الجزء 66 من واش طيبتي اليوم - الصفحة 26

النرجووسة · 2014-03-29, 20:24

راياض الله يسلمك حنونة بصحت عشاك تصبحي بالف خير

الأمنيات · 2014-03-29, 20:47

السلام عليكم وصح عشاكم درت حريرة وشكشوكة الدنجال تاع ام ابراهيم ربي يذكرها بالخير

lilouchaf · 2014-03-29, 20:58

صح عشاواتكم كامل

انا درت بيتزا او سالاد دو فروي

إلهام07 · 2014-03-29, 21:07

مساء الخير

هذو طياباتي كنت رايحة نحطهم في كوزينتي بصح كلش بالمكتوب وماشي خسارة فيك نرجوسة

نبداو بهذي تنحي العين خخخخخخخخخخخخخخخخخخخخخخخ
قراتان بطاطا بالبيشاميل وفرماج نسيتو في الفرن حتان نشف هذاك النهار كنت مكرزة وماشي حابة نطيب
شه فيهم

سكر للمناسبات مانحبوش ملون درتو أبيض

روطي جاج

سلة الفواكه الشهيرة نتاع ماما ظل تعدل فيها

هذي نص شارلوت ونص سلطة فواكه ههههههههههههه اختي تتمهبل

تارت برالين

ليموناضة عبير نظل نعاود فيها ساهلة وبنينة واقتصادية

أرز في الفرن بالكرام فراش والاسكالوب وصفة السطايفية بصراحة ناقصة شوية ناشفة تحسي الوصفة خاصتها حاجة

مالا كي كرزت على هذا الروز بعد يومين عاودتو بطريقتي وإن شاء الله نحطها موضوع لانو بنين واقتصادي وساهل خلاص وأكيد تدعيولي كيما دعيتولي على التارت

عيش حااااااااااااار يهبل بالقديد والفرماس والطماطم المجففة
عيش نتاع عجايز واش تمنيتكم تذوقو عيشي راجل اختي ماياكلوش كون تقتليه وكي نديرو ياكل ويطلب الزيادة

هذي الأربعاء اللي فاتت عرس بنت عمتي طلبتنا نطبقولها لي سارفيات دارتلها أختي هذي للقهوة

عشاء ضياف غفلة

انا نصور وماما مكرزة

كفتتة داوود باشا نتاع المطاعم السورية سرقت الفكرة وموديفيت شوية

وهذي ثاني

هذي طلعت تعشيت عند اختي انا نصور وراجلها يضحك

قاطو اسبانيول نتاع فلة لذيذ قسمت العجينة بالميزان وحليتها وحاطة على كتفي الميطرة ونكيل باش يطيحو قدقد هههههههههههههههه تشوفيني تقول مهندس ولا خياط قاعد يفصل بصح جاو قدقد بالشعرة
وصح لازم ربعة وعشرين ساعة بالتمام قبل لا تاكليه باش تروح منو ريحة الزبدة بصح الكريمة جات بزاف رميت ربعها

قطعتو كيما الباتيسري

اسكالوب بالكرام فراش مع ارز على طريقتي

وهذو سارفيات طبقتهم أنا واختي ثاني لبنت عمتي للحنة درنا زوج ألوان

مقرونة بالفراميج والاسكالوب واللحم المفروم كانو عندي فضلات

وهذي تارت نتاع الحنة نتاع العرس

وهذا التطبيق اللي راني فرحاااااااااااااااااانة بيه بزااااااااااااااف مادلان السميد نتاع أم اماني يهببببببببل
تقولو بسبوسة يهبل ممممممممممممممممم وخاصة كي كثرت فيه الزاست وكان ماعنديش اللوز ايفيلي رشيت نواد كوكو
بصح جا بنين يقتل وبنين

دهنتو بمعجون التشوينة كلاولو الحب وبقات لا صوص استعملتها مممممممممممممممممممممممممممم

