الجزء 157 من واش طيبتي اليوم .....كوزينة التميز و الامتياز

[الأمنيات]

خهادي وصفه السيقار بالنواد كوكو مڤلي

[ام عبدو و ملاك]

مساء الخير هادا غدايا اليوم برا

[البحر الصافي]

اممممم دخلت على الشواء تاع المعلمة بصحتكم
الامنيات مشكورة اختي راح نحتفظ بيها ونطبقها باذن الله

[أم سدرة]

المشاركة الأصلية كتبت بواسطة مسلمة بالفطرة

ام سدرة مرحباً بك بيننا كيفاش طريقتك في الأرز البرياني حابة نجربو

مرحبا بك أختي هاهي الوصفة تاع البرياني وان شاء الله جربيها وتنجحي فيها
المكونات:2 مغارف صغار ملح .ملعقة صغيرة كركم نصف ملعقة صغيرة فلفل أسود.ملعقة كبيرة بهارات البرياني. ملعقة صغيرة فلفل عكري ملعقة صغيرة زنجبيل طازج مفروم. بصلة مقطعة شرائح.4فصوص ثوم مقطع دوائر .4حبات هيل .كاس اﻻ ربع ياغورت طبيعي قطع دجاج.ملعقة معجون الطماطم
الطريقة:أو ﻻ تأخذي البهارات تخلطيهم مع بعض وتأخذي نصف الكمية تاعهم تبلي بيها الجاج.وفي مقﻻة تحطي الزيت وتقلي فيها الجاج حتى يتحمر ونحيه من المقﻻة وفي نفس الزيت حطي البصل الثوم الزنجبيل يتقﻻو شوية ومن بعد زيدي معجون الطماطم وحبة كبيرة طماطم مقطعة مكعبات وزيدي نصف البهارات لي بقاتلك

وزدي الياغورت الطبيعي وكاس ماء وزيدي رجعي معاهم الجاج يكمل طيابو واغلقي عليها وخليها حتى يطيب الجاج
درك نرجعو للروز تحطي في كسرونة الماء يغلي وتحطيلو شوية زيت 2ورقات رند وكي يغلي ارمي فيه الروز الكمية على حساب عدد العائلة وخلي النار قاوية خليه يغلي شوية قدر مايدخلو الطلاب ونحيه قطرية حطي نصف الكمية في طنجرة ومن بعد رغي فوقو لمرقة ﻻزم تكون ثقيلة ومن بعد زيدي فرغي الكمية المتبقية تاعالروز يعني طبقة روز طبقة مرقة وطبقة روز غطيه مليح ووخليه يكمل طيابو على نار خفيفة
بالنسبة لبهارات الخاصة بالبرياني ماعﻻباليش ادا كانت متوفرة في الجزائر ادا ماعندكش استعملي رأس الحانوت
وأي سؤال راني موجودة بالنسبة للياغورت الطبيعي هي الوصفة جي بيه بصح أنا مادرتوش درت الماء ﻻنو زوجي مايحبش الياغورت في المرقة

[روعة الصحراء]

[QUOTE=omjoujou;3994908775]
هذا لقاطو تاع ام سدرة يعطيها الص ربي البارك تعيشى اعطيني الوصفة وجزاك الله الجنة

[أم سدرة]

أختي روعة الصحراء راني حطيت الوصفة حوسي عليها بين الصفحات

[أم سدرة]

المشاركة الأصلية كتبت بواسطة أم سدرة

مساء اﻻنوار كيف احالكم جميعا اليوم أنا ماطيبت والو راني عطلة هههههههه
وزدنا جبنا معانا العشا وبطلب من اﻻخت أم جوجو هادي الوصفة تاع قاطو الطبقات
المكونات تاع بﻻطو لي يدخل الكوشة
8بيض ،كأس ونصف سكر عادي ،كأس ونصف زيت 2لفاني 3خميرة كاس ونصف نشأ
وتشيحي بالفرينة وماﻻزمش جي يائسةﻻزم جي طرية وتقسمي االعجينة إلى ثﻻث كريات
واحدة منهم زيدي لها الكاكاو ادهني البﻻط انتاعك بالزيت واطرحي فيه العجينة اﻻولى
وحطيها تطيب وكي تخرجيها من الفرن ادهنيها بالمعجون ومن بعد اطرحي فوقها العجينة
تاع الكاكاو وحطيها تطيب وكرري العملية مع العجينة اﻻخيرة وكي تطيب ديري لها الشكولة
وأي سؤال راني هنا

أختي روعة الصحراء هادي هي الوصفة

[omjoujou]

[QUOTE=Oum yousra;3994924602]صباح الخير و الفل و الياسمين يعطيكم الصحة على الاطايب الي حطيتوهم كلشي بالطبع و يشهيييييي يسلم الأيادي 0 ام جوجو حنونة كي تدخلي يا ريت تحطيلي طريقتك في الخرشف مع الزيتون شهاتني و جابلي زوجي الخرشف ياسر مالقيتش واش ندير بيه الحق انا مألفا نديرو غير في الطعام و الطعام مايحبوهش ديما نديرو كل شهرين فياريت تحطيلي طريقتك و شكرًا.

