أنت تسال والقانون يجيب

[om djanah]

المشاركة الأصلية كتبت بواسطة nabil ofc

لكن ما جوبتنيش الاخت عالى الاسئلة حتى نقدر نجاوبك واذا كنتو ساكنيين على الناحية تاعي ساهل من جهة اتعاب المادية لكن جاوبيني قبل عالاسئلة والله الموفق

اخي جاوبتك قتلك النفاقة يبعث فيها كل شهر
بدل الايجار هو الي محبش يبثهولي رفعت عليه دعوى و الجلسة في اكتوبر ان شاء الله المشكل هنا انه عند استجوابه من طرف الشرطة قال لهم انا لا اعمل حتى اعطيها النقود مع العلم انه يعمل في شركة خاصة انا هذه المعلومة الخاصة بالشرطة علمت بها من احد اقاربي كما قلت لك مشكلتي هي كيف اثبت للعدالة انه يعمل و له دخل شهري مع العلم انه لدي رقم الضمان الاجتماعي الخاص به و عندي صك بريدي يعني نوميرو الشيك عندي هل ينفعوني هادو زوج في العدالة ام لا شكرا لك انا من ولاية الاغواط

[أم معاذ أم معاذ]

السلام عليكم أخي
كنت سألتك قبل عن زوجة رفعت قضية طلاق لأنو زوجها تزوج عليها
لكن للأسف القاضية حكمت برفض القضية لانتفاء الصفة لأنو قد الزواج تاع هادي الزوجة ماكانش في الملف
مانعرف ريحوه ولا نحوه و لعبوهالها المهم
هل من إجراء لتدارك الأمر القاضية قالت خلاص نطقت بالحكم


ثانيا إدا حبينا نزيدو نرفعو قضية دون اللجوء لمحامي مادا نفعل

[nabil ofc]

المشاركة الأصلية كتبت بواسطة om djanah

اخي جاوبتك قتلك النفاقة يبعث فيها كل شهر
بدل الايجار هو الي محبش يبثهولي رفعت عليه دعوى و الجلسة في اكتوبر ان شاء الله المشكل هنا انه عند استجوابه من طرف الشرطة قال لهم انا لا اعمل حتى اعطيها النقود مع العلم انه يعمل في شركة خاصة انا هذه المعلومة الخاصة بالشرطة علمت بها من احد اقاربي كما قلت لك مشكلتي هي كيف اثبت للعدالة انه يعمل و له دخل شهري مع العلم انه لدي رقم الضمان الاجتماعي الخاص به و عندي صك بريدي يعني نوميرو الشيك عندي هل ينفعوني هادو زوج في العدالة ام لا شكرا لك انا من ولاية الاغواط

اي نعم الاخت لكن عذرا كان السؤال ليس لك فقط غلطت عذرا من جديد نعم اكيد الصك البريدي لا اضن لانه عبارة عن وثيقة تثبت انه لديه حساب بريدي فقط الاخت رغم ذلك راني قتلك العدالة حكمت عليه بالنفقة وبدل الايجار لازم يخلص ولا يدخل الحبس يخدم ولا يقعد كان عليه من المفروض هو يرفع دعوى يطالب بتخفيضات لكن هو راه مقتنع بهذا الحكم وراح ميخلصش فيك بلعاني برك مع ذلك قدمي الوثيقة تع الضمان الاجتماعي هذي تفيدك بزاف وهي تكفي
كيف طريقة تسجيلك القضية الاخت حتى اذا كان فيه نقائص نزيد كاش منضيفلك لما يسالكم رئيس الجلسة تطلبي اذن وتقولي بانه يخدم وعندي ما يثبت ذلك هته الاوراق لي راهي عندك لما تكوني راح تحضري جلسات ديري زوج او 3 نسخ معاك ولما يسالك عليهم رئيس الجلسة قدميهم عادي
نسقسيك برك كفاش دخلت فيها الشرطة وانت محضروكش ؟؟؟ يعني ماااستدوكش يسقسوك كما هو ؟؟

[nabil ofc]

