وصفات حراير الكوزينة الجزء الثاني - الصفحة 26

idron0 · 2015-02-14, 12:56

الروز بالفيونداشي om hadil

هاذ الروز ساهل بزاف ويساعدني نهار الي نكون باحرتلي فالعشاء
ولا نكون عيانة في ساع يطيب وبنين بزاف جربيه وتشوفي
اولا تقطعي بصلة وترابيها تحطيها في طاجين ولا كوكوط كما تبغي دري عليها تقريبا فنجان تاي زيت
وتخليها تتقلى تزيدي عليها سنينات تاع ثوم قد ما تكثري يجي بنين خليهم يتقلاو مع بعض وانتي تحركي حتى تشوفي
لونهم ولا اصفر تكون عندك لحم مرحي زديه عليهم وخليه يتقلى دري سكنجبير فلفل اسود قرفة والملح طبعا و زيديلو حبة جومبو.
زعفران وقد مغرف صغيرة طماطم مصبرة والي متحبش مديرهاش من بعد مرقي انا ندير عيني ميزاني فالماء
حطي فيه وريقة رند وخليه يطيب على نار قليلة حتى ينشف وقدميه بصحة والهناء.
ملاحظة :انا نستعمل الروز المفور وتحطيه يابس فالمرقة بعد ما تغلي ومرة على مرة تخلطي غير بشوية.

إضغط هنا لرؤية الصورة بحجمها الطبيعي.

idron0 · 2015-02-14, 14:09

السفنج oum ibrahim

ندير عيني ميزاني
كمية فرينة تقريبا رطل مع مغرف اكل سكر ووحدة خميرة الخبز ووحدة حليب غبرة و ملح و نبدا نعجن بالماء و نخبط باه ندخل الهواء و لازم العجينة تجي شوية جارية انو لوكان تكون ناشفة ما يخرجلكش السفنج خفيف عن تجربة مرة درتها ناشفة شوية خرجلي مليح بصح ماشي كما هذا جا يقرمش من برا و طري من داخل ونخلي العجينة تخمر تقريبا ساعة و نسخن الزيت و ندير اناء فيه شوية ماء نغطس يديا فيه و نقطرهم مليح و ناخد كمية من العجين و نحاول نشكلها بين يديا و نرميها في المقلاة و نرمي عليها الزيت و نخليها تطيب و تتحمر و نقلبها و تقدميه هكذاك او ساعات نقدمو بالعسل اممممممممممم .

إضغط هنا لرؤية الصورة بحجمها الطبيعي.

idron0 · 2015-02-14, 22:05

وصفة المادلين عطر الذهب

3بيضات +تكيلي بعلبة الياؤورت سكر تخلطي ملييح مليييح +نفس الكيلة زيت وتخلطي +علبة ياؤورت +مبشور الليمون +3كيلات فرينة معاها 1 خميرة الحلوى وتطيبيها عادي وانا زينتها بالشوكولا مبشورة
جربيها لانها فعلا مادلين مش موسكوتشو في ليكيسات ههههههه احسن وصفة جربتها واكيد راح نعتمدها دايما .

idron0 · 2015-02-14, 22:15

قاطو البرانساس دائمة الحمد

إضغط هنا لرؤية الصورة بحجمها الطبيعي.

مكسرات لوز وجوز وبيستاش مرحيين
هي تقريبا نفس وصفة المشكلة لكن دون عجينة
الوصفة الاصلية 3انواع من المكسرات مرحيين ارطب شوي من تاع البقلاوة بالصح ماشي بودر
3كيلات من النوع الاول مثلا لوز كيلة غير ربع سكر
اكستري تاع الفاني غبرة
نخلطهم ونلمهم بالبيض نصب بالقطرة ونشوف مالازمش تكون طرية باش ما يفسدش الشكل في الطياب لازم تكون حاكمة روحها
ونقصها دوائر مشرشفة ونحطهم في بلا مدهون بالسمن ومرشوش بالفرينة ونزيد نعمل للجوز نفس الشيء ونقص بدائرة اقل وندهن الدوائر الاولى ببياض البيض ونحط الدوائر الثانية
نجي للبيستاش نقوم بنفس العمل ونقطعهم بدائرة اقل وندهن ببياض البيض ونحطهم ونجمل من فوق بحبة نوازات
نخلي البلا في مكان بارد اذا كان خدمت الصباح نطيبهم في الليل واذاكان خدمتهم في الليل نطيبهم الصباح
نحطه في الفور يشيحو برك يعني يبقو بيض لازم حراسة مشددة هههه على نارمتوسط وفي وسط الفرن
نشعل من فوق لحظة فقط يشيحو ونخرجهم من الفور يبردو ونعسلهم بعسل دافئء وخلاص.

idron0 · 2015-02-14, 22:21

مقروض بشكل جديد دائمة الحمد

إضغط هنا لرؤية الصورة بحجمها الطبيعي.

