مرزية بالصابون راحت ههههههه
كملت رتبت الحالة ونشرت الحوايج وبعثت لي كوفرت يتغسلوا وحكمتلي على شوارما حاارة بعثت عليها
رجع الزوج حطيتلو الفطور ومن بعد رقدت
وهذا كارثة من الكوارث هههههه التلفاز هذا عندو شهرين وهو حابس ما كانش الصورة قالب راجلي واش بيه قتلو فسد وحدو قالي كيفاش هههههه
ايا ضرب النح عليه وبعثتو اليوم برك ما لقيتش شكون يخدمولي نخلة ديتو لقفصي وقال ما يتخدمش هنا كاش ما تعرفي واحد يخدمهم لا مارت toshiba



وهذه راوية تلون قالتلي صوريني يشوفوني صحباتك هههه



وهذه شكولا جاتني البارح كي شافوني زعفانة منهم في الليل ههههههه



والعشية كي نظت. رجع الزوج شربنا الشاي وهو خرج وانا دخلت الحوايج وطبقتهم ورقعت منهم
وراني معععكم العشاء سباقيتي وسلطة
هيا من بعد نوليلكم راهم يعيطولي لهيه

السلام عيكم عندي تدخل بالنسبة للتلفاز غذا مازال عندك ورقة الضمان رجعيه للبائع لي شرتوه عليه هو يقوم بالمهمة انشاء الله

[imane-droit]

مساء النور عليكم

[ام عبودة]

السلااااااام عليكم
المستغفرة خيتي انا مانًروحش وحدي لازم مع الزوج والزوج الله يعينو وااااااااع مرات تحواسنا يجفي في غير فصل هههههه
بصح ما يمنعش اني نروح الايامات الجايين اذا حب ربي افلو نعرفها مليح على خاطر زوجي كانيشد بزاف المشاريع فيها ومرات يطين معاه في الويك اند
ايمانووووو واااااااااااع راهو ما فسدش وحدو حكم ميمي قرعة تاع. ماء بخو بها وااااااااااع لو يفيق بيا راجلي يبعثني مخملة لدارنا ههههههههه
رانا شرينا قبل ثلاث سنين ب عشرة ملايين او اكثر

[ام عبودة]

ايمان الله يمسيك بالربح والخير واش راكي واش درتي اليوم هههههههه
انا سخنت العشاء وتعشيت مع الزوج الاولاد تعشوا مع عمهم بكري وكامل رقدو اخر واحد ماهر
وانا طار عليا النوم واااااااع

[المستغفرة]

تعرفي افلو ملا ذقتي قهوة قلتة سيدي ساعد ياي
تهبل مداويينها

[ام ياسمين10]

واش يا الشاطرات صبحتو راقدين .ايا نوضو واكتبولنا يومياتكم ونشجعو بعضانا

[ام عبودة]

صباااااحكم سعيد ونهاااركم مبرووووك
اليوم نظت على ال 8 ههههههه راني مصبحة
وجدت الحليب للاولاد وبالخف نظفت المطبخ وراني فاتحة بختة الغسيييييييل حنا النهار المشمس والزوين غير للنقاء هههههه
دوشت الاولاد وراهم يلعبوا البرا غير نعس فيهم خرج دود القز وعبودة عندو الحساسية منو البارح شيخي ربي يحفظو لمو كامل وحرقو يالمازوت ما نعرف حرام ولا لا
واليوم زاد تلم راهو داير طريق في الجنان
راني فاتحة التيق للشميسة وندور منا ومنا وقيلا نروح نكمل الحوايج بيدي باش نكمل بالخف
هيا من بعد نتلاقووووووووو

[ام عبودة]

من بعد ما كملت الحوايج نشرتهم ودرت على الغرف وخملتهم
عملت ماسك المايونيز والزيت لشعري وقعدت ندور منا ومنا
دخلت للدوش دوشت ونشفت شعري لحق الفطور دايرين مقارونة وملوخية مازال ماطابتش راني نستنى فيما اممممممممممممم نموت عليها
وقيلا نروح للكوزينة نشوفها ههههه ومن بعد الرسمي نرقد

[نخله.]

سلام عليكم

ام عبوووووده اول مره نسمع بدود القز؟؟؟ وش عندكم شجر صوريهلي اذا عاود خرج نحب هاذ الحوايج ههههههههههه

المستغفره القلته فيها القهوة والمصور مممممممممممم وهاذاك الشويخ دايمن يحرم كي نجو رح نخرجو طابله برا يقولونا الشيخ ما يبغيش وقيل شيخ الغفر تاعهم

و آفلو حابه نروح لسكلافه بصح قالي راجلي بيست لازملها تمشي وحد 10 كيلو ولا 4*4 و حنا زواليه وكروستنا هابطه


ام عبووووووووووووده رانا كامل كيف كيف بسيف تصحلنا خرجه من الخدمه وزيد هاذ الايام المشمسين سي السيد راهو مسحب ههههههه


انا ملي فطنت الصباح ونا مع الصوااااااااااااااااالح درت ميناج تع نهار الجمعه ونويت ان شالله ندير غرون ميناج للدار بصح وحده وحده يعني وحد 15 يوم باه نكمل كا نهار شومبرا ولا بياس وكل نهار كوفيرتا ولا تابي المهم يخلاصو قبل ما نزيد نثقل