الجزء 31من واش طيبتي اليوم؟ - الصفحة 27

أم ريمة* · 2013-10-08, 13:40

لبنات صح غداكم الهام مبروك التتويج ولعقوبة لزوج يستاهلك ريمة راهى تسال عليكم راهى تتدخل تشوفكم بصح من وراء الستار رانى حببتها فيكم دائمانهدرلها عليكم بالمناسبة رانى جربت ايس تى جا روعة خير من الجاهزوعجبهم الكل حتى رئيس الحكومة والبطاطا جربتها روعة ربى يرزقك بولد لحلال امين

إلهام07 · 2013-10-08, 13:45

اقتباس:

المشاركة الأصلية كتبت بواسطة sirina_angel

الهاااااااااام تاع ماه التتويج ؟؟؟؟ راني في سبات ما تلوميش

آو أنت لاوم نعاودو نفلاشيوك درنا مسابقة نتاع امعجنات روحي راهي في قسم المسابقات وحطينا مشاركاتنا وفزت واللتويج راهو مكتوب تحت اسمي

اقتباس:

المشاركة الأصلية كتبت بواسطة أم محمد تاج

هههههههههههههههههه لايدي أرواحي عندي نقليللك أحسن بيض مممممممممم
لهوووووووووووووومة هيا أسردي القصة المرعبة خخخخخخ

أنا كيما ليدي نموت على البيض المقلي بصح ماتحبوش مخلط ههههههه وحبذا لو كان يتقلى بالزبدة "فلاحرج " ههههههههه راني نشرط وجديه وقوليلي نجيب ليدي ونجي خخخخخخخخخخخخخخخخخخخخخ
الكارثة والله غير زعفتني نتاع الصح والحكومة ماقالت والو ولات ير تصبر فيا وتقولي ياخي مالفة تعرفي طيب هذو لحوايج يصراو

اقتباس:

المشاركة الأصلية كتبت بواسطة أم ريمة*

لبنات صح غداكم الهام مبروك التتويج ولعقوبة لزوج يستاهلك ريمة راهى تسال عليكم راهى تتدخل تشوفكم بصح من وراء الستار رانى حببتها فيكم دائمانهدرلها عليكم بالمناسبة رانى جربت ايس تى جا روعة خير من الجاهزوعجبهم الكل حتى رئيس الحكومة والبطاطا جربتها روعة ربى يرزقك بولد لحلال امين

وااااااااااااااااااااي فرحتيني

انا شعنونة ...أنا لهلوب ..........لالالالا ههههههههههههه

مرام 1987 · 2013-10-08, 13:48

أختي راهي خلصت قاتو القطيفة تاع فلة وبلت العجينة تاع المعمول وخلاتها إلى إشعار لاحق ههههههه

أم ريمة* · 2013-10-08, 13:49

شكرا ام محمد تاج وربى يشفى ابنك ويشفيك ويشفينا وجميع المسلمين

ام ياسين ربى يفرج همك عاجلا غير اجلا يارب
لبنات صح فطوركم

ilbeldelmondo · 2013-10-08, 13:49

بعد قليل يبدا نقلنا المباشر لحلوى العيد
كونو في الانتظار

ساندي 28 · 2013-10-08, 13:55

طمطومه راني معاك اون لاين غير يرقد البيبي ننبدى بصح الصور كبار صغريهم عندي سؤال روحي لقسم الدردشه

sidali 2007 · 2013-10-08, 13:55

اقتباس:

المشاركة الأصلية كتبت بواسطة manel1977

ام سيد علي شريتي حوايج القاطو

لالا منال حاجة متعلقة بلعيد لكبير ههههههه خاطي لقاطو

اقتباس:

المشاركة الأصلية كتبت بواسطة إلهام07

هاكي ارابط يا كسولة :
https://www.djelfa.info/vb/showthread.php?t=1351155
وعععععععععع كي ديريه أعطيني شوية

نموت عليه ممممممممممممممم

الوصفة راهي مضبوطة

أنا جربتو عدة مرات هايل مابقيتش نزيد نشريه هههههههههه
النصائح إذاحابة طيبيه كاراميليزي ،
* ماتعمريش البلارة كامل خلي شوية فراغ
* كي طيبيه وتخلصي ماتحليش البلارة خليها تبرد على الأقل ساعة باش تحليها انا مع جبدتها من الكوكوط حليتها وتحرقت من يدي تشويت حذاري راهو الكاراميل يكون يغلي بصح يبان ماهوش مع تحلي البلارة مع الضغط اللي يكون يفيض الكاراميل ويسيح عليك حذاري
حقة كي تحبي تستخدميه وتكوني مزروبة سواء كان كاراميليزي او لا ، حطيه في المجمد كل 30د حركيه مليح رايح تختصري الوقت بزاف في 2 ساعتين يجمد ويرجع ثقيل