المشاركة الأصلية كتبت بواسطة أم معاذ أم معاذ

السلام عليكم أخي
كنت سألتك قبل عن زوجة رفعت قضية طلاق لأنو زوجها تزوج عليها
لكن للأسف القاضية حكمت برفض القضية لانتفاء الصفة لأنو قد الزواج تاع هادي الزوجة ماكانش في الملف
مانعرف ريحوه ولا نحوه و لعبوهالها المهم
هل من إجراء لتدارك الأمر القاضية قالت خلاص نطقت بالحكم


ثانيا إدا حبينا نزيدو نرفعو قضية دون اللجوء لمحامي مادا نفعل

عادي معليش عاوديها ومن المفروض متخلصيش حق التسجيل
مديريش محامي روحي انت ولا هي لوحد القيشي وسمو الصندوق ادي الحكم وقوليلو نسجل قضية كانت الرايسة رفضتهالي فالشكل نعاود نسجلها ادي معاك ملفين فيهم جميع الوثائق خاصة هذا عقد الزواج نسخة للراجل ونسخة للرايسة + الحكم
قوليلي برك فالحكم مكتوب حكم ابتدائي حضوري ولا واش مكتوب
جاوبيني

[أم معاذ أم معاذ]

مازال ماخرجنا الحكم غدوة بإذن الله
مافهمتش وش قصدك بماتخلصش حق التسجيل
؟؟؟

[nabil ofc]

المشاركة الأصلية كتبت بواسطة أم معاذ أم معاذ

مازال ماخرجنا الحكم غدوة بإذن الله
مافهمتش وش قصدك بماتخلصش حق التسجيل
؟؟؟

كي تسجلي قضية تخلصي كي رفعتوها المرة الاولى مخلصتوش ولا المحامي ستكلف بكل شي ؟
ايه كي تجيبي حكم قوليلي واش مكتوب في حكمت المحكمة ....... حتى رفض القضية

[أم معاذ أم معاذ]

إن شاء الله
أخي بالنسبة للعطلة القضائية هل يبقى يخدم هذا القيشي ولا حتى هوما يدو عطلة؟؟؟
و بالنسبة للملف اللي ندفعو هل نقدر نزيد فغيه قائمة الأمتعة لأنو مادفعناهاش النهار الأول ؟؟؟

[om djanah]

شكرا لك اخي
بالنسبة للشرطة تكلمو معايا انا الاولى من بعد هو و انا من قريبي ذعرفت بلي راه قال للشرطة انو ميخدمش شكرا شكرا جزيلا تعبناك معانا

[nabil ofc]

المشاركة الأصلية كتبت بواسطة أم معاذ أم معاذ

إن شاء الله
أخي بالنسبة للعطلة القضائية هل يبقى يخدم هذا القيشي ولا حتى هوما يدو عطلة؟؟؟
و بالنسبة للملف اللي ندفعو هل نقدر نزيد فغيه قائمة الأمتعة لأنو مادفعناهاش النهار الأول ؟؟؟

يبقاو يخدمو ايه لكن القضية ممكن حتى لسبتمبر الجلسات يحبسو برك
ايه زيديها فالعريضة والملف

[nabil ofc]

المشاركة الأصلية كتبت بواسطة om djanah

شكرا لك اخي
بالنسبة للشرطة تكلمو معايا انا الاولى من بعد هو و انا من قريبي ذعرفت بلي راه قال للشرطة انو ميخدمش شكرا شكرا جزيلا تعبناك معانا

لالا عادي تحت الخدمة باي وقت . انا سقسيتك لانو لما تجبدي الملف من المحكمة تلقاي واش هدر بلا ميقولولك
الله الموفق

[hodahodahoda]

اسمحلي برك المدير هنا لما استدعاه الدرك هل استدعي كشاهد ؟
لانو ذكرتلي الاستاذين بالسب والشتم والاخر بالتحريض وسؤالك الاساسي هو مصير المدير رغم انك لم تحدد لي تهمته لماذا استدعي من طرف الدرك
اما اذا كان شهادة الشهود الاخرين بالنفي فلا خوف على المتهمين باذن الله ان شاء الله براءة
اما في الجانب الاداري ماذا ستشتكي انو غيرلها القسم ؟؟؟؟
ارجو منك فقط توضيح نووع او اسم الدعوى بالمحكمة الادارية من غير المنطقي ترفع دعوى بالاداري ومن المفروض هذا ان كانت المؤسسة عامة ليست خاصة لم يطردها من عملها ؟



