بداية يوم جديد

[ام اكرم31]

صباح الخير حبيباتي بداية اسبوع موفقة وسعيدة ملؤها النشاط
صباح الخير غزالتي الله يبارك تبكري بزااااف
ام متين حبيبتي مشاركتك تفرحني كتيرا نحب نقرا واش تكتبي
حبيبتي وفاء اناا متحمسة لقراءة المجلة ربي يعينك
صباحح الورد لكل الفرشات

[الوردة الندى]

[نايليةوافتخر]

السلام عليكم
كيف حالكم فراشات وعلى راسكم قائدة السرب الفراشة الغالية حبيبة عدت بعد غياب طويل لكن كنت دائما في بالي كل ماندير تطبيق نقول يدرا وراهم وشراهم يديرو
حبيبة طهورا ان شاء الله وربي يوفقك ان شاء الله
وان شاء الله راح نرجع نبدا معاكم فالدورة الجديدة مع بداية هذا العام الجديد نتمنى يكون عتبة خير علينا يارب
سلامي لكل الفراشات الجديدات والقديمات

[hanamohamed]

اتمنى لكم اخواتي يوم جميل سعيد موفق

[ام متين]

غزالة شبيك لبيك قهوة ام متين بين ايديك انت وكل الفراشات كلكن غاليات القديمات والجديدات الحاظرات والغائبات(ربي يرجعهم على خير وعافية)
ام اكرم تعيش اختي ربي يحفظك ويخليك.
ام تغاريد طلي علينا وفاء لك راني ملتزمة بتطبيقاتك.

[نسمة صبح]

المشاركة الأصلية كتبت بواسطة
[color=purple

ام تغاريد[/color] طلي علينا وفاء لك راني ملتزمة بتطبيقاتك.[/b][/size][/color]

والله توحشنا ام تغاريد..و توحشنا طلتها.. ان شاء الله ترجع لينا في اقرب وقت

[غزالة1]

السلام عليكم
تسلمي ام متين
ام اكرم انا لا انام لانهض يعني عندي النوم الليلي متقطع كل ساعتين ننهض لارضع ولدي في الحقيقة سيساث فقط و النتيجة لا اقول لك لكن الحمد لله فترة و تنتهي
مرحبا بالملتحقات

[غزالة1]

ام تغاريد كل يوم نتمنى نلقى رد من عندك على الاقل طمنينا عليك
هيا و لو كلمة يا ستي
المهم عسى المانع خير

[غزالة1]

اهلا هنامحمد دعاء توقيعك رائع و لك بالمثل
اهلا نايلية عندما شفت اسمك شفت لكروشي يدور هههه مرحبا بيك

[ام متين]

الغيابات كثيرة راني انا وياك ياغزالة نفتش على الجميع المهم يكون بخير لكن نعلمكم ياغائبات لازم تحضروا اولياء اموركم حتى تعطيوكم تاشيرة الدخول مثل المتوسطات والثانويات وتتمكنوا من الدخول (هي الدنيا سايبة)

[ام متين]

لازم يكون جو للمنافسة حتى نتمكن فعلا من تحقيق الاهداف لازم برنامج دقيق ومنظم 1 2 3 4 ...... لانريد الرجوع للفوضى والتسويف نريد التالق يا فراشات.

[غزالة1]

اظم صوتي ليك شريكتي جو المنافسة راح يحفزنا و ينشطنا و نتقدمو للامام و لو ملمتر واحد للامام(نحكي على روحي لاني سلحفاة و انا فخورة اني اصبحت نشيطة بالنسبة لنفسي دائما ولو في التطبيقات مع الاخير راني مع نفسي الاولى هههههه)

[منال100]

هاني جيت السلام عليكم مارانيش نشوف التقارير وقيلة تبدلت الحالة وانا لاخبر
والله ملي نضت وانا نجبد هذا وين قعدت الغسيل المتراكم وزيد نظفت الثلاجة ودرت قداش من الاماكن الساخنة واش رميت واش رميت قلت عندها الحق حبيبة الحاجة لمنستحقوهاش علاه نخبوها تولي خردة
قهوتك لذيذة يا ام متين وانا نقولك الصح قهاوجية من الكبار التارمو نديه معي وين ما نروح حتى في القسم نشرب غ يدق جرس الاستراحة نشرب فنجان حتى التلاميذ كهادوني اجيبولي ترمو قهوة صدقي او لا تصدقي
سلام

[arwa alaa]

ام متين عندك حق ورانا تاني منحطوش التطبيقات كل وحدة راهي تحط كيما تحب وحدة الصباح وحدة لعشية وكل وحدة كيفاه راهي ترتب التطبيقات وتاني رانا دخلنا تطبيقات ام تغاريد مع دورة حبيبة الجديدة
ارجو من حبيبة ان تضبط المواعيد لوضع التطبيقات وتكلف اخت اخرى بالرد على المشاركات لانها معندهاش بزاف الوقت ربي يكون معاها ومعانا ........
سبحان الله الرحمان الرحيم الملك القدوس السلام المؤمن المهيمن

[أمة الله 84]

مساءكن سعيد
صدقوني راني ندعي لكل واحدة منكن على المجهود و التحفيز لي راكم قاعدين تقومو بيه
راني نقرا واش تكتبوا كلمة بكلمة و خطته أناملكم كذلك ربي يحفظكم
رني معاكم في هذه التطبيقات لآنها متديش وقت كثير راني هذه الأيام في حالة طوارئ فزوج يقوم بترتيبات في المنزل راني حتى الليل باه نيسق و نلم الدنيا ة الحمد لله على كل حال
أختى غزالة 1 توقعت نفسي أني مستحيل نقدر نوض بكري بسبب أننى نرضع في ولدي و كي قريت أنك انت أيضا ترضعي و الله كأنو واحد ضربني بكف يعني لو نقاوم نقدر
أدعولي معاكم يا فرشات أني نلتزم معاكم في هذه الدورة لي أنو سبب إنسحاباتي من الدورة الأولى تاع حبيبة ' دورة فرشات تزهو بألوان بيوتهن ' هو عدم الإلتزام.
ربي يوفقنا جميع و احبكن في الله
كل التطبيقات الحمد لله قمت بهم إلا ما فات من 2015 و أحلام 2016 راه نوافيكم بهم بإذن الله