بدلا ماتخليه يبات

سيد علي ماسمعتش أنا بالمسكوتة نتاع بيضة بصح كاينة نتاع 2 هايلة نتاع نوكيا واما المادلان هاهو :

اقل من نص كاس زيت تقريبا 5 مغارف كبار

كاس مش معمر حليب تقريبا 8 مغارف كبار حليب حنا نشربو لحظة و ممكن تستعملي تاع الاكياس لكن بلحظة ابن
1 خميرة
ملعقة صغيرة فاني

5 مغارف كبار فرينة نغربلها مع الخميرة المرة الاولى ثم نخلطها بالملعقة مليييييييييييييح و نعاود نغربلها مرة او مرتين حتى تتوزع الخميرة بشكل متساوي و يدخل الهواء فالفرينة
رشة مليح

4 مغارف كبار سكر حرش

نخلط البيضتان مع رشة ملح و فاني و السكر ملييييييييح حتى نحس السكر ذاب و نضيف الزيت و نخلط ثم الحليب و نخلط ثم على السرعة الاولى نضيف الفرينة بالتدريج حتى تمتزج مليح
نوقف الباتور و نكشط الحواشي يعني نحي الفرينة اللاصقة فالحواشي و نرجع نخفق
ثم نوقف الباتور و بالسباتولا نخرلط من فوق لتحت برفق مليح لانو الخميرة تهبط لتحت و يبقى القعر ثقيل و من فوق سائل نخلط مليح حتى نحسها كامل كيف كيف الخليط يكون جاري قليلا سمكو تقريبا مثل نستلي العادي بين الكراب و البغرير
نتركها ترتاح 5 دقايق ثم نضع ملعقة كبيرة من الخليط في كل ورقة
انا نستعمل 20 ورقة من الحجم الكبير و من بعد الخليط لي بقى نزيد نقسمو على كل الاوراق و ممكن تستعملي ملعقة لاكرام حتى تجيك المهمة سهلة تحطي نصف ملعقة في كل ورقة رح تقولي كيفاش نحط الخليط يكون فالقاع و تعطينا حبة مادلان

رح نقولك الاسرار
1 الفرن لازم يكون سخون مليح و نقول الفرن ليس الكويزينيار لاني مش متعودة نطيبها فالكويزينيار على 300°
ندخل الصينية و نطفئ الفرن من فوق نخليه شاعل فقط من تحت بعد 5 دقائق رح تنتفخ الحبة و تكبر بسرعة نقص الفرن 250°درجة نتركها 5 دقائق اخرى و نشعل الفرن من الاعلى و الاسفل و من بعد نطلعها لفوق تتحمر على 300° و لازم تعسوها لانها تتحمر بسرعة
انا نستعمل الاوراق في علب التونة تجيني سهلة للعمل و زيد الحبة لي تتحمر ننزعها من الصينية و نخلي البقية تتحمر

ممممممم بصحتكم قوليلي مليح العصير ؟ حابة نجربو مالفة نديرو من راسي نخلط برك عصير ليمون .ياوورت، سكر ...كل مرة كيفاش هههههههههه نخلط ونذوق حتى يرجع بنين ههههههههههه

الهام وقيلة ترحي ترقي اواه حالتك متعجبش كوارث هههههههه وقيلة تتوج خلطلك مخك
مش انا لطلبت وصفة مادلين راهي ليدي هههههههه يعطيك الصحة شكرا علي وصفة

اقتباس:

المشاركة الأصلية كتبت بواسطة omnadjem.10

وكيما وعدتكم غريبيه ام كوثر هايله درتها بطابع المعمول وتزيين بالسكر قلاسي ولاجولي عملت كميه مليحه للعيد

ام نجم عجبتني تاع صعقت بزيت ساخن ههههههه بصحتك ولغربية خرجت تحفة

اقتباس:

المشاركة الأصلية كتبت بواسطة أم محمد تاج

هههههههههههههههههه لايدي أرواحي عندي نقليللك أحسن بيض مممممممممم
لهوووووووووووووومة هيا أسردي القصة المرعبة خخخخخخ

ام محمد ربي يشفلك مرضاك ويعافيك بصحتك لبيض

إلهام07 · 2013-10-08, 13:56

الكارثة ( على بالي بيك أم محمد تموتي على هذو لقصايص )

أول أمس درت وحد الوصفة نتاع الشفلور نتاع أخت مانقولش شكون والله غير كارثة يتفتت بزاف وزدت كثرت فيه الملح جا مايتكلش واش نقوللكم كلينا لاصوص واللحم بالخبز وأنا تبهدلت ملي روحت وانا نقوللهم رايحين تاكلو وصفة جديدة نتاع شفلور ماعندي مانحكي

