جزء ****138***من واش طيبتي اليوم ---عيد سعيد وكل عام وانتم بخير ----

[ام سراج وملاك]

المشاركة الأصلية كتبت بواسطة rahma2014

ام سراج صح عيدك حبيبتي واش راكي ويعطيك الصحة كلش هايل ماشاء الله ربي يهنيك حنونة ويرزقك حبيبتي

صح عيدك رحمة ليك وحشة اختي شكرا لكلامك الرائع امين ربي يرزقنا اجمعين

[إلهام07]

مساء الخير حبيباتي ماتتصوروش واش توحشت المنتدى قلبي كلاني عليكم حبيت نقرعج على قواطيطكم وحطتكم المهم صحة عيدكم ولو متاخرة
انا راني اسبوع من قبل رمضان وانا كوموند نتاع قاطو من وراء اختها كملت اول امس اخر وحدة تعبت بزااااااف
وكيما على بالكم نجحت في مسابقة التعليم نهار الجمعة بالسبت بدينا التكوين قتلونا والسخانة يامامي تقتل في هداك المركز اخر يوم كملنا البارح الامتحانات
صرالي مشكل في اوراقي لازم الاسبوع هدا نفريها وربي يستر لا طير بلاصتي لازم نحط الملف نتاعي باش نهز التعيين
وزيد طلبو مني في الخدمة نرجع نخدم هدا الشهر يعني لاراحة لا والو




هدا مختصر الانباء اما التفاصيل ........... ههههههههههه ماتخافوش خلاصو هههههههههه





حنا من التعب اليوم عشانا بربوشة باللبن و دلاع حاااااااف

[أم ياسين الزهراء]

اهلا ام سراج وربي يكمل لخوك يالحبيبة وسخفتيني بالغراتان هاتي ندوق وصحى عيدك

[أم ياسين الزهراء]

اهلا الهام مبروك عليك ربي يكملك على خير واللي كتبو ربي تديه ماتتقلقي ماولو وصحى عيدكم وين قواطوك

عشايا بربوشة باللبن والعنب سخفت عليها وتمنيت ام ماجد معايا هي اللي تفهمني

[آسيا 27]

مساؤووووووووووو
ان شاء الله تكونون بخيير بصحتكم الحفلات و النيو لووك
ما رانيش ندخل بزاف للمنتدى نشوف من البعييد برك
فطورنا طعام نص بالمرقة و نص باللبن و العشا لوبياا و رقاق و سلاطة
راجعت و نسييت اللي بقا في بالي الرولي تاع عازفة الناااي 4444444444444 و مواائد ام سراج
الهام الف مبروك التعيين
ام ياسين بصحتها الزهراء الحفلة و ما تنسايش تصوري كل شيئ
صحيح ام ماجد عندها عرس و ما عرضتناش
الف مبروك يا غالية

[وردة الشمس]

مساء الخير يا لحراير اسمحولي خليتكم وحدكم فالكوزينة ليوم ولبارح مقعدتش البارح جوزت النهار كامل وانا نخيط عندي عرام قنادر لازم نوجدهم السمانة هاذي ادعولي ربي يعيني واليوم رحنا عند عمتي دارتنا لغدا بنتها عقدت هدا وين قعد جيت نطل عليكم اسمحولي مراجعتش وشكرا لكل وحدة حطت اي حاجة وشاركت فالكوزينة

[أم ماجد]

المشاركة الأصلية كتبت بواسطة أم ياسين الزهراء

اهلا الهام مبروك عليك ربي يكملك على خير واللي كتبو ربي تديه ماتتقلقي ماولو وصحى عيدكم وين قواطوك

عشايا بربوشة باللبن والعنب سخفت عليها وتمنيت ام ماجد معايا هي اللي تفهمني

راني جاية خخخخخ
راني نقرعج من بعيد

[fadila34]

الف الف مبرررررررررروك اختي الهام وربي يسهلك وكل شئ
ام ياسين ربي يقدرك ويعاونك على الحفلة والف مبروك على الزهراء ولعثوبة لاحويج اخرا
ام ماجد ربي يعينك وتمم كل شئ على خير
وردة الشمس ربي يعونك

[oum islem]

