= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ = - الصفحة 26

lakhdarr99 · 2013-03-07, 21:50

السلام عليكم

شكرااا

mahmoud 400 · 2013-03-07, 22:05

مرحبا اختي السطايفية
هل لي بشرح مفصل عن الشهادة الاكاديمية والمهنية شرح مفصل سمعت ان المهني تحضر غي الامتحانات وهدا يساعدني خاصة مع حالتي المرضية وشكرا

سطايفية بكل فخر · 2013-03-08, 12:06

اقتباس:

المشاركة الأصلية كتبت بواسطة lakhdarr99

السلام عليكم

شكرااا

العفو واجبنا

سطايفية بكل فخر · 2013-03-08, 12:12

اقتباس:

المشاركة الأصلية كتبت بواسطة mahmoud 400

مرحبا اختي السطايفية
هل لي بشرح مفصل عن الشهادة الاكاديمية والمهنية شرح مفصل سمعت ان المهني تحضر غي الامتحانات وهدا يساعدني خاصة مع حالتي المرضية وشكرا

بداية اهلا بك اخي كيف حالك اتمنى ان تكون بخير وصحتك تحسنت
ربي يشفيك اخي وطهورا ان شاء الله

ثانيا ما سمعته خاطئ اخي انا راني ليسانس مهني ونقرا عادي وساعات نقرا اكثر من صحاب الاكاديمي
+
الفرق بين المهني والاكاديمي انو المهني معندوش ماستر مي كاينين في بلادنا لي عندهم
اما الاكاديمي فعندهم ماستر ودوكتوراه
ثاني فرق انو عدد المواد في الليسانس المهني مركزين على الجانب التطبيقي كثيرا لانو تخرجك للمجال المهني
اما الاكاديمي فالنظري عندهم بزاف واكثر من التطبيقي

بالتوفيق لك اخي نصيحتي ليك خير شعبة فيها عدد المواد قليل وادا ملقيتش ابلوكي عامك حتى ترتاح ويرحمها ربي صحتك اولا كما سبق وان قلت لك اخي

mahmoud 400 · 2013-03-08, 12:59

ربي يحفظك اختي على الشرح المفصل و الواضح

khadidja ben · 2013-03-08, 13:42

السلام عليكم
انا تحصلت علي المعدل في السداسي الاول غير ان هناك وحدة لم اتحصل عليها يعني عندي فيها اقل من 10 هل ادخل للاستدراك ام لا ارجو المساعدة من فضلكم

سطايفية بكل فخر · 2013-03-08, 14:52

اقتباس:

المشاركة الأصلية كتبت بواسطة khadidja ben

السلام عليكم
انا تحصلت علي المعدل في السداسي الاول غير ان هناك وحدة لم اتحصل عليها يعني عندي فيها اقل من 10 هل ادخل للاستدراك ام لا ارجو المساعدة من فضلكم

ادا كان عندك معدل 10,00 فما فوق فلن تدخلي الراتراباج حتى لو مخرجتيش عدة وحدات
اما ادا كان معندكش 10,00 ففي هده الحالة تدخلي في الوحدة لي مخرجتهاش
بالتوفيق

yacine-08 · 2013-03-09, 12:29

سبحان الله كيما قلتي اختي السطايفية

المواد التي كنت داير راسي خدمت فيهم خرجوا نقاطهم عادية و المواد التي كنت اعتقد انني -خبزتها - فيهم خرجوا نقاط جيدة

لكن الحمد لله لحد الان لم اجلب اي نقطة تحت المعدل حتى ان في احد المواد معاملها 4 اعطتني نقطة الكاملة 20/20 وانا لم اصدق دلك لالن الاساتدة دائما يطرحون سؤال واحد في الاخير لا احد يستطيع الاجابة عليه ودلك لكي لا يصل الطالب الى العلامة الكاملة ..