يظهر ان القصية المذكورة سابقا قد تم حفظها
الاستاذة رفعت قضية جديدة تتهم فيها المدير و الموضف و الاستاذين بالسب و الشتم

و ليس لها شهود و هي تنتقم لانها لم تصل الى نتيجة في القضية الاولى

ارجو ان توضحوا لنا موقف المدير من قضية السب و الشتم و هي تهمة انتقام لا غير

[nabil ofc]

المشاركة الأصلية كتبت بواسطة hodahodahoda

اسمحلي برك المدير هنا لما استدعاه الدرك هل استدعي كشاهد ؟
لانو ذكرتلي الاستاذين بالسب والشتم والاخر بالتحريض وسؤالك الاساسي هو مصير المدير رغم انك لم تحدد لي تهمته لماذا استدعي من طرف الدرك
اما اذا كان شهادة الشهود الاخرين بالنفي فلا خوف على المتهمين باذن الله ان شاء الله براءة
اما في الجانب الاداري ماذا ستشتكي انو غيرلها القسم ؟؟؟؟
ارجو منك فقط توضيح نووع او اسم الدعوى بالمحكمة الادارية من غير المنطقي ترفع دعوى بالاداري ومن المفروض هذا ان كانت المؤسسة عامة ليست خاصة لم يطردها من عملها ؟



يظهر ان القصية المذكورة سابقا قد تم حفظها
الاستاذة رفعت قضية جديدة تتهم فيها المدير و الموضف و الاستاذين بالسب و الشتم

و ليس لها شهود و هي تنتقم لانها لم تصل الى نتيجة في القضية الاولى

ارجو ان توضحوا لنا موقف المدير من قضية السب و الشتم و هي تهمة انتقام لا غير

الحمد الله اما القضية الثانية ان شاء الله كذلك خير لا يعقل انها تعرضت لسب وخاصة انه داخل المؤسسة ومعندهاش شهود يعني مكان يعج بالاساتذة والطلبة
هنا القاضي راح يشوف بانها مجرد تصريحات لا غير لا ترتقي لادانة المدير ومن معه تقابلها انكار المدير لهته التهمة (يعني بمحضر الدرك ينكرو وامام العدالة نفس الشي) بالاضافة انهم يدكرو انه كانت فيه قضية وتم حفضها من طرف الوكيل يعني هذه محاولة ثانية للانتقام فقط بعد المحاولة الاولى وان شاء الله براءة

[أم معاذ أم معاذ]

السلام عليكم بارك الله فيك أخي
الملف وش نحطو فيه إدا ممكن و هل نعاودو نكتبو عريضة جديدة؟؟؟

[nabil ofc]

المشاركة الأصلية كتبت بواسطة أم معاذ أم معاذ

السلام عليكم بارك الله فيك أخي
الملف وش نحطو فيه إدا ممكن و هل نعاودو نكتبو عريضة جديدة؟؟؟

وعليك السلام وفيك بركة
نعم العريضة نفس الشي متل الاولى(كتبهالكم محامي الاولى ) اضيفو فقط قائمة الامتعة
نفس الملف الي قدمتوه انا ناكدلك على نسخة من بطاقة التعريف شهادة الاقامة وعقد الزواج اذا كان حطتيه فالجلسة قوليلها محتوى الملف واساليها اذا ينقص شي قوليلي نضيفو حتى تتجنبي الظن فيها وتتاكدي بلي قدمتيه
المحكمة نتعكم معالبليش اذا قائمة الامتعة تحطوها مع الملف او ترفق بالعريضة لكن اغلب الاحيا تكون مع الملف
اي غموض اسالي

[أم معاذ أم معاذ]

نعم العريضة الأولى كتبتها المحامية
هل صحيح أخي أنو لازم ننتظرو 10 أيام على النطق بالحكم باه نقدرو نستخرجو الحكم؟؟؟