الفوج الاول الخاص ب ♥تاليف قصة ♥ - الصفحة 27

~~نهال~~ · 2013-03-25, 16:13

لا ماتقدرش تهدر مع الحشرات

~~نهال~~ · 2013-03-25, 16:14

نقولو مثلا كي توصل للنبتة تلقا عملاق يحرس النبتة هاذي و يمدلها كل مرة اسئلة و الغاز
سما العبرة تكون من جابتها على هذه الالغاز

widad_08 · 2013-03-25, 16:15

كاميليا....عندي احساس انك شايفا فيلم باربي ...صح؟؟ ههههه
+++
نهال نفكرو كيفاش يخرجو من البيت ثم نديرو افكار كاميليا....ما رأيكم ؟؟؟
و اذا ما عجبتكمش فكرة البيت ....نحوها عادي

widad_08 · 2013-03-25, 16:18

راني نروح شوي و نرجع حاولوا تخمو في افكار مليحة
و كونوا فكرة عامة لقع واش درنا

kmilya · 2013-03-25, 16:18

3 اسئلة الاسئلة هاذي هي المغزى اوك
وداد هكاك راح ندخلو في متاها تبزاف وراح نديرو قصة طوييييييييلة ونعقدوها نديرو لقات عملاق يحرس النبتة وسقساها 3 اسئلة اذا جاوبت صحيح تدي نبتة واذا غلطت تروح
ههههههههههههههه تفرجت افلام باربي كامل بصح ماعندهم مادخلهم في هاذي قادرة نقول لقات مجموعة من الاشجار تحرس النبتة هذي وتخبيها على البشر كعاد ميعرفوش يستغلوها

~~نهال~~ · 2013-03-25, 16:19

نقولو مثلا انو الطفل هذا مانديرولوش القدرة على قراءة الافكار و لكن عندو القدرة انو يحطم اي شيء

~~نهال~~ · 2013-03-25, 16:22

اوكي كيما قالت مانديروش الدار
لكن مثلا لازم دير حوار مع الساحرة مبعد نقولو مدتلها خريطة لمكان النبتة
البنت جاتني كرة
الخريطة ترسمها وحدة فيكم و تسكانيها
و نديرو المراحل اللي مرة بيها الطفلة هاذي
باش وصلت و لقات العملاق

kmilya · 2013-03-25, 16:32

هكاك تولي قصة طوييييييلة وندخلو في متاهات بزااااااف ههههههههه نديرو مخلوقات لطيفة فراشات ططيور اشجار
ماناش راح ردوها اليس في بلاد العجائب

~~نهال~~ · 2013-03-25, 16:40

و فراشات علاه هي تقدر تهدر مع الحيوانات
؟
حتا لو طويلة كي تكون مشوقة عادي اذا جات طويلة

widad_08 · 2013-03-25, 16:49

انا جيت
+++
انا أؤيد فكرة نهااال في الخريطة....لكي تكون القصة مميزة عن باقي القصص
+++
كاميليا هل من الممكن ان تكتبي فكرة شاملة في رد واحد عن ما فعناه لحد الآآن ؟؟؟؟

widad_08 · 2013-03-25, 16:50

كلميليا ...عادي تكون القصة طويلة....لو شفتي قصة الفوج الرابع
يطيحوا عينيك و نتي تقراي...و هكذا نزيدوا التشويق

~~نهال~~ · 2013-03-25, 16:51

هههههههههه و اخيرا قبلت الفكرة
+++
شكون اللي يدير الخريطة لازم يخدموها اليوم ترسموها باش الاحداق يكونو حسب الاماكن اللي في الخريطة

kmilya · 2013-03-25, 16:53

ههههههههه اوك دك نلخص واش درنا وانا موافقة على فكرة الخريطة لكن يدون وحوش اوك و اشباح هههههههه والفراشات نهال هي اصلا قصة خيالية

~~نهال~~ · 2013-03-25, 16:58

انا نروح ذرك بزايد عليا ههههههه
ممكن فيليل نجي
+++++++++
لازم ترسمو الخريطة في اقرب وقت
+++++++
ذرك نفكر في مشكل الفراشات ممكن تلقاهم في طريقها قبل ماتوصل للعملاق

kmilya · 2013-03-25, 17:03

المقدمة لازم تحكي كيفاه مات اب الفتاة مثلا كان يعمل في منجم توفي اثرى انهياره بعد وفاة الاب تعرضت العائلة لصدمة شديدة اضافة الى وضع الام الصحي الذي يتدهور يوما بعد يوم وكانت العائلة لا تملك حتى اجرة الطبيب لفحص ام مثلا ياسمين (البطلة) الفقر يحاصرهم من كل مكان ثم بحث الفتاة عن عمل لكسب المال لكنها لم تجد اي عمل فكلما ذهبت لاحد ردها على انها فتاة لا تصلح لاي عمل لذلك فكرت مليا وعزمت على ان تتظاهر بانها فتى فارتدت ملابس فتى و غيرت صوتها وكذا الاسم الى اياد واخيرا وجدت عملا في مقهى بالقرية صاحب المقهى هو مزارع بسيط يؤمن بوجود نبتة تشفي كل الامراض وحالما كسبت الفتاة مدخلها احضرت الطبيب لامها لكنه صدمها بقوله انه لا دواء يشفي امها وقد استعصى هذا المرض على جميع الاطباء لكن الفتاة لم تفقد الامل بشفاء امها وفي يوم من الايام لمحها صاحب المحل وهي تبكي فساله طبعا هو لا يعلم بانها فتاة عن سبب بكائها فاجابته بان امه قد عجز الاطباء عن شفائها ثم اخبرها المزارع عن نبتة تشفي كل الامراض تتواجد بمكان ما في اعلى قمة الجبل الذي يؤمن بوجودها القليل وهذه النبة قد تشفي ان وجدها مرض امه وبالتاكيد الفتاة عزمت على البحث عن تلك النبتة العجبية
في اليوم التالي اعدت الفتاة نفسها للصوعد الى الجبل وانطلقت وفي بالها هدف وحيد وهو العثور على النبتة لاجل امها فلا مجال للتراجع
هبت عاصفة ثلجية مهولة وكانت الرياح تعصف بشدة مشكلة اصواتا مخيفة جعلت الفتاة تركض هاربة ثم سقطت فاغمي عليها
وبعد ان استيقظت شعرت بالبرد الشديد فظطرت الى اللجوء لنفق داخل الجبل اشعلت نارا واخدت تتدفئ بها بعدها اخذت تستكشف النفق واذا بها تلمح ورقة قديمة حملتها فكانت خريطة تؤدي الى مكان ما حاولت فك رموزها ....
هذي باختصار كفكرة عامة مبعدا كي نكملو واش راح يصرا نبداو نكتبو فيها المقدمة والعرض والخاتمة