مثلجات اقتصادية نتاع الهام آية بطعم التوت

سلطة فواكه

واليوم تعشينا تليتلي وتكاسلت نصورو واصلا ماصورتش بزااااااااااااااف اطباق برابش وشخاشخ وروطيات ووووو ياخي تعرفوهم

تصبحو على خير

ادرارية · 2014-03-29, 21:15

على سلامتك لهووووووووووووومة ان شاء الله تكوني ريحتي وكلشي بالطبع

x ام رحاب x · 2014-03-29, 21:29

ليلو بصحتك البيتزا تاع الطاجين نعرفها من بكري بنتها هايلة بصحتكم مطرح مايسري يمري
ام رياض بصحتك الغشا حبيبتي مطرح مايسري يمري
نرجوسة صحة فطورك وصيامك في الجنة
امنيات بصحتك العشاء حبيبتي
ام محمد تاج بصحتك العشاء
الهام يعطيك الف صحة كل يوم متالقة باطباقك تسلمي

x ام رحاب x · 2014-03-29, 21:31

مسا ء الخير ادراري ريحتي حبيبتي ماكيش تباني بزاف

الأمنيات · 2014-03-29, 21:34

الهام تبارك الله عليك يعطيك الصحة اختي
ام رحاب الله يسلمك
ادراري واش راكي

ناهدوران · 2014-03-29, 21:40

اختي ام رياض ايسقسي عليك الخير و كان غدايا مقرونة بلاصوص بيشامال اتمبيت لوكان كنتي معايا على الغداء وسلادة و الديسار كان عصير و بنان

ناهدوران · 2014-03-29, 21:50

اختي الهام يعطيك الصحة كل شيئ رووووووعة يعجز اللسان عن ما يقول تحفة من كل شيئ..................... فنانة موهوبة
وقالتلك بنتي اعطيني الوصفة النتاع السكر وكيفاه عملتيه وشكرا لهومة

ام احسان · 2014-03-29, 21:56

ألف مبروووك على الكوزينة

اقتباس:

المشاركة الأصلية كتبت بواسطة lahna moka

هاهو الباروك تارت أم مروان رووووعة

معليش تتفضلي علينا بالوصفة جزاك الله خيراً؟

إلهام07 · 2014-03-29, 22:12

ناهدوران السكر اكثر من تلفه غير تحطي السكر في صحن وترشيه بماء زهر على خفيف وتخلطي مليح وتزيدي الماء غير بملعقة صغيرة برك لازم يكون مشمخ بصح ماشي بزاف
وتكوني شعلتي الفور وسختنيه مليييييييييييييييح من قبل
وتحطي السكر وترصيه مليح في مول السيليكون ودخليه للفرن وطفي الفرن وخليه ساعة ولا زوج المهم حتان يبرد الفرن كي تنحيه تلقايه كيما شفتي وغذا حبيتيه ملون ذوبي الملون في ماء الزهر ماشي تحطيه مباشرة
وملاحظة لو كان يبكون ناقص ماء رايح يجيك من بعد يفتت

تصبحي على خير وسلميلي على بنتك ناهدوران

النرجووسة · 2014-03-29, 22:15

الهام ماااااااااااااااااااااااااااااااااااشاء الله عليك داءما متالقة
ام رحاب الله يسلمك بصحت عشاء حنونة
ادراري بصحت عشاء
ناهد دوران ام احسان بصحت عشاكم
تصبحون بالف خير

النرجووسة · 2014-03-29, 22:17

ليلوشاف بصحت ك البيتزااااااااااا هاءلة امممممممم

ادرارية · 2014-03-29, 23:07

بصحتكم العشوات والامنيات وام رحاب هاد الويكاند كنتلاهية كل يوم ميناج خاطرش كل اليو م الريح او زيد كنت نخرج حوايج الصيف وندخل حوايج الشتا وتطباق الخزاين راهي رقبة واقفة عليا بالشقا