سطايفية بكل فخر · 2013-03-09, 12:53

اهلا اخي ياسين واش احوالك
+
هههه وليت نضرب خط الرمل ونعرف واش تخدم واش متخدمش
والله انا عندي ثلاث سنين في الجامعة توجور لي نقول خدمت نلقا روحي ندبتلها ولي نقلق روحي على جالها ونقول متخرجتش نجيب فيها مليح وطلعلي الباقي
+
ايييييييييه مبروك عليك والله فرحتني والله كنت خايفة عليك تتخلط في ل م د مي معليش راك سلكت راسك
+
انا من الثانوي مجبتش عشرين العام لي فات كنت نستاهلها وكلش صحيح عندي مي الاشتاة محبتش تمدهالي قاتلي كون نحطلك 20 نعقبك برابور للادارة قلتلها قابلة لاني واثقة في روحي مي هي محبتش تدي نقاطي بلا سماح
+
مليح كي خرجتها سيرتو 4معامل تقدر تخرج قطع موديلات وزيد انت معندكش تحت 10 لحد الان وهدا يسهلك طلع السداسي بلا مشاكل
بالتوفيق ليك اخي ياسين والعقبى لباقي المواد

yacine-08 · 2013-03-09, 13:33

لحمد لله اختي السطايفية ،، راكي عارفة نسلكوا فقط ..

سوال عليك ،، هل من تقدم في الميموار تاعك ...

+

هههههه والله هادي كاش عفسة كاين في الجامعة ،، بعض الاحيان حتى الاستاد عندما يرى كامل الطلبة خادمين عنده يزير في التصحيح ويختلق امور غير موجودة اصلا ويطلب وجودها لكي تأخد العلامة ...

+
انا ايضا لم احصل على علامة كاملة في كل سنوات الليسانس كنت اقترب وفي بعض المواد التي معاملها صغير وسهلة لكن علامة 20 في معامل 4 هو شيئ ايجابي يحسب لـ الاستادة التي اعطت النقطة نسبة الى ما كتبت لها وليس الى شيئ اخر ،، حتى ان اصدقائي اخدو ورقتي و بدأو يقارنون الاخطاء التي قاموا بها وقالوا لي ورقتك ههي الاجابة النمودجية هههههههه

+

الله يبارك فيك اختي العزيزة ،، ردودك في المنتدى هي التي تفرح و تسر وتنور المنتدى .

ان شاء الله فقط تساعدنا هده النقاط على غلق هدا السداسي ونسيانه للدخول نفسيا و بدنيا وفنيا في السداسي التاني خخخخ

سطايفية بكل فخر · 2013-03-09, 13:49

اقتباس:

المشاركة الأصلية كتبت بواسطة yacine-08

لحمد لله اختي السطايفية ،، راكي عارفة نسلكوا فقط ..

سوال عليك ،، هل من تقدم في الميموار تاعك ...

+

هههههه والله هادي كاش عفسة كاين في الجامعة ،، بعض الاحيان حتى الاستاد عندما يرى كامل الطلبة خادمين عنده يزير في التصحيح ويختلق امور غير موجودة اصلا ويطلب وجودها لكي تأخد العلامة ...

+
انا ايضا لم احصل على علامة كاملة في كل سنوات الليسانس كنت اقترب وفي بعض المواد التي معاملها صغير وسهلة لكن علامة 20 في معامل 4 هو شيئ ايجابي يحسب لـ الاستادة التي اعطت النقطة نسبة الى ما كتبت لها وليس الى شيئ اخر ،، حتى ان اصدقائي اخدو ورقتي و بدأو يقارنون الاخطاء التي قاموا بها وقالوا لي ورقتك ههي الاجابة النمودجية هههههههه

+

الله يبارك فيك اختي العزيزة ،، ردودك في المنتدى هي التي تفرح و تسر وتنور المنتدى .

ان شاء الله فقط تساعدنا هده النقاط على غلق هدا السداسي ونسيانه للدخول نفسيا و بدنيا وفنيا في السداسي التاني خخخخ

واش من تقدم كاش مخلاتنا لقراية نبداو حتى الاساتدة زادونا همهم ليرابور تاع الخرجات العلمية لالبحوث التيبيات السطاجات خليها لربي برك الميموار نكتب فيها زوج حروف في الليل
+
وي كايينين اساتدة يدخلوك راتراباج بلعاني لانو سالكين عليه الحمد لله حنا معدناش هدي العفسة في معهدنا الواحد يقول كلمة حق
+
مليح على الاقل خلات مورالك يطلع وتتخفز باش تقرا السيماستر الثاني
+
قل الاصدقاء قارنو ومتعاينونيش ومتحسدونيش هههه
+
بديتو السداسي الثاني او لا
حنا رانا قريب ناصفوه خليها لربي تعب الامتحانات مزال مكملناش وزادولنا ضغط لقراية راني نخمم ندير كونجي ملادي لاني عدت منريزيستيش

