كوزينة الربح عليكم الجزء 116 من واش طيبتي اليوم بينو شطارتكم يا الفحلات

[ام هاديل وياسين]

صباح الخير على الجميع كي صبحتي ليزبال ام ياسو يعطيكم الصحة لبنات

اطباقكم هاييلة ..اسمهان الله يشفي زوجك ويعافيه من كل شر ويبقى تاج فوق روسكم امين وشكرا على الوصفة رائئعة
ليزا انا ولادي في صغرهم نديرلهم عيد الميلاد نبغي نفرحهم برك بصح ذرك كي كبرو وحدهم بعدو عليها
بقاولي لبنات صغار مزالو يحو اعياد الميلاد ربي يخليهم لينا ويخلينا ليهم اللهم امين

احلى صباح لكل الملتحقات يومكم سعيد ان شاء الله

[أم شيماءْ]

صباح الخيرات لبنات وشراكم
ام تاجووو عيد ميلاد سعيد للاولاد لعقوبة لزواجهم وتفرحي بيهم ياعجوزة ههههههههههههههههه قوليلي الجينواز وصفتك الخاصة اعطيلي الوصفة عيد ميلاد اية نهار الثلاثاء ولازم ندير حاجة جديدة
غدايا اليوم لوبيااااااااااااااااااااااااااااا

[أم محمد تاج]

والله تقطع قلبي على اسمهان حبيبتي الله يشفي زوجك ويعافيه يارب ويرجعلكم سالم غانم ويرجع ليك ولوليداتو يارب
ام وسيم الله يشفي الوالد ويعافيه يارب
اخص اوريسيا اخص نشالله تدخل ام ياسو وتبهدلك كيما بهدلت تويتة وام الجووود قالتلهم ام الجود تدخل غير كي يطبقو كروكيها وتقعد تسوطي وتويتة تدخل غير كي يطبقو بغريرها اخصصصصصص هههههههههه حنونتي الجينواز وصفتي ودرتها وحدة بالكاكاو ووحدة يضاء وقطعت كل وحدة على 2 يعني عادو عندي اربع طبقات وعكستهم حبيبتي
شوفي نكمل خدمتي لي راهي للرقبة وندخل نحطلك كلش وسنة حلوة لآية
الله يعينكم يابطاااااااااااااات

[أم شيماءْ]

هههههههههههههههههه بهدلتني ام ياسوووووووووووووو قاتلي مانشفوكش غير بالاثنين ولا الخميس ههههههههههههههه راني نستناك يا بطبوطة بلاك تنساسني وربي يعاونك

[om wassim]

امييين يا
ام تاج عيد ميلاد سعيد للاولاد ربي يحفظهم و تشوفيهم فاعلى المراتب

[ام عبودة]

صبااااح الخير حبيباتي
واش راكم راااه عندي مشكل مع النت عنعنعنعن
اسمحوولي ما نقدرش نحط الباروك والطيابات الحمد لله نقدر نكتب ونسول عليكم والله غير توحشتكم راكم دااااري الاولى والثانية هنههنننننن
المهم البارح بشرتني ختي بعرسهاا عنعنعنع يوم 27 في الشهر راني نوض ونطيح
المهم ريوووووووو عليا بالقاطو انا ما نخدمش راني مريضة غير نكر في رجلي هههههه. عجووووووز
والقاطو قلت نديرولها من عندي كااادو واليوم الصباح زادتتني قفطااان وراني نعس في كل ساعة واش تزيدني ههههههه
هيااااا يا رب ما تمشي النت معاياااا اليوم راني نستنى في اراااائكم

[oum ibrahim]

صباح الخيرات يا بطات وشراكم ان شاء الله لاباس
اسمهان يااااااااااااااااااااااااارب يشافيلك زوجك و يرجعولك بالف سلامة يااااااااااااااااااااااااااارب يا من اذا دعي استجاب و ربي يعينك مع البنوتات
اك كامي كوزينة مبروكة ماشاء الله على الببونة تهبل ربي يحفظها
ام تاجو عيد ميلاد سعيد يحبيب قلبي تاجو ربي يحفظو و يفرحك بيه و تشوفيه في اعلى المراتب ياااااااااااااااااااااارب و الكيكات يهبلو يهبلو كيفك ههههههههههه تسلمي انا راني اكثر من اوريسيا دخلت باه تشرحيلي كيفاه درتي كيكة القطار حقى راني وريت تحضيراتكط للاولاد و لصقو فيا قالولي حنا تاني ديريلنا هكذا و عيد ميلادهم قرب في اخر الشهر واااااااااااااع ربي يعينني
البقية كااااااااااااااااااااااامل يعطيكم الف الف عافية على الاطايب الي حطيتوها ماشاء الله عليكم حرااااااااااااااااااااااااااير