مالا البارح ماما من الشوك نتاع أول أمس كملت اللي بقى من الشفلور داراتو عادي كيما مالفين مالا قلت كي عاد كاين العشاء ندير أنا حاجة حلوة باروك ، جيت رايحة ندير تارت خاصة كي شفت أم محمد جيب في الأفكار لإيناس قعدت نكوبي في صمت كي جيت ندير التارت جاني الشيطان الملعون قالي ديري رولي خير سريع ويحبوه بدلت رايي في آخر لحظة وياويلي استعملت بلاطو شريتو جديد ماحبتش طيب خلاص بقات عجين المفروض طيب 10د خليتها 25د والو بقات بيضاء خفت كون طول تتفتتلي كي نجي نروليها جبدتها وحطيتها فوق منديل مشمخ ياويلي لصقت فيه بالسيف لا روليتها وخليتها جيت نحلها ندير فيها معجون من داخل ( استخسرت فيها الكريمة كي شفتها هكذاك ) لقيتها لصقت في بعضاها وجات كارثة ماحبتش تتحل بلاكريز خليتها ذريت عليها سكر ناعم وقطعتها بصح خفت عليكم كون نحطلكم الصورة كاشما يصرالكم عيد وعواشر نخليكم تعيدوا لاباس مع وليداتكم خير
هذي 2 مرة البلاطو هذا يفسدلي القاطو تعرفو مافهمتش لاه مع انو الفرن يكون سخون الحاجة فيه ماتحبش طيب مهما طول في الفرن ..............راني عاقبتو خبيتو وقتلو لازدت طيبت فيك تحزن على هذا الوجه

يالطيف يومين نحس ..........2 ضربات في الراس يوجعو

أم ماجد · 2013-10-08, 14:00

اعطيوني لبنات رابط غريبية ام كوثر وهل من نصائح ؟

إلهام07 · 2013-10-08, 14:02

اقتباس:

المشاركة الأصلية كتبت بواسطة mary1987

أختي راهي خلصت قاتو القطيفة تاع فلة وبلت العجينة تاع المعمول وخلاتها إلى إشعار لاحق ههههههه

ماري :
قولي لأختك راهي ماشي أفار ديري القاطو من ضرك راهم ياكلوهولك هههههههههههههههههههه
ماتنسايش صور المعمول

اقتباس:

المشاركة الأصلية كتبت بواسطة ilbeldelmondo

بعد قليل يبدا نقلنا المباشر لحلوى العيد
كونو في الانتظار

هههههههههه راني معاك وعينيا محلولييييييييييين بصح صغري الصور انت وإيمان

اقتباس:

المشاركة الأصلية كتبت بواسطة oumadoumawayouta

salem
manarafch chkoun sbah hadrat ala gateau les castels sekhfatni chkoun tmedli la recette ala beli beli fihoum louz wela kewkew klithoum fi 3ors w ken glacage rose yheblou

هاكي :
https://www.djelfa.info/vb/showthread.php?t=1351155

سيد علي ماشي غير التتويج تشوفي الضغط نتاع الخدمة كيفاش وععععععع

حقة هبلتينا واش هي الحاجة اللي شريتي موس كبير ؟ هههههههههههههههه

*رفيقة الدرب* · 2013-10-08, 14:03

طووووووومة صغري الصور بلييييييييييييييز بلييييييييييييز بلييييييييييييييييز

إلهام07 · 2013-10-08, 14:04

اقتباس:

المشاركة الأصلية كتبت بواسطة أم ماجد

اعطيوني لبنات رابط غريبية ام كوثر وهل من نصائح ؟

هاكي :
https://www.djelfa.info/vb/showthread.php?t=1424012
اعتقد ام كوثر شرحت كل شيء بالتفصيل وزيد راكي ملكة الغريبية والبغرير بذون منازع بركاي من التواضع واش من نصائح شوفي انت كاشما تعطينا نصائح

رايحة نديرها

إلهام07 · 2013-10-08, 14:07

دادو اش رايحة ديري قاطو للعيد ؟
حقة لاباس ارتحتي ؟

ساندي 28 · 2013-10-08, 14:11

طاحت الطابونه الكانون على ابنى واش ندير راني وحدي

أم ريمة* · 2013-10-08, 14:16

لبنات لى جربو لكاستال انتاع ام كوثردات فلبات 200 غ شيكولا سوداء وفالكريمة دارت شيكولا بيضة لكن مادرتش الوزن ام كوثر اذاكنتى هنا فهمينا من فضلك وشكرا