* عبد الجليل * · 2013-03-09, 14:32

مساء الخير عليكم واش نسيتو خيكم عبد الجليل نتمنى تكونوا كامل بخير وخصوصا الاخت سطايفية والاخ ياسين
+
المهم احنا بداو يافيشولنا النقاط والله ماكنت نتوقعها واش ندير فيها ممكن تساعدوني مي ان شاء الله نخرجهم كيما تقولوا نتوما ( نبلعهم )
+
وكاين واحد معماملوا واحد مابلعتوش يا حافيظ راني حاب ناكل الجيفة كل التعب اللي تعبته ومرضوني وماكانش نقاط تشرف
+
ومازالوا باقيين اللي مافيشاوش ربي يستر برك
+
ادعولي نبلع في اللي جايين وشكرا جزيلا لكم
+
ونقول لخويا ياسين ربي يوفقك والله فرحتني بما قلته حسستني بلي انا اللي ديتها 20

السلام عليكم

سطايفية بكل فخر · 2013-03-09, 14:51

اقتباس:

المشاركة الأصلية كتبت بواسطة فارس القلم

مساء الخير عليكم واش نسيتو خيكم عبد الجليل نتمنى تكونوا كامل بخير وخصوصا الاخت سطايفية والاخ ياسين
+
المهم احنا بداو يافيشولنا النقاط والله ماكنت نتوقعها واش ندير فيها ممكن تساعدوني مي ان شاء الله نخرجهم كيما تقولوا نتوما ( نبلعهم )
+
وكاين واحد معماملوا واحد مابلعتوش يا حافيظ راني حاب ناكل الجيفة كل التعب اللي تعبته ومرضوني وماكانش نقاط تشرف
+
ومازالوا باقيين اللي مافيشاوش ربي يستر برك
+
ادعولي نبلع في اللي جايين وشكرا جزيلا لكم
+
ونقول لخويا ياسين ربي يوفقك والله فرحتني بما قلته حسستني بلي انا اللي ديتها 20

السلام عليكم

اه اخي عبد الجليل غيرت اسمك مبروك عليك الاسم الجديد رددت عليك المرة الماضية لكني لم اعلم انك انت
كيف حالك اخي كنت اظنك لا تدخل بسبب امتحاناتك ولم اعلم انك انت
+
بالتوفيق لك اخي وان شاء الله تخرج بدون ما تدخل راتراباج
خليها على ربي هو ميظيعش عمل اي واحد

* عبد الجليل * · 2013-03-09, 15:09

اقتباس:

المشاركة الأصلية كتبت بواسطة سطايفية بكل فخر

اه اخي عبد الجليل غيرت اسمك مبروك عليك الاسم الجديد رددت عليك المرة الماضية لكني لم اعلم انك انت
كيف حالك اخي كنت اظنك لا تدخل بسبب امتحاناتك ولم اعلم انك انت
+
بالتوفيق لك اخي وان شاء الله تخرج بدون ما تدخل راتراباج
خليها على ربي هو ميظيعش عمل اي واحد

ايييييييه اختي سطايفية بارك الله فيك لقد غيرت اسمي وانا الحمد لله كملت امتحاناتي كيما خبرتك وربي يسهلنا كامل ان شاء الله ديما منورتنا يا سطايفية ربي يخليك ويحفظك

سطايفية بكل فخر · 2013-03-09, 15:18

اقتباس:

المشاركة الأصلية كتبت بواسطة فارس القلم

ايييييييه اختي سطايفية بارك الله فيك لقد غيرت اسمي وانا الحمد لله كملت امتحاناتي كيما خبرتك وربي يسهلنا كامل ان شاء الله ديما منورتنا يا سطايفية ربي يخليك ويحفظك

الحمد لله
ربي يوفقنا اجمعين ان شاء الله