~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[حياتي كلها امل]

كما عندي فترة ملي بديت حملة التنظيف الربيعية حيث قمت بغسل الزرابي وخملت الخزاين جيه تاعي انا وزوجي وجيها تاع اولادى وكنت كل يوم بعد ما نكمل شغلي نسرج واحدة ،كاين حوايج صغارو على ولادي مديتهم وكاين حجات رميتهم شادين غير البلاصة كيما قالت وحدة ماتلبسو لاصيف لا شتاء لاخريف لاربيع معنتها ميتلبسوش ،كما غسلت شوية كفرطات وراني نستنا في الاخت سمورة باه نبدا المطبخ وايضا في الصباغ راح يجي سمانة الجاية باه يسبغلي الشمبرة والصالوا انشاء الله

[omelbanin]

السلام عليكم حبيباتي ويععطيكم الصحة على النصائح لي راكم تفيدونا بيهم وانشاالله ربي يقدرنا ونطبقوا كلش بالنسبة لي انا غير البارح دخلت للمنتدى وانظميت ليكم ومن غدوة انشالله نبدا في الت

ليق

[جهينة اليقين]

شكرا حبوبة على المساندة وشكرا على الوصفة ساطبقها ان شاء الله كي نشري النابطة واحنا كذلك نديرو الرفيس بالزعتر لكن نفوروه عدة مرات بعد ما نخبزوه مبسس بطبيعة الحال وكاين الي يديروه مبسس بالزبدة يشربو بيه القهوة يعجبوني هذا الحشاوش بزاف لانهم صحيين

[ام آدم]

السلام عليكم ما شاء الله تبارك الله عيكم
كل ما أقرا تقريراتكم يزيد فيا الحماس والاصرار والتفاؤل
انا اليوم نضت على 8 ولدي ما يقراش وانا الصلاة عذر طيبت فطور الصباح فطرنا من بعد غسلت الملابس وسيقت الصالون وهويتو وخرجت الشورة كامل من بعد مسحت الغبار نتاعو وعاودت فرشتو الغداء ما درتش لانو عني بواقي اكلات وانا من النوع لي ما نحبش نرمي الطعام ولا الخبز رتبت الغرف والمطبخ وراني غديت لولاد ونستنى في الزوج يجي يتغدى باش نغسل الاواني راهو متأخر عندو اجتماع

[الأمنيات]

المشاركة الأصلية كتبت بواسطة arwa alaa

صباح الخير يا فراشات واش راكم توحشتكم بزاف راني راجعت الصفحات ولاحضت غياب ام صابرين وام هزار شكرا ام متين على الرد
النت راهي ضعيفة عندي بزاف لهذا راني مقدرتش ندخل
مرحبا بالجديدات
امنيات رانا نستناو في موضوع للنقاش جديد
سمراء وين راكي

اهلا الاخت اروى كنت راح نرد عليك امس في ما يخص موضوع عجوزتك
ورمضان ربي يعينك ويقدرك حاولي تساعفيها كيما قال زوجك وخلاص
ما هو غير شهر ولا قسميها 15عندها ونصف اخر في دارك
اما موضوع النقاش راح نحط ان شاء الله

[الأمنيات]

المشاركة الأصلية كتبت بواسطة حياتي كلها امل

السلام عليكم الله يبارك راكو جمعا في قمة النشاط والحيوية اختي حبيبة اولا اشكركي على الدورات التي اشرفتي عليها سابقا تاكدي انني شخصيا استفدت منها كثيرا
اما فيما يخص شغلك بالامس ربي يعطيك الصحة والعافية انشاء الله تربحي على هده الدار رغم انني اعلم انها ليست لكم وفي نفس الوقت الانسان يستقل قليلا ويتمتع بخصوصياته مهما كان اهل الزوج ملاح .

الاخت سرين ربي يعطيك الصحة ومثل ما قالت الاخت حبيبة بلعقل على نفسك ماشي امر سهل تخدمي برا والداخل اعطي لكل شىء حقه
الاخت امنيات والله اني احبك في الله ربي يعونك ويعطيك الصحة.