لاروسات تاعو روسات المقروظ العادي 3كيلات سميدعادي بكيلة معمرة مليح سمن ذايب ورشة فرينة وملح ارطب بسيه مليح ونحي بالكمية تاع السميد ورشي بالماء زهر ولمي برؤوس الاصابع دون عجن وهزي قطعة من العجين واعملي فيها كويرة تاع غرس منقي ومعجون ومنكه واعمليها كورة صغيرة ثم شكليه بالطول شكل قرن مائل شوي وانقشيه وطيبيه.

um alaa · 2015-02-14, 22:23

البريوش عطرالذهب
ديري كاس ونص حليب +ملعقة اكل خميرة الخبز +ملعقة سكر +ملح +بيضة وبياض والصفار خليه للدهن +8 ملاعق زيت تخلطيهم وتضيفيلهم الفرينة حتى تتحصلي على عجينة متماسكة مايلة لطرية
تخليها تخمر ثم تقسميها خبيزات جابتلي 6 حبات تحليها بالطول وتحشيها شوكولا وتغلقيها وتشكليها خبز وتدهنيها بالصفار مخلط مع شوي قهوة وتذرذري الكاوكاو مرحي وتحطيها في فرن دافيء تخمر ثم تخرجيها وتشعلي الفرن وتحطيها تطيب وكي تخرجيها من الفرن تدهنيها بالعسل وشهية طيبة

*توبــــة* · 2015-02-14, 22:25

عطرالذهب
البريوش راهو وصفتي الخاصة واقتصادي

ديري كاس ونص حليب +ملعقة اكل خميرة الخبز +ملعقة سكر +ملح +بيضة وبياض والصفار خليه للدهن +8 ملاعق زيت تخلطيهم وتضيفيلهم الفرينة حتى تتحصلي على عجينة متماسكة مايلة لطرية
تخليها تخمر ثم تقسميها خبيزات جابتلي 6 حبات تحليها بالطول وتحشيها شوكولا وتغلقيها وتشكليها خبز وتدهنيها بالصفار مخلط مع شوي قهوة وتذرذري الكاوكاو مرحي وتحطيها في فرن دافيء تخمر ثم تخرجيها وتشعلي الفرن وتحطيها تطيب وكي تخرجيها من الفرن تدهنيها بالعسل وشهية طيبة

مطبخ الاحلام · 2015-02-15, 09:48

السلام عليكم

مجهود في المقام

بوركتي خيتو وفي ميزان حسناتك إن شاء الله

هذا يسهل علينآ التصفح ...<3

ودي وشكري

idron0 · 2015-02-15, 10:45

الكرواسون oum ibrahim

تاع لطفي حيمر, حبيت نقولكم انو الكرواسون نتاع برا السر نتاع الريحة نتاعو هو العجينة المخمرة الي يوجدوها يوم من قبل او تقدري تخلي شوية عجين من البريوش او اي عجين فيه خميرة و تستعمليه للكرواسون انا هذا واش نعرف و الله اعلم
500غ فرينة
مغرف كبيرة سكر انا ندير 3 نحب الحلاوة
مغرف كبيرة حليب غبرة
مرف كبيرة خميرة الخبز
مغرف صغيرة ملح
مغرف صغيرة لفاني
مغرف صغيرة محسن انا ماعنديش ندير باكي خميرة الحلوى
فنجان صغير زيت
2 حبات بيض وحدة للعجينة ووحدة للدهن
ماء دافئ
250 غ مرغرين توريق
تخلطي كل المكونات ماعدا الزبدة و تلمي بالماء دافئ تتحصلي على عجينة طرية اعجنيها مليح و خليها تريح 10 دقائق
من جهة اخرى احمكمي الزبدة و اعجنيها مليح بين يديك حتى تبيض و ديريها بين ورقتي زيدة و حللهيها على شكل مربع
حللي العجينة على شكل مستطيل و حطي فوقه مستطيل الزبدة و اغلقي عليه الاطراف
عاودي حللي المستطيل الي تحصلتي عليه و طبقيه على 3 هنا عندك دورة واحدة
كرري العملية هادي 2 مرات اخرين يعني المجموع 3 دورات بسيطة
في الاخير حللي العجينة الي تحصلتي عليها و شكلي الكرواسون نتاعك او البتي بان او البان سويس و احشيه بالشكولا اذا حبيتي
خلطي البيضة مع شوية حليب و قهوة طايبة و زيت و ادهني الكرواسون و غطيه و خليه يخمر من ساعة الى ساعتين
سخني الفرن ملييييييح 200 د ةو دخلي الكرواسون يطيب مدة 15 الى 20 دقيقة حسب الفرن و حمريه مليح
لما تخرجيه ادهنيه بالعسل او معجون او جولي و اذا حبيتي ممكن ترشي عليه سكر قلاصي.
ملاحظة 1:
تقدرو تخدموه في الليل تديرو الادوار نتاع العجينة و تشكلوه و تدهنوه و تدخلو البلا للثلاجة و في الصباح بمجرد ما تنوضو مباشرة للفرن شعلوه و خليوه يسخن مليح و خرجو الكرواسون من الثلاجة يزيد يخمر شوية و طيبوه و طيبو الحليب و تلذذو بيهم سخونين اممممممممممم و هذا الي حطيتو درتلو هكذا و فطرت بيه و ما نقولكمش على الريحة مع الصباح تنوض النايمين ههههههههه
ملاحظة 2:

شكليه و حطيه في بلاتو مدهون او مغلف بورق الطهي و ادهنيه بخليط البيض و القهوة او الحليب و مرات ندير معاه حتى اللبن يعطي لون روووووووووعة و غطي البلاتو نتاعك بكيس بلاستيكي نظيف و ما تضغطيش خلي الكرواسون يخمر براحتو و دخليه الثلاجة
في الصباح خرجيه و خليه بيدما تسخني الفور و تقدري تعاودي تدهنيه لكن برفق باه ما تهبطيلوش الخمور و دخليه يطيب 200 د مدة 20 الى 25 د حسب الفرن و اذا ما تحمرش من فوق شعليلو و حمريه و بس .

إضغط هنا لرؤية الصورة بحجمها الطبيعي.

تحريفات في الكرواصون عطر الدهب
اولا لخميرة طلعتها وحدها وبليت لعجينة بلا خميرة وعجنتها بخليط لخميرة لانو المرة اللي فاتت كي خلطت الخميرة مع الفرينة ومن بعد بليت لعجينة ماحبتش تخمر
كي شكلتهم حطيتهم في بلاطوات وغطيتهم ببلاطوات اخرين وحطيت الطاجين فوق الطابونة وشعلتها باش تسخن الكوزينة ويخمرو مام با ساعة لقيتهم تضاعفو
كي طيبتهم حطيتهم في فرن سخوووووون واول ماحطيتهم نقست للفرن رجعتو 180 درجة طاب وخمر في غرضو وطاب من تحت وفوق بلا مانشعل من فوق .

تحريفات زينب 83

لبنات الكرواسون خرج هايل و خفيف فوق اللازم و جا فيه الريحة تاع الكرواسون تاع برة هذه المرة استعملت وصفة الغالية ام ابراهيم مع التحريف ، استغنيت عن الماء و لحظة ، استعملت كاس و نص لبن دفيتو فوق النار ، نحيت كاس اللبن الدافىء درتلو المغرف تاع لخميرة و كمية السكر و خليتها خمرت مليح حتى ضربت فيها ريحة التخمار و مباعد زدت الفرينة و باقي المكونات حتى نتحصلو على عجينة و اذا جاتكم ناشفة زيدو اللبن بشوي حتى تولي كيما حابينها ، و درت نصائح عطر الذهب بصح انا مادرتش طابونة لانو طابونتي خارج الكوزينة انا درت برمة تاع الكسكاس و خليتها تغلي و غطيت الكرواسون بالبلاستيك و خليتو يخمر على الأكثر ساعة غير ربع و الصراحة جا هايل

اللبن خدمتو بطريقة زينب 66 جا كيما تاع صومام

إضغط هنا لرؤية الصورة بحجمها الطبيعي.

um alaa · 2015-02-15, 14:04

خبز الشعير زينب 83

كيلة دقيق شعير و كيلة فرينة و كيلة و ربع حليب دافئ و ملعقة سكر و ملعقة خميرة خبز و ملعقة زيت و بحجم حبة حلوى زبدة و ملعقة صغيرة بيكاربونات الصودا
نخلط الخميرة و السكر و الحليب و نخلي الخيرة تتفاعل بعدها نحطو الدقيق و الفرينة نعجنو ملييييييييح هذا الخبز يحتاج العجن و اخيراً نزيدو الزيت و الزبدة و بيكاربونات الصودا و الملح ، اذا استعملنا زيت زيتون نديرو ثلاث او اربع معالق و مانديروش الزبدة

بعد العجن نتحصل على عجينة مثل المطلوع نخليها تخمر مليييييييح و مباعد تتقرص و تزيد تخمر شوي و طيبيها في فرن سخون
لبلاطو يكون مدهون و مرشوش بدقيق الشعير و من الفوق تدهنيه بالحليب و تزيدي ارشي الدقيق و بالصحة و الهناء

