حلقات السيدة يعلى حصريا - الصفحة 26

mimi53 · 2012-06-23, 14:20

اختي سيسي ادا كتبتي وصفة القريوش الطاجين اكتبيها للاخوات انا راني نحوس عليها مسبتهاش ادا عندك اكتبيهالهم دورك راهم يسناو والف شكر حبيبتي
واسمحولي

mimi53 · 2012-06-23, 14:22

سيس وين روحتي حبيبتي

sisi 26 · 2012-06-23, 16:58

شوية و يبعدولي من الميكرو و نحط الوصفة ما تتقلقوش راها عندي شوية و نولي شكرا لكن و عفوا على الاطالة

sisi 26 · 2012-06-23, 18:06

تفضلن قريوش الطاجين عذرا على التأخير
كيلو فرينة + 250 غ مارغرين ذايبة + م ك لفاني بسي مليح بيدك
في بول نتاع شربة حطي حبة بيض + رشة ملح + كأس ماء + كأس ماء الزهر + م ك خل أبيض ضربيهم مليح و لمدي بهم العجينة
نقسمها على 6 كويرات نحل كل كرية رقيقة بالمايزينة على شكل دائرة مع رش المايزينة
نسخن الطاجين و نحلها و نضع الخبزة فوقه تنشف برك من الجهتين نرش المايزينة عليها و نلويها مليح و نلصق ببياض البيض
ميلي سكين مدرج أو بواسطة سكرفاج الأورنج نقطع مقروطات مائلة مليح كل حربوش يدير 6 مقروطات
كل مقروطة حلي أوراقها مليح حتى تولي على شكل نجمة حلي من جهة تتحل الجهة الأخرى وحدها دري حبة قرنفل في الوسط و اقليها في زيت ساخن جدا عل ى نار هادئة يكون لونها أصفر نحيها و عسليها
ملاحظة :
تحبي قبل اضافة الماء و ماء الزهر نقسم الخليط على زوج و نضيف لخليط واحد م ك كاكاو ثم نضيف الماء و ماء الزهر
نقسم العجينة البنية على 3 و البيضاء على ثلاثة ثم نحل بنفس الطريقة و نتبع نفس الخطوات
و نضع خبزة بيضاء و فوقها خبزة بنية ثم نلوي مليح حتى نصل إلى النصف نقطع و نلوي النصف الآخر وحده ثم نلصق ببياض البيض و نقطع مقروطات مايلة مليح و نتبع نفس الخطوات السابقة
أرجو أن أكون شرحت مليح و فهمتوني

mimi53 · 2012-06-23, 19:57

اقتباس:

المشاركة الأصلية كتبت بواسطة sisi 26

تفضلن قريوش الطاجين عذرا على التأخير
كيلو فرينة + 250 غ مارغرين ذايبة + م ك لفاني بسي مليح بيدك
في بول نتاع شربة حطي حبة بيض + رشة ملح + كأس ماء + كأس ماء الزهر + م ك خل أبيض ضربيهم مليح و لمدي بهم العجينة
نقسمها على 6 كويرات نحل كل كرية رقيقة بالمايزينة على شكل دائرة مع رش المايزينة
نسخن الطاجين و نحلها و نضع الخبزة فوقه تنشف برك من الجهتين نرش المايزينة عليها و نلويها مليح و نلصق ببياض البيض
ميلي سكين مدرج أو بواسطة سكرفاج الأورنج نقطع مقروطات مائلة مليح كل حربوش يدير 6 مقروطات
كل مقروطة حلي أوراقها مليح حتى تولي على شكل نجمة حلي من جهة تتحل الجهة الأخرى وحدها دري حبة قرنفل في الوسط و اقليها في زيت ساخن جدا عل ى نار هادئة يكون لونها أصفر نحيها و عسليها
ملاحظة :
تحبي قبل اضافة الماء و ماء الزهر نقسم الخليط على زوج و نضيف لخليط واحد م ك كاكاو ثم نضيف الماء و ماء الزهر
نقسم العجينة البنية على 3 و البيضاء على ثلاثة ثم نحل بنفس الطريقة و نتبع نفس الخطوات
و نضع خبزة بيضاء و فوقها خبزة بنية ثم نلوي مليح حتى نصل إلى النصف نقطع و نلوي النصف الآخر وحده ثم نلصق ببياض البيض و نقطع مقروطات مايلة مليح و نتبع نفس الخطوات السابقة
أرجو أن أكون شرحت مليح و فهمتوني