احبك الله اخيه ربي يوفقك ان شاء الله

[الأمنيات]

مرضوع اليوم راح نتكلموا عن زيت القليان
الي نقلوا فيه البطاطه كيفاش ديروا له ترموه ولا تعاودوا تقلوا فيه
شعال من مره ولا طيبوا بيه ؟؟؟؟؟ هو في الورقه كاتبين يستعمل حتى عشر مرات ؟؟؟
ايا تفضلوا موضوع النقاش

[سيرين 5]

يعطيك الصحة حياتي كلها أمل شكرا و بارك الله فيك
الأمنيات زيت البطاطا و نادرا ما نقلي بطاطا ، نعاود نطيب به مباشرة في الدوزين حتى يخلاص نضن أحسن طريقة

[سيرين 5]

أغراض التنظيف أجمعها في دلو و أضعه تحت البوطاجي حتى يسهل عليا إيجادها و استعمالها فكرة لكل من مازال ما اعتمدتهاش

[omelbanin]

السلام عليكم بالنسبة لزيت القليان انا نزيد نقلي بيه مرة واحدة او ندوزن بيه لي صوص برك ماشي لي سوب خاطر تجي فيهم الريحة ولا نبسس بيه الفطير والبعض يقولولها الكسرة

[جهينة اليقين]

شكرا لك امنبات على اثارة هذا الموضوع لان زيت البطلطا تقلي فيه على الاكثر مرتين لانه مضر بالصحة لكان علي انا ما نقليهاش لكن الولاد عادو ما يخذوش الراي دايرة مقلة صغيورة ونحاول باش الزيت تجي قدقد او تبقى حاجة قليلة فقط

[جهينة اليقين]

نحييك ام ادم على عدم التبذير لان المبذرين اخوان الشياطين وربي ما يباركلهمش لانهم لا يحافظون على نعم الله ولايشكروها اما بالصدقة اومثلا بواقي الخبز تعطى للحيوانات ولا ترمى يا ريت نديرو موضوع وكل وادة تعطينا طريقتها في الحفاظ على نعم الله ليبارك الله لنا مع هذا المعيشة الغالية

[الأمنيات]

السلام عليكم
سيرين ام البنين وجهينه شكرا لكم على الرد
انا الزيت نقلي بيه مرتين ومن بعد نطيب بيه مرات نكنل بيه الحوت ولا دنجال ونرميه
اما ان بواقي الاكل ما نرميش غير نادرا منين طول في ثلاجه
كاين حوايج كي مرقه تاع الحمص ولا الجلبانه كي تبقى نزيدها مع الحريره ولا سوب كي نطحهنها
فيها الخضره
اما المعجنات تقعد حتى يكلوها ولادي واذا بقات شوي نحطها للحمام عندي الحمام في الحوش



الاخت سيرين لوازم التنظيف دايرتهمكامل في جهة تحت البوطاجي جهة وحدهم

[arwa alaa]

اختي امنيات يعيشك على الرد انا تاني من النوع الي ميشكيش وراجلي راهو يلاحظ وهي مراة كبيرة بزاف وروحها في وليدها هو الكبير وزيد شيخي متوفي نخاف نقول منروحش كشمايصرالها نولي في تانيب الضمير راني حبيت برك نفرغ قلبي

[arwa alaa]

انا زيت القليان نحطوفي بلارة نتاع زجاج ندوزن بيه ونعجن بيه الكسرة يفض نغسل البلارة والمرة الجاية نحط فيها انا بواقي الاكل مثلا شكشوكة نديرها شوصون ونزيد الفرماج والمعجنات نعاود نسخنهم والجلبان والحمص نخبيه وندير بيه الروز
والباقي ندير قيسنا والكسرة منطيش لانها متقعدش ياكلوها على اخر طرف
كيما نهار السبت درت شاورما ودرت بزيادة بزاف كنت دايخة مفهمتش واش بيا غدوة قصيتالدجاج والبطاطة وزدت معدنوس وفرماج وبيض ودرت قراتان جا هايل حوحو يشكر روحو
وبنسبة للخبز نلموه ونخرجوه كاين واحد يجي يدور كل صباح نحطولو قدام باب العمارة