الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 26

omomnia15 · 2014-06-05, 14:38

مكاين والو على البيبي متتقلقوش ربي يخليكم روحو للمسموح نقصرو هنا ممنوع ذرك اجيكم مسعودة هههههههههه

mimi53 · 2014-06-05, 15:05

لبنات السلام عليكم راني نحاول نحط الصور محبوش يتحملو وعلاش

future maman · 2014-06-05, 15:11

السلااااااااااااااااااااام عليكم

الله يبارك طيابكم يسخف ..قتلتوني بالسخفففففففففففة بصح الوحم فشلني مانيش نطيب الا الضروري المتحتم

قولولي الله يخليكم هادي مرتين ندير كيك ويتنفخ في الفرن وكي نجبدو يهبببط !!!! ويكون شبه طايب من داخل

رغم اني نحترم المقادير

وش هي اسرار نجاح الكيك ....جاوبوني زوجي راه ضحك عليا

عطرالذهب · 2014-06-05, 15:51

اقتباس:

المشاركة الأصلية كتبت بواسطة future maman

السلااااااااااااااااااااام عليكم

الله يبارك طيابكم يسخف ..قتلتوني بالسخفففففففففففة بصح الوحم فشلني مانيش نطيب الا الضروري المتحتم

قولولي الله يخليكم هادي مرتين ندير كيك ويتنفخ في الفرن وكي نجبدو يهبببط !!!! ويكون شبه طايب من داخل

رغم اني نحترم المقادير

وش هي اسرار نجاح الكيك ....جاوبوني زوجي راه ضحك عليا

اختي اول حاجة ممكن لخميرة ياسر لانو كل 3 بيضات لازملهم 1 خميرة
وثانيا حرارة الفرن لازم تكون متوسطة
ثالثا عمرك ماتحلي باب الفرن قبل 20 دقيقة الاولى

lyzzabel · 2014-06-05, 15:51

Future maman ربي يكملك بالخير و الكيك راكي ما خليتيهش كمل الطياب ،، لازم تصبري عليه و خليه يطيب على مهله في 160 ولا 150 درجة يعني على حساب الفرن تاعك لمدة ساعة حتى ساعة و 45 دقيقة و باش تتأكدي بلي طاب دخلي سكين ناشف و لاكان خرج مشمخ اعرفي بلي مازال خصه طياب و لا خرج ناشف خلاص راه طاب ،، نتمنى نكون ساعدتك حبيبتي و بالتوفييييييق

مرام 1987 · 2014-06-05, 16:22

السلام عليكم
صحا ليكم غداواتكم وبصحتكم قهيوتكم والصائمات ربي يتقبل إن شاء الله ما تنساوناش من الدعاء
ماما كيف صايمة ربي يتقبل منها ومنكم آمين
واش راحين تديرو للعشا سؤال يومي لا ينتهي
اللهم بارك لنا في شعبان وبلغنا اللهم رمضان

أم محمد تاج · 2014-06-05, 16:30

سلامووو حبيباتي وصح غداواتكم وصح قهيوتكم ياغاليات
حنونتي ام ياسوو ربي يقبل عليك ويساعدك يارب وجبتلك حاجة ممممممممممممممم
عسلاية مواح حنونتي الله يخليك على الفقوووس بصح مانحبوش نحب الدلاع
الله يبارك كلش لي حطيتوووه روووعة روووعة ماشاء الله يافحلات
ام ياسوووو قلشناك اليوم سردينة عسلاية وكرام ديسار من عندي اووووووووووو ههههههههههههه

كي شفت كرام ديسار حنان رحت نجري درتووو ممم بميلكا شبعت لسييييييح ههههههههه

وهاذي خص نص لام ياسووو حرام صايمة حنونتي

lyzzabel · 2014-06-05, 16:32

حبيبتي ماري هذا السؤال الذي اصبح كابوووووس خخخخخخخ ربي يتقبل من الوالدة الكريمة و من كل الصائمين
صح قهوتكم حبيباتي ،، ويييييينكم
ام ماجد
ام برهووووم
ام ياسو
سكرتي الحلوة
....................

استغفر الله العظيم من كل ذنب عظيم

lyzzabel · 2014-06-05, 16:39

ااااا سكرتي الحلوة مساء النوووووور كنت غير دروك ندير في نداء عام حتى لقيتك دخلتي هههه شفتي القلوب يعطيك الصحة على التحلية انا تاني غير دروك كنت نشوف فيها في موضوع نينا فرات و عجبتني بصح الموصايب لي عندي ما ياكلو والو

أم محمد تاج · 2014-06-05, 16:41

عسلايتي الغالية يسقسي عليك الخير والقلوب عند بعضاها يا اعز اخت
ماري حنونتي عشايا بانيني سخفت عليه مين شفت حنان داراتو بصح راح ندير وصفتي وطريقتي وخلالالالالالاص وضرك نخرج مع زوجي ح نشري قماش نوجد لدرس نهار السبت تاع لخياطة

omomnia15 · 2014-06-05, 16:48

صح قهيوتكم رايحة ندير عشا جواز باللحم والفيونداشي والحمص شفت وحدة دارتو اليوم والله معلابالي شكون سخفتني

lyzzabel · 2014-06-05, 16:48

مممممم خليلي حقي تاع البانيني ههههه ،، انا ن ع ما خلانيش نشري بانينياغ قالي الأكل لي يطيب فالكهرباء مشي مليح للصحة و راهي قاعدة في خاطري
العشا عندي لحم العجل و مازال ما قررتش كيفاش نديرله

مرام 1987 · 2014-06-05, 16:49

اللهم آمين ربي يتقبل من ماما ومن جميع الصائمات ولي ما صايمينش ربي يقدرنا ونصومو بإذن الله
أهلا بالغالية أم تاج واش حوالك وبصحتك التحويسة برا والبانيني وصح قهيوتك
ما تنسايش تصوريلنا البانيني لعشيا وصوريلنا القماش لي تشري

omomnia15 · 2014-06-05, 16:54

ام تاج بصحتكم البانيني ليزا كاينة مقلى فيها الخطوط كيما تع التريسيتي وانت اضغطي عليها بكاش حاجة تسوى 70 الفبلاك كي تتسرحي اخرجي اشريها

lyzzabel · 2014-06-05, 16:54

ام أمنية بصحتكم الجواز واقيلا شفت عازفة الناي حطاته

لا اله الا الله وحده لا شريك له له الملك و له الحمد و هو على كل شيء قدير