الله يعتيك الصحة حبيبتي سيسي ربي يخليك انا الدفتر نتاعي مصبتوش حوست عليه ملقيتوش و الاخوات راهم باينين زربانين علا هادي حبيتك تحطيها اليوم ربي يخليك وميحرمناش منك

sisi 26 · 2012-06-23, 20:36

العفو أختي رانا لبعضانا حنونة

mimi53 · 2012-06-23, 21:26

لبنات الي طلبو طريقة قراوش الطاجين
هاده الصور للتوضيح وبعد ادن صاحبتها باش تعرفو مليح كيفاش نتحصلو على الشكل المطلوب

وهادا رابط الوصفة الاصلي ونقول لصاحبته يعتيك الف صحة وعافية ويسلم هادوك اليدين

https://www.djelfa.info/vb/showthread.php?t=999630

assiremhayet · 2012-06-23, 22:21

شكرا على الوصفة ولكن هل نترك العجينة ترتاح أو لا في المرهلة الأولى وضعتو المايزينة ولوتو وفي المرحلة الثانية بين البضاء والبنية هل توجد مايزينةأو لا ندير البنية فوق البيضاء كاين مايزينة كي نجي نلوي وشكرا مسبقا,

mimi53 · 2012-06-25, 18:57

اقتباس:

المشاركة الأصلية كتبت بواسطة assiremhayet

شكرا على الوصفة ولكن هل نترك العجينة ترتاح أو لا في المرهلة الأولى وضعتو المايزينة ولوتو وفي المرحلة الثانية بين البضاء والبنية هل توجد مايزينةأو لا ندير البنية فوق البيضاء كاين مايزينة كي نجي نلوي وشكرا مسبقا,

اسمحيلي على التاخير شوفي حبيبتي
بالنسبة للعجينة خليها ترتاح 1/2 ساعة يعد دلك اخدمي على راحتك
كي ديري البيضاء ثم السوداء او العكس وهدا حسب الرغبة كيما تحبي انت مديريش المايزينة بيناتهم
المايزينة حلي بيها برك ماشي كيما لحنيفيات ديري طبقة سميكة هادا لالا
ورولي العجينة حول نفسها تتحصلي على حربوش قطعيه مقروطات

assiremhayet · 2012-06-23, 22:40

نحي الورقة من طاجين وندير المايزينة ونلوي ولا مكاش مايزينة نلوي مباشرة وفي طريقة الثانية كاين المازينة ولالا والمايزنة نقلي هكاك بها ولا ننفضها وشكرا أشرحولي بالتفصيل لكوني مبتدئة رقم 1,

mimi53 · 2012-06-25, 18:59

اقتباس:

المشاركة الأصلية كتبت بواسطة assiremhayet

نحي الورقة من طاجين وندير المايزينة ونلوي ولا مكاش مايزينة نلوي مباشرة وفي طريقة الثانية كاين المازينة ولالا والمايزنة نقلي هكاك بها ولا ننفضها وشكرا أشرحولي بالتفصيل لكوني مبتدئة رقم 1,

كيما دكرت سابقا لا لا متحطيش المايزينة المايزينة غير فلحنيفيات فقط
تغطسي العجينة في الميزينة باش تفتحي بيها العجينة فقط

assiremhayet · 2012-06-23, 23:05

راني نحيت الورقة البيضاء من الطاجين ندير المايزينة ونلوي ونقطع ولا مندرش المايزينة وفي الطريقة الثانية ندير الورقة البيضاء وندير المايزنة وندير فوقها الورقة البنية وندير المايزينة ونلوي ولا منديرش المايزنة نهائيا وكي نجي نعسل نديرها فالعسيلة ولا نطيب سرو نديرها فيه ولا نحطها في سنواة ونسقي من فوق فهمولي لكوني مبتدئة (العسل في إناء نوضع القريوش في العسل ولا العسل لنديرو من فوقها) العجينة ترتاح ولالا وشكرا مسبقا.

assiremhayet · 2012-06-23, 23:21

العجينة تحل رقيقة أو خشينة، وياريت وصفة حنيفيات سيدة يعلى الله ينوركم وكذلك وصفة حلوة نسكافي ودرجة الحرارة اللازمة للطعي وشكرا

mimi53 · 2012-06-25, 19:01

اقتباس:

المشاركة الأصلية كتبت بواسطة assiremhayet

العجينة تحل رقيقة أو خشينة، وياريت وصفة حنيفيات سيدة يعلى الله ينوركم وكذلك وصفة حلوة نسكافي ودرجة الحرارة اللازمة للطعي وشكرا

عما قريب حبيبتي نديرلك الوصفات والف شكر

assiremhayet · 2012-06-24, 11:36

أين أنتن يالبنات جوبوني الله يحليكوم وشكرا، ياميمي وياسيسي أين أنتن