اسمحيلي حبيبتي ام يسرى هذوين شفت طلبك
الوصفة تاع المرقة بالخرشف والزيتون الاخضر للغالية ام رحاب ديريها وعينيك مغمضين والله بنينة تقتل وسورتو مع كسرة خميرة اممممممممم راني نسختلك الوصفة من وصفات لحراير من اجل عيونك حبيبتي تفضلي

المشاركة الأصلية كتبت بواسطة idron0

خرشف بالزيتون واللحم ام رحاب

اتنقي الخرشف واتغسليه واتغليه في الماء ونص حبة قارص وشوية خل كي يغلي مليح صفيه
في طنيجرة وجدي اللحم وديري الدرسة حمرا يعني الثوم ملح فلفل ادريس فلفل اكحل كمون طماطم مصبرة وخليهم ايتكتكو شوية في لاصوص واتكوني غليتي الزيتون تاعك 2 مرات وارميهم معاهم وارمي الخرشف تاعك ايطيب مع اللحم امبعد ايلا حليتي عليها القيتي اللحم طاب نحي اللحم وخلي الخرشف ايكمل طيابو لازم ايكون طايب مليح ولازم اتكون المرقة عاقدة وحمرا ايجيك هايل ويلا حبيتي تقدري ادزيديلهم بطاطا مقلية انا مانحبش انزيدها وانت ايلا حبيتي تقدري اديريها.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[omjoujou]

السلام عليكم ورحمة الله وبركاته
صباح الخيرات حبيباتي
يعطيكم الف صحة وعافية على الاطايب لي حطيتوها خايفة نذكر اسم وننسى اخر المهم راكم كامل في القمة ربي يبارك
غدايا ليوم بربوشة بالبوزولوف شكون تعاندني خخخخخ
رجوع مدرسي موفق للجميع
سلااااام

[x ام رحاب x]

السلام عليكم ورحمة الله وبركاته فطور الصباح تاع الاولاد ربي ينجح وليداتكم اجمعين



هادي صور كانو عندي تاع طمينة ماشي صور تاعي بصح حبيت انحطهم فال على مرت خويا زيدت البارح وجابت بنوتة شابة ربي يخليهالهم

يوم موفق للجميع

[om kamilia]

السلام عليكم ورحمة الله وبركاته

زقزوقة مبروووك الكوزينة و ماشاء الله كوزيينتك بسيطة ورائعة وصاللونك جميل
كوزينة مربوحة عليك وعليا وعلى جميع الاخوات
إن شاء الله كل واحدة يتحقق لها مرادها
عندي بزاف ما لبزت والو و الطياب ماعنديش لخاطر كما بكري حتى يفوتو هذو الايام
كل واحدة باسمها نقولها سلامي ليك

[أم هبوبة]

صباح الانوار على الجميع
سامحولي ما زال ما رجعتش النت شعال من يوم راه مقطوعة عندي قلت نصبح عليكم و من بعد بادن الله نراجع لاني راني غير من الخدمة
هادوا طيابات هدا اللايام
قاطو نواة كوكو و الكوكاو لام اماني


تطبيقي لدونات ام محمد اسلام



طورنو ام حبوبة




كرواسوم و مبسس و باتيسري

[om kamilia]

هذا واش صور لان معظم الصور حذفتهم دون قصد
مسفوف الخضر الموسمية

كسة رخساس ما تتشبعاش مختلفة شوية على أغروم أقوران , حنا ما نعجنوش الكسرة وبسستها لي بنوتي هههه تحب تدخل يديها في كل شيء
دوك راهي تعرف تحط ماكياج وتحوس على le prince
بريوش دون بيض
وتحلية تارت جيننواز بمشماش خبيتو في المجمد وزينت بالبررتقال و درت سوبر كريم من راسي
و حشمت ررزيقة ما جبتلكش باروك
تفضلوا هذا المادلين لحين التلبازُ
لبنات تعلمت سكنولوجيا ناقصة ماعرفتش نعدل حجم الصور

[روح مراد]

صباحكن سعيد
اليوم درت القلب و قلت لازم نحط بصمة بسيطة في الكوزينة العزيزة
حلة اللي ما عندهاش الوقت
مسفوف الفول الأخضر أو كيما نسموه احنا امقفول (مكون من كسكس + فول أخضر و جزر و لفت مفورين و يقدم بزيت الزيتون أو اللبن أو الرايب )هذا كان عشايا نتاع الخميس
السلاطة هي من ألذ سلطاتي التي أعرف بها في كل العايلة مكوناتها بسيطة و لكن السر يكمن في الصلصة (زيت زيتون + عصير ليمون + خردل + ملح + فلفل اسود+ شوية ثوم مهروس مع المعدنوس نقدرو نضيفولها ملعقة صغيرة من كريمة الجبن )
و عاندت الأخوات و درت حلوة الطابع و لكن درتها رقيقة بزاف هاكا نحبها مقرمشة

[omhadil]

صباح الخيرات عليكم ويعطيكم الصحة على طيابات لى حطيتوهم كلشى يشهى
ام كامليا مرحبا جارتى واش احوالك انا تانى عندى مدة مالبزت والو
ام رحاب مبروك مازاد عندكم تتربى فى عز والديها ام سدرة قاطو الطبقات عجبنى ورانى حابة نجربو فى اقرب وقت
ام هبوبة شهتينى فى المبسس وكرواصو والباتسرى رانى سرق من كل حاجة حبة
ام جوجو وعليكى احلى سلام وصباحك معطر بالورد والياسمين

رجوع مدرسى موفق لكل التلاميذ