الجزء90 من واش طيبتي اليوم **مبارك علينا الشهر الفضيل**

[ساندي 28]

هدا غداء اولادي حبايبى

[حمودية]

المشاركة الأصلية كتبت بواسطة أم ماجد

https://www.djelfa.info/vb/showthread.php?t=1216072
بلبنات راني في نعمة والحمد لله
فقط حبيت هاذ العام نركز اكثر على الجانب الديني ربي يقدرنا على الصيام والقيام وهذا لايمنع اني نطل عليكم لكن من فترة لاخرى فقط ونعاون قد مانقدر خاصة طالبات المساعدة
تحياتي وصح رمضانكم كامل ولا للتبذير واستغلوا الوقت اكثر استغلال ربما رمضان لن يعود

الله يعينك و يعينا على ذكروا و شكروا و حسن عبادته

[fadoula fcb]

فطورنا اليوم باذن الله لوبيا ماشطو شربه ومطلوع دايمن لازم حاضر
وديسار وفلون وراني ندير خبزة تونس شكون تعطيني طريقه ناجحه

[idron0]

دعاء اليوم
اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ

[R I A D]

سلام بنااات

و بصحتكم واش راكم تطيبوا
و بصحتكم واش حطيتو قااااع ~~~~~~~~~~كل شيء هاااايل
تسلم ايديكم ...و ربي يتقبل منكم و منّا امين

ام رحاااب الغالية و الله ما صدقت عينيا كي شفتك ....
اهلا اهلا حبيبتي و عودة ميمونة و مبروك عليكم العواشر

حبيت نبارك لكل الحبيباات الي نجحو اولادهم في البيام
نواال اللف الف مبروك حبيبة و الحمد لله كي فرحك ربي بنجاحهم و ربي يعلي مراتبهم اكثر و اكثر امين

ام رحاب الحمد لله كي فرحك ربي بنجاح بنتك و العقوبة للباك امين

دائمة الحمد مبروك عليك نجاح المازوزي و العقوبة للشهادات العليا

الهام راكي حطيتي تحف تسلم ايديك حنونة
و راني شفت البنات يعزيو فيك ..شكون الي مات ؟؟ الله يرحمه و يصبركم امين

ليزا العزيزة ربي يشفي حبوبي و يقدرك على الاشغااال و العبادة .... امين


بربي ان شاء الله سيقل دخوووووولي و اني نقول لحباباتي كامل ما تتحيرووووش
راني برك نحاول نجتهد و نطلب ربي يتقبل منّا صالح الاعمال

صح فطوووور الجميييييع


اللهمّ اعنّا على ذكرك و شكرك و حسن عبادتك....امين يا رب

[ام عبد الرزاق]

بصحتكم اختى ممكن وصفة التارتوولات و وصفة موس بالمشمش و كل عام وانتم بخير

[islam1aya]

سلام حبيباتي
كيفكم لاباس
ماشاء الله على الاطباق والتنويعات عجبني كل شيء فحلات بنات بلادي
ام برهومي بصحتك المشتريات وهذوك ليكيسات تع القلوب عجبوني لواش شريتههم ربي يحفظلك الموسيو وربي يعطيك وقفة ساهلة
ام تاجو حنونة طبخاتك روووعة مائدة عامرة دائما ان شاء الله عجبتني الشارلوت هايلة وربي يحفظلك خاوتك ونساء خاوتك
ام ماجد حنونتي ان شاء الله لاباس وربي يفرج عليك
ام ياسو مواح عليك وبصحتكم واش طبختي
فريال لعزيزة فننننننننننننننننننننننن وابداع ماكولاتك فووووووور عجبتني طريقة تقديم السلطة وتقطيع الطمتطم كيفاش درتيه
عازفة الناي غاليتي هايلين الاطباق ولاا الاصابع تع القطايف شهيوة
سارة لحنينة كل حاجة تووووب بصحتكم فرحتلك كما تعبتيش ورحت لتراويح ربي يتقبل
ام طيري حبوبتي شاطرة بزاف اطباق في القمة كل حاجة تشهي بصحتكم
نوال عجبني البريوش
ليزا بل اممم كل حاجة هايلة بصحتكم
شاوية حرة لاباس عليك وعلى اختك الحمد للله كخرجاتك سلامات ردي بالك على روحك
الهامو واش هذا الفنوهذا الخيرات وبصحتكم اورونجينا اممم وطريقة التقديم تع الكاس اممم توب وشعرك لونه يهبل حبيبتي ربي يحفظك
نهادوران اطباقك تشهي وخاصة اللحم لحلو بالشبح اممممم
ليليا اطباقك فنننننننننننننننننننننننن
ساندي لعزيزة امواح عليك وبصحتكم الاطباق
وشكرا لكل الاخوات الي حطو تعليقات واطباق واذا نسيت كاش واحدة تسمحلي

