طريقة أكيدة لتصبحي ربة بيت سعيدة

[ام شمسو محمد]

فرراشات كيفاش راكم ....هل أنتن مرفرفات في بيوتكن من زهرة إلى زهرة :
هل كنتن محظوظات بقيام ركعة قبل صلاة الفجر ، هل أقمتن صلاة الفجر على وجه يرضي رب العزة حتى تنعمو بذمته يومكن هذا ، هل أديتن الأذكار لتستترو بحفظه و من تحبون ، هل قرأتن القرآن ...ان لم تفعلو ا فلا بأس حاولن لاحقا .
هل تشعرن أنكن جميلات ، هل راقبت لباسك و تجدينه أنيقا ، هل شعرك مسرح و مرتب ، هل اعتنيت بأسنانك و بشرتك هذا الصباح ....هل و ضعت بعض العطور و الماكياج ....ان لم تفعلي فلا بأس إفعلي لاحقا .
هل اعتنيت بأحبائك ، حضرت الفطور و حرصت على تناولهم له ، راقبت نظافتهم و لباسهم و صلاتهم و أذكارهم ....حتى خروجهم تحت دعواتك و قبلاتك .
هل نظفت وراءك ،أعدت ما استعملته إلى مكانه ، غسلت أواني الفطور و رتبت الطاولة ، جمعت الملابس و شغلت الغسالة ، نظفت الحمام و قمت بكل روتيناتك ....أحسنت لابد و أنك تشعرين الآن بأنك حرررررررة .

[ام شمسو محمد]

لبنات اليوم هو يوم التنظيف الأسبوعي ، و اللي تتبع أسلوب الفراشة راح تكون مقتنعة كيما أنا بلي ساعة التنظيفات الأسبوعية رووووووووعة و إذا استغنيت على كلشي في طريقة الفراشة مش راح نستغنى على هذي الساعة ، صحيح أنها اليوم لول تبان مش كافية و لكن في نهاية الشهر تلقاوها شاملة ، و تعطي وحد الإحساس بالنظافة طول الأسبوع ( air de propre ):زجاج لامع ، أثاث نظيف ، تسيطري على البقع و الآثار ، فراش نظيف ،ماكانش ذرة غبار في أي نقطة من البيت ، أرضيات تشعل ، أبواب نظيفة .
فقط : غيري الدراوات و غلافات المخاد ، و عاودي رتبي السرير ، انفضي الزرابا و التابيات و شمسيهم ،أزيلي الغبار،امسحي الكاروات و المرايات ، امسحي الأثاث و البيبان و ركزي على البقع و الآثار في الحيوط ، شوفي الأوراق رتبيهم و خرجي القمامة ، ،اغسلي الأرضيات ، إذا كانت عندك مكنسة كهربائية شغليها .
كل تاش ديري فيها عشر دقايق فقط و انتقلي منها .
أنا ما عنديش مكنسة كهربائية و ما نرتبش الأوراق في هذا اليوم ، و العشر دقايق تاعهم نضيفهم للتسياق .
استعملي الأدوات السحرية تاع الفراشة : منشفة ميكروفيبر + بخاخة ديري فيها الثلث خل أبيض و الثلثان ماء و زيديلهم خيط رقيق سائل الأواني : روووووعة لإزالة البقع و الآثار و حتى الدهون، لتلميع الأسطح و الفايونص ، و يلمع حتى الزجاج .....هكذا تستغناي على مواد التنظيف الكيميائية الكثيرة و الضارة .

[ام تينة]

الإستغفار" قصه طويله��
بدايتها الدنيا��
ونهايتها الجنه بمشيئة الله��
فلا تصمتوا ابدًا

[ام تينة]

اللااااااااااااااااااااااااااااااااااااااااااااااا ان الاااااااااااااااااان فراااااااااااااااااااااااااشتي الغااااااااااااااااااااالية اغتنمي ركعاااااااات الضحى
الضحى صلاااااااااااااااااااااااااة الاوااااااااااااااااااااااااااااااابين

[ام تينة]

ï´؟أليس الله بكاف عبدهï´¾

����هذا الاستفهام يورث
راحةم€°هدوءم€°طمأنينة

الله الكافي يكفيك همك
وحزنك،وكل ما أوجعك
اطمئن به وتيقن��

[ام تينة]

الضحى الضحى ""حسناااااااات مباركاات تنتظرك يااااغالية

قد سبقكي اخواااتك اليها فالحقي بهن
صلي اختي لعلهااااااااااااااااااااااا اخر الانفاااس

صلي اختي ودكري غيرك

[Sii]

السلام عليكم صح غداكم حبيباتي
بوركت ام تينة كيف حالك ؟
الروتين الصباحي تم ساعة التنظيف الاسبوعية نديرها غدوة ان شاء الله استسمحك ام شمسو لاننا ويكاند وزوجي في المنزل منخدمش على راحتي
درت 20 دقيقة في المطبخ نظفت الثلاجة والكونجيلاتور ونظمت القضيان في الخزانة

[omelbanin]

السلام عليكم، الروتين الصباحي تم ولله الحمد،
تنظيف المطبخ، درت 20د في ليزيليمون، فرغتو مسحتو، واعدت ترتيبو.