[ام عبودة]

ام تاجو عيد ميلاد سعيد يا رب
والله يشافي زوج صحبتنا يا رب
الباقي راني مازال ما رجعتش هاذو سما في الصفحة هادي
نروح نكمل شغالي ومن بعد نولي

[lyzzabel]

ام عمادووو و ام عبووودة على سلامتكم و ربي يعاونكم
سكرتي الحلوة شكون هوما الضياف لي راهم عندك قاع ما هدرتيش عليهم
اوريسيااا شفت ردك مين عاودتي الخبز تاعي بصحتكم يا الحبيبة و مطرح ما يسري يمري و ربي يخلييييك على الثقة والله فرحتيني و اتهلاي في ح ن ع راه هو الصح ياك اقرب طريق الى قلب الرجل معدته هههههه
فطوري مازال مودر راني بين الروز بالجاج او السمك و الحد لله على نعمه حمدا كثيرا
لوكان غير يفوت الرد كتبته و عاودت اربع مرات حتى كرهت حياتي

اللهم صل و سلم على سيدنا محمد افضل صلاة و ازكى سلام

[saja hamed]

صباح الخير علي الجميع اختي اسمهان رانا كامل حسين بيك وبلاصت الراجل ما يجيج حتي واحد فيها نطلب من ربي نشاء الله يعفيه ويشفيه ويرجع للبيت كيما الاول وتتهناي بيه انتي وبناتك امممممممممممممممممممممممممممممممممممممممممين

[OM DHOHA ANES]

صباح الخير يا احلى الحبايب ندير طله ونرجع وااااااااااااااااااع 10 صفحات

السلام عليكم
اصبحنا واصبح الملك لله وحده لا شريك له واليه النشور
اسمهان حنونة ربي يشافي زوجك ويفرحك برجوعه للبيت ياااااااااااااااااااااااااارب
ام عبودة الف مباااااااااااااارك لاختك وربي يقدرك ويشافيك
احلى صباااااااااااااااااح للمتواجدات ام ابراهيم وام تاجو وام وسيم وام هديل واوراسية وام ياسين وسجى وام ضحى منووووووووووووووورات
ليزا سبحان الله راني ما بين الرز والجاج ولا السردين هههههههههه

[kaouka]

المشاركة الأصلية كتبت بواسطة أم محمد تاج

صباحووووووو ياغاليااااااااات ونهاركم زيييين يارب
غدايا باذن الله لوبيا مع لسان خروووووف وعندي ميناج للرقبة وااااااع
كاووكا ارواحي امسحيلي الغبرة ياخي تموتي عليها ههههههههههههه
مازال ماراجعتش بصح عمبالي خاب املكم في التقرعيج اسمحولي اسمحولي الله غالب لازم نقوم بضيافي

صباح الخير يا بطا خخخخخ انا كنت راح نديرلك نداء باه تجي نتعونو في الغبرة لقيتك صبقتي والله رني نشوف فيها وحرت منين نبداها خخخخخخخخخخخخخ حنا هنا عندنا بزاف الغبرة منعرف مناه بلك من ﻻكاغط تاع الحيط وﻻ من ﻻرض والله تكرهي حياتك ربي يعينك
بصح قعتي ودرتي بونبا في لوﻻد ولد ام ماجد قلها ديريلي هك وضك ولد ام ابرهيم

[kaouka]

صباح النور ام إبراهيم ام يسرا om dhoha saja اورسيا ام هديل ليزا نهركم سعيد
نروح نكمل شغالي وووووووووووووعععععععععععععععععع

[زينب 83]

صباح الخير حبيباتي

اسمهان ربي يشفي زوجك و يعافيه و يخليه تاج فوق راسك و يطول عمرو يا رب ، ربي العالم و الله تحيرت من قلبي
ام وسيم ربي يحفظ الوالد الكريم و يطول في عمرو

ام تاج ربي يحفظ وليداتك و تشوفيهم لاحلى المراتب ، و ما شاء الله كلش روووووووووعة ، سخفتيني بصح انا مانديرش عيد الميلاد لكن راح نعاند عليك في حفلة نهاية السنة اذا تفوق ان شاء الله

ام عبودة ربي يعينك حبيبتي و يشفيك

البقية صباح الخير و يوم سعيييييييد

انا درت الكرواسون رايحة نشكلو و الغداء ما عندي والو الفريجيدار راه يصفففففففففففففففر

حقاً لبنات ام أيمن رجع زوجها بالسلامة كانت مقلقة عليه قولولي