[oum ibrahim]

السلام عليكم يومكن مبارك ببركة الشهر الفضيل
ام نجمو بصحتهم حبايب قلبي انا مازالو في المدرسة القرانية كي يدخلو نحطلهم هذا اذا كلاو
فطوري اليوم باذن الله شربة فريك لازم و طاجين الزيتون و حميس خدمت البارح قيس يومين و الخبز بلاك نعجن و بوراك بالتون و لله الحمد على نعمه
البارح طيبت الحلو كمية مليحة كلاو منو و الباقي الى المجمد كل ساعة نجبد شوية و الف الحمد و الشكرلك يا ربي

[oum ibrahim]

ربي يخليك عزيزتي ام اسلام و ليكيسات نتاع القلب كي نخدم صابلي شكل قلب او قلوب الشوكولا نديرهم فيه
قوليلي واش ناوية اليوم للفطور ؟؟؟؟؟؟؟؟؟؟

[islam1aya]

حبوبتي ام ابراهيم اليوم مانديرش قعدلي من تع الامس نعجن خبز الكوشة تع فرينة ومايزينة اجي هايل بقاتلي مطلوعة واحدة ماتكفيش
ضرك نحطلكم الصور تع الفطور الامس
قوليلي كيفاش اديري بوراك التونة حنونتي من فضلك
ام رحاب على سلامتك الحمد للله كريحت بتك
ام ماجد ربي يعينك ويتقبل منا ومنك
ام نجمو حنونة بصحتهم الصغار بوسة كبيرة ليهم

[oum ibrahim]

ام اسلام البارح للاسف ماقدرتش نصور كانو عندي ضياف و انا مزروبة في انتظار صورك اكيد اممممممم
بالنسبة لبوراك بالتون
بطاطا طايبة مرحية بالفرشاة +تون بالزيت +معدنوس مقطع +بيضة مغلية مقطعة +زيتون مقطع +ملح + كمون و تقدري تاني تخلطي مع البطاطا جزر طايب و مطحون كل واحد و ذوقو و في كل انواع البوراك حتى الي باللحم يعجبني هذا اممممممممم

[لحن الحياة.]

صباح الخيييييييييييييييييييييييييييير

[islam1aya]

شكلرا يا العزيزة نجربو ونرجعلك الخبر
وبصحتكم اللمة مع الظيوف

[لحن الحياة.]

المشاركة الأصلية كتبت بواسطة oum ibrahim

ام اسلام البارح للاسف ماقدرتش نصور كانو عندي ضياف و انا مزروبة في انتظار صورك اكيد اممممممم
بالنسبة لبوراك بالتون
بطاطا طايبة مرحية بالفرشاة +تون بالزيت +معدنوس مقطع +بيضة مغلية مقطعة +زيتون مقطع +ملح + كمون و تقدري تاني تخلطي مع البطاطا جزر طايب و مطحون كل واحد و ذوقو و في كل انواع البوراك حتى الي باللحم يعجبني هذا اممممممممم

شكرا ام ابراهيم عالوصفة ليوم نجربها

[ام سهام 02]

يوم سعيد و مبارك للجميع ز الف مبروك لناجحين في الBEM و لعقوبة للصحاب الباك
فطورنا كان البارح شربة مرمز و بوراك في الفرن و اوردوف و طاجين الزيتون مفور و لحم الحلو و فلون و الحمد لله يا ربي على رزقك