[size="6"]السلام عليكم
تحية طيبة للجميع
ام سراج مبروك على خوك ربي يتمملو على خير ويسقم سعدو وتكون مكتبو لي تسعدو وتهنيه وتعمرلو دارو وليدات

واطباقك وحلوياتك هالين ولبرستيج لاباس عليه
هو صح الشكولا البيضاء حساسة في التعامل معاها
ليك وللبنات كامل
كي تدوبو الشكولا البيضاء على حمام مريم لازم تكون النار هادئة وصحن الشكولا ما يمسش الماء لي تحت
وما تخلوش الشكولا تكمل تذوب على النار يعني كي تشوفوها قريب تكمل الذوبان طفو عليها وحركوها بسرعة بفرشاة
تولي تبرق لما تدفا يعني ما تكونش سخونة بزااف ديرو كيس سميك تاع اكياس الحليب مثلا او اشري تاع جوتابل ديري ثقبة صغييييرة
واخدمي ما تعبكش وتعطيك الطوع في الخدمة
يعني الشكولا ساخنة تعب بزاف خصها تكون دافية برك
شفتو شحال ما نعرفش نفهم؟


ليلة سعيدة للجميع

غدوا ما نديرش لغدا صايمين
واولادي راحو للبحر مع ابي

تصبحون على خير /size]

[ام و ابنة]

صباح الخير جميعا
راااااسي الليل كامل ما رقدتش و كي جيت نرقد شوية جارنا راهو يبني الساعة ستة و نص يبداو التسكار و الخبيط
الحمد لله الغذاء ما زال مسقوف بالخضرة تع البارح
و العشاء منبعد نشوف باذن الله
ربي يعيننا كامل

[أم ياسين الزهراء]

صباح الانوار

فديلة تعيشي حنونة ولعقوبة لولادك

ام ماجد حسيت بيك كاينة هههههههههههه ياخوفي كيجو يحنو لبنتك يلقاوك تتقرعجي علينا وخليتيهم هههههههههههههههه ربي يكمل ويعاونك

ام وابنة رانا كيفكيف جاري من الشتاء وهو يهدم ويبني وكيلو ربي

ام اسلام وانا عولت نجي نتغدى عندك وانت صايمة ربي يقبل

يوم موفق نزنق شوي ونخمم في الغداء

[زينب 83]

صباح الخير حبيباتي

الغداء بإذن الله جلبانة و قرنون محشي و العشاء لبن و كسرة قررت هم من دوكا ، لاني معروضة حفلة باكالوريا ، اليوم بإذن الله راح نقص شعري لكن الصبغ لالا راح نخليه طبيعي الصراحة الصبغة فيها بزاف مواد كيميائية خطييييييييييييرة و مسرطنة يعني من الافضل تفاديها ، عافانا الله و إياكم

و الله مورالي راهو صفر واحد مسكين سائق فرود نعرفوه و دايما نركبها معاه إنسان عاقل و مسالم لأبعد حد و متدين للغاية و زيد كبير في السن البارحة قتلوه شابين من احل السيارة ، ربي يرحموا و يثبتوا و هما وكيلهم ربي لي يتموا وليداتو ، اسفة على الخروج على الموضوع و الله قلوبنا تعمروا من هذا الشيء ربي يهدي العباد يا رب

[زينب 83]

المشاركة الأصلية كتبت بواسطة روضة 88

صباح الخير عليكم

دخلت على جال زينب اولا بصحتك القصة انتاع الشعر

ثانبا و الاهم قوليلي تعيشي يعني ابعثيلي رسالة خاصة قوليلي هذا لفرود وين تقتل يعني المنطقة وهاذ الشابان لي قتلوه حكموعم ولا مزال الامر يهمني.

راني بعثتلك رسالة روضة اما الجناة نظن مازال ماحكمو همش و الله اعلم

[الرجاء الاماني المجد]

صباح الخير كيف حالكن اتمنى ان تكونوا بخير ولله مند ان دهب رمضان والحالة سامطة ورتين قتلنا ام وابنة وشراكي انت وزينب وريفية ماكيش تبني وازبيل وام طيري الجنة اين انت

[عازفة الناي]

اسعد الله صباحكن جميعا
زينوبة بصحتك النيولوك .... و ربي يرحم المقتول والله جريمة نكراء ربي يهدي وربي يصبر اهله
لبنات الكوزينة فارغة وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