هذا الدقيق لي استعملت

idron0 · 2015-02-15, 15:45

خبيزات lyzzabel

درت رطل فرينة و م ص ملح و م ص سكر و م ك حليب غبرة و خلطت و زدت مقدار ملعقتين كبيرتين زيت الزيتون و م ك مملوءة خميرة الخبز و عجنت بالما دافئ حتى تحصلت على عجينة ملساء و طرية تلصق زدتلها م ك مارغرين طرية و عجنت حتى دخلت فيها ملييييح ،، انا عجنت بالبيتران ،، غطيتها و خليتها رتاحت عشر دقايق الى ربع ساعة،، دهنت يديا بالزيت و شكلت خبيزات صغار و حطيتهم في بلا مدهون بالمارغرين ،، دردرت فوقهم الزعيترة و خليتهم يخمرو و طيبتهم في فرن سخوووون على 220 درجة و مين طابو و تحمرو من فوق درتلهم فرماج رابي درت gouda و شعلت 5ليهم من فوق زوج دقايق فقط و مين خرجتهم درتلهم رشة تاع فلفل احمر حلو ،، هادي فكرة جاتني في راسي و طبقتها خرجتلي رووووعة ههههه.

إضغط هنا لرؤية الصورة بحجمها الطبيعي.

idron0 · 2015-02-15, 15:53

سمك الدوغاد في الفرن ام اماني

إضغط هنا لرؤية الصورة بحجمها الطبيعي.

تتبيلة الحوت كالتالي

ثوم بزيادة+معدنوس+عصير قارص+ملح+فلفل اسود+كمون+توابل خاصة بالسمك تعطيه ذوق رااااائع+فلفل احمر مرحي حار وممكن نعوضه بالهريسة لي يحب الحار اكيييد +طماطم مصبرة+ زيت زيتون

تبلي الحوت مابعد ماتكوني عملتي فيه شقوق بالسكين ودتبليه من الداخل والخارج غطيه وحطيه في الثلاجة على الاقل 3 ساعات حتى يتشرب التتبيلة

من بعد فرشي المول بدوائر البطاطاوحطي الحوتة وحطي بقيية التتبيلة مع القليل جدا من الماءوفرغيه على البطاطا

ممكن تزيدي تقطعي من فوق دوائر من الطماطم والبصل والفلفل واكيد ورقات رند
غطيها بالالمنيوم وطيبيه على نار هادئة كي يطيب البطاطا انزعي الالمنيوم وخليها تتحمر تجي امممم.

idron0 · 2015-02-15, 16:00

السيبيا بالصلصة ام اماني

https://

إضغط هنا لرؤية الصورة بحجمها الطبيعي.

https://

إضغط هنا لرؤية الصورة بحجمها الطبيعي.

اولا نظف السيبا جيدا من بعد نقطعها الى قطع صغيرة

في مقلة نحط الدرسة ثوم كمون رند زعيترةفلفل احمر مرحي انا استعملت الحار فلفل اسود كمية قليلة من البصل ملح وشوية زيت نحطهم على النار من بعد نضيف السيبا وطماطم مرحية وكمية من طماطم مصبرة ونضيف كاس ماء ونخليها تطيب على نار هادئة لمدة نصف ساعة تقريبا انا هنا قدمتها مع الارز.

ملاحظة: السيبياهي من انواع السمك تشبه نوعا ما في الاخطبوط لحمه قاسي شوية لدلك ياخد شوية وقت في الطهي على عكس انواع السمك الاخرى.

idron0 · 2015-02-15, 16:14

اللسان في لاكوكوت wahibaazel

ضعي اللسان في لاكوكوت +البصل شراءح +الثوم +التوابل لي تحبيهم انا نعمل الكسبر فلفل اسود وفلفل احمر مرحي وقرن حار وضيفي ماء سخون وطيبيه انزعي اللسان وانزعيلو هذيك القشرة البيضا اللي مغلفاتو تحبي تنصبي مرقة بيضا وقصي اللسان دواءر حطيه يتقلى مليح مع البصل والتوابل المرقة البيضاء وضيفيلو الزيتون الاخضر وحطيه يطيب يجي روعة.

idron0 · 2015-02-15, 16:50

لسان البقري ام ياسين الزهراء

غليه في الماء والخل والملح ونحيلو القشرة وديريلي حشوة تاع لحم مرحي وزيتون وشومنينو وبصل مقطع وتوابل وغلي البيض واحشي اللسان في الوسط بعد ماتكوني حليتيه بالموس في الوسط يعني كيشغل تخويه كيما نديرو للجريوات فهمتي وتعمريه بالحشو وبالبيض المغلي وتخيطيه وطيبيه في صوص حمراء مع الزيون وازرودية وتخثريها ومنبعد تقطعيه دوائر واللبيض يجي في النص تاع الحشو.