[omelbanin]

لبنات كاش تقشف؟
انا بديت شوية نقتصد، خاصة في الاكل، والكهرباء، مثلا البارح قعدتلي مرقة تاع طعام، اليوم درت شربة فريك ورحيتلها هاذيك الخضرة لي فضلتلي البارح.
والله غير التبدير ماشي مليح، انا راني نجاهد، زوجي يحب يشري كلش، وانا كيما علمتني، امي جهينة، كي يجيبلي بزاف خضر نخبي في الكونجيلاتور.
وانتوما واش راكم دايرين فيها.

[Sii]

والله يا اختي ام البنين انا نشتي نقتصد مي زوجي خاطيه هاد الشي لازم لحك غدا وعشا و طياب دايمن جديد ميكلش صابح ملقيت واش ندير معاه بخصوص القضيان نروح معاه كون يروح وحدو يجيب غير السقايط ههه

[Sii]

تعيشي قليلي كفاه تخبي الخضرة في الكونجيلاتور متفسدلكش ؟ كفاه طريقتك مدا بيك تفيديني حنونة

[omelbanin]

حبيبتي سيي انا الخضرة لي نخبيها بزاف هي الطماطم، الفلفل لحلو، ولوبيا ماشطو .
الطماطم نقسمها على زوج ونفورها، اومبعد نحيلها القشرة ونرحيها نخليها تبرد، نفرغها في des goblets ونحطهم في ثلاجه، كي يجمدو نديموليهم، ونديرهم في أكياس.
لوبيا ماشطو ،نقيها نحيلها الرؤوس، نغسلها، ونحطها في ماء نغلي مدة 10د، نحيها وحطيها فوق طرشرن، نشفيها وحطيها في أكياس، كي نجي نستعمل نطيب لاصوص، اومبعد نحيها من الكيس مباشرة في لاصوص بلا ما نخليها تديكونجلا.
الفلفل نشويه ونخبيه ،وكيما الحار نرقدو كامل على جيه..

[sali kanouza]

سلاااااااااااام فراشات
الروتين الصباحي تم الحمد لله
المدخل ماقدرتش ندرو حتى للويكاند الجاي ان شاء الله يكون زوجي قاعد لانو حابة نغسل الباب تاع الدخلة وبما اني نسكن في الطابق السفلي للعمارة لازم الماء نشفو استسمحك ام شمسو نخليه نهار الجمعة ان شاء الله
بالنسبة للمطبخ في المساء ان شاء الله نقوم بغسل خزانة مخصصة للمواد الغذائية وادوات الحلوى

[ام شمسو محمد]

السلام عليكم ...مساء الخير فراشات ..
نحكيو شوية على التنظيف العميق للمنطقة 2 اللي هي المطبخ ، ممكن تكون معاه فيروندا أو بلكون أو حوش صغير .
أهم شي تتخلصو من النقاط الساخنة ، يستحيل نظفو بعمق و عندنا مناطق فوضوية أو غير مرتبة أو تحمل أكثر مما تطيق خففي الإزدحام ، رتبي ، أزيلي الفوضى .
ثاني شيء لازم تكوني أحسنتي هندسة الأشياء في المطبخ ، كل شي عندو مكانو ماكانش حاجة عبثية أو ما عندهاش مكان ، الأسطح شبه فارغة ، الخزاين و ليزيليمو كل رف عندو التخصص تاعو .
الآن ديري قائمة بكل شي في مطبخك يحتاج لتنظيف ، نعطيكم مثال قارنوه مع قائمتكم الخاصة .
_ تنظيف الثلاجة و المجمدة .
_ تنظيف الفرن مع اكسسواراتو .
_ تنظيف الفرن الكهربائي .
_ تنظيف الميكرووند .
_ تنظيف البوتاجي من فوق و من تحت .
_ تنظيف و ترتيب البلاكار .
_ تنظيف الأبواب و النوافذ .
_ غسل الستائر .
_ غسل التابي .
_ غسل الحيوط و الفايونص و الأرضية .
_ تنظيف الأضواء و القواطع و المآخذ ( les prises ).
_ مسح الكوادر و قطع الزينة و الساعة ...
_ تنظيف الطاولة مع الجوانب و الرجلين و الكراسي و الطابوريات .
_ تنظيف الأدوات الكهرومنزلية .
_ تنظيف أواني الطبخ ، و بدون القمامة .

[أريج13]

السلام عليكن كيف قضيتن يومكن ؟؟
الحمام نظفته ليلا،رتبت الاسرة ،التطبيق الجمالي تم ،جمعت اواني الافطار و خرجت للعمل الاذكار قراتهم في الطريق
الان قلت نطل عليكم ونروح للمطبخ بالاضافة الى الروتينات المساىية نزيد 20 دقيقة للمطبخ...
بالتوفيق للجميع